تجمع بنات الـ Canon G9

[أنثى إستثنائية]

طريقتك بالعزل صحيحة غريبة تطلع معك كذا .. ؟؟



من ناحية العجلة جربي وانتي عينك على العدسة دوريها

شوفي كيف تصفي لك النظر للي يبي يصورون من العدسة

بدون الشاشه علشان البطاريه ماتنتهي بسرعة يالغلا

 

[أنثى إستثنائية]

صورة العروس مو طالعــه












مشرفتنــا / جاي وحليب ..,


بما ان صاروا البنات وايد في هالقسم اللي يستخدمون كاميرة جي ناين / ليش ما نبطل موضوع خاص (مثبت ) لصور اللي التقطت بواسطة هالكاميرا ..
يــكــون نفس الألبوم لنا ..

وبهالموضوع اللي احنا فيه حاليـآ / انخليه بس للمناقشه والدروس وتبادل الخبرات والأراء :gathering:

همـ عشان ماتضيع صور العضوات بين الصفحات على مدار الأيام


وبسسسسسس اشرايكمـ بإقتراحي _03BA:



​

أعجبني إقتراحك كثير ياريت من جد يطبقونة


مشرفتنا تعالي عطينا رأيك ​

 

[pink butterfly]

اي صج فتحوا موضوع

لصور الـ G9

وشوفوا هذا الموقع في صور للـ G9

http://www.flickr.com/cameras/canon/powershot_g9/

ولا تقولون جذي عن الكاميرا .. لا تخلوني أندم اني طلبتها لووووول =(

 

[جاي وحليب]

بنات انا متابعه لنقاشاتكم بصمت
لاني مو من اصحاب الـ Canon G9
فـ قلت اخليلكم الخصوصيه وتتبادلون المعلومات مع بعض

عالعموم ودي اشكركم على تفاعلكم واسألتكم
وردودكم وافادتكم .. هذا اللي نبيه بالقسم
احنا كلنا خوات نفيد ونستفيد من بعض باذن الله


شكر خاص للغاليه/ أنثى إستثنائية
على ردودج على استفسارات البنات
واعطاءنا من وقتج لهذا الموضوع
شكراً من القلب

:tek:

بالنسبه لطلب فتح موضوع خاص لعرض صوركم
ماادري انا حسيت ان بجذي راح نظلم صوركم

1. اذا كانت صوره عاديه لمجرد التطبيق وقد تكون خاليه من الجوانب الفنيه
مكانها بهالموضوع لتبادل الخبرات والاستفاده منها

2. اما اذا كانت صوره فنيه ولها قيمتها يوضع لها موضوع خاص من قبل العضوه نفسها
وفيها هالصوره لعرضها للكل.. نفس بقيه المواضيع اللي تعرض فيها الصور الاخرى

برايي جذي افضل علشان نعطي كل صوره حقها.. اما موضوع كامل لصور الـ G9
ممكن نظلم فيه بعض الصور ومانعطيهم حقهم سواء من المدح او النقد او الملاحظات

انا هذا رايي وشكراً لكم مره ثانيه
ويعطيكم الف عافيه

 

[ام عبدالله72]

السلام عليكم ,يمكن استخدام G9 للتصوير الاستوديو ؟ كيف ؟

 

[سفيرة العشق]

السلام عليكم

توني راده من مصر بنات... هاذي لصور


واتمنى تعجبكم

كامرتي كانون جي 9

أبي اقولكم على السكرول اللي اهيا العجله اللي يم الشاشه اللي سألتو عنها

لمن تسوين زوم على صوره راح تطلع مو واضحه

اكو على العجله من فوق مكتوب MF اهيا مالت التوضيح يعني بعد ماتزومين على اللي تبين تصورينها ضغطي على ال MF ولفي العجله ليمن توضح الصوره ... اما اللي تحت تماما تحت ال MF اختيارات اذا تبين المشهد يتصور اكثر من صوره ورا بعض بكل ضغطه يعني للصور المتحركه .. واكو مكتوب بهالخيار 10 وتحتها 2 واهوا المؤقت مال التصوير اذا بتصورين نفسج

وصح العجله اللي فوق مالت الوضوح ... يعني الصوره تصير اوضح بس منقطه والفلاش يصير اقوى كل مازدتي الرقم من 80 -1600

اذا تحبين تعطين الصوره اشراقه و تغيرين الالوان اختاري بالأوبشن my color اختاري vivid للأشراقه

والله مع التعبث راح تعرفونلها

بعدين انا شريتها من الغانم اب 250 دينار تقريبا مع ذاكره 8 جيجا

وعندهم عدسات بس فلاتر مو زوم

اهيا اكثر شي 12 بيكسل

المهم قرقت وايد خل اخليكم مع لصور

 

[Miss.KSA]

واااااااااااو بنات ماشاءالله موضوع رائع وصور اروع

بصراحه انا كان ودي اشتري كاميرا كانون للتصوير الشخصي و لايف ستايل
وماني عارفه وش اخذ لأني انا مو من هواة التصوير بس احب اصور نفسي وصديقاتي

وعجبتني الكاميرا واستفدت من كلامكم وناويه اشتري Canon Eos 450 D digital rebel Xsi
وقريت انه افضل عدسه لتصوير الايف ستايل Canon 50mm F1.8

شرايكم فيها اتكل على الله واخذها ولالا ؟
وموقع امازون عامل عرض عليها شرايكم اطبلها ولالا

 

[أنثى إستثنائية]

صراحة يابنات الكاميرا روعة ..

