تجمع باريس-ديزني-بروكسل-لاهاي 2010

[White Musk]

فرنسا - بلجيكا -هولندا 2010

مساء الورد
الحمدلله
اخيرا استقريت على الرحلة لهذا الصيف
انشاء الله رحلتنا بتكون كالتالي:_03BA:
باريس - يوروديزني - بلجيكا( بروكسل ) - هولندا (لاهاي )
على الخطوط الإماراتية
من 9-7 إلى 29-7
أنا وزوجي وعيالي الله يحفظهم
هدفي الأول هو تحقيق رغبة اليهال بزيارة يورو ديزني
بما إن السفرة راح تكون يوم الجمعة ففضلت ابتديها في باريس علشان اتجنب الأحد بيوروديزني
السكن في باريس راح يكون فيLe Meridien Etoile Hotel Paris من 9-13
انتقل بعدها إلى يوروديزني انشاء الله فندق
Disney's Newport Bay Club من 13 -16
بعدها راح اتجه بالقطار إلى بلجيكا(بروكسل) من 16 -23 بس لي الحين ما استقريت عالأوتيل
وبعدها لاهاي (شخيفنق) في هولندا من 23- 28 ايضا ما حجزت الأوتيل
وراح ازور مدينة دوزيلدورف وكولون الألمانية من لاهاي او من بروكسل (زيارة لكل مدينة يوم واحد)
والوصول للكويت:q8: 29-7 الفجر

 

[السهم الصويب]

بالسلامة انشالله

يمكن اشوفج بس انا رحلتي عكسج بالضبط

يعني هولندا بروكسل وباريس

وهم كولون ودسلدورف بنمرهم

بروح نفس وقتج

 

[Tender Heart]

بالعكس جنه الاحد يصير كرنفال بيورو دزني اذا ماني غلطانه واحنا صادفت روحتنا الاحد بس تأكدي من زمان هالحجي وتروحين وترجعين بالسلامه

 

[ام مهاوش]

تروحين وتردين بالسلامه يارب واستانسي باريس لها جوها الخاص حلوه اتينن
ميريديان اتوال الفندق اينن انا جربته وبوفيه الريوق موطبيعي بس في عيب واحد اهوا باب الحمام عزكم الله يكون الزجاج اللي مايبين وينسحب بس ماعليه تقزر انشالله
ديزني انا استانست اكثر من اليهال اللي معاي واحلى شي بديزني بالليل لما يسكرون الالعاب موتروحون عبالكم خلاص خلصو لا قعدو عند القصر الي بدزني داخل راح تلقين ناس وايد قاعدين ينطرون راح تشوفين عرض يصير موطبيعي جراقي اول مره بحياتي اشوفه وعروض شخصيات ديزني صج صج جنه خيال موصج الله يهنيج يارب وتروحين ووتردين بالسلامه
ولاتنسين مطعم بالشانز اسمه بريوش وشي اعلانه بالاحمر مكتوب اسمه بالانجليزي ذوقي صمونه عندهم فيها طماط مجفف وجبن وقوليلهم يسخنونها وتكريني ههههههههههههه
لي الحين انا ورفيجتي نتحلم بالطعم

 

[LA TROO7]

انا رحلتي استقرينا على ميلانو جنيف باريس

اخر محطه باريس بنرد من مطار شارلي ديغول وبنسكن في باريس نفس فندقكم عاد اخووي قبل العام ساكنه يقوول عادي جداا مو وااااو عاد انا تحطمت افكر اغيرة للكونكود لافاييت

 

[ام مهاوش]

انا رحلتي استقرينا على ميلانو جنيف باريس

اخر محطه باريس بنرد من مطار شارلي ديغول وبنسكن في باريس نفس فندقكم عاد اخووي قبل العام ساكنه يقوول عادي جداا مو وااااو عاد انا تحطمت افكر اغيرة للكونكود لافاييت

لا غلطان اخوج انا جربت الاثنين ميرديان اتوال وكونكورد لافاييت
ميرديان اتوال افخم وغرفه اكبر واثاثه ايدد وبوفيه الريوق احلى بوايد من كونكورد لافاييت خليج على ميرديان

 

[LA TROO7]

ام مهاوش فدديتج انا شفت صوورة صغير احس وهم الكونكود صغير بس خلاص مراح نغير

بسألج رحتي هضبه مونامارت

انا في باريس قبل العام بس الشانز وايفل واللافاييت مارحت غيرهم هههههههههههه

هالسنه ناويه اعووووض شنووو احلا الاماكن تنصحيني ازورها من تجربتج

اثق برايج

 

[ام مهاوش]

حبيبتي لاتروح مشكوره دام تثقين برايي هههههههههههه
لا والله للأسف نفس حالتج مارحت غير الااماكن المعروفه ولا طلعت مناطق بره باريس

 

[White Musk]

