تجمع بنات الـ Canon G9

[Miss.KSA]

بيوتي عزيزتي انا شفت صورك في فلكر تجنن روعه ماشاءالله تبارك الرحمن
بس كل صورك انتي استخدمتي فيها كاميرا g9 ???

 

[beauty]

مشكوره حبيبتي ... اسعدتيني برايج

اي بس استخدمت g9

 

[beauty]

حبوبه ماقلتي لي ... شنو استخدامج ؟؟؟
ع اساسه تحددين اي كاميرا تناسبج

 

[بقايا غرامك]

عندي سوآل !!
الحين انا آنشالله بشتري كآم يديده بس تصير العطله :eh_s(14):
اشتري g9 ولا 450d ؟؟

 

[beauty]

>>> كتبت رد طويييل وعلق المنتدى

لا g9 ولا 450d >>> شرايج فيني p:
لان g10 نزلت السوق من شهوور ومواصفاتها افضل و500d ان شاء الله شهر 5 تنزل السوق وفيها مواصفات احسن وفي مميزات مو موجوده باللي قبلها

انتي اللي تحددين الانسب لج ... طبعا 500d افضل بس اختاري الانسب
حسب ميزانيتج وحسب المواصفات اللي تهمج

اذا تبين تبدين من الصفر اختاري g10 ... واذا كنتي متمكنه من استخدام الكاميرا وبالذات تعرفين للمانيوال ومتمكنه منه اختاري فئه d

عن نفسي ... صارلي فتره اغلب الوقت اصور مانيوال والحمد لله احس تحسن تصويري وصرت اعرف الاعدادات احسن من اول
وان شاء الله بالصيف اشتري 500d

نصيحتي ... اقري عنهم ومواصفاتهم وفكري عدل عدل واختاري الانسب لج ... اهم شي الانسب مو الافضل

 

[بقايا غرامك]

اممم الميزانيه عند امي خخخ بس انا قلتها عن سعر 450d قالتلي اشتريها لج بس درسي << هل دراسه بكل شي مضايقتنا:eh_s(14):
وg9 اهيا شبه احترافيه مو ؟
بس اذا بشتريها جم كام بشتري و 500d احسن من 450d ولا بس انها اجدد ؟؟ ولا يعني في فرق بس بقى على الصيف وايد الله يحينا وانا من الحين اقرر لوووول

 

[beauty]

لانه اجدد فيها مواصفات احسن وفي مميزات مو موجوده ب450d

 

[بقايا غرامك]

تسلمين بيوتي مآقصرتي

 

[beauty]

شنو قررتي ؟؟؟

اهم شي فكري عدل عشان ما تحسفين

اهلي يقولون لي لا تشترين الحين تو الناس

 

[بقايا غرامك]

انشالله اشتريها بس لي الحين ماقلت حق امي
بس من ناحيه تو الناس حتى انا قالولي وانتي ماتستاهلين شوي وبتملين ومادري شنو ووحده اعرفها تقول الحين الي يصورون موضه وانتي بس جذي تاخذينها مو بس تصويرج حلو في ناس تصويرها حده حلو لاتشوفين نفسج
يعني ماتسوى علي خذيت الكاميرا وناس هابين فيها
بس الواحد يتعلم

 

[beauty]

شي طبيعي بتسمعين كلام في قمه الاحباط في البدايه لكن بعدين لما يشوفون تصويرج راح يقدرونج ويفتخرون فيج
اهم شي يكون عندج اصرار وتحدي الكل وقولي راح اثبت لهم انهم غلطانين

قبل سنه ... كنت اقول لهم بشتري كاميرا وبتعلم التصوير وطبعا وقتها ماعندي صور وقليل اصور بس حابه التصوير وكنت اقرا دروس
الكل انتقدني وقالي حرام تضيعين فلوسج ع كاميرا واللي يقول لا تقطين فلوسج وتطلع هبه ولا اللي يضحك علي
صج وقتها احبااااااااااط وحدي تكدرت وفي كلمات للحين في بالي مانسيتها لانها من اقرب الناس وكانت جارحه بس كانت من وراي
قلت مالي شغل باحد ... آنا حابه التصوير ومع الوقت اتعلم واحسن تصويري

ولما شريت الكاميرا الكل اغتر بسالفه شبه احترافيه وكانوا يظنون ان الصور من ابداع الكاميرا وآنا مالي اي دور !!!
اختي الوحيده اللي كانت تدافع عني وتكلمهم انهم يشجعوني مو يحبطون واخوي كان يشجعني بسسس
لقيت التشجيع من المنتدى ووحده من خالتي ... وقتها تضايقت شلون اهلي مايوقفون معاي حتى امي وابوي

