**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om__jana]

مشكوورة بحورة

انتي شلونج ؟؟

 

[بحر الغموض]

الحمدلله بخير

وحبيت اشكر كل من سال عن ولدي تسلمون حبيباتي وربي يسلم اعيالكم ويعطيهم الصحه والعافيه

 

[غيد مطير]

الحمدلله بخير قاعدين نخطط حق طلعتنا من الاربعين

طالعه من الشر حبيبتي

 

[al7noona]

بحر مايشوف شر ولدج

انا اليوم رحت مع بنتي مستشفى طيبه حق العيون
فحصت عيني لان فيني ماي ابيض وقالي الماي اكتمل بالعين اليمنى وتقدرين تسوين العمليه
ووريته عين بنتي اليمنى وايد تدمع من يوم ولدتها قالي لازم 3 مرات باليوم تسوين لها مساج حق عينها لان القناة الدمعيه مسكره وعطاني قطره ومرهم

 

[بحر الغموض]

ماتشوفين شر حنونه وماتشوف شر بنوتج وربي يشافيكم ويعافيكم وكل مرضى المسلمين

ولدي قبل ساعتين قعد رضع وقام يون والا حرارته رجعت ترتفع عطيته الادول بس دايخ ما يبي يبلع نايم حاولت فيه الين ماشربه

وبعين قام يبجي حيل وتدودهت والا يرقع راسه بطرف السرير وفحط واختبصت وشكلي ببجي بس ماسكه نفسي غصب

قعدت الخدامه تشيله لاني توترت والحمدلله هديت اشوي وبعدهااهو نام حبيبي
وقعدت ابجي لاني حيل تضايقت من نفسي ووضعي

يالله الحمدلله على كل حال وربي يشفيه ويعافيه ويحفظه من كل شر

 

[استبرق أم علاوي]

بحر مايشوف شر ولدج

انا اليوم رحت مع بنتي مستشفى طيبه حق العيون
فحصت عيني لان فيني ماي ابيض وقالي الماي اكتمل بالعين اليمنى وتقدرين تسوين العمليه
ووريته عين بنتي اليمنى وايد تدمع من يوم ولدتها قالي لازم 3 مرات باليوم تسوين لها مساج حق عينها لان القناة الدمعيه مسكره وعطاني قطره ومرهم

ماتشوف شر بنتج

هلا ام علاوي شخبارج حبيبتي شلون علاوي

هلا ام عزوز
تمام

استبرق
شلون علاو

اهلين دلولا علاو مسكين في اسهل كل ما شربته حليب يخرج على طول وسهال تكرمين

شلونكم امهاااات ؟؟؟؟؟؟؟ :eh_s(6):

ابي مساعده ياريت ماتخيبون ظني ابي اشتري عربانه حق بنتي شنو احسن نوع ومن وييين؟؟ طبعا بنتي بعدها نتفه يعني ابي عربانه حق اقل من سنه حق ياهل بالاشهر

نفسي قاعده ادور عربانه
شوفي بالمجمع اليديد تحت محل اسمه توي ... بعدين ما ادري شنو

بنات صج سكر النبات موزين ؟؟؟
انا كل يوم اعطيه اعشاب وفيها سكر نبات

النبات عادي بس عطيه نتــــفه

السلااااااااااام عليكم

شلونكم وشخباركم ؟؟

وشلون الكتاكيت الحلويييييين ؟



بنات عدووول يمص صبعه اشيله واحطله المصاصة يشيلها ويحط صبعه

شسوي مابي يتعود عليه ؟؟؟

عادي خيمص
بس اذا كبر وتعود
حطي ليمون على اصبعه

الحمدلله بخير قاعدين نخطط حق طلعتنا من الاربعين

طالعه من الشر ام حنى

 

[حنتوشه]

عروسه وام الصبيان هلا والله شمسوين وشلون الكتاكيت


حنتوشه ليش غيرتي حليبه؟؟؟
انا بنتي حليبها سيميلاك والحين غيرته خذيت حق 6 شهور واكبر لان اسمالله عليها اكبرت ولازم اغير الحليب بس نفسه اهوا سيميلاك رقم 2

غيرته لأنه كلا يتعصر وامساك وغازات مع اني استخدمله دوا الغازات بونيسان


بس بعد قلبي كلا عصبي ويبجي حيل مو مثل باجي اليهال وانا تاذيت معاه وايد :0bee2e8d89:


فغيرته من كيفي وسبحان الله تغيرت احواله وصار وايد اهدى من اول :ggdw: الحمدلله


الحليب ماشي معاه اليوم لنا 6 من غيرناه ولا اكو ترجيع ولا امساك ولا غازات اللهم لك الحمد

