**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[daloola]

اشوة استبرق مارحتي
توني اقرى انج بتروحين
وكان ودي اروح بس استحي

ام عزوز خلونا نتيمع ...تعالو بيتنا

 

[daloola]

لووووووووووووووول شفيهم تهاوشوا؟

 

[om_3azoz]

لان اليوم اليمعه وااايد اتوقع كل الممنتدى لووول شعرف منو هذي ومنو هذي لوول
يبيله موووايد نكون عشان ندري لوول
يالله دلول وين بيتكم لوول

 

[daloola]

ام عزوز
اذا تبين شغل بالجامعه اكو اماكن يشغلون بس بارت تايم ...بس معاشهم شويه 200
واي وقت يستغنون عنج يعني مو ثابته
بعدين ماراح تقدرين تجمعين بين 3 اشياء...انا كنت ادرس وعندي بنت قعدت 6 سنين بالجامعه
وبنتي ماتصير مريضه الا ليله الامتحان
و ترا الياهل لما يكبر مايحب ينام الا بمكانه..ماراح يخليج تودينه عند امج وخالتج
انا بنتي كانت تينن امي ماتنام ولا تخليهم ينامون


بحر
الهاجيز كانو يستعملونه المستشفى حق بنتي واااااااااايد زين
بس لقاتي رحت جربت الليبرو والبامبرز...الليبرو كنت اغير حق بنتي 6 مرات باليوم .....والله 6 ما اتغشمر
في يوم خلصت هدومها كل ساعتين بجامه وفنيله ومهاد.... كلش ماناسبها
الحين بامبرز...بصراحه غالي
وبنتي فيها خلع استعمل لها 2 ( مصرف ) بس شنسوي


حنتوشه
اليوم رحت اشوف قرقيعان حق بنتي...بصراحه ريلي كلش مو مؤيد الفكرة بس لان بنتي عقب 9 سنين وعلاج...سكت الفقير ماقال شي بس مايبي غالي ...لقيت شي رخيص وانا بشتغل فيه بالبيت

وابوي يتحلطم...كنابل حق المستشفى واستقبال وككاو والحين قرقيعان ...اختي حامل توها شاريه كفر حق المستشفى يقول شدعوة شدعوة كل هذا....خبره مال اول كنابل المستشفى وحلو غريبه وبيض الصعو ...لووووووووووووول

 

[daloola]

مشرف
بالنص لحد يقول بعيد

 

[al7noona]

ههههههههه دلول كل الرياييل جذي عبالهم الحريم نفسهم احنا بكل شي خبه وفناتق لوول

 

[daloola]

عاد انا كل اختب واخر شي يطلع فشوش
مادري ليش ...اعيز من اللويه واخلية اخر شي يولي
اللي يصير يصير

شقلتوا؟؟؟؟؟؟؟؟؟؟؟؟؟؟
اتيمعون عندي ؟

 

[om_3azoz]

دلوول الله يخلي بنااتج يااارب ويتربوون بعزج ياارب

من وين حصلتي القرقيعان اللي بسوينه بروحج ؟؟

نتيمع بس وين ببيتكم ؟؟

 

[بحر الغموض]

ماشفت ولا وحدخ ارفعت ايدها

خلاص كلكم بنقص منكم خمس درجات

دلوله حبيبتي اذا تحطين حفاظتين حطي وحده زينه والثانيه اللي فوقها خليها عادي شي رخيص مو غالي وبجذي تقدرين توفرين

بالنسبه للتجمع اوكي

 

[om_3azoz]

بحر على شنوو نرفع ايدناا ؟؟ شنو في

دلول يالله قولي وين بيتكم خوو انشاءالله مو بعيد

 

[حنتوشه]

قوة بنات



شلونكم وشخباركم عساكم بخير


وشلون عيالكم الحوين المؤدبين اللي ما يحنون ولا يبجون ولا يصرخون

 

[حنتوشه]

ام عزوز


حبيبتي سمله على عويناتج


دلوله عيزت واهي تقول مشرف


مو منج من الترفيهيه ههههههههههههه قوليلي شسويتي عسى استانستي ..

 

[بحر الغموض]

ام عزوز اقري ردي قبل الاخير قلت خل نتجمع محد رد علي بس رديتوا على دلول

حنتوشه ابيج بسالفه ولدي ونومه
مادري اشفيه معتفس نومه حيل مو قادره اعدل
ولو حاولت اسهره اشوي او اقعد يغلق طول اليوم ويتعب وماكو اليوم خليته على راحته نايم من الساعه 11 تقريبا واتوقع يقعد باي لحظه
والصبح اهو كله نوم يادوب يغيرون البامبرز ويشرب حليبته وينام
وانا بعد اعتفس نومي

 

[استبرق أم علاوي]

امبي استحي ايي بيتكم دلولا

 

[om_3azoz]

ايي امبين مادري لازيم مشرف موبعيد
انا عادي ايي بس هم استحي ,,
اتفقوو وشوفو منو ومنو بيروح عشان نعرف


حنتوشه
ايي رحت لوول الترفهيه ونااسه ماكان زحمه والجو زين بس قطار الموت والجندول مصكرين لووول

 

[بحر الغموض]

بنات ولدي توه قعد ورضعته شفت حرارته 38؟؟؟؟؟؟؟؟؟؟؟؟؟؟؟؟؟؟؟؟؟؟؟

اهو بس اعيونه تدمع وحرارته لما المسه دافي بس مو لهالدرجه38؟؟؟؟؟؟؟؟؟؟؟

تكفون خليكم معاي

 

[بحر الغموض]

مبيه 38 ونص

 

[حنتوشه]

بحوره حياتي


انا اقولج السبب بس يا ريت ما تزعلين مني ..


ولدج بايد الخدامة دايما .. كو غلط انتي لج وقت راحتج ولج حق وطلعات ومشاوير بسسسسسسس


انا عندي قاعدة دام انا بالبيت ولدي بحظني علشان يتعلم على نظامي انا مو نظامها اهي ..


الطفل بعمر ولدج يحتاج بين 12-15 ساعه باليوم كله


سواءا متواصله او متقطعه


يعني اذا قعد الصبح عطيه رضعته ولعبيه مدت ساعتين وبعدين ياخذله غفوة بو ساعه ونص ساعتين


وردي كلميه وخليه يتقلب عالارض ويلعب ويناغي وبعدها اكيد يبي رضعه


وهم يظل قاعد ماله داعي النهار كله نايم .. لازم يتعود على نوم الليل وياخذله بالنهار غفوة مو اكثر من ساعة


وعوديه على سباحة الظهر انا اسبح ولدي كل يوم عالساعه 2 الظهر افصخة واخليه يلعب واسبحه والعبه كل هذا ياخذ مني ساعه


عقبها طبيعي الياهل يخدر ويبي ينام لو ساعتين ..


عاد باجي اليوم خليه بالكرسي وبالفراش يتقلب وانتي عند اهلج يعني يسولفون معاه ويشيلون ويحطون فيه .. بعدها عاد تلقينه دايخ يدور النومه


انا ولدي الحين سمله عليه ينام عال 11 او ان كثر 12 ويقعد على ال 9 شبعان نوم ومصحصح


ساعات يقعد بنص نومته اعطيه ماي ويرد ينام


وسلامتج وتعيشين .. راح تتعبين اول الفترة معاه بس بعدين بترتاحين وايد واهو بيرتاح ويعرف النظام

 

[حنتوشه]

بحوره خففي عنه ملابسه


ومسحيه بفوطه وماي ..


وشربيه ماي


وردي قيسي حرارته بعد نص ساعه

 

[بحر الغموض]

ملابسه خفيفه اشوي سيقانه طالعه وايدينه نص كم

عطيته ادول وحطيت له لصقه على الجبهه مالت الحراره

وعطيته ماي اشوي بس ما يبي يشرب يادوب ذواقه