صار عندي هدف موبس اطور تصويري واتعلم ... لازم اثبت لهم انهم غلطانين واني استاهل التشجيع

والحين الوضع تغير ... صج بعضهم تحسين من داخلهم مو مقتنعين بس صاروا يشجعوني
لدرجه ابوي يوري ربعه بالدوره فلكري ... حدي استغربت لما قالي واستانست لانه يفتخر فيني وفرحان بتصويري
واليوم وحده معاهم خذت فلكري عشان بنتها تشوف صوري
وخواتي وبنات خالتي فرحانين فيني ويعطون رفيجاتهم فلكري حتى اخوي الصغير لما شاف الفلكر استاانس وعطى رفيجه
واخوي الكبير يقولي مادريت انج موهوبه وتصويرج حلوو
اتوقع لما شافوا الصور تغيرت نظرتهم ... ومثل ماقلت البعض للحين بداخلهم مو مقتنعين بس مايبينون لي

ادري قرقت عليج بس لانج تمرين بنفس اللي مريت فيه حبيت اطمنج واشجعج ... واذا مالقيتي اللي يشجعج آنا بوقف معاج

 

[بقايا غرامك]

مادري ليش يحبطون واول ما يسمعون كلمه مصوره ياكلونج شدعوه شدعوه مو مسوين شي حرام
وماتقصرين بيوتي تسلمين

 

[زيـنـه]

شخباركم ؟

من زمان عنكم

بيوتي .. من زمان عنج.. و عن التصوير .. و تاثرت بقصتج
ان شاء الله اتعلم منج

 

[beauty]

مادري ليش يحبطون واول ما يسمعون كلمه مصوره ياكلونج شدعوه شدعوه مو مسوين شي حرام
وماتقصرين بيوتي تسلمين

الله يسلمج حبيبتي

مادري شفيهم الناس ع المصورين ... بس ان شاء الله اذا احترفنا يغيرون نظرتهم لنا

 

[beauty]

شخباركم ؟

من زمان عنكم

بيوتي .. من زمان عنج.. و عن التصوير .. و تاثرت بقصتج
ان شاء الله اتعلم منج

اهلييين وسهلييين ... شلونج زيونه ؟؟
وينج مانشوفج بالقسم ؟؟

شكلي بشيشهم عليج بموضوع " مصور في ورطه " :sfg:

تصدقين ماحسيت ان قصتي مؤثره الا لما كتبتها ... لووول توني احس واتاثر

 

[زيـنـه]

بيوتي .. خوش فليكر .. منكم نستفيد

 

[beauty]

شكرا شكرا ... ديري بالج بعدين اغتر واشوف نفسي >>> ماتخيل نفسي مغروره ... الحمد لله

شخبار التصوير ؟؟؟
فقدناج بالقسم ... اطالبج بموضوع

 

[Miss.KSA]

كانون اتكلي على الله وخذي الكاميرا اللي تشوفينها مناسبه وابتدي ولا عليك من كلام هابين فيها ومن الكلمات المحبطه اللي خبرك
سوي كل شغلك وانتي ساكته وابدعي لحالك والبنات ان شاءالله ماراح يقصرون معاك وبيعلمونك اللي تبين

بيوتي يعجبني اصرارك وبصراحه صفحتك في فلكر ابداع ماالوم اهلك اذا افتخرو فيك لأنه من جد ابداع ماشاءالله تبارك الرحمن
والله اني استحيت وانا اتفرج على صورك احس نفسي ماله داعي اشتري كاميرا ههههههههههههههههه لأنه انا مو راعيت تصوير ابد الى اني اصور نفسي واهلي بس وكنت ابي وحده زينه للسفر والطلعات والحين زي ماتشوفين محتاره بين الg 9 و10 وانا حطيت لكم المقارنه بينهم
فايليت تقولين لي اشتري اي وحده فيهم بحكم خبرتك بالكاميرات ؟؟؟

 

[beauty]

اخجلتيني بكلامج ... لما اشوف الصور بفلكر اقول صوري ولا شي واتمنى اوصل لمستواهم واحسن

اذا تبين الكاميرا للتصوير العادي اشتري الصغار وفي وحده عرضتيها عاجبتج ... لكن اذا تبين تتعلمين التصوير وحابه تصوير الماي والقطرات والسوالف هذي اشتري g10 افضل لج

بس حرام تشترين كاميرا اكثر من حاجتج تقطين فلوس ع الفاضي ... وتاكدي من اختيارج قبل لا تشترين عشان ماتحسفين بعدين

 

[زيـنـه]

بيوتي .. والله عندي شوية لقطات .. بس العيز من تحميلهم على اللاب توب و ايجاد موقع تحميل و تحميلهم على المنتدى هذا اللي مكسر مياديفي