**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[بحر الغموض]

السلام عليكم


محد موجود؟؟؟

 

[daloola]

قوووووووووووووووووووووووة

شلونكم كلكم
ياحلوكم وياحلو سوالفكم
خلصتوا من الاعشاب والاكل ودوا الكحة ودخلتوا على البامبرز وشلون تغسلون اليهال وتالي قصص الحب
ماكو ترتيب بسويلكم فهرس عشان تدلون المواضيع

شخباركم كلكم عساكم طيبين
وشلون اليهالو اسم الله عليهم عسى الله يحفظهم

 

[بحر الغموض]

ههههههههههههههههههه

اي والله صاجه

باقي السياسه ماتكلمنا عنها هههههههههههه

 

[al7noona]

اهلين بنوتات

اكيد بنسولف بسوالف واييد ان ضلينا على سالفه وحده بصير ملل ومحد بيسولف فلازم كل وحده تطلع سالفه ويصير بالتجمع حركه :dddds: خلاص دلول انتي اقترحي علينا بشنو نسولف ولاتزعلين

 

[استبرق أم علاوي]

السلااااااااام
شلونكم

انا عن نفسي جربت الحب وعندي احسن من التقليدي
لان اتعرف عليه اعرف اطبااعه اعرف عنه كل شي ,,

انا التقليدي مادري شنو يطلع تالي


الحنونه نفسي انا بعد عن حب وانتي ام الصبياان ؟

انا تزوجت عن حب ونفصلت بس ملجه
والحين زواج تقليدي ولله الحمد عايشه احسن عيشه

بنات سوري تاخرت بس صارت معركه بيت المقاتلين ورحت افاكك بينهم جان اخر شي ولدي الصغير قالهم طالعو امي شكلها يضحك وهي
توخركم في بطنها وقفوا وقعدو يتطنزون علي الخايسين ونسوا الهوشه
والله شكلي بصير صبي وياهم ولا الابو خير شر مايهزك ريح اذا عيزان لو يقتلون بعض مايتحرك

انا لا زواج تقليدي بس اموت عليه الخايس جني اعرفه من زمان اقوله انت شكثر عندك حظ وايد احبك يقولي اشمعنه قتله لانه قلبي عزيز مو اي احد يقدر يدشه لوووووووول يضحك يقول انا اصلا اللي ماكو مني بالله هالريال لو شنو ماكو فايده فيهم ذابحهم الغرور

لوووووول يحليلهم عيالج :dddds:

لا التحاميل مو زينه د عفاف الرومي مره زفتني علشان حطيت تحميله حق بنتي قالت بعدين تتعود وماتخرج الا بتحميله

انتي باجر وديه حق دكتور وانشالله يصير احسن

رحت قبل يومين حق دكتوره عفاف جان يقولولي مساقره ترجع برمضان :0bee2e8d89:
عاد يمدحونها

 

[om_3azoz]

السلام عليكم شلوونكم شخبااركم

مساعه عزوز شكله خااف لول مومخرج صايرله يومين ونص تقريبا عاد دقيت على خالتي وقتلها شنو اسوي عطيته كل شي ماكو فايده
قالتلي سويله شكر محروق وجذي واذا ماكو فايده حطيله تحميله
عاد انا يبت التحميله وسويتله شكر محروق يت ولا ريلي يقول جنه سواها لوووول
قلت شكله اخترع لوول جان يقول خل اسويهاا ,,

 

[om_3azoz]

حنونه شكلها نامت هههههه
قوليلنا تجربتج يالله احب اسمع قصص الحب والدور عليج ام عزوز واذا بتنامون يالله تك كير
اشوفكم باجر

تبين تسمعين قصص حب ,,
انا اقولج قصتي الحلوه ,, فلم هندي كان

كنت اعرفه جذي وقبل لايخطبني قلت حق امي كل شي اول شي قالت لا صغيره ماراح ازوجج قتلها بس انا ابيه واهو يبيني
قالت خل افكر ,, عاد بعدين قالت كيفج خل ايون ونسال عنهم اذا خوش ناس خلاص اخذيه

عاد دقت امه على امي ولا تطله امي اعرف يدته وعمته ,, المهم ,, يو وخطبوني ووافقت عاد ابوي قال حق امي بنتج صغيره واول واحد ايلهاا ليش موافقه وتبي تتزوج يعني ,, ولا امي تضحك ولا يقولها ايي السالفه فيها انه
لوول امي قالت يباا يحبون بعض وجذي ابوي قال ايي عشان جذي لووول
عاد امي قالت حق خالتي موافقين وجذي من غير لاتقولي اي ولا لا بعد معروفه انه موافقه لووول
عاد بعدين قصينا المهر وخلصناا بعدها بسبوع ملجناا وبعدين تزوجنا وبعدين يبنا عزوز لوووووول