صباح الخير يا أهل الخير

الحمدلله أكدنا حجوزاتنا بس صار في تغيير بالرحلة
يورو ديزنيمن 13 لي 18 لها 5 ليالي بدل 3ليالي الله يكون بعوني ما احب الازعاج واللوية بس ايهال يبون يطولون فيها
الحمدلله في بروكسل من 18 لي 23 حصلت Hotel Hilton Brussels City BRUSSELS
الحلو فيه انه قريب من الساحة مشي 5 دقايق وأكدت الحجز فيه
بس المشكلة في لاهاي
ماراح اسكن بأمستردام لأن زوجي يقول ما تصلح وراح نسكن بلاهاي وراح تكون نقطة الانطلاق داخل هولندا
لاهاي من 23 لي 28 حصلت الحجز في Hotel NH Atlantic DEN HAAG
شوي بعيد عن شخيفننق الي فيه البلاوي بس هذا الأوتيل شوي بعيد عن السنتر تقريبا 7 كيلو وماني لاقية تقارير عن لاهاي ومحتارة
ازورها ولا اظل ببروكسل ومن بروكسل ممكن ازور هولندا اذا احد يقدر يفيدني راج اكون شاكرة له

 

[White Musk]

بالسلامة انشالله

يمكن اشوفج بس انا رحلتي عكسج بالضبط

يعني هولندا بروكسل وباريس

وهم كولون ودسلدورف بنمرهم

بروح نفس وقتج

حياج الله
بس جذي راح نفيد بعض اذا رحلتنا بنفس الوقت كتبي لي رايج برحلات هولندا وانا اكتب لج رايي برحلات باريس
ويمكن نتلاقى ببروكسل

 

[White Musk]

ام مهاوش فدديتج انا شفت صوورة صغير احس وهم الكونكود صغير بس خلاص مراح نغير

بسألج رحتي هضبه مونامارت

انا في باريس قبل العام بس الشانز وايفل واللافاييت مارحت غيرهم هههههههههههه

هالسنه ناويه اعووووض شنووو احلا الاماكن تنصحيني ازورها من تجربتج

اثق برايج

لاتروح حياج الله بس فعلا مثل ما قالت الأخت أم مهاوش انا سمعت ان غرف الإتوال اوسع من غرف كوكورد لافاييت
وأرقى حتى صاحب المكتب الي دايما ومن عمر الدنيا نتعامل معاه قال نفس الكلام انشاء الله يكون حظنا حلو فيه
وبالنسبة لهضبة مونامارت راح ادور بالنت واشوفها واحط عنها تقرير انشاء الله

 

[White Musk]

تروحين وتردين بالسلامه يارب واستانسي باريس لها جوها الخاص حلوه اتينن
ميريديان اتوال الفندق اينن انا جربته وبوفيه الريوق موطبيعي بس في عيب واحد اهوا باب الحمام عزكم الله يكون الزجاج اللي مايبين وينسحب بس ماعليه تقزر انشالله
ديزني انا استانست اكثر من اليهال اللي معاي واحلى شي بديزني بالليل لما يسكرون الالعاب موتروحون عبالكم خلاص خلصو لا قعدو عند القصر الي بدزني داخل راح تلقين ناس وايد قاعدين ينطرون راح تشوفين عرض يصير موطبيعي جراقي اول مره بحياتي اشوفه وعروض شخصيات ديزني صج صج جنه خيال موصج الله يهنيج يارب وتروحين ووتردين بالسلامه
ولاتنسين مطعم بالشانز اسمه بريوش وشي اعلانه بالاحمر مكتوب اسمه بالانجليزي ذوقي صمونه عندهم فيها طماط مجفف وجبن وقوليلهم يسخنونها وتكريني ههههههههههههه
لي الحين انا ورفيجتي نتحلم بالطعم

حياج الله يا أم مهاوش مشكورة على مشاركتاج الفعالة
انشاء الله بروح المطعم وباكل الصمونة وبصورها لج وبحطها بالتقرير لي رجعت
عطيني جدول لو سمحتي حق 3 ايام في باريس وين ممكن اروح
بصراحة انا بهالسفرة مالي خلق لا متاحف ولا قصور
نتعب ونصف دور وندفع ونهلك وبالآخر حتى ما نقدر نصور
راح ازور فقط متاحف بروكسل مثل متحف الشوكولاته ومتحف الرسوم المتحركة ومتحف الأبعاب و
وبهولندا راح ازور انشاء الله متحف جسم الإنسان شفت له تقرير بمنتدى ثاني رووووعة يونس حق اليهال

 

[LA TROO7]

ام مهاوش ووايت مسك

فدديتكم ماقصرتوااااا

وايت مسك
هضبه مونامارت اللي يكون فيهاا الرسامين والكنيسه شفت عنهااا صوور تهبل لاتطووفج مليناا من القعده بالشانز

 

[White Musk]

زين الي نبهتينا خل اكتبها بأوراقي

 

[ام مهاوش]

