تجمع اولياء امور مدرسة الخليج الانجليزية في السالمية

[زوزو الحلوه]

سلام..
شلونكم امهات الخليج ..ملكه بيتها ..الفرسان الثلاثه..مروو ماتشوف شر بنوتج(بنت ولدج)انشالله والصراحه زين تسوين تروحين تمشين وتشربين كوفي عليج بالف عافيه..
انا فاقده ام ..عزيزتي..وانشالله خير من زمان ما شفت مشاركاتها ويانا (من طول الغيبات جاب الغنايم انشالله)
باونتي لاتحاتين انشالله يقبلونه والله انا ولدي الثاني حضانه قالولي له حق يتسجل لانه له اخو بالمدرسه الاولويه لكم دفعت 110 من اول فبراير قالولي بعدين ندق عليج حق المقابله نحدد موعد واللحين ماعطوني خبر ورحت لهم قتلهم جنه كشتوا لا الو ولا شي حق موعد قالوا للحين مقابلات الكي جي ماخلصت ولما نحدد حقكم نعطيج خبر ؟؟؟؟؟
الله كريم​

 

[mr000]

السلام أمهات الخليج اشلونكم مع العطله...

 

[الفرسان الثلاثة]

وعليكم السلام شلونكم امهات انا بخير الحمدلله انتوا شخباركم العطله قاعده تمر بسرعة ومادري اشوف هالسنه قاعدة تمر بسرعة الايام تركض عساها تمر بصحة وعافية وخير على الجميع يارب
انا خلاص استقريت على مدرسة الخليج حق عيالي واحد بيروح بقريد 1 والثاني الكي جي ان شاء الله لاني مرتاحة من نظام المدرسة و مدرسة قديمة و معروفة وعندهم خبرة و موقعها زين بالنسبة لي الله يوفقنا جميعا يارب ويسخر لنا احسن التيشرات بالمدارس ويبعد عنهم اصدقاء السوء في كل مكان قولوا امين

 

[زوزو الحلوه]

آمين رب العالمين ويحفظهم من كل شر يارب ..اي والله تصدقين الايام تركض كل من عمرنا غمضي فتحي الا اخر السنه ..
مروو انتي شلونج تبين ادخلين بنت ولدج بالمدرسه ولا لأ تبين النظام الامريكي احسن؟

 

[ملكة بيتها]

سلام أمهات شلونكم حبايبي الفرسان الثلاثه ...زوزو الحلوه ..مروو ...وباجي أمهاتنا الغاليين

الفرسان ..ربي يوفق عيالج وخوش إختيار الخليج

مروو ..العطله شارفت على الإنتهاء وإحنا بالشاليه وناسه الجو يهبل ..

 

[عزيزتى]

اي واله صاجين ما ادري اشلون طارت العطلة
الله يعينا
ا على الدراسة

 

[ملكة بيتها]

شلونكم أمهات وشلون استعداداتكم حق باجر ؟؟؟ الله المستعان بنتي اليوم بالغصب نامت

 

[mr000]

السلام اشلونكم..ملكه عليكم بالعافيه زين سويتوا رحتوا الشاليه غيرتوا جو شويه..آنا البارحه من ال10 بالفراش يعني بنام مبجر والله وكيلج مانمت إلا 2 وشوي.. يعني قاعده الصبح معتفسه..ومالي خلق عمري..بعد شوي بودي بنت ولدي عندها تطعيم..اشلون عيالكم مع أول يوم مدرسه عسى ماتعسروا..

 

[زوزو الحلوه]

شلونكم امهات .شلون اول يوم مع عيالكم انشالله مشى تمام .. والله انا ولدي اول مره يقوم جذيه مبجر حق المدرسه ماشاالله عليه لا احسده ولا باجر مايقعد مبجر ..والله ملكه بيتها زين سويتو رحتوا الشاليه على الاقل بدل السفر .. وعزيزتي شلونج عسى ماشر وايد غطيتي من زمان مادشيتي الملتقى .. حياج الله

 

[ملكة بيتها]

شلونكم أمهات
أمس الحمد الله أول يوم دراسه بعد الإجازه مر بسلام ..والعساره من المنتدى بالليل ما أدري شفيه
مروو ..أنا مثلج أدخل الفراش وكلش خلاص عيوني مسكره بس أطفي الليت ههه أصحصح ..
مروو...زوزو الحلوه ...بصراحه الشاليه ما يعوض السفر بس يظل تغيير وأهم شي بلا لويه بهالمجمعات وتعالي طلعي كل يوم على بو إجازه وعيالنا ما يقند راسهم إلا لما يصفرون البوك ...