 

[daloola]

شلونكم بنات
حنتوشه
ولدج يمكن حاشه اسهال من تغيير الحليب...لازم تغيرينه بالتدريج
يعني تدخلين بس رضعه وحدة باليوم من الحليب اليديد وعقب مرتين وجذيه

والعربانه انا ياتني هديه من مذركير رحت شفتها قبل امس ب 45 د.ك وعليها خصم صارت ب 30 د.ك بس مو حق الرضع لان ظهرها ماينسدح...في وحده تنسدح بس ب 90 د.ك .... شدعوووووووة

عروسه
شلون بنيتج؟

بحر
شلون ولدج؟ عسى أحسن

 

[daloola]

وينكم؟

 

[^ام مشعل^]

السلام عليكم امهات بغيت مساعده ضروريه اشلون اعرف اذا ولدي حايشه هوا ؟

 

[الشيخه فطامي]

سلام امهات شخباركم

بسألكم عن الصبيان اسم الله عليهم
انا استخدم حفاظات ليبرو بس يسرب البول تكرمون
اهو من الحفاظه ولا الصبيان جذي ؟

يعني بس على جنب يتكود البول عزكم الله او على ملابسه او الصوب الثاني نظيف او الحفاظه مو متروسه وايد ؟ ّ

شسالفه انا البسه غلط ولا ما سكرها حيل ولا الصبيان جذي يدمرون اسم الله عليهم ههههههه

 

[الشيخه فطامي]

ام مشعل قيسيي حرارته اذا عندج مقياس حراره بالبيت
او لمن تعطينه حليب ما يقدر يبلع عدل
او ينام او عيونه تدمع شوي
يعني اذا شاكه بشي وديه الطبيب

انشاء الله مافيه الا العافيه

 

[^ام مشعل^]

الشيخه الفطامي مشكوره بس اهوه مافي حراره بس تكرمين يرجع مو حليب زيد لا يكون نفس مكتل

 

[^ام مشعل^]

الشيخه عادي انا ولدي جذي اسم الله عليه يسرب من فوق استخدمي بامبرز زينه وايد وايد انا اصكرها من فوق كلش جذي مايسرب او سعات تكون متروسه عشان جذي يسرب

 

[الشيخه فطامي]

ام مشعل مو متروسه تكرمين هذي المشكله انها مو متروسه وايد مادري يمكن ماعرف
بس بامبرز يطلع ريحه مو حلوه

 

[الشيخه فطامي]

لا اتوقع الحليب المتكتل عادي يمكن واقف على جبده او زايد

انا ولدي بطنه كلا غازات بس ماعطيه شي عادي يعني اقول بروحها تطلع ؟

لانه وديته الطبيب ما وصفلي شي مع وييههه

يصير اوديه مستشفى ثاني عنده موعد حق سونار الحوض ولا لازم نفس المستشفى اللي ولدت فيها؟ّّ

 

[al7noona]

غيرته لأنه كلا يتعصر وامساك وغازات مع اني استخدمله دوا الغازات بونيسان


بس بعد قلبي كلا عصبي ويبجي حيل مو مثل باجي اليهال وانا تاذيت معاه وايد :0bee2e8d89:


فغيرته من كيفي وسبحان الله تغيرت احواله وصار وايد اهدى من اول :ggdw: الحمدلله


الحليب ماشي معاه اليوم لنا 6 من غيرناه ولا اكو ترجيع ولا امساك ولا غازات اللهم لك الحمد

امبيه نفس حال بنتي عصبيه بشكل مو طبيعي وحليبها سيميلاك :0bee2e8d89: لا يكون من الحليب والله صايره مليقه ماتبي ولا شي حتى لما نشيلها تبجي احطها تبجي اقولها وين تبين اوديج القمر علشان تسكتين:krkrkr: وكله تصرخ وتبجي وماتبي شي امي تقول يمكن الخدم علموها على الشيل بس حتى لو نشيلها هم تبجي سمالله عليها :0bee2e8d89: ترى بنتي عمرها 5 شهور داشه بالسادس؟ تهقين من الحليب ؟؟؟

 

[al7noona]

هذي حفاظات بنتي زينين

 

[الشيخه فطامي]

امهات ما جاوبتو على اسئلتي؟ّ

 

[ϲհҽɾɾվ87]

مساااء الخير يا حلووين اشلوونكم شخباااااااركم


وعن مص الاصابع عويس ماذيني كله ايده بحلجه لمن اشربه حليب يطير المميه ويحط ايده يمصها ههههههه