(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[شهرزاد000]

اورانج..وحشتينيــــــــــــــــــــــــــــــــــــــــــــــــــــــــــــــــــــــــ000
شخبارج,,,

مريووم... يالقاطعه وينج,,,
ماتسألين.. اشتقنالجـــ000
صج عن طلبج للمقال عادي من النت,,
او اي مقاله بالجريدهـ,,

 

[lavendar-89]

اجمل احساااااااااس فديتج صج صج تسلمين ياحياتي لج مني احلى دعاء ربي يوفقج ويحقق كل الي في بالج

 

[lavendar-89]

شهرزاااااااد اي عادي عيديها عند دكاترة تمام وجيبي فيها قريد عشان يرتفع المعدل انا سويت الحركة هذي بالصيفي اشوا تسنع المعدل قبل يفشل خخخخخخخخخخ واااااااااااي الله يعين اطلع من الجاامعه بعدها اروح الدوام الله يرضى ياناس

 

[oranGe~Girl]

حياتو شهرزاد وانتي بعد لج وحشه

وماتشوفين وحش

 

[بصْمةُ ضِيَاءْ]

شرايكم كل مابطلت شعبه يديده على طول اتقولولنا ويكون الموضووع حصري بينا

وننتظر راى اخوانا أذا عندهم راى آخر ... لأن المسأله صعبه

و تحتاج ألى أجتماع طارئ على مستوى رفيع نحدد فيه

كلمتنا و نوحد صفوفنا لتحقيق أمنياتنا المستقبليه ضمن أطار

توعوي .. ولا تسألوني عن الكلام اللي كتبته لأني مو فاهمه

خوووش اقتراح نتمنى الكل يشاارك :klhfl:

تربيه بيئيه-مقدمة قي الادب العالمي مترجما -مباديء تربيه

وانتوا :q8:؟

 

[kedo]

بناااااات خذيت 141 عند احلاام معرفي شلونها بالدوجات

انا ابي a او b

و الــ 141 سهل و لا صعب

لاااااااااااااااااااااااااااا انسيييييييييييييييييييييي انا عندهاااااا الحييييييييييييييييييين

ملووووعه جبدي أنا اموووت عالانجليييزيييي بس قااعده تكرهين فييييييه

شاقتنا شق واجبات .. و امتحاناتها صعبه و اخلاق صفر و محاظرتها ما تمشي و الكلاس وورك نشق أعمارنا ويالله تحط 9 و تلوع الجبد .. تسوي السهل صعب و غثييييييييييييثه تكود المعلوومااااااااات


باختصااار انا كل رفيجاتي ماخذين 141 عند دكاتره ثانين .. محد قاعد يعاني غير شعبتنااااااا

نصييييييييحه سحبيييييييييي لا تغلطين غلطتي و ترى انا شااطره وايد بالانجليزي يعني مو كسلانه و اعاني من كسلي .. لا والله اتعب عالهوم وورك وحالتي حاله و شوفي اخر شي شنسوي عاد

 

[kedo]

بنات أخذت ماده اسمها غريب مدخل رعايه اجتماعيه شي جذي بعد عندها تكمله عند حامد نهار المطيري !!



أحد يعرفه ؟؟؟؟!!!! وشلوونهاااا ؟؟؟!!!

 

[صب القفشه]

لاااااااااااااااااااااااااااا انسيييييييييييييييييييييي انا عندهاااااا الحييييييييييييييييييين

ملووووعه جبدي أنا اموووت عالانجليييزيييي بس قااعده تكرهين فييييييه

شاقتنا شق واجبات .. و امتحاناتها صعبه و اخلاق صفر و محاظرتها ما تمشي و الكلاس وورك نشق أعمارنا ويالله تحط 9 و تلوع الجبد .. تسوي السهل صعب و غثييييييييييييثه تكود المعلوومااااااااات


باختصااار انا كل رفيجاتي ماخذين 141 عند دكاتره ثانين .. محد قاعد يعاني غير شعبتنااااااا

نصييييييييحه سحبيييييييييي لا تغلطين غلطتي و ترى انا شااطره وايد بالانجليزي يعني مو كسلانه و اعاني من كسلي .. لا والله اتعب عالهوم وورك وحالتي حاله و شوفي اخر شي شنسوي عاد

امبيييييييييه خلاااااص ما ابي ااخذ عندها

 

[kedo]

امبيييييييييه خلاااااص ما ابي ااخذ عندها

ايييييي عفيه :016:

انا كرهت الكورس و احسه مو قاعد يمشي منها

 

[صب القفشه]

^^


الله يعيييينج

انزين متا يصير ابدل الشعب ؟؟؟

و انتي اي سنه ؟

 

