(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[Betty]

نيلوفر لج وحشه وينج غاطه ماتبينين كلش

 

[Betty]

اهلين Whisper ~ شخبارج
عليج بالعافيه الخلطه و يعطيج العافيه مرمر
اليوم حدي دايخه

 

[Artya 【ツ】●]

آنا هووووووووون

سوالفنا مقطعه من الدوام لول

 

[Asrarie]

ايه مريوم توني كلمتها !
حسبالي انتي تصدقين :$ قلت يحليلها مريومه متزوجه مو مبين عليها ههههه


ديفيد ميري ماخذه عنده أدب وفنون ؟
شنو مو فاهمه ياقلبي ؟
انتي بس اكتبي معآه كل شي يقوله .. ونصيحه داومي اول بأول لأنه يكتب واجد

لوووووووووووول لا هاذي المندوبه :dddds::dddds:

لا ماخذه مقدمه الادب ,, امبي قولي شلي فهمته يتكلم بسرعه وفي كلمات مافهمها امبي مادري شلون بتخصص انا:cxxxp::cxxxp:

 

[Betty]

بنوته اهلين خيتو ولهانه عليج
ولهانه عليكم كلكم وين استنوش اليوم فقدتها
ما احب الدوام تعب

 

[Asrarie]

مريومه

لازم اقطع الماسكرا عشان استخدمها ؟
ولا عادي

ليش تقطعينها عاادي استخدميها ,, الخلطه حطيها بالليل وحطي مسحه خفيفه لاتكثرين ترى اذا دشت بعينج انا مالي شغل اللهم بلغت اللهم فاشهد:dddds::dddds:

ومااوصيج اذا شفتي نتيجه قولي تجربتج بموضوعي >> تبي دعايه:dddds::dddds:

 

[Betty]

مرمر انتي هون ولهانه عليج

 

[Asrarie]

اهلين بنات
واااي صج الجو كئيب قمته و زحمه و غبار و حر امبيه جنه داشين معسكر مو جامعه
مرمر الظاهر يتكلم بسرعه خليج منتبهه و موفقه يا قلبي

موبس يتكلم بسرعه في كلمات ماافهمها

امبي سكتي دشيت متاخر طقيت الباب ماسمع المهم دشيت والا اهو معطيني ظهره وقاعد يرجع جان يدعمني انا حدي تفشلت مسكين عباله بسعصب قعد ساعه يقولي سوري قلتله اتس اوكي >> هذا اللي طلع مني:dddds::dddds:

 

[Asrarie]

صااجه بنووته من هالدوام سوالفنا مقطعه ..

هلا بطووطه انا اكثر والله..

هالكورس جدولي موشي ولا وحده من رفيجاتي فراغها معاي ومحاضراتي فراغي ساعه مايسوى ارد البيت ومحاضرتين ب شريعه قلت باخذ الاب توب باجر اشبك بطووطه اذا ماعندج شي خنشوفج

او اذا ماتبين عالاقل طرشيلي مسجات نسولف:dddds::dddds:

 

[Betty]

هههه مرمر يا حلوج ضحكتيني و انا نفسيتي كلش مالي خلق عسى الله يفرح قلبج دووم يارب
باجر ودي اغيب صارلي يومين احضر و الدكاتره غايبين و دوامي طويل و حدي تعبانه و ما شفت رفيجاتي هالكورس كلش مو شي و كليتنا صايره زحمه بشكل مو طبيعي مانقدر نمر و العالم بس قاعد يخزون ودي اكفخهم لايعه جبدي و الجو موشي سوري عالقرقه

 

[Betty]

و فوق كل هذا الاخونجيه مسوين التفافيخ و مقلدين المستقله و حدي منقثه و خايفه عالديره ميته خوف اليوم الاخونجيه قدموا استجوابهم و يمكن ينحل المجلس واااي معاناه ليش الكويت صارت جذي ليش ؟

 

[Betty]

و هالاسبوع تمر سنه على وفاه الدكتور أحمد الربعي الله يرحمه ابي ابجي حدي متضايقه

 

[Asrarie]

بناات اذا عندكم مسجاات حلوه طرشوولي ,, نكت او اي شي ,,

 

[Asrarie]

و فوق كل هذا الاخونجيه مسوين التفافيخ و مقلدين المستقله و حدي منقثه و خايفه عالديره ميته خوف اليوم الاخونجيه قدموا استجوابهم و يمكن ينحل المجلس واااي معاناه ليش الكويت صارت جذي ليش ؟

وااي لاتقولين

ياربي الله يحفظج ياكويت بس..

صراحه غلط لما فجوا رئاسه مجلس الوزراء عن ولايه العهد ,, الشيوخ لهم هيبتهم مو اقل شي سووا استجواب ماكو سالفه!!

حتى امهاتنا واهلنا مو على كل شي يعاقبون ويحاسبون!!