الحلو في باريس انه سهر لي الفير بالشانز امان والناس اللي تشوفينهم بالليل اكثر من النهار
اول يوم في باريس روحي برج ايفل راح يكون الطابور اشطوله بس يستاهل الصعده روحي فوق في ثلاث مراحل الاول والثاني يم بعض وتصعدينهم باصنصير عادي بس الثالث يخرع لاتصعدين ووايد فوق وبعيد صوري واستانسو وشوفي الفيو يونس وفيه كافيه ومحل سوفنير وبعدين نزلو من البرج وتمشو بالحديقه اللي جدام ايفل اتينن ووناسه وفيها مكان مرتفع تشوفين البرج عدل وتشوفين العرايس يمشون ونناسه تحسين جو رومانسي بعدين نزلوو وروحي حق العباره تفتر فيكم بالنهر ويورونكم معالم باريس القديمه تمرون على سجن الباستيل وعلى كنيسة نوتردام وهالسوالف مع البراد والجو اينن صج الجو يرد الروح ونصيحه لاتروحون بالليل روحو بالنهار اونس انا جربتها بالنهار وبالليل بالنهار الاماكن واضحه احلى بعدين روحو حق الشانز وتمشو وتسوقو
ثاني يوم روحو حق ساحة اللاديفانز مكان ارقى من الشانز فيه مجمع وفيه مطاعم وكافيهات وبعدين روحو حق لافاييت قالري حق الماركات وعوار القلب والسوق اللي عنده حلو بعد
انا بصراحه مو من النوع اللي يشدني السوق وايد الا الماركات مادري شنو يصير فيني ههههههههههههه ادوخ
سوق باريس عادي مافيه شي الصراحه انا للامانه ماشريت الا تريننق اللي فيه ستراس وصل 300 مادري على شنو لقيته هناك ب60 دينار وشريته بس ماعندهم شي حلو ومحلاتهم كلها عاديه حتى زارا اللي بالشانز يلوع الجبد اللي عندنا احلى وملابسهم عفيسه شي فوق شي يسد النفس هذا واهوا موجود بشارع عالمي ومعروف جذي ويع
بس ديزني وناسه فيها اوت لت اينن حلو وفي منتزه لايطوفكم هذا احلى شي بباريس حديقه كبيره ونهر وخيول ونفس نظام الاكواخ المكان اينن لايطوفكم

 

[LA TROO7]

ام مهاوش

فعلا الشانز يحلوو من بعد الساعه 12 بالليل نقعد باللادوري او الفوكيت والا قهوة الماريووت ونضحك على المهرج المصري
وتعالي شووفي هاالشخصيات كنت يوميا اشووف الوليد بن طلال وزوجته وامير منطقه الشرقيه

 

[ظلال القرآن]

هلا مسك توني اشوف موضوعج والمنتدى معلق ما اقدر ادش
باريس ويورو دزني اختيار موفق
بس بروكسل مادري ما ودي اضيق خلقج ترا جدا كئيبه
شغيفننج بحر بس واحنا شبعانين بحر
يا ليتج مخليه رحلتج سويسرا فرنسا وايد احلى

 

[White Musk]

هلا مسك توني اشوف موضوعج والمنتدى معلق ما اقدر ادش
باريس ويورو دزني اختيار موفق
بس بروكسل مادري ما ودي اضيق خلقج ترا جدا كئيبه
شغيفننج بحر بس واحنا شبعانين بحر
يا ليتج مخليه رحلتج سويسرا فرنسا وايد احلى

مشكورة اختي ظلال القرآن انا سمعت وايد نفس رأيج بس شسوي بروكسيل ولاهاي اختيار ابو الشباب ما اقدر ازعله
وما قدرت أغير رأيه
أهم شي عندي رحلة اليهال ليوروديزني
وانا تصفحت منتديات كثيرة وشفت أماكن حلوة في بروكسيل ما كنت متوقعتها
وان شاء الله ما يخيب ظني فيها
وبالنسبة للاهاي أو شخييفننج أو دين هاق على قولتهم صج انها عالبحر بس انا منها راح اتجول في هولندا
واذا حسيت بملل ممكن من بروكسل او لاهاي اروح دوزيلدورف الألمانية وممكن ازور اي منطقة بفرنسا
والله يسهل الأمور

 

[عذاري1976]

روحين وتردين بالسلامة ان شاء الله دان هيق تهبل صراااحة انا استانست فيها وااايد حتى عيالى حبوها وكنا ساكنين فندق الكور هاوس عجيب حدة وبلجيكا روحوو منطقة اسمها بروج حلوة

 

[عذاري1976]

بس يورو ديزنى حلوة بس ما استانسو عيالى زحمة ودور على الالعاب ساعه واكثر بس الفندق عجيب صج اكثر شى استانسو عيالى بالفندق وصراحة استانسو بالمشترى اشترو اغراض المدرسة كلها وانا الى استانست بالمشترى اكثر بس انا اوديهم بالمانيا مدينة العاب اسمها يوربا بارك وااااايد استانسوو فيها اكثر من يورو ديزنى الى كذا مرة نوديهم لها وهم السنة الى وراها وديتهم لها