تجمع اولياء امور مدرسة الخليج الانجليزية في السالمية

[ملكة بيتها]

الي يودون عيالهم الخليج بليز قوليولي شلون المواصلات؟؟؟

الصبح اقدر اتحكم واطلع مبجر بس بالطلعه شلووووووووون السالميه وووزحمتها؟ بليز شلون تأقملتو وشلون الطريقه

احسها بعززز السالميه بالنص ويمها واايد لووويه شلووون تصيطرون على الوضع ؟!!

هلا بالواثقه بالله ..بالنسبه لسؤالج ترى لا تحاتين أنا لما أخذ بنتي بالطلعه كلش السالميه مو زحمه بس حالها حال كل المدارس مشكله المواقف بس الحمد الله سهالات .

 

[ملكة بيتها]

سلام أمهات عساكم بخير ..

 

[mr000]

السلام أمهات اشلونكم ..ملكه اشلونج شخبارج..باونتي..آنا ناطره موعد ولدج أكثر منج ..عفيه طمنينا..ان شاءالله يارب سوى زين بالمقابله ويقبلونه..

 

[زوزو الحلوه]

سلاااااااام امهات شلونكم شخباركم ؟
مروو...ملكه ..الفرسان شلووونكم؟
..باونتي هابشرينا على ولدج؟
ملكه انتي شنو تخطيطج للاجازه..انا بين شاليهات او سفر وانشالله نغير جو ننحاش من الغبار شوي
بس متى اليهال يعطلون ماراح يعطلون مبجر قبل 17_6

 

[باونتى]

بنات أبشركم ولدى نجح فى المقابله ولله الحمد :eh_s(9): المقابلة كانت على الساعه 11 والاسئلة خفيفه وسهله سألته عن اسمه .. وأشرت على الباب وقالت له انت من وين دخلت ؟؟ انت على شنو قاعد ؟؟ اشرت على كتاب وقالت شنو هذا ؟؟ سألته عن الالوان والاشكال والارقام والحمدلله جاوب صح .. وقالوا باجر تعالى اخذى لامانع وكملى الاجراءات لان غاده اللى بشئون الطلبه مستأذنه .. وخذينا جولة فى المدرسة واستانس وااايد يقول السكول وااايد بيج

 

[mr000]

مبروووووووووووووووووك مبروووووووووووووووووووك باونتي حبيبت الله يوفق وليدج وان شاءالله يحب المدرسه والمدرسين..وراح تفرق عليج المعامله وايد ..آنا شايفه مدرساتهم بالرحلات وايد حليوين مع اليهال..يلا كملي الأجراءات وارتاحي ألحين وخل يحولون فلوسج عالخليج

 

[ملكة بيتها]

السلام عليكم .
باونتي ....مبروك قبول ولدج ...الحمد الله افتكيتي من المحاتات وإن شاء الله راح يستانس من المدرسه ..
زوزو الحلوه ..إن شاء الله تغيرون جو بالإجازه والأهم يرتاحون العيال من الدراسه شوي ..أنا برنامجي إن شاء الله بنسافر باريس ..بالنسبه للإجازه ما عندي فكره إذا بيعطلونهم قبل ...
مروو ..شلونج يالغاليه ..

 

[باونتى]

مروو .. ملكة بيتها .. الله يبارك فيكم ويوفق عيالكم يارب .. بس صج ارتحت للمدرسة وخصوصا عقب ما خذينا جولة فيها وان شاء الله باجر اروح أكمل الاجراءات

 

[ملكة بيتها]

باونتي ...أنا نفسج يوم سويت الإختبار حق بنتي ..أخذنا جوله داخل المدرسه وبنتي وايد استانست وأنا إنشرح قلبي والحمد الله طلع مستواها ممتاز ..