 

[زوزو الحلوه]

شلوووونكم....امهاااااااااات...من بدت المدرسه مالكم حس ليش...لاهين؟؟؟الله يكون بالعون انشالله................. ملكه بيتها..اي والله كل يوم يبون يطلعون مايملون ..يالله بعد شنقول...عليهم بألف عافيه على الاقل الفلوس تروح حق عيالنا

 

[ملكة بيتها]

شلونكم أمهات حبايبي
زوزو ..صاجه وناسه عيالنا أهم من فلوس الدنيا كلها

 

[*الزين*]

اليوم رحت المدرسه اسلم الملف الطبي لاحظت شي غريب يمكن مادري كل المدارس الخاصه جذي

نسبه الي يسجلون عيالهم من الجنسيه المصريه كبيره بالخليج يمكن ليش انها بالسالميه مع احترامي لهم طبعا بس لاحظتو

 

[mr000]

السلام ..اشلونكم أمهات الخليج..ملكه اشلونج ..شخبارج..الزين شوفي آنا ولدي مو بالخليج بس أكثر من مره رحت الخليج بنقله وأتردد أهون الله مو كاتب له لأني أروح تكون باديه الدراسه شهر أو شهرين وأخاف مايمشي معاهم.. المهم لاحظت مثل ماقلتي إن وايد مصريين يسجلون عيالهم بالخليج ..يمكن علشان مثل ماقلتي بالسالميه.. وحتى بمدرستنا العالميه لاحظت باجتماع أولياء الأمور نسبه كبيره منهم مع أن المدرسه غاليه وايد بالنسبه لهم..بس للعلم ترى أكثرهم وظايفهم تدفع لهم وطبعا مو أي واحد وظيفته يدفعون له إلا دكاترة الجامعه والمستشارين والدبلوماسيين والطيارين والمدراء بالقطاع الخاص.وعلى فكره هم يحبون وايد النظام الإنجليزي لأنه أقوى فتشوفينهم أكثر شي يختارون البريطانيه والخليج والنيو انجلش سكول وعيالهم شطار متفوقين ماشاءالله..يعني الزبده هم ماأختاروا الخليج إلا عارفين مستواها...آنا أذكر مدرس ولدي العربي بالتكامل قبل لاأنقله العالميه وايد كان يشجعني إني أنقله الخليج هو كان يدرس هناك وانتقل يقولي تحسفت إني طلعت من الخليج هناك المدرسه أحسن بوايد من جميع النواحي..

 

[سيدة الكويت]

السلام عليكم

مرو شخبارج ...عندى نقطه لو دخليتيهم نظام بريطانى مثلا ما راح يقدرون ييبون نسب تدخلهم الجامعه ؟حدهم معاهد او جامعات على حسابج ومو كل التخصصات القويه فيها طب وهندسه

 

[mr000]

سوووري مافهمت قصدج سيده يعني تسأليني عن رايي؟ وإلا قصدج أنه اللي بالنظام البريطاني يكون صعب عليهم مايقدرون اييبون نسب؟؟ شوفي والله هو يعتمد عالطالب ومذاكرته وقدراته..يعني في طلبه بالنظام البريطاني وماشاءالله شطار واييبون نسب وفيه لأ.. وفي طلبه حتى بالأمريكي مايابوا نسب عاليه.. وعلى فكره آنا وايد قاعده أسمع عن مدارس ماتوقعتها..إنها تنجح بفلوس.. وكان مع ولدي بالجامعه كم طالب من مدارس خاصه قالوله أشكره..بس طبعا في مدارس صارمه جدا..يعني النيو انجلش سكول كان فيها ولد عمي ماقدر اييب فيها نسبه عاليه واضطر أبوه يوديه أمريكا على حسابه..

 

[باونتى]

أمهات شلونكم .. عساكم بخير يارب .. انا لى الحين مسلسل المحاتاة ما انتهى لان المدرسة ما دقواا ولا حددوا لى موعد المقابله واليوم عيزت وأنا أدق عليهم كله مشغول أو محد يرد ... الله كريم​

 

[ملكة بيتها]

السلام عليكم أمهات
شلونج مروو حبيبتي ..وأنا رايي من رايج مروو بصراحه المنهج البريطاني صارم بس يخلي الطالب يعتمد على نفسه ويجتهد فما أتوقع الطالب اللي يتعود على نظام صارم ولازم يكون مجتهد ما يقدر ييب نسبه تالي ..فالسالفه تعتمد على الطالب إذا هو شاطر ولا لأ
سيده الكويت ..حبيبتي رايج أحترمه وأنا معاج النظام البريطاني صج صعب بس أنا أعرف ناس مدخلين عيالهم نظام إنجليزي وتخرجو من مدارس إنجليزيه من الكويت قاعد يدرسون بأمريكا وببريطانيا بأحسن الجامعات وعلى حساب الحكومه بتخصصات هندسه وطب ..

 

[mr000]

السلام أمهات اشلونكم ..باونتي بعد عمري ليلحين ناطره وتحاتين ..الله كريم ان شاءالله ينقبل لاتحاتين..مثل ماقلت لج هم يتأخرون بالمقابلات..آنا سووا فيني جذي من قبل لما وديته العالميه لأن خفت أفلس من المدارس الثانيه وتالي مايقبلونه..

 

[سيدة الكويت]

عاد تصدقون انا جربت مدرستين بريطانيه وأمريكيه

الأمريكيه كانت أصعب....تعتمد أكثر شئ على الفهم..مو الحفظ

صح الذكى والنبيه يمشى بكل مكان ويتخرج بروفسير بعد