[Anastasia]

بنات بناات بنااات ..
,
د.عايشة الشطي مقدمة في الأدب العالمي مترجما .. شلوونها ؟؟؟؟
.
و141 .. امبيييي الشعب كلها مسكرة شسوييي :'(

 

[Anastasia]

ألحين يصير تبدلين الشعب .. اليوم فتحوا شعب يديدة شحلااتها لحق ماتلحق ..
.
أحلام أكيد قشرة بعد رئيسة قسم اللغات ياحظي :/ قالولي عنها ..
بس 141 كللله مسكر .. ماراح تقدرين تبدلين شي

 

[Anastasia]

د.مالك الحسين مو منزل حسافة ..
.
عاد اينن .. أنا ماخذة عنده تمهيدي هالكورس .. روعة وصج من حسن حظ اي طالب ياخذ عنده .. بس الشكوى لله ..
.
بس يقول من رئيسة القسم اهي اللي محددة لهم المواد ..

 

[lavendar-89]

بنات أخذت ماده اسمها غريب مدخل رعايه اجتماعيه شي جذي بعد عندها تكمله عند حامد نهار المطيري !!



أحد يعرفه ؟؟؟؟!!!! وشلوونهاااا ؟؟؟!!!

تقصدين مدخل خدمة ورعاية اجتمااااااااعية انا عن نفسي خذيتها عند جميل المري حيييييييييل سهل ويجنن هم امدحوا حمود القشعان وان شالله تحصلين عند واحد منهم

 

[lavendar-89]

بناااااااااااااات متى السحب والاضافة بسجل مو قادرة وبسحب هم بعد مو قاااااااااااااادرة ياااااااااااربي شسوي اشق هدومي

 

[Anastasia]

ألحين السحب والإضافة ..
.
أعتقد يدزون مسجات عن موعدج .. لمن اتدشين موقع الجامعة وتحطين رقمج .. يطلعلج متى مواعيد السحب والاضافة بالزاية فوق عاليمين ..
.

.

 

[Anastasia]

بنات شلون طريقة قائمة الانتظار ؟
.
أنا ألحين مادتين عالانتظار .. مدخل اعلام عند عبدالباسط .. ومهارات اتصال عند محمد قباني ..
.
يعني شنو انتظار .. اقصد ممكن مانضاف ؟ ولامجرد اجراء نظام ينقعوني شوي ويقبلوني أبسلوتلي؟ واذا لا غالبا راح انضاف ولا لا؟ ولا حسب الدكتور ..
وييه احس مو داش الويتنغ لست مخي فهموني خخخ

 

[مشاعر خجوله]

بنات أخذت ماده اسمها غريب مدخل رعايه اجتماعيه شي جذي بعد عندها تكمله عند حامد نهار المطيري !!



أحد يعرفه ؟؟؟؟!!!! وشلوونهاااا ؟؟؟!!!

انا سجلتها هالكورس .. وبتكون بالاجتماعيه ان شاءالله

اما الدكتور شفت تقييمات له في قيم مدرسك ويمدحوووونـه .. وهو وحمود القشعان تقريباً نفس المستوى



انتي س جم مسجله عند د.حامد ؟؟

 

[Anastasia]

قووووووة بنااات شلونكم؟
بدخل بالموضوع على طوول..

دكتورتنا طالبه نشاط كتابه مقال وانا كلللش ماعرف وانا اصلا عايده الماده ..

موضوع المقاله عن اي ظاهر اجتماعيه ,, رفيجتي اكتبتلي عن البلاك بيري والايفون بس من غبائي بالغلط مسحته من الايميل واهي ماسحته واستحيت اطلب منها مره ثانيه

تكفووون ساعدوني اخر يوم الخميس وانا حاضر اللي مستعده تكتبها لي بمقابل ماعندي مانع هذا تعبها ,, واللي تبي تتبرع ولها دعوه طيبه مني هم ماعندي مانع

وتقدرون تتواصلون معاي بالرسايل الخاصه او رقمي موجوود

.
حبوبة ماحددتي تبينه بالعربي والانقلش ؟ وماقلتي تبينه مقتبس ولا بقلمج؟
عموما لقيتلج هالمقال من جريدة القبس بقلم روابي البناي .. ان شالله يعجبج ...

