(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[Ajmal E7sas]

قـووه

موفقين بنات بامتحاناتكم كلكم ,,
انا الاسبوع اللي طاف كان عندي تسليم بحث و امتحان
الاسبوع الياي اشوه ماكو شي
بس بشتغل على بحثي تسليمه عقب اسبوعين

شدوو حيلكم بنـاات
وداوموا لا تكشتون الكلاسات عشان الجو حلو لووول
داوموا على طـوول

موفقين يا حلوين =)

 

[white**angel]

اجمل احساس لوووووووول الجو صج يشجع حق الكشته عن المحاظره خخخخخخخخخ

 

[oranGe~Girl]

قوة آدابيآآت

اي شي تجمعنا وااصل للصفحة الثالثة

 

[بنت شيبانها]

يعطيكم العافيه بناااات

بغيتكم تساعدوني انا مستجده وماخذه عن دكتوره فتوح الخترش ماده تاريخ الكويت

امتحاني الاربعا وحدي خايفه ماعرف شنو نظامها وشلون امتحانها

امانه ساعدوني اذا تعرفون اسئله امتحانها او عندكم فكره عن طريقه امتحانها

يليت تفيدوني وبكووون شاكره لكم

تحياتي لكم

 

[Betty]

مساء الخير شلونكم بنات لكم وحشه
بدينا الجد الله يسهل يارب و يعينا و يوفجنا
تاتونا يمدحون الديوان اللي بالنزهه على ما اعتقد بس يفضل لو تسوينه انتي بروحج و موفقه
هلا بنت شيبانها و الله ماعرف دكتور فتوح ان شاء اله البنات يفيدونج و موفقه

 

[فاجؤوني بالجروح]

ما تقولون خل نسأل عن فاجؤوني يمكن فيها شي تبي شي توقعت راح القى منكم شي على الخاص بس انا خلاص زعلت

 

[SeLf^CoNfiDeNce]

هاي ادابيات شلونكم عساكم بخييير

 

[esTanosh]

شلوونكم؟؟؟

اشتقت لكم

 

[نويرة]

قوة ادابيااات

وااي بديينا امتحانات والمخ مفول معلومات


بس هالايام قاعدة افكر بالتسجيل تدرون مستجدات يسجلون مبجر فبغيت اخذ رايكم بالي بسجله



باخذ
تمهيدي
نحو 1
الاعلام والمجتمع
جماليات ادب

وانا بتخصص اعلام انشالله
قولولي زين ولا اغير بالجدول ؟؟؟

 

[Betty]

مساء الخير
لكم وحشه قد الدني بنات الله يوفجكم يارب
هلا النويرة حلو جدولج بس ماتبين تاخذين عالاقل 12 وحدات يعني يصيرون خمس مواد مع التمهيدي مو احسن ؟

 

[صب القفشه]

بــنــاااات من الحين انسجل مواد

و شسمه اي الباسوورد ماخذيته و يمكن بااجر ما اداوم متي اخذه

 

[نويرة]

بيتي والله مادري قالولي تاخذين تمهيدي الكورس الثاني ويه ثلاث مواد بس

عيل شنو اخذ بعد لانه ودي اتخصص اعلام وانا خذيت هالكورس

تاريخ الكويت
وتاريخ حضارة
ومهارات اتصال
ومدخل اعلام

ياريت تعطيني من خبرتج شوي

 

[farforaQ8]

هلا نويرة
تخصص الاعلام حلو اول شي مدخل الاعلام مالج الا انس الرشيد يهبل:sfg:
والتمهيدي عند مالك الحسين احنا الآداب مايصير ناخذ مع التمهيدي الا مادة وحدة
تاريخ الكويت عبدالله الهاجري
وانصحج تاخذين تاريخ حضارة بالصيفي عند احمد الطوخي لان اسئلته موضوعية
وجماليات عندج:
1-ايمن العشماوي
2-محمد العنزي
3-عبدالمحسن الطبطبائي ويعطي نحو1 بعد
4-مرسل العجمي
يعني دكاترة العربي عسل
مهارات الاتصال عند اشرف حافظ او يحي او قباني
واذا لقيتي عند هالدكاترة راح تكونين اوكي ان شاالله
وانصحج تاخذين خمس مواد كل كورس عشان تخلصين على راحتج وبأربع سنين +الصيفي مادتين
والله يوفقج:nbvppw::nbvppw::nbvppw:

 

[SeLf^CoNfiDeNce]

بنات المستمرين يفيدوني
انا مستجده و عندي مادتين تمهيدي انجلش و مهارات اتصال

و عطووني الباسوورد متى اقدر اسوي جدولي حق الكورس الياي الحين و لا لا؟؟؟
فيدووني

 

[white**angel]

شنو بنات من الحين نسوي الجدوول؟

 

[farforaQ8]

حبايبي المستجدات
راح يدزون لكم العمادة مسج فيه يوم التسجيل والوقت
ولازم تعرفون ان التمهيدي تاخذون معاه بس مادة وحدة
وانصحكم تاخذون المواد السهلة لان اول سنتين المعدل بسرعة يرتفع وبسرعة ينزل
اخذوا:
1-تارخ الكويت
2-مدخل اعلام
3-جماليات
4-انجليزي141
5-اخلاق ومجت:bye22:مع

 

[Ajmal E7sas]

السـلام عليكمـ

شلوونكم بنـاات ,, وحشتوووني :**

المستجدات ,, راح يطرشون لكم مسجات بموعد التسجيل ,, اليوم والتاريخ و الساعه اللي يفتح لكم السستم فيها
اللي ما يوصل لها شي تدش سايت التسجيل مال الجامعه تحط رقمها الجامعي و الباسوورد و يطلع لج فوق على يمين الصفحه اليوم والتاريخ و الساعه

ديرو بالكم دشو بالوقت المحدد لا تنسون عشان لا يسكر عليكم بعدين وتنطرون لين يخلصون الكل =)
والباسووورد تستلمونه من عمادة الاداب تحت بالقسم اللي فيه مكتب الدكتور عبدالله الهاجري عميد الكليه ,,

موفقين يا حلوين =)
عسى ما انقط اخر شي على ابو انه خريجه و ما يبقالي مواد لول كله جذي واعليا علينـا ,,

 

[Artya 【ツ】●]

شلووووووووووووووووووووونكم؟؟

كل مره ابي ادش المنتدى يسكر مادري شسالفته !!

ملاقه يفتح شوي ويسكر :/

 

[white**angel]

بنات دخلت موقع الجامعه كتبلي ادخل رقمك الجامعي لمن ادخله يكتبلي انت غير مقيد في جامعة الكويت او ادخلت الرقم غلط

 

[Artya 【ツ】●]

white**angel دخلي رقمج من غير 2

يعني على طول 09

بس ماراح يطلع لج شي لانه ما نزلوا المواعيد