**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om_3azoz]

السلام عليكم حبايبي

ام الصبياان ايي والله صااجه .. بس انا احس خالتي غير .. بس انا مخليه العلاقه سطحيه حيل .. يعني مالها شغل في حياتنا ولا اتكلم بحياتي ولاحتى ريلي يتكلم

وحتى بعض المرات ريلي يسوي حركات جدامهم مثلا ( يقرص خشمي حيل تدرين خالتي وعمي شنو يسوون فيه ) يمصخرونه اشويه لوووول
والله مره عمي يركض ورى ريلي بالخيزرانه لووووووول عشان قرصني على ايدي تخيلي

على طاري عيون النااس اووه اللي مجرب يدري ... الله يبعدنا عن عيونهم ..
انا عطو عين حق بيتناااا لوول كناا قاعدين نبنيه اللي يقوول قاعدين نبني قصر والله ايي احد يمر يقول حق ابوي اووووووه شل بيت جنه قصر
عاد قبل لانكمل بيتنااااا امي طاحت عليناا طلع فيها مرض الشين بعيد الشر عنااا وعلى طول راحت برا سنه وردت والحين مره ثاانيه راحت عندهاا موعد ..

يعني شووفي حتى بالبيت يعطون عين عمه بعينهم على كل شي زين ماايعطوناا عين على سليباتناا والله ناس تبط الجبد


ايي الصبح رحت طعمت عزوز اخييه قعد يبجي ابوي وداني لان ريلي دوام ..وقت اللي االستتر قاعده اطعمه ولا ابوي يقول شنو هذا 3 ابر ليش يعني وقت اللي قاعد يبجي عزوز ابوي يقول الله يااخذهم عورو ولدي

كنت بحط له فكس بس غزته وطلع دم فحطت قطن وصكته قلت ارد البيت اشيل الزقه وادهنه بفكس ..
عاد رديت البيت عطيته حليب ولت اللزقه ودهنت ريله بفكس .. بس ريله اللي فيها ابرتين انتفخت
عاد نومته قبل ساعه قعدت يبجي من قمت راسه عطيته ادول وبدلت حفاظته ونومته الحين ناايم فديته
بس شلون يبجي والله يبجي دمووع دموع واخر شي يسوي شهقه كسر خاطري ولا ابجي معاه ..
انا خاايفه يصخن علي والله اتحمل ,, وبروحي ماعرف شي وامي مسافره مادري شنو اسوي

 

[ϲհҽɾɾվ87]

ام عزوز ماتشووووف شر امج والله يرد لكم انشالله بالسلامه عيوون الناااااس ماترحم كلش كل اقري على ولدج قبل ماتطلعيين من البيت وقري على روحج بعد حتى لو الياهل جيكر لو في شي مميز يحسدونه .. ومايشوووف شر عزوز كل اشوي قايسي حرارته لاتنسين ..


سماهر حيااج االله معاااااااااانا

ام عدووول اول مره اسمع ان السيميلاك جذي اهوا وراثه الياهل يمشي بسرعه ولا يسنن توني ادري

 

[وجودي عسل]

هلا والله ام الصبيان انا جربت كذا نوع ماكو فايده كلهم نفس الشي حتى ابتاميل جربته هم ولدي يصرخ ويبجي لمن يشرب الحليب من الغازات
واستقريت على اس 26 بس يسبب امساك كل 3 ايام جذي يوصخ قبل ما اعطيه كان كل يوووم الحين بغيره برد على السيميلاك لان ولدي ماتقبل ابتاميل لمن رديته مره ثانيه لان طعمه مر