الكويتي الـ«ماك تشيكن».. والكويتي الـ«تشيكن ناغت»


كما تدرون نحن في الكويت (يالله من فضلك) شعب لا يحب التقليد والمظاهر ولا يحب التفلسف أو الهبات والفناتق والصرعات التي لا ندري من أين تطلع علينا كل يوم. الفناتق الغريبة هي التي تلتصق بنا وتقول «غصب أبي أصير فيكم يا شعب الكويت» (تدرون إحنا مميزين).. ومن الهبات المنتشرة هذه الأيام بين الشباب، وأقصد الجنسين، مسميات «ماك تشيكن» mac chicken و«تشيكن ناغت» chicken nugget.

بدأت السالفة عندما كنت أتمشى مع صديقاتي في الأفنيوز، فقالت احداهن: يا حليلها هذي مو

لولو! ياحليلها صايرة {ماك تشيكن}.. عدل؟

سألتها: شنو يعني؟

فأجابت: شفيج إنت مو عايشه بالدنيا؟ ما تدرين يعني شنو {ماك تشيكن}؟

قلت لها: خذيني على قد عقلي واشرحي لي شنو يعني يمكن أقتنع وأصير نفسهم؟!

وبعد «حنة ورنة» مع صديقتي شرحت لي المواصفات المطلوبة للجنسين لكي يصبحوا {ماك

تشيكن} وأنقلها لكم وهي:

أولا: الشباب الـ {ماك تشيكن}

طبعا الذي يقال عنه أنت {ماك تشيكن} هذا «ياب اليهده»، يعني وصل وصار شيئا عند معشر

الهبات والفناتق الكويتية، لكن الذي يصل هذي «المراييل» يجب ان تكون عنده مقومات أساسية

يرتكز عليها حتى يصير من حزب {ماك تشيكن}:

- لازم يكون عندك «بلاك بيري بولد»، وطبعا ما تخليه «مفصخ» يعني من دون «كفر» لأن هذا من

علامات «الهلاقة»، لازم تحط له «كفر» لونه فوسفوري مميز ويلفت النظر.

- لازم يكون عندك تلفون ثاني ويجب ان يكون من نوع «نوكيا n 71» علشان لما ترتز بالكافيهات

تسطرهم جدامك وتتكشخ بهم أمام الذين هم مثلك، يعني من حزبك.

- لازم يكون لك موقع خاص بك على «فيسبوك» تضع فيه صورك وانت «ياهل» وأمك تغير لك

الحفاظة، وصورتك قبل أن يرشك النفط وبعد ما رشك وصرت من حزب {ماك تشيكن}.


- لازم تربي شعرك وتصير كأنك من أهل الكهف يعني «كوول» وبعض الأحيان تلبس كاب وتطلع

الشعر من ورا.

- لازم تخصص ميزانية، وإذا كنت فقيرا على باب الله، وغصب تبي تصير منهم، عندك حلين يا إنك

تفتح حسابا في «أرامكس» علشان تشتغل طلب من أميركا يوصلك الـ«تي شرت» بنص السعر أو

مالك إلا سوق «العدساني» وتلبس تقليد ويلصقونلك اللزقة بالأوتي لأن من أساسيات الـ {ماك

تشيكن} لبس تي شرتات (بولو، لاكوست، بوجي، أميركان أنجل) وطبعا النصف التحتي لازم يكون

شورت أو تريننغ.

- تكرمون الجوتي لازم يكون puma وألوان علشان لما يسطرون في الكافيه ويحطون رجلا على

رجل تميزهم من جواتيهم وتعرف هذا عزوز ولا هذا عبود وغيرهم.

- في الويك إند يجب ان تكون في الشاليه وتاخذ «تان» علشان تصير {ماك تشيكن} أصلي.

- لازم تكون ماخذ رخصة مغاوص من شرم الشيخ. - لازم تكون مطيح في free zone خاصة في

rubablic café وتشرب يا إما nuttela shake أو ferriro shake.

- لازم يكون عندك نظارة ريبان، طبعا أصلية مو تشتريها من عند الهندي بوجنطة، تبي تصير {ماك

تشيكن} قط على عمرك ولا تدور الرخص
.
- لازم تعرف تتكلم إنكليزي لأن ربعك «الماك جيكنيات» ما يتكلمون إلا إنكليزي علشان لا تفتشل.

- لازم تعرف تكتب إنكليزي معرب تدري عندك حساب في {فيسبوك} وعندك {بلاكبيري} يعني لازم

تشد حيلك.

