(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[بنوته دلوعه]

مشكوووووووووووووووووووووره حياتووووووووووووو على المرور

 

[بـشوووره]

مرحبااا بنووتاااات

بغيت اسالكم انا مااسويت قدرات متى اسويه وهو اجباري ولا لاااء ؟

واممممم بعد بسال

لو اقتنعت بالاداب << مو عاجبها
المهم لما اتخرج شنو اتووظف ؟ يعني شنو الوظايف ؟ << مو قلت لكم ضايعه مادري عن شي ههههههه

وسلامتكم

 

[بنوته دلوعه]

طال عمرج
اذا ما سويتي قدرات تاخذين تمهيدي انقلش مع اي ماده ثانيه
وهو مو اجباري <<<<<<<<<كيفج
واذا ما قدرتي تحولين
لها عدة وظائف ومجالاتها واااااااااااسعه
وتقدرين تصرين مدرسه لان اذا تخرجتي من الجامعه تسجلين اسمج اول رغبه التربيه وما يمديج اسبوع الا داقين عليج توظفتي انشالله
وبس المواد اللي تدرسينها::::
عربي
انقلش
تاريج (ثانوي بس يسير تنزلين المتوسط وابتدائي اجتماعيات)
فلسفه
اتمنى أكون فدتج
وموفقه يارب...

 

[HoPe & FaiTh]

في وحده اسألت عن تخصص ترجمه ..

ماكو تخصص ترجمه في مساند ترجمه ..

و عالعموم المساند سهل بس يعتمد على كونج قويه بالعربي و الانقلش

بس عالعموم سهالات بالتوفيق

000

ترى الكليه زينه .. بس عيب واحد مبنى داثر و فصول السنه و حالات الطقس انحس فيها

 

[عيونك اخر آمآلي]

قوة بنات


انا بكلية الاداب وانشالله بحول للتربيه كورس اول لان بصراحه الاداب تخصصاتها ماتناسبني

ومواد الاداب اللي اخذتهم اهما :


جماليات الادب العربي >> ماانصحكم تاخذون عند د.أيمن العشماوي لانه بخييييييييييييييييل بالدرجات ومايعطي وf عنده شي عادي >>> إخذوا عند د. مرسل العجمي عجيييييييييييب هالدكتور الله يوفقه يزيدنا درجات من غير لانكلمه


وماده مهارات اتصال : أخذتها عند دكتور زكريـــــــا >> الدكتور هذا صج مايقصر لا بالشرح ولا بالدرجات


ومادة تاريخ الكويت >> اخذوها عند عبدالله الهاجري >> روووعه هالدكتور ودايمـــا زحمه عليه >> انا اخذت هالماده عند الدكتور ظافر العجمي >> يقول لنا بزيدكم وبرفعكم وبعطيكم >> وآخرتها ماعطانا شي يعني كلام بس


وماده تاريخ حضاره >>> إنحاشوا عن دكتور اسمه نايف الشمروخ >> الله يسامحه
ولو تاخذونها عند الدكتور مهزع الديحاني بتصير أسهل الماده ويعطي بونس وكيرف يعني مايقصر



**** بنات بصراحه تعبت >>هههههههه

بعد شنو تبون أي ماده وانا اقول لكم عند منو تاخذون اذا بغيتوا

وترا الماده تكون على حسب الدكتور > يعني أهم شي إسإلوا عن الدكتور قبل الماده >>لووووووول هذي انا




وموفقـــــــــــــــــــــــــــــين إنشالله

 

[sparkly]

قوة بنات انا انقبلت بالاداب بقولكم شنو سجلت و قولولي رايكم
جماليات الادب عند مرسل العجمي
تاريخ الكويت عند عبدالله الهاجري
تاريخ الحضارة عند عبدالمحسن المدعج
مدخل الى الاعلام عند حسن ابراهيم
هاااا شراييييييكم ؟؟

 

[LaDy_in_ReD]

اليوم كنت باللقاء التنويري
نصحوني اخذ مادتين بس وحده تمهيدي انجليزي عند امل خلف والثانيه تاريخ حضاره عند العجمي
قالولي لاتضغطين على نفسج اول كورس
وحذروني مااخذ اي رقم من البنات لمن اروح اسجل لا مستقله ولا وسط!!
ولا اعطيهم ويه ههههه
وبس
شرايكم بنات!!

 

[Betty]

اهلين بنات سباركلي ماشاء الله جدولج حلو الحمد الله بس حسافه ليش خذيتي عند المدعج؟ رفيجتي ما تمدحه بس ما ادري يمكن زين بالدرجات
مرسل العجمي و حسن ابراهيم و الهاجري يمدحونهم وايد شدي حيلج من اول كورس و موفقه حبيبتي

 

[Betty]

لادي ان رد زين سويتي امل خلف يمدحونها و العجمي بعد و بنات القوائم وخروا عنهم و ريحي عمرج اول كورس كنت اسئلهم و يطنشون بس يه وقت الانتخابات قاموا يدققون :eh_s(14): شكره مصالح و الكورس الثاني سألت وحده من قائمه ثانيه عن دكتور و وصلته للسما اهوه و اهوه احسن دكتور ما في احسن منه طلع عاهه استغفر الله كرهني بالجامعه بكبرها نصيحه سألي ناس ثقه مو تاخذون حجوة اي وحده من البنات و شدوا حيلكم من اول كورس و موفقين حبايبي

 

[عيونك اخر آمآلي]

اليوم كنت باللقاء التنويري
نصحوني اخذ مادتين بس وحده تمهيدي انجليزي عند امل خلف والثانيه تاريخ حضاره عند العجمي
قالولي لاتضغطين على نفسج اول كورس
وحذروني مااخذ اي رقم من البنات لمن اروح اسجل لا مستقله ولا وسط!!
ولا اعطيهم ويه ههههه
وبس
شرايكم بنات!!

أول شي مبروك على القبول

وبالعكس اخذي رقم وحده من القائمه >> لان طول السنه معاج وبالعكس القوائم اهي الل بتفيدج >>> وراح تشوفين لما تداوميين عكس التوجيه اللي ماينفع بصراحه

 

[روج كرزي]

ايهاب العنزي عجيييييييب اخذي عنده وانتي مغمضه ومايسقط ابدا حتى هو يقول جذي والغياب غبت قد شعر الراس وما فصلني تخيلي ..وسوالفه والله تهبل ويونس احسن دكتور مر علي ولو بمدح مني لباجر ما اخلص,اخذت عنده تمهيدي انجليزي بالصيفي هذا..


اما دكاتره الاداب انصحك باحمد الحسن مو طبيعي طيب والاي مضمونه مع ان الماده تاريخ حضاره بس امتحاناته اختيارات وصح وخطأ..

ظافر العجمي موووو طبيعي بس كلميه يرفعج ومتساهل مع الطلبه نفس الشي امتحاناته اختيارات نظام امريكي ..تاريخ الكويت..

انحاشوا عن نجاة الجاسم نصييييييحه ..

ونوال الابراهيم رعب ماحد يشم الاي عندها جماليات الادب..

هيفاء السنعوسي زينه ومو زينه تهتم بالعلاقات حيييل مع الطلبه وتبي مشاركه اضحكي بوجهها وسولفي تضمنين الاي اما اذا كنتي طالبه هاديه وتستحين لاتاخذين عندها نصيــــــــــــــــــحه..

عاليه شعيب فلسفه اخلاق ومباديء فلسفه واخلاق ومجتمع حديث تهبل موطبيعيه طريقة اسئلة الامتحان تهبل تعطيج سؤال مثلا تكلمي عن الانتحار وانتي اكتبي بس شنو لازم تكتبين بطريقه حلوه وتطولين الاجابه يعني الجواب 5 او 6 صفحات اذا تقدرين وبما انج عارفه السؤال فحضري الاجابه وادرسيها هذي طريقتها اللي اغلب البنات مو عارفين لها..

حنان الخلف يااااااي هالدكتوره تهبل وتنحب من قلب (التفكير النقدي )فلسفه امتحاناتها ماتطلع من المذكره الي تحطها بالديوان وامتحان الفاينل مو طبيعي اسهل من المدتيرم والكميه اقل...


مرسل العجمي مااخذت عنده للامانه بس يقولون يجنن (جماليات الادب) حتى الغش يطوفه ,ههههههههههه..


نصر الدين سعيدوني طيب شايب وجنه ابوج (تاريخ الخليج العربي)وامتحاناته ماتطلع من النوت اللي نكتبه معاه مالكم شغل بالمذكره اللي شكبرها...



ابتعدوا عن نجاة الجاسم تاريخ الكويت ,ونوال الابراهيم جماليات الادب والا معدلكم بيروح فيها وبتعابلون فيه الكورسات اللي بعدها..

 

[sparkly]

اهلين بنات سباركلي ماشاء الله جدولج حلو الحمد الله بس حسافه ليش خذيتي عند المدعج؟ رفيجتي ما تمدحه بس ما ادري يمكن زين بالدرجات
مرسل العجمي و حسن ابراهيم و الهاجري يمدحونهم وايد شدي حيلج من اول كورس و موفقه حبيبتي

مشكورة حبوبة

 

[Betty]

العفو يا الغاليه و اذا عندكم اي سؤال او استفسار نحن بالخدمه

 

[LaDy_in_ReD]

حبيبتي بيتي مشكوره انزين انا شاطره بالانجليزي واكو بنات قالوا لاتاخذين تمهيدي امس بالتوجيه يقولولنلي اذا مو ماخذه قدرات لازم تاخذين تمهيدي؟؟
احترت والله!!

 

[Artya 【ツ】●]

حبيبتي بيتي مشكوره انزين انا شاطره بالانجليزي واكو بنات قالوا لاتاخذين تمهيدي امس بالتوجيه يقولولنلي اذا مو ماخذه قدرات لازم تاخذين تمهيدي؟؟
احترت والله!!

لا شوفي أختي ،، إذا قدمتي عالقدرات ونجحتي خلاص ما تآخذين تمهيدي ،، وإذا مآقدمتي قدرات لازم تآخذين تمهيدي لانه تفتح لج مواد بعدها ،، وعندج إمتحان القدرات 3 مرات ،، في شهر 12 و 4 و6 ،، أختاري اللي يناسبج وقدمي ،، بس نصيحه لا تآخذين التمهيدي أول كورس لانه ماراح تآخذين معاه غير مآده وحده ،، جذي راح تتأخرين ،، انصحج إذا ما عديتي القدرات أخذيه ثاني كورس لانه تآخذين معاه 3 مواد غيره ،، وبس

الله يوفقج


وآنا آداب إذا في أي سؤال آنا حاضر ​

 

[زقرتيه]

l,trdk [lduh

 

[Betty]

اهلين لادي ان رد بنوته يعطيها العافيه كفت و وفت و راي من رايها ان حرام تاخذين تمهيدي خصوصا ان ما شاء الله تقولين انج شاطره فيه و موفقين يا الغالين

 

[LaDy_in_ReD]

عيل شنو اخذ ؟؟ اقولج اهما قالولي لازم اخذ تمهيدي اذا مو مقدمه قدرات؟؟
والقدرات شهر 12!!
وانا بداوم هالكورس مابي اقعد
شالحل؟؟

 

[Betty]

حبيبتي شوفي هالموضوع و شوفي ردي و ردود البنات و ان شاء الله يفيدج


http://www.q8yat.net/showthread.php?t=207135

 

[Artya 【ツ】●]

عيل شنو اخذ ؟؟ اقولج اهما قالولي لازم اخذ تمهيدي اذا مو مقدمه قدرات؟؟
والقدرات شهر 12!!
وانا بداوم هالكورس مابي اقعد
شالحل؟؟

اهوه صح لازم تآخذينه ،، بس مو شرط أول كورس ،، آنا اعرف بنات دفعة 2006 وللحين ما خذوه !! :dddds:

عادي الموضوع لا اتحاتينه ،، أخذي 4 مواد تبينهم للتخصص علشآن تتخصصين أسرع أو مواد تحويل ،، والكورس اللي بعده التمهيدي + 3 مواد

يعني ما تقعدين جذي

وانتهى الموضوع عادي ​