**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[نيلفار]

شيخه انا اعطيه كله صناعي بس وحده طبيعي لا وبعد ما يشبع منها فاكملة بصناعي وقبل لا ينام اعطيه اعشاب

 

[al7noona]

نيلفار وحق كل البنات الي بالنفاس اخر 6 ايام من النفاس حطو تحاميل
واخر 3 ايام تنقعوا بجفت
ويقولون اول دوره عقب النفاس اكلوا ادويه النفاس مثل الحسو واللهوم علشان تنظفين
انا ماشالله حطيت تحاميل وجفت ونظفت

 

[نيلفار]

الحنونه مشكووره حبيبتي واليوم ناويه اشتري تحاميل بتادين واستخدمهم

 

[حنتوشه]

حبيبتي نيلفار


بالنسبة للاعشاب انا اخلط ينسون وحبة حلوة وكراوية مع بعض


وانقعهم بماي حار تقريبا نص كوب على قفشة كبيرة من الاعشاب وشخليهم بعدين وحطي سكر نبات


ولا تكثرين مره باليوم بين رقمين الى 3 ارقام بس مو اكثر لانه توه صغير ..

 

[حنتوشه]

تذكرت اذا انتي ولدج كله غازات


ويتعصر ويزورق ومتظايق حدة


عطيه دوا اسمه بونيسان من شركة هيمالايا عجيييييييييييب كله اعشاب ويريحه حيييييييييييل


انا خذيته من الاربعين وصفلي اياه الدكتور خالد بوحيمد وماشاء الله وحدة بوحدة


ولدي ما نفعت معاه الاعشاااااااااااااب بجميع احوالها ومن الحين ابدي نظمي رضعات ولدج ونومته اذا تبين اعلمج من @@

 

[حنتوشه]

سلااااااااااام


بنات منو احسن دكتور اطفال ابي واحد زين

انا بدار الشفا وديت ولدي عند ابراهيم عويدات احسه مو ذاك الزود او المستشفى صايره لوعه شرايكم بالمواساه في احد معين تعرفونه زين هناك ؟

بعدين على فحص السمع والنظر متى ؟ ! اقدر اوديه عند اي دكتور ؟!

عندج بدار البراء الجابرية


د عايلته السعيد وايد شاطر ..

 

[نور-الكويت]

بنات حبايبي عطيت حق ولدي برتقال مثل ما قلتو مع ماي ماكو فايده ما خرج وعطيته شكر محروق مع ماي ماكو فايده وانا خذيتلي ملين اللي قالت عنه اختي بحر الغموض هم ماكو فايده ما خرج واليوم الخامس والدكتور ما عنده غير التحاميل شسوي اخاف اعطيه تحاميل يتعود عليهم والمشكله انه يرضع طبيعي محتاره والله

 

[منوووووله]

السلام عليكم بنات :>

انضميت معاكم بالتجمع


نووور حبيبتي سوي طريقة عود الاذون ؟ موزين جذي يقعد 5 ايام ! دهني العود بفازلين وحطيه وخلي يخرج يرتاح والله

 

[نور-الكويت]

منوله بسمع شورج تعبت معاه الله يعين
اللهم اهدي واصلحه واجعله من الصالحين التقيين البارين بوالدينه وذريتي وجميع ابناء المسلمين اللهم امين
منوووووول ادخل شكثر من العود نص ولا ربع العود ؟؟؟

 

[نيلفار]

حنتوشه تسلمين حبيبتي

وقوليلنا شلون تنظمين نومت ولدج قوليلنا خل نستفيد

 

[حنتوشه]

منوله بسمع شورج تعبت معاه الله يعين
اللهم اهدي واصلحه واجعله من الصالحين التقيين البارين بوالدينه وذريتي وجميع ابناء المسلمين اللهم امين
منوووووول ادخل شكثر من العود نص ولا ربع العود ؟؟؟

حبيبتي نور


دخلي نص العود تقريبا وخليه متروس بطبقه لزجة من الفازلين


بس لاتعودينه على هالطريقة وايد بس الحين مسكين لأن حالته صعبه :0bee2e8d89:


وانا انصحج بمنقوع التمر ممتاز يمشي بطنه ويريحة


كل يوم حبيبتي نقعي 3 تمرات بنص كوب ماي حار وهرسيهم لما يدفى الماي شخليهم وعطيه من رقمين الى 3 ارقام وشوفي شلون كل يوم بيخرج ويرتاح

 

[حنتوشه]

حنتوشه تسلمين حبيبتي

وقوليلنا شلون تنظمين نومت ولدج قوليلنا خل نستفيد

انا اعلمج شلون _03BA:


ترى علمني عليها الدكتور خالد بوحيمد :ggdw: واول شي كنت مستصعبة الموضوع بس بعدين سهالات



انتي الحين لنفترض ان ولدج يشرب بين 60-90 مل كل رضعة اوكي


وله باليوم 6 رضعااااااااااااااات بس بس بس حسبيهم :tomato2: مو تصيرين مثلي كل ما بجي عطيته :krkrkr:


مثلا يقعد الساعه 6الصبح


الرضعة 1=6

الرضعة 2= 9

الرضعة 3 = 12

الرضعة 4 = 3

الرضعة 5= 6

الرضعة السادسة والاخيرة = 9


يعني بين كل رضعة 3 ساعات ممكن ساعتين ونص بس مو اقل


وطبعا اذا نايم ما تقعدينه عشان رضعته عادي يطوف نص ساعه ساعه متى ما قعد عطيه


ونومت الليل اذا قعد عطيييييييييه ماي بس او سويله اعشاب علشان يهدى وينام


وهكذا كل ما قعد ماي لما ايي وقت الرضعة اول يومين صعبة بعدين يمشي الياهل سبحان الله مثل الساعه


تشوفينه يبجي بوقت الرضعة

 

[حنتوشه]

طبعا هالطريقة حق اليهال اللي يرضعون صناعي


ما تنفع للطبيعي ..

 

[al7noona]

هلا منوله حياج الله بينا وشسميتي بنوتج؟

 

[نيلفار]

حنتوشه جنه واااايد من ال9 لي ال6 ما يشرب حليب

وحتى لو عطيته ماي مراح يشبع

 

[استبرق أم علاوي]

صباح الظهر
شلونكم وشلون عيالكم
ام الصبيان متى موعد ولادتج؟ الله يسهل عليج
استبرق شلون النسيب
ام عزوز مبرووووووك التسجيل الله يعينج على الهيلق
نيلفار راجعي طبيبتج تعطيج تحاميل...انا التحاميل مافادوا عطتني حبوب عشان اطهر اخذتهم اسبوعين وعقب هديتهم ياتني الدورة عادي
بحر اخذيني معاج الفلم ودي اروح

واي الله يعينكم عالتطهر ...انا كل بنات حدنا تراجي

هلااا دلوله
بخير عساج بخير

اي بغيت استفسر للي يدامون او ما يبون يحطون عيالهم عند الخدم شراح تسوون ؟! غير انه نحطهم عند الاهل
في حضانات تستقبل ؟!

عده من اي شهر يستقبلون او يكونون حضانات نموذجيه مثل المدارس الخاصه ولا حضانات العاديه اللي تكون ببيوت ؟!

في حظانه اخوي حاط وله تستغبل من شهر
انا اذا توظفت راح احطه بحظانه

اليوم ببلبش اكثر من الحسو والاشياء الدافيه



عروس انا طهرت ولدي عند مستشفى الراشد والحمد لله كل شي اوكي



شيخه عندج الدكتور سليمان السعد برويال حياة وايد زين وانا سمعت عن ريم قنواتي






بنات ابي اعرف شنو تعطون عيالكم سوالف اعشاب عن الغازات

انا كنت اعطيه يانسون وحبة حلوه ومرمية وسكر نبات

وامس شلت المرمية وحطيت بدالها نعناع


ابي اشياء ثانيه شنو اقدر استخدم واهم شي بنات ابي مقدار يعني شكثر احط من كل شغله وكمية الماي

وشكثر اشربه باليوم ؟ وجم احط بالممية ؟

عطيه بين كل ممتين ممه أعشاب يعني شيلي ممة الحليب الثالثه وحطي بالها اعشاب

حبيبتي نيلفار


بالنسبة للاعشاب انا اخلط ينسون وحبة حلوة وكراوية مع بعض


وانقعهم بماي حار تقريبا نص كوب على قفشة كبيرة من الاعشاب وشخليهم بعدين وحطي سكر نبات


ولا تكثرين مره باليوم بين رقمين الى 3 ارقام بس مو اكثر لانه توه صغير ..

نفس الخلطه اللي عندي

 

[om_3azoz]

ام عزوز ابييييه من صجج 25 يوم فوق الاربعين


انزين من شنو جذي طولتي

والله مادري من شنو .. تقريبا خمس تيام قبل الاربعين نظفت بعدين نزلت بعد مااينزل وايد شوويه

 

[نيلفار]

يمكن يتلج اخت النفاس

 

[om_3adoOol]

شلووووووووووووووونكم وشخبااااااركم وشمسوين

وشلون البيبيات الحلوين ؟؟؟

 

[al7noona]

هلا والله ام عدول شنو اخر الاخبار