 

[واثقه بالله]

انا اليوم عندي مقابله حق الكي جي وعسى الله بنتي احببها بالمدرسه يارب ادعولنا

 

[زوزو الحلوه]

مبروووووووووووك باونتي والله يوفقه وتفرحين فيه بالشهاده العوده انشالله

 

[باونتى]

زوزو الحلوه الله يبارك فيج حبيبتى

 

[ملكة بيتها]

السلام عليكم ..
واثقه بالله ...ها بشري شصار معاج على المقابله ؟؟ .
زوزو الحلوه ...باونتي ..عساكم بخير ..

 

[واثقه بالله]

الحمدلله مقابله كانت واايد حلوه بنتي اول شي صاحت بعدين طخت حبيت المدرسه وحبيت مس سوزان توقعتها اهي الي بدرس بنتي بس تقول لا مو اهيا اهي جنها مديره الروضه يحليلها حبوبه

الحمدالله كلشي كان اوكي

 

[ملكة بيتها]

السلام أمهات
واثقه بالله ...الحمد الله عدى الإمتحان وكل شي كان تمام ..والمدرسه صج راح تستانس فيها بنتج ,,

 

[باونتى]

أمهات شلونكم ..امس مريت مدرسة الخليج وخذيت منهم لا مانع ورحت مدرسة التكامل وعطونى براءة ذمه وقالوا لى باقى الاوراق تستلمينها يوم الاحد بس المحاسب قال مااا راح نرجع لج باقى فلوسج انا كنت دافعه لهم ؤسوم اعادة القيد قلت له انا سألتك لمن سجلت ولدى قلت لى ان احنا مؤسسه تعليمية وحدة وراح نحول لج الفلوس الى حساب ولدج فى الخليج .. رد على عيل تعالى على بداية العام الدراسى الجديد ..

 

[mr000]

السلام أمهات اشلونكم..باونتي والله غريبه هذا نحيس..قبله كانت فيه وحده مصريه بالتكامل حبوبه..لما كنت أقولها يمكن أنقل ولدي الخليج كانت تقولي عادي راح نحول لج الفلوس ماكو مشكله.. وحتى لما كان في غريد 2 وسجلته أول مره بالخليج ودفعتله تالي من قرادته مسكين قمت ثاني يوم وسمعت كلام الأبو قالي وديه التكامل أقرب علينا ورحت نقلت ملفه التكامل هم حولولي الفلوس بنفس الوقت... إنتي شوفي كلمي الخليج لو بالتلفون قوليلهم السالفه يمكن هم يكلمون التكامل ويخلونهم يحولون الفلوس بسرعه..

 

[زوزو الحلوه]

سلام امهااات شلونكم؟
باونتي ليش ماتكلمين احد غير المحاسب يعني الاداره شؤون الطلبه وعلى قولت مرووو كلمي الخليج اي وحده فيهم تكلم النكامل والله يسهل عليج وتفتكين انشالله..

 

[زوزو الحلوه]

سلااام امهاااات شلووونكم عساكم بخير؟ صارلكم مده ماتبينون ؟؟
في الي لاهي بالامتحانات والي مو لاهي وييييينكم
انا الصراحه بدت اجازتي لانه ولدي خلاص ما اوديه المدرسه التيشر تقول احنا خلصنا وهالاسبوع بس وناسه بوناسه سينما ويوم لعب قلت اقعده بالبيت احسن لي وله ويوم 16 اروح اخذ التقرير وكل عام وانتوا بخير انشالله

 

[ملكة بيتها]

سلام أمهات شلونكم عساكم بخير ..
زوزو ....وإنتي بخير حبيبتي ..ما شاء الله المنتدى صاير حده بطيء وتكتبين رد شطوله وتالي ما يروح ..أنا بنتي مخليتها تداوم لأن أبيها تستانس مع ربعها آخر أيام بالمدرسه ولعب ووناسه يعني هالجو ماراح يتكرر وايد ولما عرفت إن المدرسه بيودونهم السينما حق فلم شريك هونت من الروحه معانا تقولي تبي تروح مع صفها ..الله كريم ..