تجمع اولياء امور مدرسة الخليج الانجليزية في السالمية

[mr000]

السلام أشلونكم أمهات ..ملكه اشلونج..الله يعينج والله التدريس يفر الراس..العام قبل الكريسمس قال ولدي بيسوون حفله علشان آخر يوم دراسه قبل العطله وقال يبي دونت ..وتأخرنا شوي بالطلعه..مادري علشان شنو المهم ماحصلت الميني دونت وبجمعية مشرف شريت الدونت كله اللي عندهم شويه من سابليه وشويه من بيت الدونت وشويه من كيك آند بيك..لأن كان الوقت متأخر 9 ونص وكل محل فيه كم حبه بس ورحت كملتهم من الرميثيه..المهم غصب حصلنا 27 حبه..وآخر شي يرد ثاني يوم يايبلي العلبه مثل ماهي..كامله..قال فيه أثنين بعد يايبين دونت..وأغلب الصف يايب حلو..فظل ماكلوه..وطاح بجبدنا ولاأحد أكل وزعناه عالخدام والخمام البنغلاديشي اللي بره وغسال السيارات..

 

[*الزين*]

هاي امهات الخليج شلونكم وشلون عيالكم ؟

سولفو اكثرعن المدرسه شلون تدريس عيالكم فيها سؤااال هل واجهتو صعوبه فيها من ناحيه الانجلش يعني هل احتجتو مدرسين حق مساعدتكم؟؟

يعني هل لازم اكون بلبل عشان اعرف ادرس عيالي ولا شلون ؟؟؟ قوليلي اكثر عن المدرسه شنو الي ويونس فيها وشنو عيوبها؟؟؟


هل يركزون عل الجرأه والثقه بالنفس عند الطفل ؟؟؟

 

[ملكة بيتها]

سلام أمهات
هلا مروو صاجه ساعات تودين المدرسه شغلات وتحسين إنه ماله داعي ويزيد ..يالله عليهم بالعافيه اللي أكله ..

 

[ملكة بيتها]

هاي امهات الخليج شلونكم وشلون عيالكم ؟

سولفو اكثرعن المدرسه شلون تدريس عيالكم فيها سؤااال هل واجهتو صعوبه فيها من ناحيه الانجلش يعني هل احتجتو مدرسين حق مساعدتكم؟؟

يعني هل لازم اكون بلبل عشان اعرف ادرس عيالي ولا شلون ؟؟؟ قوليلي اكثر عن المدرسه شنو الي ويونس فيها وشنو عيوبها؟؟؟


هل يركزون عل الجرأه والثقه بالنفس عند الطفل ؟؟؟

حياج الله الزين ..لو تقرين الصفحات السابقه للتجمع بتلاقين إن شاء الله معلومات عن المدرسه ، والله من ناحيه الإنجش هي مدرسه إنجليزيه تتبع المنهج البريطاني كل المواد بالإنجليزي وكذلك جميع المدرسين أجانب ما عدا مادتي العربي واللإسلاميه منهج الحكومه والمدرسين عرب ولازم تكون عندج لغه إنجليزيه جيده عشان تقدرين تدرسينهم وما إحتجت لمدرسين لبنتي لتدريسها ( وعلى فكره المدرسه عندها نظام التيتوريال يعني لو بقيتي مدرسين يعطون حصص إضافيه بمبلغ مالي للساعه يكون بعد الدوام وكذلك نظام حل الواجبات نظير مبلغ مالي ) اللي يونس فيها إنها تحبب الطفل بالمدرسه وتخليه يعتمد على نفسه بالدراسه وتعطي الطفل ثقه بنفسه وعيوبها لحد الآن ما شفت عيب ممكن أذكره هني بس لابد من العيوب ما في شي كامل ...

 

[زوزو الحلوه]

سلااااااااام امهات شلونكم ؟؟
شلووونج ملكه عساج بخير...
مرووو..الفرسان..شخباركم؟

 

[زوزو الحلوه]

سلام امهات شلونكم؟اشفيه المنتدى ووايد يعلق؟؟

 

[زوزو الحلوه]

الحمدالله ولدي سووله مقابله والحمدالله حتى مس ليزا الي ماسكه صف الحضانه استانست عليه وانا ما توقعت منه انه يبدع معاها اسم الله عليه طلعت الحضانه الي كان يروحلها منها فايده الحمدالله يعطيهم العافيه...
شصار عليج باونتي امس وانا ناطره حق المقابله اسمع الي بالريسبش يقولون انه خلص التسجيل كلش مافي مجال ...
شلون على ولدج دقوا عليج ولا لأ..على اساس انه اليوم اخر يوم حق المقابلات ...
بشرينا...