اهياا قصه طويله بس مااقدر اذكرها اهني بالتفاااصيل لوول

 

[بحر الغموض]

الله يوفقج يام عزوز

قصه خفيفه وحلوه >>>>توها متغديه الاخت وتدور شي تحلي


شلونكم بنات اليوم حسيت بثقل وتعب باريولي قلت شكلي مانمت عدل قلت للخدامه عطيه حليب صناعي انا بنام لا تقعديني
توني صحيت بس حسيتصداع قلت يمكن عشان طوفت وجبه تغديت وماني مشتهيه اصلا وللحين احس الالم خفيف ايي ويروح

 

[هــلا الكويت]

اي ام عزوز طلعتي مو سهله .. حبيبه .. لووووووول .. الله يخليكم لبعض ..

اهلين بحر .. سلامات ما تشوفين شر .. شربي شاي اخضر يمكن منغثه ..

و اذا مو ماكله شي مو زين .. عالاقل حبات تمر تعطيج طاقه ..

شخباركم بنات وو شمسويين ..؟؟

 

[om_3azoz]

بحوره
بالعافيه ياقلبي لوول ايي قصه خيفه وبسرعه لوول

هلا الكويت
ايي افا عليج لوول منو هل زمن مايحب ولا ماعنده قصه حب ؟؟

شخبااركم ,, عيزانه اقوم احط ميكب عشان بروح اصور حق باجر التسجيل مالي خلق اسوي شي توه عزوز نايم
فمالي خلق اتحرك لووول ,,

 

[استبرق أم علاوي]

باجر تسجيل شنو ام عزوز؟

 

[بحر الغموض]

بنات منو راحت لفلم الكارتوني ايس ايج3؟

خاطري اروح له

 

[استبرق أم علاوي]

ايس ايج
مو البطاري؟

 

[om_3azoz]

ام علاوي

تسجيل التطبيقي باجر موعدي ,, عشان جذي بروح اصور ماعندي صور
برب بروح البس

 

[daloola]

ام عزوز
عاد هذي اول صورة عقب النفاس
راح تطلع حلوة اكيد

بحر
سلامتج شفيه راسج؟ اخاف مكثرة نوم
الفلم كل من يمدحة ودي اروح

الحنونة
انا ماقترح انا بس اعلق مادش وايد واتشرط

استبرق
هاو ار يو ؟؟؟

 

[هــلا الكويت]

I'm back

بالتوفيق ام عزوز .. والله ما ادري بحر ..

 

[om_3azoz]

دلوله
صج تتوقعين تطلع حلوه لووول
هلا الكويت مشكوره ياقلبي

 

[نور-الكويت]

ام عزوز انا ولدي يرضع طبيعي بس تخيلي بالاربع وخمس ايام ما يخرج وانا ماسكني امساك واهو امساك والطبيب ماعنده غير التحاميل علموني شسوي امي مسافره وعمو ولدي بعد 10 ايام تقريبا يكمل 3 شهور

 

[صفاء- الروح]

السلام عليكم ورحمة الله وبركاته
انا عضوة جديدة في المنتدى ودخلت على امهات 2009 لان بنتي الحبوبه مواليد 4/3/2009
واحب اشارك معاكم بس تفاجاءت لما قراءت ماكو مواضيع تخص الامهات
فديتكم تحياتي

 

[صفاء- الروح]

ام عزوز انا ولدي يرضع طبيعي بس تخيلي بالاربع وخمس ايام ما يخرج وانا ماسكني امساك واهو امساك والطبيب ماعنده غير التحاميل علموني شسوي امي مسافره وعمو ولدي بعد 10 ايام تقريبا يكمل 3 شهور

فديتج لا تخافي عطيه عصير برتقال خليه بالرضعه لرقم 1 واضيفي ماي عليه الى رقم 2 وحبه سكر نبات وانشاء الله بنفس الوقت بيخرج.
انا بنتي نفس الشي صادها وامي قالت لي وسويت والحين مرتين بالاسبوع اعطيها ويوميا تخرج طبيعي
وانا ارضعها طبيعي
وانتي دوم شربي سوائل وايد مفيد لج وللطفل عشان الحليب وما يسبب امساك