**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[الذبانه الحايره]

تمام سكره بخير
انتي شخبارج

 

[الذبانه الحايره]

بنات بسالكم متى يلتئم الخياط 100 % يعني متى يصير جماع شرط لازم 40 يوم انا وحده وقف الدم عليها باسبوعين او 20 يوم هل ممكن يصير ؟؟ ولا يأثر على الجرح ؟؟

 

[الذبانه الحايره]

بليز ردوا علي وفي وحده سوت شئ قبل لاتكمل 40 يوم ؟؟؟؟؟ وشكثر اقل من 40 يعني 30 ولا اكثر بليز ردوا علي

 

[الذبانه الحايره]

وينكم محد موجود؟

 

[NoOoN]

السلااااااااااااااااااام عليكم

ومبرووووووووووووك علينا الديوانية يا أمهات ^-^

ثانكس سكوووون عالعزيمه بس وين القطايف
الله يخليلج عيالج يارب ..

انا عن نفسي الحمدالله عندي بنتين وحده عسل عياره والثانية قمووورتي ^-^
عاد الثانية مواليد 7-7-2009 نفس فيوونتج
ان شاء الله يصيرون رفيجات بالمستقبل !!

 

[NoOoN]

بنات بسالكم متى يلتئم الخياط 100 % يعني متى يصير جماع شرط لازم 40 يوم انا وحده وقف الدم عليها باسبوعين او 20 يوم هل ممكن يصير ؟؟ ولا يأثر على الجرح ؟؟

هلا اختي ... والله اعتقد ان الاربعين يوم على اساس تنظفين عدل عدل وماسمعت ان ايصير جماع بالاربعين حتن لو مافي شي! انا الحين بكمل شهرين واحس الجرح يعورني شوي!!
ان شاء الله البنات ايفيدونج اكثر!!

 

[الذبانه الحايره]

مادري انا سمعت اقل شئ 35 صح..؟؟

 

[NoOoN]

والله ماسمعت

بعدين 35 يوم والا اربعين شنو فرقت كلها 5 ايام لاااا وتكونين مرات يايتج الدوره وانتي اب كراامه يعني نطري اكثر من اربعين لووول

 

[الذبانه الحايره]

اها على قولتج مافرقت صج

 

[بحر الغموض]

ام علي الصراف

عادي حبوبه كل ماصكر خشمه حطيله الاوشن سبراي عشر ثواني وبعدين افلبيه على بطنه او خليه فحضنج وخلي راسه الين تحت علشان ينزل كل الوصخ
وعندج بعد شفاطه الخشم تقدرين تستخدمينه بس لا تدخلينها وايد بس يادوب المكان اللي تشوفينه مواكثر

والسبوح اذا تخافين لاتحمميه كل يوم
والنشله ممكن يعطيج الطبيب لها دوا ينشفه بس ما انصحج لان هالشي طبيعي
ولدج ياخذ برد او صفقه هوا
قسري على التكييف اشوي اذا بارد
واذا كان امهد اشوي اشوي فجيه لا ياخذ برد لانه بيكون حيل دافي
حتى وانتي تبدلين له الحفاظ يري بالج من صفقه الهوا

بالنسبه للحليب انتي ترضعينه طبيعي والا صناعي؟
اذا طبيعي اقل من ساعه راح يرضع
واذا صناعي بيطول اكثر بس مو اربع ساعات
واذا نايم حاولي مثل ماتسوين انج تفككينه من المهاده وتحركين ايدينه علشان يرضع
وماعليج الطفل ينام علشان ينمو عنده العقل وجسمه لما يحتاج للحليب راح يقعد يرضع

اي شي تبين تستفسرين عنه البنات ان شاء الله مايقصرون معاج

 

[haytotaa]

شلونكم شخباركم

بس حبيت اسلم عليكم

توها بنتي نامت ففرصه بروح انام

اكلمكم وقت ثاني

...