- لازم تاخذ قرض تكسر فيه ظهر أبوك أو إنك تحط كل معاشك وتشتريلك سيارة سنعة علشان لما

تدش البدع وتصفطها جدام ربعك الـ {ماك تشيكن} ما تفتشل ولا تكون بورش او أودي a8 او s8 او

range rover sport ، وطبعا لازم يكون عندك سيارة ثانية حق الشاليه، وضروري تكون إما لاند

كروزر أو باترول وتحطله تواير عراض علشان يعني إنت راعي شاليهات وراعي أرصفة وما يهمك شي

إنت الدمار الشامل ولا تنس تحط بعد «الجيك الأحمر» هذا اللي بخليك توصل القمة في حزب {ماك

تشيكن}.
- لازم تكون سيارتك مقيمة وأول ما تقعد بالكافيه مع ربعك تقعد تتشيحط عليهم وتقول «توه دوريه

وقفتني علشان التقييم، بس قلت لهم أنا منو خلوني أمشي وخافوا».


- لازم يكون عندك بصمة دخول وخروج في لورانزينو الصالحية ونينيو وسلايدر ستيشن.

ثانيا: البنات الـ {ماك تشيكن}

- لازم حلجج يكون عوي من كثر ما تتكلمين إنكليزي لأن عيب تتكلمين عربي.

- لازم يكون لونك تان tan على مدار السنة، وإذا ما عندكم شاليه وتبين تصيرين من الربع ما

عليه.. طلعي سطح بيتكم وانفرشي وقعدي لما تحرقك الشمس، بعدين قولي حق ربعك إنك كنت

بالشاليه ومسويه تان.

- لازم سيارتك تكون g class ويفضل ان تكون بمواصفات خاصة ولون نادر، أو مزاراتي، وإذا ما قدرت

على ميزانية هذه السيارات ما عليه.. تقدرين تسوقين range rover sport يمشي حاله بس

تعتبرين مبتدئة في الحزب.

- لازم شعرك طويل وتسوينه إما كيرلي أو ponytail.

- إذا كنت من حزب الماكياج الأراجوزي فما راح تنجحين بالانضمام الى حزب الـ {ماك تشيكن} لأنهم

ضد الماكياج الصارخ والزايد.

- طبعا لازم تتعلمين المصطلحات الغريبة الخاصة بالحزب علشان تقدرين تتعايشين مع الحدث.

- لازم تتخلين عن شفاحتج بالقز يعني لما تشوفين واحد حلو من حزب الـ {ماك تشيكن} مو على طول تروحين وتقطين نفسك عليه لأنه غلط، هذا صديق عادي ويقدر يسولف معاك، بس مو بقصد

علاقة وغيرها، يعني لا تبنين أحلام جزاك الله خير.

- طبعا لازم تروحين تدورين نظارة أكبر من وجهك وتلبسينها.

- لازم تكون جنطتج تشيل أغراض فريجكم كله من كبرها، ولازم تكون يا إما {هيرمس} hermes او

{كارتييه} cartier علشان الهلاقة للحين ماهبوا فيهم.


- لازم تتغدين كل سبت بالأفنيوز علشان تشوفين الشباب من نفس الحزب وتعرفين منو الجديد

على الساحة، ويبدي مسلسل الحش لأنه الهلاقة اهم اللي يروحون الأفنيوز بالليل.

- بالعيد لازم تحنين على أبوج وأمج واللي يابوج يسفرونج لندن لأن عيب تقعدون بالكويت بالعيد

والهلاقة إنكم تروحون لندن بالصيف.

- لازم تكونين من الإدارية أو جامعة الخليج والحين بادين يدشون تناتيش من الأسترالية.


- طبعا لازم كل يوم تعمين عيون اللي وياج بصبغ أضافر إيدج الفوسفوري.

مواصفات الكويتيين الـ {تشيكن ناغت}

وصف {تشيكن ناغت} chicken nugget يطلق على الفئات العمرية الأصغر سنا يعني المراهقين

من 12 وحتى 18 وتنطبق عليهم المواصفات نفسها.. لكن:

- لازم تكون سيارات السواق ( كاديلاك إسكالييد ، فورد أسود مقيمم موديل السنة ، لكزس او رنج

روفر ).

- لازم يدرسون في مدارس خاصة.
- لازم يكونون في تقويم شفاف متحرك بالحلج.
- الشعر كيرلي للبنات وطويل للشباب.
- جناط فوسفورية وخيوط تترس الإييد.



روابى البناى

مجلة القبس

 

[صب القفشه]

ألحين يصير تبدلين الشعب .. اليوم فتحوا شعب يديدة شحلااتها لحق ماتلحق ..
.
أحلام أكيد قشرة بعد رئيسة قسم اللغات ياحظي :/ قالولي عنها ..
بس 141 كللله مسكر .. ماراح تقدرين تبدلين شي

اهي اهي ابــي ابدل شعبتي ما ابي عند الاحلام معرفي

بس ما اقوول الا يا حلااات امل خلف عسسسل و الله اتيينن

الله يخليها و ادرسني 142 :d