 

[Betty]

اي شفتي شلون ؟ يستجوبون عالفاضي و المليان يموتون على الترزز و الطلعه بالجرايد و التلفزيون آمين عسى الله يحفظ هالديره يارب

 

[Asrarie]

حبيبتي اهم يوصلوون حق شي الا وهو ان رئيس مجلس الوزرا مايكون من الصباح يكون منهم ,, هذا اللي اتوقعه والواضح من هالاستجوابات اللي مالها داعي,, انتوا تقولين احنا دينين طيب وين طاعه ولي الامر اللي امرنا فيها الدين!!

والله امي محتره تقول رضوا والا مارضوا هذول شيوخنا ومانرضى عليهم

 

[Betty]

اي هذا اهوا تدرين ان بابا سعد الله يرحمه كان يدري بنيتهم و صرح بهالشي يوم كان وقتها رئيس مجلس الوزرا
ههه هذيله وين و طاعه ولي الأمر وين خليني ساكته حدي منقثه ودي اعرف ليش يسوون جذي شهالحزب اللي غاسل مخهم
هذي ديرتكم شلون جذي تهون عليكم شلون تبدون حزبكم على ديرتكم ؟ و الله لو عدوه ما تسوون فيها جذي هذي امكم خافوا الله فيها سامحينا يا يمه سامحينا احنا بدونج ولا شي ما نستاهل نعيش
امزين نسيتوا دمعته ؟ نسيتوا دمعه الغالي ابونا نسيتوا وقفته هذي شلون هانت عليكم الديره شلون
http://www.youtube.com/watch?v=QZEALW0dLQA
و الله العظيم قبل امس قعدت ابجي و اقول الحمد الله ان ابونا يابر توفى قبل لا يشوف شصاير بالديره
ودي مره اكلمهم اقولهم ليش ؟ و الله ابي افهم ليش ؟ لي هالدرجه الكويت رخيصه بنظركم ؟
و اللي يعافيكم فارجوا من الديره سووا لكم ديره بروحكم انتوا و يا ربعكم المنتشرين بانحاء الكره الارضيه و فكوا هالديره الغاليه من شركم

 

[فوشية]

مرحبا بنت التألف تحييكـــــــــــــــــــــــــــــم

وتقولكم كل عام وانتوا بخير ؟

 

[Asrarie]

اي هذا اهوا تدرين ان بابا سعد الله يرحمه كان يدري بنيتهم و صرح بهالشي يوم كان وقتها رئيس مجلس الوزرا
ههه هذيله وين و طاعه ولي الأمر وين خليني ساكته حدي منقثه ودي اعرف ليش يسوون جذي شهالحزب اللي غاسل مخهم
هذي ديرتكم شلون جذي تهون عليكم شلون تبدون حزبكم على ديرتكم ؟ و الله لو عدوه ما تسوون فيها جذي هذي امكم خافوا الله فيها سامحينا يا يمه سامحينا احنا بدونج ولا شي ما نستاهل نعيش
امزين نسيتوا دمعته ؟ نسيتوا دمعه الغالي ابونا نسيتوا وقفته هذي شلون هانت عليكم الديره شلون
http://www.youtube.com/watch?v=qzealw0dlqa
و الله العظيم قبل امس قعدت ابجي و اقول الحمد الله ان ابونا يابر توفى قبل لا يشوف شصاير بالديره
ودي مره اكلمهم اقولهم ليش ؟ و الله ابي افهم ليش ؟ لي هالدرجه الكويت رخيصه بنظركم ؟
و اللي يعافيكم فارجوا من الديره سووا لكم ديره بروحكم انتوا و يا ربعكم المنتشرين بانحاء الكره الارضيه و فكوا هالديره الغاليه من شركم

اي والله الله يرحمهم بابا جابر وسعد

 

[Whisper ~]

بيتي الله يعافيج ياقلبي
عسى ماشر ؟ شهالضيقه ياوخيتي : (
الدنيا ماتسوى ترى
لا تقعدين تشيلين هم العالم والعالم مادرا عنج
صج الكويت غاليه ومالنا غنى عنها بس شنسوي أكثر من اننا ندعي ان امور الديره تنحل !
لا تتضايقين فديتج

مريوومه
هههههههههههههههههه
يحليييييله ديفيد ميري ذكرتيني فيه :$
والله لما اشوفه لا ارادياً اضحك واحس الدنيا للحين حلوه ههههه
هو اصلاً داخل القاعه يقحص ويخمس فديري بالج يمكن يحصلج حادث فجأه خخخ
امممم الخلطه ان شاءالله اجربها اليوم .. بعدني مافضيت علبة ماسكرا
وبرد لج خبر عن النتيجه :$
وشسمه متى فراغج ؟ وبعدين كلها ساعه وحده ماتسوى تجيبين الاب
انا أذكر كورس صادف ان عندي 3 ساعات فراغ هههه قمة الكآبه بس قزرتها مع رفيجاتي غير الكافتيريا غير التطمش على خلق الله