(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[LaDy_in_ReD]

بنات رحت اليوم تسجيلنا وجدولي مووووووووووووووووووووشي
كل الدكاتره مسكرين لول بقاله مو جامعه
قصدي الشعب مسكره مالت الدكاتره اللي وصيتوني فيهم
حطولي 4 وحدات مادري مواد او شتسمونهم
بليز قولولي رايكم بصراحه
مدخل اعلام---تغريد الملا
مهارات اتصال---- محمد قباني
تاريخ حضاره مو حاطين اسم الدكتور
و تاريخ حضاره اسلاميه ---نايف المطيري

شرايكم؟
واللي يقهر اكثر اني اخلص محاضرات العصر (((((((((((
ريلي حده معصب

 

[Betty]

هلا لايدي ان رد حبيبتي بعد شتسوين امرج لله احنا يوم كنا مستجدين بعد كانوا عافسين جداولنا و ما شاء الله الظاهر هالسنه المستجدين وايد عشان جذي مسكره المواد و لا ترى حتى احنا المستمرين ما خلونا نسجل المواد المشتركه لازم انتو تخلصون تسجيلكم بعدين احنا يعني الاولويه لكم و حبيبتي حدي استانست يوم قلتي انج خذيتي عند قباني واااايد زين خذت عنده رفيجتي تقول انه يأسس عدل و اهيه كانت كلش مو زود بالعربي و ما شاء الله يابت جريد حلو بس ترى الماده نفسها يبيلها شوي لأنها كلها قواعد و تغريد جنه يمدحونها و المطيري ما اعرفه بس ان شاء الله اسأل عنه و اقولج و لا تضيقين خلقج الحمد الله جدولج زين بس المشكله انج تخلصين العصر و تاريخ حضاره قصدج تاريخ الكويت الحديث و المعاصر ؟ و موفقه

 

[LaDy_in_ReD]

اجمعين يارب مشكوره عالرد
ونستيني شوي بقباني لأني اكره العربي والقواعد
وعلى قولتج كل سنه ماشالله البنات واااايد
متى يخلصون الشداديه بس!

 

[Betty]

حبيبتي الشداديه خليها حق احفادنا :dddds: خلاص فقدنا الامل من ايام الثمانينات و اهمه الشداديه و الشداديه عشرين سنه ما شفنا شي بس حجي

عالعموم شدي حيلج من اول كورس و عسى الله يوفقج و يوفق كل الطالبات المستجدات و المستمرات

 

[Artya 【ツ】●]

بما أنه بقى المطيري ما عرفتوا عنه شي ،، آنا اقولكم ترا الدكتور زين وإذا كلمتييه يزيدج

وموفقه إن شاء الله

 

[Betty]

يعطيج العافيه بنوته ماقصرتي عاشوا بنات الآدااااااااااااااااااااااااااااااااب

 

[$$ صعبة الوصوف $$]

متى يخلصون الشداديه بس!

هع هع

تدرين متى تخلص !!!!

دكتوري عميد مساعد لكلية التربيه .. قالي نستلم مفاتيحها بعد 7 سنين ...

بتكون حق عيالنا ان شاء الله

 

[بنوته دلوعه]

بنا ت اشلونكم امس رحت التسجيل وفلولي رايكم بالدكاتره
مهارات اتصال>>>>>>>>>>عند زكريا
تاريخ حضاره عند>>>>>>>>>>>مهزع اليحاني
جماليات ادب عند>>>>>>>>>> وجيه اسماعيل
مدخل علم اجتماع عند>>>>>>>>>>>>> خالد الشلال
ها اشرايكمممم

 

[بـنـت النور]

هلا بنوته انا مو بكلية الاداب بس لقافه داشه عندكم ,,
بس اقدر افيدج بالدكتور خالد الشلال لانه بكلية علوم اجتماعيه ,,
هو الصراحه مو خوش دكتور ما ابي اخرعج منه بس اللي سامعته من البنات انه راعي بنات واللي تروحله وترتز عنده كل شوي يعطيها درجه زينه واللي ماتروحله ما يعطيها ,, بس انتي شدي حيلج والله يوفقج ان شاءالله

 

[Betty]