 

[mr000]

هلا والله زوزو مبروك قبول ولدج..اسم الله عليه بأي حضانه كان يروح؟؟ والفال حق ولد باونتي..ملكه اشلونج شخبارج

 

[زوزو الحلوه]

الله يبارك فيج حبيبتي مروو... كان بحضانه الانجليزيه ثنائيه اللغه ...اي والله والفال حق ولد باونتي انشالله...

 

[باونتى]

امهات شلونكم ..زوزو الحلوه مبروووك قبول ولدج والفال حق ولدى .. أنا كل ما اقول بروح المدرسة تطلع اشياء اهم يعنى هالاسبوع كله مستأذنه حق طبيب الاسنان شلعت ضرس العقل وابتلشت وأمس ولدى ما نام من عوار الأذن طلع فيه التهاب شديد بالأذن وثقب فى الطبله عشان جذى كل أستئذاناتى مخليتها للطبيب :0bee2e8d89:

 

[ملكة بيتها]

سلام أمهات شلونكم
زوزو الحلوه ...شلونج حبيبتي ومبروك قبول ولدج الحمد الله إرتحت من المحاتاة ..
مروو ...شلونج يالغاليه مشكوره عالسؤال ...
باونتي ..سلامات حبيبتي وماتشوفين شر إنتي والصغير ..

 

[زوزو الحلوه]

باونتي ماتشوفون شر انشالله...
ملكه الله يبارك فيج ياقلبي..
امهات شلووونكم...مرووو....الفرسان ..وينج؟عسى ماشر..

 

[باونتى]

ملكة بيتها .. زوزو الحلوه .. الشر ما اييكم حبايبى وربى يحفظ عيالكم

 

[mr000]

السلام أمهات اشلونكم ..زوزو ..ملكه..الفرسان ..باونتي اشلونج شخبارج..آنا كل يوم أدش أجيك يمكن أشوف خبر عن مقابلة ولدج..من صجهم ليلحين مادقوا عليج..طمنينا عفيه

 

[زوزو الحلوه]

حبيبتي باونتي ...لاتسكتين ياتروحين المدرسه او تدقين عليهم اتشوفين شالسالفه..
رفيجتي دقت عليهم تسأل حق بنتها اذا في مجال تسجلها قالولها لا ما في مجال وانهم خلصوا المقابلات اصلا..قبلوا اللي قبلوه واللي ماقبلوه يروح مدرسه ثانيه يسجل...
جيكي معاهم...لاتسكتين ...علشان تعرفين وين تروحين

 

[ملكة بيتها]

سلام أمهات شلونكم
زوزو الحلوه .. شلونج يالغاليه عساج بخير ؟
باونتي ..شلونج حبيبتي ، وترى مثل ما قالت زوزو حاولي تدقين عليهم ولا تمرينهم وهذا الأفضل ؟ والله يسهل
مروو ..شلونج يالغاليه وما ننحرم من طلاتج الحلوه ..

 

[الفرسان الثلاثة]

هلا بنات شلونكم عساكم بخير يارب مشكورين على السؤال
انشغلت هالاسبوع وايد وماكان عندي مجال أطل عليكم وإن شاء الله دايما بتواصل معاكم
الاسبوع الياي يوم الأربعاء مرحلة الريسبشن عندهم تصوير بملابس التخرج والخميس بودونهم إن شاء الله رحله حق الأكواريوم والخميس اللي بعده حفلتهم التخرج الله يتمم على خير وهذي بتكون البدايه حق الجد والدراسه الله يعيننا تونا بالخطوه الأولى بالسلم حق الابتدائي الله يوفق الجميع يارب

 

[ملكة بيتها]

هلا بالفرسان الغاليه
ياحلات اللي بيتخرجون إن شاء الله تشوفينه متخرج من الجامعه بأكبر الشهادات ..

 

[ملكة بيتها]

شلونكم أمهات عساكم بخير ؟؟
هالأسبوع أسبوع كأس العالم ...باجر المدرسه كلها حماس ولبس الفرق

 

[زوزو الحلوه]

شلوووونكم...امهااات...
الفرسان انشالله من الجامعه يارب..
ملكه ...اليوم يهبلون بملابس الفرق تشوفينهم مستانسين حيل لانه كل واحد لابس الي يحب ...واهو الصراحه تغيير بعد عن لبس كل يوم (اليونيفورم)... على قولتج متحمسين