تجمع ام موودي والرشيقات

[om moOody]

السلام عليكم


:68_asmilies-com:


شلونكم يا احلى منتدى كويتيات


انا ام موودي فتحت هالتجمع بناء على رغبة صديقاتي الرشيقات حاليا وبالمستقبل انشالله

:gathering:

قطوه

كراميلا مره

شيخة الغراشيب

فنكيا

وكل صديقه ورشيقه جديده حابه تنضم لنا اتنورنا وحياها الله

فكرة هالتجمع المشاركه والدردشه والتشجيع :ggdw:

ماكو رجيم اجباري

كل وحده اتسوي الرجيم اللي تبيه واتقولنا عنه واتشاركنا ابيومياتها واي سالفه عندها :eh_s(6):

بس نتفق كل اسبوع على يوم معين كلنا انقيس اوزانا فيه

الهدف من هالتجمع تشجيعنا حق بعض والوصول للهدف المطلوب في الوزن وتثبيته

كل وحده ادش اتحط وزنها وطولها والهدف حتى صديقاتي

حياكم الله :ggdw:

 

[om moOody]

ام موودي

الطول 160
الوزن 63
المطلوب 58

 

[بدوره 22]

السلام عليكم .. ممكن اشارك معاكم ؟

الطول : 158
الوزن : 66

الوزن المطلوب :60

بس ان شاااااااااااء الله ربي يقدرني واضعف على صحه وعافيه وانزل وزني لي 57

توني والده من شهر و6 ايام ..

واسوي ريجيم عند الدكتور عبدالله المطوع

وحاطه موضوع بالقسم عن يومياتي

 

[om moOody]

حمدالله على سلامتج بدور

تتربى في عزكم انشالله احلى بنوته وتفرحون فيها

انا وايد احب رجيمات عبدالله المطوع نظامه يعجبني يضعف

الله يوفقج وتوصلين للوزن اللي تبينه , لا اتخلينا قوليلنا اخبارج دايم

 

[pink Engineerah]

السلاااااااااااام

طولي 157 وزني 79


الهدف 60 يااااا رب


رجيمي بروحي مسويته قاطعه الخبز والعيش والمعكرونيه والمقالي والكاكاو والبيبسي والمعجنات وكل لذه بالحيااااااه :0bee2e8d89:
اشرب جاي اخضر وماااااي وايد وامشي نص ساعه:ada:

اخر ولاده كانت شهر 2 ومن يومها ما نزلت بالعكس قاعده ازييييييييييد:eh_s(14):

يا الله خل نشجع بعض:gathering: ؟ شكليتو اليوم @@​

 

[om moOody]

اهلين pink امنوره وحياج معانا

وبنشجعج انشالله وبعد اشوي يدشون صديقاتي بعد بيشجعونج

اقول جربي سوي رجيم السوائل لو جم يوم راح اتحبينه وراح يحرك وزنج

انا هذا الرجيم صديقي وقت المصاعب

انا اليوم صراحه فري باجر سوائل انشالله

 

[بدوره 22]

حمدالله على سلامتج بدور

تتربى في عزكم انشالله احلى بنوته وتفرحون فيها

انا وايد احب رجيمات عبدالله المطوع نظامه يعجبني يضعف

الله يوفقج وتوصلين للوزن اللي تبينه , لا اتخلينا قوليلنا اخبارج دايم

الله يسلمج يا قلبي

امين يارب

امين يارب كلنا نوصلل للوزن الي نبيه على صحه وعافيه ان شاء الله

اكيد ماراح اخليكم

بس اسمحي لي ما راح اوزن الا بالعياده عند الدكتور .. يعني راح احط وزني لكم ان شاء الله بتاريخ 29/12/2009

لاني افضل ان اقايس وزني بميزان ثابت ما اغيره

 

[om moOody]

على راحتج بس المهم اتبشرينا ابوزنج واتفرحينا


واااااااااااي جان زين اوصل للوزن اللي ابيه قبل نهاية السنه

اب 2010 نيو لوك بس ما البي اسوي رجيم ابي اصير رشقه ابمعنى الكلمه انشاالله انشالله انشالله

 

[om moOody]

كراميلا

قطوه

فنكيا

شيخه

وينكم ناطرتكم

 

[pink Engineerah]

ام مودي امس كان سوائل واليوم بس تريقت بيضه مسلوقه وعصير وبعدها بساعه جاي اخضر ومااااااي ما تغديت لاني قاعده متاخر البيضه تعتبر غدا والعشا سطله بدون زيت