 

[بحر الغموض]

hytota
زين تسوين نوم العوافي
بهالعمر لازم تنامين اول ماتشوفينها نامت لا تسوين شي غيره لما تنام
والحمدلله على سلامتكم

 

[Anestazya]

مسااااااااء الخير


شلوونكم الكل بنكه


تخيلوا بنات صايره اتفطر بالشقه بروحي ضيقة خلق زوجي يتفطر عند ابوه وانا بروحي مع بنتي صايره ماشتهي اكل وامي فشله كل يوووووووم ازورهاا ههههههههه يعني واسووني

 

[om_3azoz]

بنات من وين اشتري حق القرقيعاان اول شي ماكنت بسوي ,, لان ماكنت بروح بيت يد ريلي لظروف
المهم الحين ريلي قال خلاص روحي ,, قتله عقب شنو متى يمديني اسوي قرقيعاان انا ,,
بس بسوي حق بيت يده ,, اليوم رحت بياع الورد وابها الملكي اللي بحولي ماكو شي مالقيت شي
من وين بنات تشتروون الله يخليكم ابي شي حلووو

مايمدي كلش كلش وين في امكاان جذي

 

[om_3azoz]

ليش حبيبتي تتفطرين بروحج وريلج روحي معاه بيت عمج ,, رمضان وتتفطرين بروحج عيل خلاص دام ريلج يروح بيت عمج انتي روحي بيت امج تفطري ولا تتفطرين بروحج منو يشتهي يكل بروحه

 

[Anestazya]

هلا ام عزوز اشتري جاهز والله في اشياء حلووه عند محلات الحلويات نسيت اسم المحل شوكلت مادري لاكشيت ههههه المهم اريح لج

او اشتري زبيل كبير ورحي محلات مطاحن اشتري كاكاوات غريبه وصغار او مركز سلطان اللي بالجمله يعني خلي كله حلويات وكاكاوات صغاار شي ذرب وحطي معاه حب اذا مافي وقت


والله ماقدر اروح بيت عمي لان ماعندي خداامه وبنتي تحر تتسلط لما اسير تبجي ماتحب احد يشيلها واجد

 

[om_3azoz]

انا مشكلتي مااحب الجاهز ماحب حلاو ايي شي ,,

ايي سمله عليها الله يخليهاا لج ياارب ,, كل اليهال جذي بجي وحنه

 

[al7noona]

بنات بسالكم متى يلتئم الخياط 100 % يعني متى يصير جماع شرط لازم 40 يوم انا وحده وقف الدم عليها باسبوعين او 20 يوم هل ممكن يصير ؟؟ ولا يأثر على الجرح ؟؟

الاحسن مايصير جماع
وان صار لازم تكونين صايرلج شهر او اكثر



وانا والده طبيعي وخياط تجميلي ماطاب الا عقب 20 يوم ولما صارلي شهر حسيت نفسي صرت الحمدالله زينه بس قبل لا عوار وماكنت اقدر اقعد من الخياط وتعبانه الحمدالله

 

[al7noona]

اليوم صارت لي مشكله وااااي ماابي اتذكر


قبل الفطور ب10 دقايق حاطه بنتي على الارض تتقلب واهيا صارلها اسبوع الي قامت تعرف تقلب وانا مستانسه حدي لان الكل يقول عيالنا اقلبوا من صار عمرهم 4 شهور المهم
واهيا تقلب ولا ايدها تنكعف لي ورا وتقعد تصرخ واشيلها يماا ياقلبي ايدها ماقامت تقدر تحركها وحتى انا لو جست ايدها تبجي بجي وقعدت انا ابجي معاها :0bee2e8d89::0bee2e8d89:

ووديناها الراشد وسوالها اشعه الحمدالله طلعت رضه مو كسر الحمدالله الحمدالله والحين قامت ترفعها شويه عطاني كريم ادهن ايدها وانشالله باجر ايدها تصير احسن


انا عصبت على نفسي وقلت خلاص ماراح البسها نفانيف كله بنطرونات وحتى لو لبستها نفنوف بلبسها صروال طويل تحته نفس مرت حماي جذي تسوي والله احسن
كل مازرت الناس تتفزز عليها وعلى جسمها يقولون تونس خدود وريولها حلوه سمالله سمالله عليها الله يحفظها ياارب
معنى كنت اتمنى بنتي تصير متيينه وخدود معنها مو متينه متينه لا عادي وزنها طبيعي نفس الي بعمرها بس الحين ماابيها تصير متينه مو لازم عيون الناس ماترحم حتى لو ماكانوا قاصدين مرات العين تصيب حتى لو مو قصدج تحسدين وانا اقرى عليها على طول بس الله كاتب الحمدالله

 

[بحر الغموض]

اسم الله عليها

حبيبتي دامج ترقين عليها لا تهمج العين

عيل انا شقول ولدي مايقلب يبي يحبي مستعيل ههههههه

مخليته على راحته
امي تقول اللي كبر ولدي يقلبون واشوي يحاولون يقعدون ولدج مافيه خير
قلت مو لازم خل ياخذ راحته ههههههههه