(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[me my self and I]

انا بعد اخذت عند هيفاء السنعوسي بس ادب وثقافه زينه بس امتحاناتهم سهله حق اللي يعرفون حق التعبير انا كانت مشكلتي الامتحان كله تعبير وشرحي الشخصيه بكل ابعادها وشنو المغزى من ورى القصه يعني عادي تعطيج قصه من خمس ست صفحات تقرينها وتشرحينها غير باجي الامتحان كله بساعه وربع بس البرزنتيشن ممتع وصج حقانيه

 

[BoBo7]

هايات بنات
ممكن تساعدوني انا مستجده وعندي اختيارات وموعارفه شنو اختار فياريت تساعدوني بليز حاسه اني متوهقه
منو سمع عن حسين السعيد ثقافه اسلاميه وتربيه بيئيه عن عبدالله جراغ
وشنو تنصحون حق ماده جغرافيا الكويت والصراحه انا ابي مواد سهله عشان معدلي نازل والمشكله اني بحول بس اشلون وما اعرف شنو اختار الماده الرابعه بليز بنات ساعدوني لاني بسجله وماكو وقت ؟؟؟؟؟؟؟؟؟؟؟؟؟

 

[Betty]

اهلين BoBo7
صراحه ماعرف الدكاتره اللي قلتي عنهم بس جغرافيا سامعه الميال يقولون انه زين و عندج مباديء تربيه اختياري يقولون وايد سهله عند الكندري و موفقه عسوله

 

[BoBo7]

يعطيك الف الف الف عافيه ياحياتي علي الأقل ريحتيني بشغله وانشاء الله موفقه يارب امين

 

[me my self and I]

هاي بنات
شرايكم بالدكتوره فتوح الخترش تاريخ الكويت ؟؟؟

 

[kwt9090]

بنات بغيت مساعدتكم بليز ضروري تسجيلي 7-1-2009

يعني اليوم و للحين مو عارفه المواد

betty حبيبتي ماقصرت و كتبتلي المواد بس كل المواد اللي كتبتهم شعبهم مغلقه و مافي كراسي فاضيه

بس لقيت ماده مقدمه في الادب العالمي مترجما عند خالد الجنفاوي بس للحين ماسجلت عنده يعني مو اكيد

انا مستجده بتخصص انجليزي و ابي اعرف شنو المواد المطلوبه غير المواد اللي ذكرتهم اختي betty لانهم مسكرين

و انا مااخذت غير التمهيدي و تاريخ الكويت

بلييييييز ردو علي بسررررررررعه

 

[BoBo7]

بنات بليز ساعدوني اليوم تسجيلي وانا متوهقه بموادي والوقت اللي يتضاربون فيه العقيده الاسلاميه شنو احسن دكتور لهل الماده وجغرافيا الكويت لعبدالله الكندري تنصحوني فيه ولا لأ ؟؟؟؟؟؟؟؟؟؟؟؟ظ

 

[Betty]

هاي بنات
شرايكم بالدكتوره فتوح الخترش تاريخ الكويت ؟؟؟

اهلين me my self and I انا سامعه انها شديده شوي اهيا تدرس تاريخ الكويت صح ؟ انا اقول تاخذينها عند الهاجري وايد احسن و موفقه حبيبتي

 

[Betty]

بنات بغيت مساعدتكم بليز ضروري تسجيلي 7-1-2009

يعني اليوم و للحين مو عارفه المواد

betty حبيبتي ماقصرت و كتبتلي المواد بس كل المواد اللي كتبتهم شعبهم مغلقه و مافي كراسي فاضيه

بس لقيت ماده مقدمه في الادب العالمي مترجما عند خالد الجنفاوي بس للحين ماسجلت عنده يعني مو اكيد

انا مستجده بتخصص انجليزي و ابي اعرف شنو المواد المطلوبه غير المواد اللي ذكرتهم اختي betty لانهم مسكرين

و انا مااخذت غير التمهيدي و تاريخ الكويت

بلييييييز ردو علي بسررررررررعه

هلا kwt9090
شوفي سجلي عند الجنفاوي الحين و اذا ما لقيتي المواد اللي تبينهم روحي الباي فورس راح يعلنون عن وقته ان شاء الله بعدين و ترا راح يفتحون شعب بعد فلا تحاتين انا اذكر لمن كنت مستجده سجلت حده حده و شوفي المواد المشتركه طبيعتهم جذي انا الحين مستمره مو مستجده مالقيت كلهم كانوا مسكرين عيل شلون انتوا ؟ و اتحادنا ماشاء الله نايم بالعسل الله كريم بس
و هذي صحيفة التخرج اللي اهيا المواد الملزومه عليكم جيكي عالرابط
http://fa.kuniv.edu.kw/newsite/index.php?option=com_*******&task=view&id=22&Itemid=26
انتي خذيتي دليل الطالب ؟ ترا ضروري وايد اخذيه باقرب فرصه حبوبه و موفقه

 

[Betty]

بنات بليز ساعدوني اليوم تسجيلي وانا متوهقه بموادي والوقت اللي يتضاربون فيه العقيده الاسلاميه شنو احسن دكتور لهل الماده وجغرافيا الكويت لعبدالله الكندري تنصحوني فيه ولا لأ ؟؟؟؟؟؟؟؟؟؟؟؟ظ

اهلين BoBo7
عذريني ماعرف مواد الشريعه كلش و الكندري جنه زين مو متأكده سألي بنات الاجتماعيه اهمه ابخص ما شاء الله عندهم تجمع و اهما حبايب مايقصرون و موفقه عسوله

 

[me my self and I]

اهلين me my self and i انا سامعه انها شديده شوي اهيا تدرس تاريخ الكويت صح ؟ انا اقول تاخذينها عند الهاجري وايد احسن و موفقه حبيبتي

لقيت عند الهاجري وقلت لا ما كو من اول يوم تسجيل مسكره شعبته يقولون الماده سهله يعني عادي حتى لو شديده شسوي ماكو غيرها

مشكوووووووووووووووووووووه حبيبتي اذيتج معاي

 

[حصوص]

السلاام

اول شيء اشكركم ع هذا التجمع

وبغيت اسلكم عن الدكتور عبدالفتاح الحموز بما انكم طالباات بالاداب

واخذت عنده نحو 1 بس ودي اسحبها ؟؟ ابي راكم ؟

 

[&&.. فزاعه ..&&]

السلام عليكم ..

انا بنات بغيت اسألكم عن ماده الصرف << وعند عبدالفتاح الحموز

شلون الماده صعبه والا سهله ؟؟

والدكتور شلوونه؟؟ زين والا موزين ؟؟ وشنو نظامه وخاصه بالامتحانات؟؟

ويعطيكم العافيه

 

[BoBo7]

بنات سجلت اقتصاديات تربيه عند سلطان الديحاني هو زين ولالأ ؟؟؟؟؟ تكفون قولولي اذا هي سهله عشان ترفع المعدل ولالأ؟؟؟

 

[برشلونيه]

هذي تقييمات الطلبه للدكتور عبدالفتاح الحموز



1


بصرااااااااحه الدكتوووووووووور عسل عسل عسل
ويههههههبل وايننن من غيرررررر مباااااااالغه
وطييييييييييب حدددددددده
وامتحااااانااته ماافي اسهل منهاااااا
ومحاضرررته خفيييييفه
بس عييبه انااا ماايعطي اوف ومايغيب كلش
بس وووووووووالله عسل وحده اووووكي
وانصحكم فيييييييييه





ـــــــــــــــــــــــــــــــــــ



2


دكتور حليوهـ

خذيت عنده c مع اني ما احظر واجد


امتحاناته سهله وشرحه حلووو وماتطلعين من المحاظره الا فاهمه


يعطيك العافيه يا دكتوري الكريم





ـــــــــــــــــــــــــــــــــــــــــــــــــــــ


3


دكتور زين وطيب.بس الماده فيها صعوبه والامتحانات كذلك صعبه نوعا ما,,,
يشرح بضمير .
ويزيد درجات للكل اذا درجات الامتحان نازله.
ويستقبل اعذار طبيه اهم شي..
بشكل عام جيد جدااا...