وجوودي عسل جم عمر ولدج انا تعدلت نومته لمن صار عمره 3 شهور جذي وانا مره بالغلط جربت سويت طريقه انفعت معاي ههههه قعد بليل يحن يبي حليب عطيته مصاصه على ماتمغط اشوي ولا انام ههههههههه ولا الاخو نااااام قلت زين جان ارد اكمل نومتي لي الصبح واعطيه مره ثانيه الحين انا اسوي جذي بليل ما اعطيه حليب اخر رضعه مثلا الساعه 12 جذي اعطيه مره ثانيه الساعه 6 الصبح الحين تعود وقام ينام بروحه مايقعد اسمله عليه انتي لازم اتعلمينه انا مايشرب حليب بليل اختي قالتلي اذا عودتي الياهل يشرب بليل ترى حتى لو يكبر ويصير عمره 8 شهور او سنه راح يقعد << قصه لوووووووووووووووول

ولدي عالاسبوع الجاي يكمل 3 شهووور

بس حرام اخليه 6 ساعات من غير رضعه


انا لو نام 3 ساعات متصله مارضع اخااااف عليه واقعده وارضعه


لان حراااام البيبي عيشته بالهدنيا الحليب واحرمه منه مسكين بيجف

وغير جذي ولدي اكرهه ماعليه المصاصه تخيلي انا وياه مصارعه على مااخليه يمصها

 

[om_3adoOol]

السلام عليكم حبايبي




كنت بحط له فكس بس غزته وطلع دم فحطت قطن وصكته قلت ارد البيت اشيل الزقه وادهنه بفكس ..
عاد رديت البيت عطيته حليب ولت اللزقه ودهنت ريله بفكس .. بس ريله اللي فيها ابرتين انتفخت
عاد نومته قبل ساعه قعدت يبجي من قمت راسه عطيته ادول وبدلت حفاظته ونومته الحين ناايم فديته
بس شلون يبجي والله يبجي دمووع دموع واخر شي يسوي شهقه كسر خاطري ولا ابجي معاه ..
انا خاايفه يصخن علي والله اتحمل ,, وبروحي ماعرف شي وامي مسافره مادري شنو اسوي

ماتشوف شر امج حبيبتي والله يرجعها لكم بالسلامة

على طول حطيله كمادات على فخوذا وعادي حتى عدوول انتفخت ريله وماراح منه الا عقب اسبوع ومايشوف شر

بس التطعيم الثاني احسن من الأول بس ابرة وحدة بأيده ومايحتاج لا كمادات ولا شي

الله يستر من التطعيم الثالث :0bee2e8d89:

 

[om_3adoOol]

ولدي عالاسبوع الجاي يكمل 3 شهووور

بس حرام اخليه 6 ساعات من غير رضعه


انا لو نام 3 ساعات متصله مارضع اخااااف عليه واقعده وارضعه


لان حراااام البيبي عيشته بالهدنيا الحليب واحرمه منه مسكين بيجف

وغير جذي ولدي اكرهه ماعليه المصاصه تخيلي انا وياه مصارعه على مااخليه يمصها

انا ولدي من داومت والحمدلله نومته تعدلت ارضعة واغيرله وينام عالساعه وحدة ويقوم الساعة اربع ارضعه ويرد ينام

والساعة سبع او سبع نص يقوم مره ثانيه ارضعه واغيرله واوديه بيت امي

واخليهم ما ينمونه الا الظهر لي العصر وبعدين يقعد ليما اغسله واغيرله وارضعه وانومه معاي

جذي عدلت نومته شوفي جربي لا تخلينه ينام بالنهار وايد وبليل اذا قعد عطيه رضعته ونوميه

 

[om_3azoz]

مس عواش
الشر ماايج حبيبتي ,, والله اقرى عليه المعوذات كل مااحد قال عنه شي بس شنو اسوي والله عيونهم ماترحم ..