وأنا رحت جبت لها كم عدسة ..

الزوم / وايد إنجل " لتصوير البانوراما " / وعدسة ماكرو ..


تطلع للشخص صور حيل رايقة بإذن الله بنزلكم صور اليوم أو بكرا

لأني سافرت وتوني راجعة يالغاليات ..

وأنا متابعة معكم للموضوع ..

وأتمنى أفيد الكل ..

 

[أنثى إستثنائية]

شكر خاص للغاليه/ أنثى إستثنائية
على ردودج على استفسارات البنات
واعطاءنا من وقتج لهذا الموضوع
شكراً من القلب

:tek:



ويعطيكم الف عافيه

الله يعافيك حبيبتي جاي حليب ..

ماسويت شي يالغلا بالعكس :tomato2:

أنا برضو أستفيد وإستفدت منكم كثير

وهذا شوي وربي بحقكم ..

القسم هذا فادني بشكل مو متخيلتة كيف .. :tek:​

 

[kuwaiteya1984]

بجم خذيتي العدسات الاضافيه ومن وين ..؟


فيه بنات هني منزلين صور عجيبـه ومو عارفه اشلون اصور نفسها بكامرتي ..


بليييييييييييييييييييييز اذا حطيتوا الصور / حطوا معاها الطريقــه نبي نتعلم عليها ترى طاحت الكاميرا بجبودنا

 

[الجوهره الراشد]

مراحب الغالين

ربي يسلمكم بكون صريحه معاكم واقولكم من جد موضوعكم عجبني وسجلت للفائده

بس ممكن تتحملوني وتجاوبون استفساراتي..

الله يسلمكم انا عندي هالكاميرا لها 6 اشهر بس عجزت اتعلم عليها

ابي اصور فيها بروتريه باحتراف مااني قادره ممكن تعلموني عليها بشكل دقيق

شنو افضل وضع للبروتريه؟؟

وشنو يعني فتحة العدسه وسرعة الغالق هذول وين احصلهم


الله يجزاكم كل خير

الله يخليكم تحملوني

 

[chocolate cake]

وناااسه موضوع عجيب

الصراحه انا ناوية اشتريها و احتمال كبير الويك اند الياي
عجبتني مواصفاتها وايد

عندنا بأمريكا سعرها 499 دولار

انا اشوف سعرها زين و ارخص من الكويت

ان شاءالله نستفيد من بعض

بس اشتريها راح اقولكم اخر الاخبار

 

[غنوة ستايل]

وناااسه موضوع عجيب

الصراحه انا ناوية اشتريها و احتمال كبير الويك اند الياي
عجبتني مواصفاتها وايد

عندنا بأمريكا سعرها 499 دولار

انا اشوف سعرها زين و ارخص من الكويت

ان شاءالله نستفيد من بعض

بس اشتريها راح اقولكم اخر الاخبار

اخذيها و انتي مغمضه انا امس استلمتها ...
و معاها الذاكره 4 جي بي .. و فيها عربي ..
شفت المنيو غيرته صار عربي
الشي الوحيد المختلف ان كفالتها امريكا و كندا فقط :tek:

 

[نورا29]

شلونكم بنات من كثر ماشوقتوني على الكاميرا رحت الغانم بشتريها قالي خالصه ماراح نيب منها لأنها موديل قديم حسافه وسعرها 197

 

[زيـنـه]

مفكره فيها

بس ابي دوره تصوير اول

و من متى نازله الكاميرا ؟؟

 

[kuwaiteya1984]

امبيه شنو موديلها قديم !!


عيل شاليديد منها !! / انا عند يوريكا لمن رحت شريتها قالي انها يديده .. شنو يقصون علينا

 

[Miss.KSA]

بناااااااااااااااااات بليز انا ودي اشتري كاميرا ومحتاره بين الG9 وبين PowerShot SD950 IS

هذا الفرق بنات تكفون ساعدوني .. انا رحت وشفتها عندنا بالخبر بمكتبة جرير ب1949ريال وانصدمت بحجمها
وثقلها ماتعودت
وشفت كاميرا ثانيه اللي PowerShot SD950 IS خفيفه وسهله للشنطه وسعرها اقل بواجد
وانا محتاره بنات انا ابي اصور اللحظات السعيدة اللي في حياتي بس كككككككككك<<<< اسلوب خطير

وهذا الرابطين للكاميرتين اللي محتاره فيهم واتنمى تساعدوني

PowerShot SD950 IS
http://www.usa.canon.com/consumer/controller?act=ModelInfoAct&fcategoryid=145&modelid=15652

PowerShot G9
http://www.usa.canon.com/consumer/controller?act=ModelInfoAct&fcategoryid=144&modelid=15669

بنات بليز قولو لي انا موراعية تصوير ابد بس ودي اتعلم شرايكم

 

[om-7amod]

يعني اشترى هالكمرا ...واتوكل ع الله


ام حمود

 

[سلطـ زمانها ــانة]

توكلي على الله

وعلى حجمها تتعودين

مو كبيرة بشكل متعب

 

[غنوة ستايل]

والله الكاميرا اتجنن واااايد حلوة ...