ـــــــــــــــــــــــــــــــــــــــــــ

4

الدكتور ملك زمانه باللغه العربية شرحه قمة فى المعرفة ...ركزوا على المحاضرة كل إلي يقوله مهم ...الإميحانات سهله على المذاكر القواعد اللأساسية ..الدكتور محترم ويعيد الشرح .........ميعطي درجات

ـــــــــــــــــــــــــــــــ


اتمنى اني افدتكم

 

[برشلونيه]

تقييمات دكتور سلطان الديحاني


1

الدكتور زين ومحترم .. طول الكورس كنت احب المادة بس وايد يمدح نفسه ويقول انه الكل عنده ياخذ أ وانه اهو انسان كريم .. بس ماتهمه درجات الامتحان اهم شي عنده الحضور .. والبريزنتيش و يعطي أ اللي اهوه يبي يعطيها بس
يعني يوم امتحان الفاينل واحنا نحل يوقع (أ) على اوراق الامتحان حق البنات اللي يبي يعطيهم واللي عاجبينه بس .. ووايد طائفي
ــــــــــــــــــــــــــــــــــــــــ

2

دكتور قمممممه والله شهادتي فيه مجرووحه
إيييييييييننن مشالله عليه الله يحفظه ~
انا مزفته بالمدتيرم وقالنا الي تشد حيلها بالمشروع الفرردي راح ازيدها ! وما قصر
والي مو عاجبهم الدكتور سألو نفسكم اول شحقه مزفتين!! لا تلومون الدكتوور ~ واساسن الماده سهله واهوا كذا مره يعطونا لفت النظر لإنه اغلب الطلاب عنده يعطيهم a
إشتبون أكثر من جي ,,ماكو احد مثله بطيبته ~ d:
ومااعنده وااسطااااااات ولو عنده وااسطات شحقه يعطي كل شعبته a-b وناادر تجوفونه معطي c-d لانه هالشي واقف عالبنت نفسها..
ويعطيييييييه ألف عاافيه

ـــــــــــــــــــــــــــــــــــــــــــــــــــــــــ

3

بصراحة وبدون اي مبالغة دكتور سلطان بروحة جامعة وتتعلم منة اشياء كثيرة متعاون مبدع نشيط يعرف شغلة عدل يساعد الكل وبدوووون استثناء يقوي شخصية الطالب بنفسة وفعلاا تاثرنا فية بشكل كبير بصراحة الدكتو سلطان يمثل قدوة في العطاء اللامحدود والكل عندة متساويييين واللي يقول غير هالكلام ماعندة سالفة ويقدر كل شيء يسوية الطالب وبصراحة انا اتوقع انة احسن دكتتور على مستوى الجامعات بالكويت واتوقع ان لو في كلمة مرادفة للابداع فهو دكتور سلطان الديحاني بصراحة اخو للكل موبس دكتور
ـــــــــــــــــــــــــــــــــــــ

4


والله الدكتور ممتاز و الله يكثر من امثاله و له طريقة مميزة في رصد الدرجات مختلفة لان ما يعتمد على الأمتحانات يعتمد على شكثر انتي تعبتي على نفسج و تغيرتي للأفضل

ـــــــــــــــــــــــــــــــــــــ

 

[BoBo7]

بنات بليز الرد ابي اسألكم عن ماده التعليم العالي وادره خدمات عند نبيله الكندري هي سهله ولاصعبه ....؟؟؟؟؟لرفع المعدل؟بليز الرد
بس الماده نفسها اقتصاديات تربيه سهله ولالأ وعن شنو؟؟؟؟ظ

 

[برشلونيه]

ماعندي علم والله

اتمنى البنات يفيدونج

 

[&&.. فزاعه ..&&]

برشلونه يعطيج العافيه عالتقيمات

ماقصرتي ياحلوه

والله يوفقج

 

[برشلونيه]

الله يعافيج حبيبتي

يوفق الجميع انشالله