ام عدول
الشر ماايج حبيبتي .. وي اتم متفوخه سبوع كامل .. مساعه ماخلاني اقيس حرارته قعد يبجي ويرافس ..
الله يعيناا على التطعيمات
الثالث قطره بس جنه لان اليوم السستر قالت مال الشهر الثالث بالايد والرابع قطره بس


انا ولدي اذا شرب حليب اخر مره الساعه 2 الفير وبعدين يناااااام لي الصبح الساعه 6ونص 7 بعدين ارضعه ويرد ينام لي الساعه 11 جذي يقعد يبي حليب ارضعه يناام لي الساعه 2 ونص تقريباا يبي حليب لووول اشربه ويرد ينام لي 5 العصر بعدين اقعده لوول عشان انا بعد اشبع نوم .. مخليته يناام معاي ويقعد معاي .. واذا ابوي يقعدنا حق الغداا اقوله بابا عزوز ناايم حرام اشيله انزله تحت لووول قطيتهاا براس عزوز عشان انا انام

 

[om_3azoz]

انزين ام عدول
الادول كل اربع ساعات اعطيه .. شكثر جم ملي مكتوب علىه 5 ملي بس جنه وايد

 

[تمر حنا]

السلااام عليكم
ام عزوز راقبي حرارته انا والله مانمت عدل تخيلي كل ساعه اقعد اقيس حرارته وارتفعت حيل الصبح اليوم وكل شوي اسوي كمادات ثلج والحين جنها ردت الحراره بعد وعطيه ادول ربع القطاره كل اربع ساعات حتى لو مافيه حراره

 

[om_3azoz]

تمر حناا

عزوز ليلحين مافيه حراره الحمدالله وانا خاايفه الصبح يوم رديت نماا كل اشويه اقوم اشووفه
وابي اقيس حرارته مايخليني يبجي ويعافر وايد ..

امبين انا الادول مكتوب عليه 5ملي انا قلت لا وايد 5ملي عطيته بالقطاره قطاره كامله امبيين وايد صح ؟؟

يعني كل اربع ساعات اعطيه ربع قطاره ..

امي مساعه كلمتها اتقول لاتغسلينه عشان لايحووشه ماي صج ؟؟ يعني مااغسله

 

[وجودي عسل]

ام عزوز عطيه نص مل

وعندج ادول المستوصف اسمة امول ترى حييييل حلو وزين

 

[om_3azoz]

ايي ادري عطاني اياه المستوصف عطيته مره وحده بس

 

[al7noona]

شلونكم بنات اليوم المغرب طعمت بنتي ياحياتي هذا ثالث تطعيم ابرتين بفخوذها ونقطه بحلجها افحطت من البجي

 

[daloola]

الحنونه
انا اليوم طعمت بنتي تطعيم الشهر الثالث ( الدرن ) ماكو نقط؟
انتي بنتج جم عمرها؟

 

[daloola]

نسيت ماسلمت


شلوووووونكم كلللللللللللللكم

 

[أم الصبيان الثلاثة]

سلام بنات الله يعطيكم العافية والله مشالله مشالله انكم بنات سنعات قولو ليش لانه نادر في امهات مجابلين عيالهم كثركم
الحمدلله كنت فاقده الامل انه في بنات شقرديات يجابلون عيالهم عبالي بس انا المينونه اللي ماعندها الا عيالها على قولت ريلي
مو كل شي اليهال لانه مرات اكنسل الطلعات والسفرات والسبه ماحب اخليهم بروحهم
والله ماحس الطلعه حلوه بدونهم
ام عدوول الله يحفظج زين اتسوين شكلي لمن اولد راح اسوي نفسج عشان لمن اكون انا مرتاحه اقدر اشتغل عدل حق البيبي تدرون نسيت
من زمان مو حامل
ام عزوز
والله حاسه فيج حيل متوهقه الله يعينج لاتحاتين ترى ربج وياج وفي ملائكة تحرس لج هالورده ميخالف بس الحرص زين اذا تبين اي شي ترى اختج موجوده ام الصبيان
وصح كلامج 5 مل وايد على وليدج مثل ماقالت تمر حنا ربع قطره كل اربع ساعات
وعادي غسلي ولدج بس نشفي الجرح عدل وحطي بودر جرح على المكان عشان لايشرب ماي لانه الياهل اذا ماغسلتي ترى ياذيج
ماينام مرتاح <<<تخيلي نفسج مكانه لو يقولج الطبيب لاتغسلين اذا بتغيرين الكوكتسة بس مشي تخيلي الضيجه يبوووي لا حرام غسليه خل يرتاح بنومته اهم شي يكون الجرح ولزاقه ناشف

بنات الياهل عن خبره
ماينام مرتاح الا على فراشج مادري سبحان الله جنه يدري انه هذي ريحت امه فينام مرتاح اكثر من سريره انا وريلي مانرضى خصوصا بالاربعين الا ينام عندنا وطبعا ماكو شي بيصير لانه اربعين
انا ولدي الشرييين اسمالله عليه كنت متنفسه في بيتي لانه عيالي ماحبيت اغير مكانهم ايت خالتي اخت امي وامي نامو عندي وناسه كان
بنات لمن اتشربون الياهل حليبكم ولا صناعي حاولوا اتكونون طاهرات على وضوء والله وايد زين وانتي قاعده اقري عليه والله سبحان الله يرتاح

 

[أم الصبيان الثلاثة]

هلا والله دلوله
بنات احنا بالخيران الحين وناسه مشالله الجو حلو
واحنا بالطريج كان غبار والسياره تهتز يمين ويسار بس مشالله الجو حلو ومو زحمه هدوووء
وعيالي حبايبي كل شوي يايين يبوسوني ماما مشكوره انتي وبابا يبتونا هني مع انه كل سنه نحجز مرتين بس هالمره مستانسين حيل لانه كنت اتنسى فطنشتهم ماطلعتهم اغلب الوقت بالبيت وياهم بلاي ستيشن وخرابيطهم لووووول

 

[&سماهر&]

السلااااااااااااااااام
هلا دلوله شلونج

ام عزوز الله يشفي امج وترد لكم سالمه

انتبهوا يابنات ترا الحراره اوقات ماتنزل بسرعه حتى مع ادول
كللللللش الا الحراره تتعبني نفسي
لانها تسبب بلاوي لو ماتنزل بسرعه
الله يحفظ عيالنا يااارب

صج بنات سمعت انه ضروري البيبي ياخذ فيتامين د
خصوصا الي مايتعرضون للشمس
محتاره عند دوا نصحني فيه الصيدلي بس خايفه للحين مااستخدمته
اسمه هايبول بالكرز
يالله الي عند روحه طبيب قريب تسال وتفيدنا

 

[&سماهر&]

هلا ام الصبيان
زين ماسويتي حلو تغير الجو لليهال
ان شاء دوم مبسوطين

 

[أم الصبيان الثلاثة]

اهلين سماهر
الحمدلله ماشي الحال بس اذا يبي شمس وديه عالبحر شوي خل يحوشه لمن تخف الشمس انا ولدي الكبير جسمه كله حساسية واليوم سبح بالبحر
يقول يحرقني لمن خلص مشالله حس انه ما يحكه جنه ماي البحر زين حق جسمه وهم الشمس ابيهم يصيرون تان لوووووول
عاد انا ودي بس زوجي مايرضى يبيني نفس اللون مايحب السمر اما انا امووت باللونالاسمر خصوصا البرونزي احس البنت البرونزية جميلة لانها عندها هاللون المميز يعني مو محتاجه شمس عشان يصير لونها جذي ودي بس زوجي مو راضي يحب الزبده هههه يقص علي عشان لاسوي تان

 

[ϲհҽɾɾվ87]

ام الصبيان عليكم بالعاااااااافيه انشالله استانستوو ؟؟


حنون : التطعيم الثالث ابرتييين ؟؟؟؟؟؟ ويييييييييي مسكين يكسر خاطري لمن يغزونه حبيبي

ام عزوز : التطعيم الثاني ماراح يحس لان الابره صغيره حييييل لا كمادات ولا ادول السستر راح تقولج لاتعطينه شي لان الابره بسيطه
ولدي لمن غزوه كان نايم وماقعد لان ماحس فيها اسمله عليه