هلا بنت النور حياج بأي وقت حبيبتي و ان شاء الله نفيدج مثل ما فدتينا
اهلين بنوته دلوعه الحمد الله جدولج ما شاء الله حلو زكريا واايد يمدحونه و حتى مهزع الديحاني و وجيه اسماعيل مادته شوي يبيلها لأن كلها ادب و شعر و حفظ ابيات بس جنه يقولون زين و خالد الشلال صراحه ما ادري عنه لأنه بالاجتماعيه و شدي حيلج و موفقه حبيبتي

 

[بنوته دلوعه]

مشكوووووووووووووووورين بنت النور
وبتي
وربي يخليكم لي انشالله

 

[Betty]

العفو و ان شاء الله حبيبتي

 

[بطاطا]

بنات رحت اليوم تسجيلنا وجدولي مووووووووووووووووووووشي
كل الدكاتره مسكرين لول بقاله مو جامعه
قصدي الشعب مسكره مالت الدكاتره اللي وصيتوني فيهم
حطولي 4 وحدات مادري مواد او شتسمونهم
بليز قولولي رايكم بصراحه
مدخل اعلام---تغريد الملا
مهارات اتصال---- محمد قباني
تاريخ حضاره مو حاطين اسم الدكتور
و تاريخ حضاره اسلاميه ---نايف المطيري

شرايكم؟
واللي يقهر اكثر اني اخلص محاضرات العصر (((((((((((
ريلي حده معصب

مبروك القبووول و حياكم الله معانا

و انا بقووول رايي باللي اعرفهم


تغريد زينة لكن تبي شغل و حركه معاها

نايف المطيري وااايد هااادي و يشرح ما عليه من احد و امتحاناته على ايامي <<< قبل 4 سنوات موضوووعية و يعطي A عاااااااادي


شدي حيلج عند د تغريد



موفقة

 

[بطاطا]

بنا ت اشلونكم امس رحت التسجيل وفلولي رايكم بالدكاتره
مهارات اتصال>>>>>>>>>>عند زكريا
تاريخ حضاره عند>>>>>>>>>>>مهزع اليحاني
جماليات ادب عند>>>>>>>>>> وجيه اسماعيل
مدخل علم اجتماع عند>>>>>>>>>>>>> خالد الشلال
ها اشرايكمممم

مبروك القبول

و هم بقووول رايي باللي اعرفهم



مهزع الديحاني وايد حليييييييييييو و يونس و امتحاناته مقاااالي سؤااال و انتي جاوبي عليه و مو شرط عدد الصفحات المهم تبينين له انج فااهمة و الحضوووووووووووووووور اهم شي عنده حتى لو ما كان ياخذ غياااب ترا يدقق و يعرف اللي يحضر و اللي لا و يبي بحث

وجيه اسماعيل يفهم عدددددددددددددددددددددددددددددل و خوووش دكتووور زين اللي طحتي عنده




موفقة

 

[بطاطا]

قوة بنات

هني بقووول رايي بالدكاترة اللي انذكرت اسماءهم بالــ 6 صفحات :ggdw: و طبعا اللي جربتهم بس


د. احمد الحسن .. تاريخ حضارة .. دكتوور هادي واايد .. و يشرح عدل .. و الامتحانات موضوعية .. و يركز ع الحضور


د. عبدالله الهاجري .. تاريخ الكويت .. دكتور يحب المشاركة .. و يسأل بالكلاس و يحط درجات على الاجابات .. و امتحاناته موضوعية


د.أيمن العشماوي .. جماليات ادب .. دكتور يخليج تحبين شي اسمه شعر .. و يفهمج الابيات حرف حرف .. و يشرح من قلبه .. حقااااااني اللي تستاهلينه راح تاخذينه لا اكثر و لا اقل .. حبوب بالتعامل " حتى كنا نكتب معاه لا قلنا تعبنا قال اخرجووا حتى لو من نص المحاضرة " .. دقيق حيل بالامتحانات لدرجة انج اذا نسيتي حرف الواو فبيت الشِـعر يعتبر كل البيت غلط


د.نايف الشمروخ .. تاريخ حضارة .. دكتور يخليج تطلعين من الكلاس و انتي فاهمة 100000% الأحداث .. و عادي المحاضرة الياية تسمعين اللي انقال كله .. و اهوا شديد عشان جذي راح تشوفون الكل يذم فيه .. امتحاناته مقالية و موضوعية حسب اللي يبيه كل كووورس الدكتور .. و يركز ع الحضور و الغياب وااايد و ينقص عليه .. يبي مشااركة " بس اهيا اختيارية " يعني شاركتي اخر الكلاس ياخذ اسمج و لج درجة ما شاركتي انتي حره .. و اهوا يتعامل مع الطالب التعامل اللي المفروض كل دكتور يسوي نفس الشي .. باختصار اذا تبون تاسيس قوي اخذوا عنده .. و حظها اللي بتطيح عند الشمرررروخ ..