وعلى فكره اول مره بحياااااااتي اسوي رجيم ياااا رب ثبتني قولي امييييين

 

[om moOody]

ااااااااميييييييييييين

انشالله تلتزمين بالرجيم وتضعفين ابصحه وعافيه

انا نفسج وزني زاد من الحمال

وايد متنت بالحمل وطولت على ما نزلت من وزني وشحومي المتراكمه

بس الحمدالله الحين وايد احسن راح الكثير وبقي القليل انشالله يرحون بعد هالجم كيلو اللي مالهم داعي


اي والله شخباري الوحده تصير متينه بنات جد احلى شي الضعف تصيرين اميره وملكه وكلج ثقه بالنفس

 

[pink Engineerah]

اي انا تزوجت وزني 58 والحين بعد 3 ولادات ابدااااااع الوزن بس خلاص اعلنت الحرب ومشيت على رجيمج مال السوائل خووووش شي بس ما اقدر اسويه متواااصل لازم اريح وما شالله انا قريت ان وزنج كان 76 وتشجعت واااايد الله يعينج وتطيحين الباجي بعافيه انشا الله


بنات كل وحده فينا خل تقول شنو اكثر سبب عشانه تبي تضعف يا الله خنسووووولف ....

 

[om moOody]

ماشالله عليج امتابعه عدل فعلا وزني كان 76 وبعد جهد وصلت الحين 63 مستمره في المسيره انشالله

اممم خوووش سؤال

اكيد ابي اضعف عشان زوجي هذا السبب الاول احبه وايد واحب اكون حلوه ابعينه ورشيقه مو امبهدله ومتينه

ووثاني شي حق نفسي احس الضعف يا جماعه يخليني واثقه من نفسي واحب البس واطلع وازور واشوف الناس واسوي كل شي

 

[pink Engineerah]

حبيبتي الله يعينج وتوصلين قريب ويحفظج لابو عيالج دوم وبتقققققققققققه

انا بالنسبه لي الرشاقه كلااااس وثقه بالنفس جدام الريل والناس واللبس يزهى الرشيقه وبعدين الصحه وايد تهمني وما ورا المتن عافيه وبعدين المتن يكبر يخلي شكلج جنج عيوووز والسوووووق غرامي واتحسف على جسمي شي



يا الله بنااااااات لا يوقف وينكم خل ننسى اليوع بالسوالف

 

[بدوره 22]

والله الضعف حلو

ومحد ما يبي صحته

من تزوجت وانا ضعيفه اللهم لك الحمد ..

وبعد كل ولاده لازم يزيد الوزن ... هالمره زايد وزني 6 كيلو

ولااااااااااااااااااااازم اقطهم ... بالطول ولا بالعرض هههههههه

وبعدين كلمة ريلي توووووووووووون بأذوني ...


من جم سنه قالي اياها بس والله بنات ما اقدر انساها ..

قالي ما اتخيلج متينه ..

يعني عن طريق غير مباشر .. لا تمتنين ترى تعود عليج ضعيفه ..



وبعدين اللبس ياربي حلو ... وانا امووووووووت على السوق

 

[qa6wa_]

قوه
شلونكم بنات ؟
مبروك ام مودي على التجمع اليديد
ومبروك عليكم كلكم يا بناااات

 

[بدوره 22]

وصاجين بنات الوحده لمن تكون وايد متينه وتمشي يم زوجها تصير جنها امه ..

حتى لو ريلها مو ذاك الزود جسمه

 

[qa6wa_]

انا طولي 150
وزني 51.3
ودي يصير 43

 

[qa6wa_]

عن نفسي مو ماشيه لى نظام معين
بس منعت نفسي من العيش والخبز والمعكرونه والبطاط بكل انواعه البيبسي والمعجنات والمقليات كلها والحلويات

يعني اكل بيض مفيوح وصدر دياي مشوي وسلطات وهمبورجر مشوي وغيره من المسموح بكل الرجيمات
اشرب جاي اخضر جم مره باليوم وقهوه مع شكر رجيم
اسوي تمارين معده 100 مره
ارقص نص ساعه ويعتمد الرقص على حركة الخصر
واسوي تمارين شد البطن
بس اليوم ثاني يوم ماسويت شي حسيت نفسي عيزانه
بس انشاءالله راح ارد اكمل استمر عليهم
المهم اني مااقطع لو اربع ايام بالاسبوع الحمدلله
والله يتمم على خير ويضعفنا يارب

 

[om moOody]

قطوه امنوره تجمعج حبيبتي

شخبارج اليوم رجيم ولا فري ؟