**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[بحر الغموض]

ليش تحطينها تحت راسه ؟

طلعي صدقه بالنيه انها لعزوز وان ربي يحفظه وكم دعاء منج وخلاص

ما عليه شر باذن الله

 

[om_3azoz]

مادري احنا نحط صدقه تحت راس البيبي او اي احد وبعدين الصبح نعطيه حق فقير

انشاءالله ماعليه شر بإذن الله

 

[Beverly Hills]

سلامات بحور ماتشوفين شر ان شاءالله .. ..
وام عزوز .. انا كبرج .. وريلي يبط الجبد اذا سويت شي زين يقولي شااطره .. لوول تعودت اي احد يقولي خلج مره
اقولهم لا انا ياهل توني

 

[om_3azoz]

ايي حتى انا جذي اقوول ايي احد يقولي كبيره اقوله لا انا يااهل

 

[استبرق أم علاوي]

بنات صح تره الحلم ماينقال
ومن اول تفسيره يتحقق
ولازم اتفسرونه عند احد مختص بالتفسير
بس اول طلعوا صدقه
ومثل ما قلتي ام عزوزحطي تحت راسه صدقه وطلعيها اليوم الثاني

 

[om_3azoz]

ايي مو انا مادري المفروض ماينقال وموانا اللي قايلته لوووول فديتها ام الصبيان
بس عادي ,, اليوم لمن ينام احط تحت راسه والصبح اعطيه الفقير

 

[بحر الغموض]

ولدي اليوم احاول اعطيه صناعي يدزة مابي اعطيه صدري اخاف اعديه

بجي حيل مايبيه للعلم ان كل يوم اطلع وياخذ صناعي

قعد يبجي ويطالعني ويدز المميه عطيته صدري على طول مسك وقعد يرضع

مسكين طلع يعرف يفرق كسر خاطري

بيفرلي هلز و ام عزوز ذكرتوني بالحبيب اهو اكبر مني ومايناديني الا يابنيه والياهل اذا سويت شي غلط من غير قصد يقولي ياهل
لان شكلي نتفه عنده وفيني اشويه دلع للحين باقي معاي

 

[استبرق أم علاوي]

بنات لحد يضحك خو توني اول ولد


شريت فازلين حق عليوي
بس ما ادري حق شنو استخدمه خخخخخخخخخ <<< شحقه شاريته

 

[بحر الغموض]

تعالوا بنات

شنو تعطون بيبياتكم لعب ؟؟ ترى محتاجين للعب بهالوقت لانهم يزهقون ويملون غير لما تكلمينهم وتسولفين

انا من شهر وشاريتله الفرشه اللي فوقها طوقين متعاكسين ونازله منهم العاب وفيها مرايه وعلى جنب فيه شغله يطقها بريوله وتطلع صوت حيوانات وموسيقى لو طقها

شنو يستانس على الفرشه وااااااااااااايد

همن الكرسي اللي مال مذركير اشتريتله ويستانس عليه خصوصا الالعاب اللي تطلع صوت

عنده لعبتين يحبهم الاسد والبطه

 

[استبرق أم علاوي]

بحوره
يحب الاشياء اللي تخرخش واللي تتحرك وطلع صوت موسيقى
والالوان

جم عمر ولدج الحين سم الله عليه؟

 

[om_3azoz]

ام علاوي مادي
فازلين دهني جسمه اتوقع عادي

بحوره
انا احط لعبه اللي على الارض وفوقه قراقيش والعااب واخليه يلعب

 

[استبرق أم علاوي]

انا احطله بيبي اويل

عندي نفس لعبتج ام عزوز وهم اللي على السرير طلع موسيقى غير القراقيش احطه بأيده يقعد يمصمص عباله ايده

 

[بحر الغموض]

ولدي توه يدخل الرابع

واحسن فاولين اللي يكون من المستوصف لان اكيد مافيه عطور

احط لخدوده لو حمرت اشوي
او لخشمه لو انشل لان من كثرماامسحح خشمه اخاف يحومر فوق شفته

تعالوا اعيالكم يطالعون تلفزيون؟؟ انا بط جبدي يبي التلفزيون بس اغير مكانه اخليه عكس التلفزيون

 

[استبرق أم علاوي]

انا ولديييي ادمااااااان على التلفزيون
لانه انا ما عندي خدامه انا اللي انظف واغسل واطبخ وارتب
ما اقدر كله اشيله فأخلي قبال التلفزيون احطله ام بي سي 3
امي تقولي انتي بتخربينه وباجر اتزفينه اذا كله جابل التلفزيون

 

[om_3azoz]

انا عزوز يطاالع بس مودايما

 

[بحر الغموض]

امبييييييييه لا مو زين حبيبتي حطي له الالعاب

حرام احنا على كبر لما نطالع التلفزيون والكمبيوتر راحت اعيونه وهذا توه اصغير مو زين

 

[استبرق أم علاوي]

والله شسوي
ادري انه مو زين بس مرات اتوهق وانا اطبخ وهوا يبجي بجي الا يبيني اشيله
اظطر احطه يم التلفزيون والالعاب اتخلي يسكت شوي بس

 

[بحر الغموض]

حاول بالالعاب اكثر معليش بللي تقدرين عليه

 

[om_3azoz]

انا على المزااج لان لمن يشوف التلفزون يشووف نور والوان
عزوز صااير لمن ينام يغطي ويهه اشيل الكمبل عليه يحط ايده على عينه

 

[om_3azoz]

ام علاوي عندج هزازه اللي تشتغل على البطاريه ؟؟
حطيه فيها وحطيله العاب وخلي الهزازه تهزه لوووول