تجمع بنات الطب سواء مستجدات او مستمرات حياكم :)

[JaDeL]

لا مارحت بس رحت دورة اكسبرشن خذينا كتب ومقسمينا يعني ماشي الحال وبروح باجر بس الله يعين لا داومنا بيكون ضغط من الجابريه لي شرق مشكله

 

[basema]

اي والله حدها مشكله يعني تعب وعباله الوحده مايمديها البيت ترد وترتاح وبعدين فترتها طويله خمس اسابيع راح يكون في خلالها امتحانات انجليزي متي يمدينا نرد نرتاح وندرس وبعدين اهما شنو يدرسون وهل كل يوم

 

[JaDeL]

اي والله عاد انا اليوم طنشت بس باجر بروح ://

بطلت السيديات اليوم والكتب وقعدت اقرى

 

[HANOOOODA]

أحس ما عندهم سالفة هالدورة
حضرت أمس و اليوم بس خرابيط =\

 

[basema]

انزين هنوده اهما كل يوم الدوره و ما فهمت عن شنو يدرسون

 

[HANOOOODA]

إي كل يوم ما عدا يمعة و سبت طبعاً
كل أسبوع يوزعون عليج جدولج
عندج units لازم تخلصينهم
و كتاب workbook
و كتاب ثالث فيه ترجمة و شوي تفصيل حق الدرس
و بس على حسب جدولج تمشين أول ساعة لاب تدشين على userich بالكمبيوتر
و تشوفين الدروس فيديو ، و يحطولج أسئلة تحلينهم
و تقرين كتاب الترجمة و تحلين الأسئلة اللي فيه و إذا مداج حلي الـWorkbook بعد !
هذا أهو .. اللي فهمته إنه هالفترة بناخذ General English
عقب جم أسبوع نبلش Medical و بس !

 

[JaDeL]

والله احس ماراح استفيد من هالدوره :/ احس خرابيط

 

[HANOOOODA]

بالضبط =\
لا و الـWorkbook قعدي حليه و مادي شنو! ماله هدف

 

[JaDeL]

الله يعين

 

[basema]

بنات خلونا في المهم بالنسبه للفايلات شنو اشتريتو ولا توكم ناطرين شنو يقولون الدكاتره والنوت شلون بعد

 

[JaDeL]

للحين ماشريت شي ولا سويت شي بنطر اشوف طريقتهم وبعدها يسير خير

 

[HANOOOODA]

والله حتى أنا ما شريت شي =\ !
ماني عارفة شيبووون
مادري إذا Dr.SoS عندها خبر ؟ < بلشتج ؛$

 

[JaDeL]

://

 

[د.ساره]

السلام عليكم ...يعطيكم العافية
خواتي عندي جم سؤال بس <<انا طالبة ثنوي اخر سنة ان شاء الله وقاطة وجهي هني :$.. بس يعني الافادة للجميع مو..؟؟
انا ان شاء الله حاطه ببالي اني ادخل طب بشري بس في اشياء ودي اسأل عنها عشان عندي سبب مخليني مترددة:
واهو اني اخاف من سحب الدم بس هذا اللي اخاف منه بس أشرح وجذي لأ عادي يعني :d
اللي زاد خوفي من الابرة لأن مرة اخذوا مني عينة وطحت 3 مرات أكيد اول اكون خايفة وثانيا مو نايمة عدل..ومو ماكلة شي واتوقع من نقص فيتامين فيني يخليني ادوخ واتوقع علاجه عادي وان شاء الله ما اخاف منها
آسفة طولت بالمقدمة بس بغيت اعرف في احد منكم كان يخاف من الابرة وبعدين عادي ما تخاف؟
_____________________________________________
بغيت أسأل عن الكلية يعني شنو نظام سنوات..وجم سنة دراستها
الطب العام، التخصص؟
انا سمعت ان محاضراتهم من الصبح لي 9 ونص بالليل ..جم محاضرة وشنو يسوون طول هالمدة وبوقت فراغهم وين يقعدون؟ومتى يمديهم يدرسون لامتحاناتهم.؟
وبغيت اعرف اول سنة يدرسون بكلية الطب ولا بالعلوم وبالعربي ولا الانجليزي؟
وجم محاضرة اقل شي باليوم.؟
اللابات و الكلاسات والكفتيريا مختلطة؟
المواد صعبة يعني الدكاترة يساعدون ولا لأ؟
جم مادة تدرسون بالسنة؟
وأتمنى بصراحة الرد على الأسئلة لأن أجوبتكم تحدد مصير دراستي بعد الله...
وآآآسفة طولت عليكم حيل بس تأكدوا إن مو انا الوحيدة اللي راح استفيد الكل لما يدخل يستفيد وأجركم عند الله

 

[JaDeL]

حبيبي الكليه نظام سنوات وبالنسبه اول سنه تكون تمهيدي ويقبلونج على حسب رغبتج وعلى حسب المعدل بالطب البشري او اسنان او صيدله

وبالنسبه للمحاضرات مادري انا الحين سنه تمهيديه ومرات اخلص عصر مرات ظهر يعني عادي وبالنسبه للكفتيريا مو مختلطه والكلاسات مادري ماظن مختلط واللابات اتوقع مختلط وحبيبتي بالنسبه اذا المواد صعبه ياقلبي كل مكان صعب حتى لو معهد صعب اهم شي تدرسين اول باول وشوفي انتي شنو تحبين تدرسين وبعدها قرري باي كليه تبين تدشين واستخيري

 

[د.ساره]

أختي ما قصرتي و الله على الرد قواج الله على الإفادة..

 

[JaDeL]

العفو ولو ياقلبي

 

[HANOOOODA]

الله يوفقج سارة و يا رب نشوفج دكتورة
ما عندي شي أزيده على اللي قالته جادل
بس إن شا الله بعد فترة إذا عرفنا الكلية عدل و النظام تأكدي إنه راح نقولكم إهني
تابعي الموضوع : )

* هم باجر أكو كلاس إنجلش شرح الطالب فراس من الساعة 12 لي 2
بتروحون ؟

 

[د.ساره]

تسلمين هنوده الله يسمع منج يا رب

 

[JaDeL]

ماراح اروح الصراحه