د.مهزع الديحاني .. تاريخ حضارة .. حليوو و يسوووولف وااايد خارج الموضوع .. يطلب بحث .. و يركز ع الحضور و الغياب و ما ياخذه دايما لكن يقدر يعرف اللي حضر و اللي غاب .. امتحاناته مقالية أسئلة و تجاوبون عليها ..


د.هيفاء السنعوسي .. جماليات ادب + ثقافة و ادب في الكويت .. تغير لج حياتج للأحسن .. تبي المشاركات يعني بالكلاس تبي تعرف رااايج بالموضوع اللي ينطرح .. و تبي مشاركات خارجية معاها يعني ندوات تحضرون معاها اللي تحضر لها درجتها و اللي لا ما لها شي اضافي .. و تبي تحببكم بالقراءة فتطلب منكم تقرون مقالات و تعقبون عليها برايكم و بدفتر يكون عندكم .. ايميلها موجود للكل اي سؤال بالمنهج او برا المنهج ماا راح تقصر معاكم .. تشرح قصة و تبي تعليقكم عليها تحلوون اللي تبيه و تدزونه لها ايميل .. اي ملاحظة عندها عليج راح تبلغج ياها بالايميل .. ماكو كتاب للمادة اللهم تعطيج جم اديب كويتي اللي اذكره ان فهد العسكر اكثر واحد و تعطيج اساسيات على نقاط ما تتعدى صفحتين يعني تدخلين الامتحان جذي ماكو شي كله تبي راايج و من شرح الكلاس .. صح اللي قالوه عنها انها تبي اللي ما تستحي و تتجاوب معاها .. بس خلوني اقول لكم .. انا حدي حدي حدي ما اتكلم بالكلاس يالله اقول نعم .. لكن منها و بفضلها من بعد الله تغيرت 180 ْ لان طول ما اهيا تشرح تعطي بريكات و تشجع البنات و تقول لهم ان ماكو شي تستحون منه و من هالكلام .. و بديت شوي شوي اشارك و اللي اذكره ان طول الكورس 3 مرات بس تكلمت و انا بمكاني و قدمت لها بريزينتيشن .. و طلعت بــ A .. و الحين الحمدلله حتى بريزينتيشنات جدام طلبة اقدم .. و هذا شي ما انساه لها


د.نصر الدين سعيدوني .. تاريخ خليج عربي .. يشرح من قلب .. و ينقلكم المنهج و نفسه اييبه بالامتحانات .. و يركز ع الحضور و الغياب .. و شكله يبين انه متساهل لكن عنده ان كل شي بالدرجات يعني سوو اللي تبونه بس الدرجات بيده .. " لان راح تشوفون ان الطلبة و الطالبات بايعينها معاه "


د.تغريد الملا .. مدخل إعلام .. زينة لكن تبي شغل و حركه معاها .. و تركز ع الحضور و الغياب


د.نايف المطيري..تاريخ حضارة .. وااايد هااادي و يشرح ما عليه من احد .. و امتحاناته على ايامي موضوووعية ..




التمهيدي

بنات حرااااااااااااااااااااام تمهيدي و مادة .. يعني تخيلوا تخلصون الكورس بس 3 وحدات مخلصين بدال لا تكونون مخلصين 12 وحدة .. تضيعون عليكم

ما عليكم من كلامهم هناك .. انا وحدة ما خذيت التمهيدي الا ب 3 جامعة .. خلصت المواد المشتركة و اخترت تخصصي و بعدها قلت خل اخذ عشان اخلص الــ E و خلصت 1 و للحيني ما خلصت الــ 2

انا ما اشيشكم ع التأجيل .. بس حرام كورس كامل على مادة وحدة لان التمهيدي ما عليه شي لا وحدات و لا يفيد بالمعدل !!!!




