**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[ϲհҽɾɾվ87]

سلام امهات شخباركم

بسألكم عن الصبيان اسم الله عليهم
انا استخدم حفاظات ليبرو بس يسرب البول تكرمون
اهو من الحفاظه ولا الصبيان جذي ؟

يعني بس على جنب يتكود البول عزكم الله او على ملابسه او الصوب الثاني نظيف او الحفاظه مو متروسه وايد ؟ ّ

شسالفه انا البسه غلط ولا ما سكرها حيل ولا الصبيان جذي يدمرون اسم الله عليهم ههههههه

اتووقع انتي ماتسكرينها عدل لان انا استعمل ليبرو وايد زينه احسن من بامبرز ام ريحه لووول

 

[الشيخه فطامي]

مشكوره حبيبتي بس اخاف اشد زياده تحز عليه او تضايقه

 

[om__jana]

شلووووووووووونكم بنات ؟؟

بقيت اسألكم ليبرو يابسه والا لينه نفس بامبارز؟؟

 

[^ام مشعل^]

قوه بنات انا استخدم بامبرز وماجربت ليبرو احسن من بامبرز

 

[بحر الغموض]

الشيخه فطامي الاولاد يسربون
بس من استدمت الهاجبز ولا مره سرب

سونار الحوض ممكن تسوينه باي مكان عادي


انا ولدي حرارة تروح وتيي

 

[^ام مشعل^]

قوه امهات حراره من جم تكون مرتفعه

 

[om_3azoz]

سلام عليكم شخبااركم شمسوين شلون البيبياات

على طاري الحفاظات انا ااستخدم حق عزوز بامبرز ماايسرب ولا يطلع ريحه ,, بالعكس حتى مثلا الساعه 2 ابدله لي الصبح يكون نايم بس مايسرب معنه تكون مترووسه ,,

ام مشعل الحراره الطبيعيه 37ونص


انا اليوم هااده عزوز عن ابوه لووول من الظهر ورحت المسيله تشمست وتسبحت لووووووول
اقول متى عزوز يكبر شويه عشان اخذه معاي لووول

ولا اخوي يدق يقولي انتي وينج هاده الولد قتله موهاادته عند ابوه خوو

 

[بحر الغموض]

هلا والله بنات شخباركم صج اشتقت لكم اليوم مادشيت النت كلش

ام عزوز اليوم كلمت دكتور ولدي قلت له ولدي حرارته 37 وقبلها يكون 35ونص او 36نص قالي طبيعي
قلت له موطبيعي لما توصل 37 لان عيونه تصير حمرا وتدمع حيل والجفن احمر وراسه كله حار وخصوصا جبهته ومايرضع عدل ويدوخ حتى لوبعطيه الدوا مافيه حيل يبلع
قالي عيل عطيه الادول لان مرتفعه حرارته حتى لو37 وشفتي هالاعراض هذه معناها ارتفاع حراره
وسالني لما تدمع عيونه تقمص؟ قلت له لا بس ادموع انا اعرف الرمد مافيه رمد ولدي
قال عيل 37 لولدج يعني مرتفعه

الله يشافي اعيالنا جميعا يارب وتشافي والدينا يارب وتخليهم لنا

 

[حنتوشه]

امبيه نفس حال بنتي عصبيه بشكل مو طبيعي وحليبها سيميلاك :0bee2e8d89: لا يكون من الحليب والله صايره مليقه ماتبي ولا شي حتى لما نشيلها تبجي احطها تبجي اقولها وين تبين اوديج القمر علشان تسكتين:krkrkr: وكله تصرخ وتبجي وماتبي شي امي تقول يمكن الخدم علموها على الشيل بس حتى لو نشيلها هم تبجي سمالله عليها :0bee2e8d89: ترى بنتي عمرها 5 شهور داشه بالسادس؟ تهقين من الحليب ؟؟؟

ما يمنع تغيرينه لها جربي علبه وحدة من هالحليب ...

والله فرق ولدي صار يضحك وصار يلعب وصار حليو وحبوب من بعد ماكان شرير خخخخخخخخخ

سيميلاك ريحته ارف الله يزيد النعمة وثقيل ولونه مصوفر !!! بس ابتاميل ريحته حلوة ولونه ابيض وخفيف حيل جنه ماي


عاد شنو معدت الياهل !!

 

[حنتوشه]

بحوره


ما يشوف شر وليدج ....

 

[بحر الغموض]

الشر مايجيك حنتوشه

وي توني ادري ان ممكن الحليب يسوي جذي الله يحفظ اعيالنا

يبه غيروا يمكن صج

 

[daloola]

ام عزوز
رحتي المسيله وهيتي التجمع الله يهداج محد مسولف
صفحة وحدة من امس لي اليوم

لالالا التجمع من غيرج هدوء

شلونكم بنات

بحر ...ترا مقياس الحرارة اللي بالاذن مو دقيق ... احتمال يكون زايد او ناقص درجة
يعني اذا ولدج 37 معناته يا 38 او 36 هالحروة
زايد او ناقص
الله يشافي عيالكم كلكم

حنتوشة
سميلاك صج ريحته خايسه بس زين ماشي مع بنتي

 

[haneen]

انزين انا ولدي مايخرج كل يوم .. تكرمون

يعني من الحليب مثلا ؟؟

يصير له 4 او يومين .. والله ساعات 6 ايام مو مخرج ..

غيرت له الحليب خذيت له نوفالاك .. مشى بطنه .. وردت عليه ناان الحين

بس كل يومين يخرج .. جذي طبيعي ؟؟؟؟

 

[al7noona]

شلونكم ياحلوين

سيميلاك معنى الكل يمدح فيه وكل المستشفيات والاطبه ينصحون فيه بس ياربي محد مشى مع عياله هالحليب والحين انا بنتي سيميلاك بس حق 6 شهور واكبر واخاف اغيره
قبل بنتي حور من انولدت لي عمرها سنه كله تشرب حليب اس26 ماشالله مشى عليها ولا غيرته ولا مره ؟؟!!!



امممممم ادز حق د عفاف الرومي عن الحليب اسالها اقولها شرايج اغيره ولا لا ؟؟؟؟ لان محتاره وخايفه اغيره



بحر مايشوف شر ولدج
انا الشهر الي طاف بنتي كانت كله دابخه وبليل صارت خدودها حممممممممممممممممممممممر طماطه بس جسمها زين مو حار دافي لما وديتها مستشفى طيبه قاست حرارتها قالت مافيها حراره 37 طبيعي

 

[al7noona]

حنين معروف نان يسوي امساك معنى زين مايسوي غازات بس كله امساك

 

[al7noona]

انا عندي مقياس الحراره امي شرته والله زين حتى لما شريناه عقب بجم يوم مسكين ريلي صار مريض وارتفعت حرارته وقمت كله اقيس حرارته ويطلع صح وعلشان اتاكد اقيس انا حرارتي يطلع لي 35 طبيعي وريلي مسخن يطلع 38 وهذي صورته

تحطينه تحت الاباط ولما يوصل لدرجه الحراره يصفر ويطلع الرقم

 

[بحر الغموض]

هلا والله بنات
ياريت تدعون لولدي خدامه اهلي طلع معاها الدرن
حسبي الله على هالصحه اللي عندنا
وولدي تعرفون توه ماكمل ال4 اشهر يعني ما اخذ تطعيم الدرن
وهذه لها فوق الشهر عندنا مع اني كنت محرصه ماتشيله كلش
وكنت اقول لامي ماني مرتاحه كانت تقولي لو فيها شي ما يطلعونها من الطبيب
ماتدري ان الصحه عندنا لا ذمه ولا ضمير حسبي الله عليهم
انا ماعرف شي عن هالمرض
ولما ييت بسوي بحث امنعوني قالوا لا تبحثين لانج بتتعبين فففهمت وقلت خليني صابره واتصبر
بروح بعد اشوي لمنطقه الصباح الصحيه هناك وبقولهم يفحصونا
طبعا عندكم خبر انا بروحي بالبيت مع الخدم واهلي مسافرين
صج ماترقعت الله يستر على اوليدي يارب
دعواتتتتتتتتتتتتتكم تكفون بنات
انا قاعده الهي نفسي باي شي عشان ما افكر لان قالولي النتيجه تاخذ 3 ايام الى 5 يام علشان يقولون حامل او غير حامل للمرض

حسبي الله ونعم الوكيل

 

[al7noona]

بحر ويي الله يعينكم وانشالله مافيكم الا العافيه وشنو مرض الدرن عادي ولا خطير؟؟؟

 

[om_3azoz]

ام عزوز
رحتي المسيله وهيتي التجمع الله يهداج محد مسولف
صفحة وحدة من امس لي اليوم

لالالا التجمع من غيرج هدوء

شلونكم بنات

بحر ...ترا مقياس الحرارة اللي بالاذن مو دقيق ... احتمال يكون زايد او ناقص درجة
يعني اذا ولدج 37 معناته يا 38 او 36 هالحروة
زايد او ناقص
الله يشافي عيالكم كلكم

حنتوشة
سميلاك صج ريحته خايسه بس زين ماشي مع بنتي

لوول دلوله شسوي غيرت جو وستاانست شويه ,, والتجمع اقعد انا واسوولف مع عمري ماكو احد لووول
كل مااكتب شي كل شويه اجيك اذا في احد ولا لا وماكو ,, قعد افتر بالمنتدى نفس المينونه وارد اجيك على التجمع ولا ماكو احد ليلحين اقوول شدعوه وينهم هذولي لوووول شكله بس انا اللي فااضيه

 

[om_3azoz]

بحر

الله يشافي ولدج ياارب ويبعدكم عنكم الامراض يااارب