نصيحة للي تحب تاخذ فيها

بنات حبوبات .. ابدووووووا من اول شي جد × جد .. انا اقول هالكلام بعد 4 سنوات و داشة بالخامسة .. و صج حسييييت بوقت اللعب اللي لعبته بالجامعة طول الــ 3 سنوات و نص .. و شفت من الصيفي اللي طاف اني لا خذيت الموضوع جد و جابلت راح اييب نتيجة و هالشي شفته مثل ما قلت لكم

يعني لا تاخذون اي مادة عند اي دكتور و المهم نتخرج و خلاص لااااااااااااااااا

لا تنحاشون من الدكاترة الشديدين بالعكس سجلوا عندهم و تحدوووا نفسكم و تحدوا الدكتووووور على انكم راح تييبون اللي الكل يقول مستحيل و لا تقول مجرد كلام لكن شي جربته بمادة تخصص عند دكتوور اجلت المادة منه 3 مرااااااااااااات على اساس انه يغيرها و اهوا ظل محتكرها و خذيتها و كاااانت اسعد لحظات حياتي جد جد جد استفدت و طلعت بقريييييييييييييد الكل كان يقول ان هالدكتووور مستحيل يعطي قريدات و بس يسقط !!!!!!!!!! و هالكلام اللي خلاني انحاش منه 3 مراااااات لكن يوووم خذيت عنده صحييييت و عرفت ان انا اللي احدد درجاتي مو الدكتوووور على قد ما اعطي رااااح اخذ


و الدكاتره هوايتهم تخريع الطلبة لحد ما تخلص فترة السحب .. و بعدها ينقلب فوووق تحت << للأحسن طبعا يعني تحملووووووووووووهم :ggdw:

وووووووو اهم شي شدوووا حيلكم .. و فكروووووووووا عدل عدل عدل بالتخصص اللي تبونه و المساند بعد و سالوا عن كل كبيييييييييييييييرة و صغيرة لا تسكتوووووووووون على شي ما تعرفووونه و لا تسالون عن قوانين الجامعة و التحويل و التخصص البنات لا روحوا العمادة بنفسكم و سمعوا الحجي بنفسكم لان كل دقيقة لهم قااانون :dddds:





موفقين ... و السموحة ع الاطالة ​

 

[Betty]

مشكوووووووووووووووووووووووووووره و يعطيج العافيه بطاطا عن جد اثريتي الموضوع بخبرتج ما شاء الله و انا نفسي وااااايد استفدت من كلامج صراحه و عسى الله يوفقج دنياه و آخره

 

[بطاطا]

مشكوووووووووووووووووووووووووووره و يعطيج العافيه بطاطا عن جد اثريتي الموضوع بخبرتج ما شاء الله و انا نفسي وااااايد استفدت من كلامج صراحه و عسى الله يوفقج دنياه و آخره

العفو حبوبة

و الله يعافيج ما سويت شوي تستاهلون كل خير :ggdw:


و الله يوفقني و يوفقكم يا رب

و عسى سهالات ان شاء الله يا رب


تستاهلون كل خير ​

 

[بنوته دلوعه]

مشكوووووووووووووووووووووووووووووووره بطاطا ويعطيج الف عافيه
ااحمدلله يعني الدكاتره اللي انا ماخذه عندهم زينين ألا واااحد وهو خالد الشلال الله يستر خايفه حيل منه يقولون عنه مو ذاك الزود ومو زين......................

 

[Artya 【ツ】●]

مشكوووووووووووووووووووووووووووووووره بطاطا ويعطيج الف عافيه
ااحمدلله يعني الدكاتره اللي انا ماخذه عندهم زينين ألا واااحد وهو خالد الشلال الله يستر خايفه حيل منه يقولون عنه مو ذاك الزود ومو زين......................

لا ترا الشلال زين خصوصا مع البنات :dddds:

فهميها عاد لووووووووول :tomato2:

​

 

[بطاطا]

مشكوووووووووووووووووووووووووووووووره بطاطا ويعطيج الف عافيه
ااحمدلله يعني الدكاتره اللي انا ماخذه عندهم زينين ألا واااحد وهو خالد الشلال الله يستر خايفه حيل منه يقولون عنه مو ذاك الزود ومو زين......................

العفوو


تستاهلون حبوبة


و الشلال يبي البنت الحرجة


موفقة يا رب و الحمدلله ان الاغلب زين

و تذكري حبوبة .. ان انتي بيدج تخلين الدكتور زين و لا شين :ggdw: