تجمع بنات كلية البنات الجامعيةcfw (الثاني)

[@ كويتيه @]

تسسسسسلمون حبيبآتي


موفقيـــن

 

[اصعب لحظة]

بنات بسالكم قبل التخصص شنو المواد الي
مفروض اكون مخلصتها ؟؟

 

[اجياد]

بنات بسالكم قبل التخصص شنو المواد الي
مفروض اكون مخلصتها ؟؟

السلام عليكم

لازم تخلصين :-
3 مداخل
ومعاهم مقررات اللغه الانجليزيه ( 106 و126و146 )
بالاضافه الى اي ماده اختياريه يسمونها ge اعتقد اختصار للgeneral education وتكون دراستها باللغه الانجليزيه
مادة اساسيات حاسبات شخصيه​

 

[اجياد]

صباح الخير بنات

انا كلي احباط من امس لليوم ، كلكم عارفين ان امس كان اول يوم (للباي فورس)

وانا جدولي كان كامل لكني محتاجه لمادة انجليزي 126 لانها تعتبر من المواد الاساسيه لتحديد التخصص فيما بعد

وحسب ماعرفت انه لازم جدولي يكون ناقص حتى يرضون يضيفون لي الماده اللي ابيها ، قبل مااروح للجامعه عشان الباي فورس ،سحبت مادتين ( يعني صار جدولي ب 9 وحدات )
قلت مو مشكله ارد البيت واضيفهم عن طريق الانترنت.

وصلت الجامعه الساعه سبع الا ربع ، ولما وصلت الموظفه ، شافت جدولي ، قالت لي اني عندج ماده الساعه 12 شلون بتضيفين انجليزي 126
قلت لها خلاص بدلي وقتها لان فيه سكشن ثاني لهاذي الماده ...لكن وقته كلش مايناسبي، قلت مو مشكله كله عشان انجليزي 126

شوي ولا الموظفه تقولي وييييييييي !!!شكلي ما اقدر اضيفلج الماده من عندي ، الظاهر لازم تروحين للدكتوره نفسها...

كنا كذا بنت محتاجين هالماده...كتبنا اسماءنا على ورقه ودخلت زميله من بنات الرياديه تكلم الدكتوره صفاء السالم ، دكتورة مادة الانجليزي

طبعا الكل يمدح د.صفاء السالم ، وكان عندي امل كبييييييييييير بالتسجيل
تفاجئنا بدكتوره متعجرفه ومتعاليه ورافضه بشكل قاطع اضافة اي طالبه، وايضا مو مقتنعه انها تفتح سكشن ثاني للماده ، على اساس انها هي رئيسة قسم الانجليزي.
فوق هذا ، السستم من امس مو راضي يفتح كلش حتى ارجع موادي اللي سحبتهم
يعني خسرت من كل النواحي

عفيه willa

اللحين خلاص فتره التسجيل عن طريق الانترنت خلاص انتهت؟؟؟؟؟
يعني موادي راحت علي؟؟؟؟؟
يبه خلاص توبه من الباي فورس ، بس ابي ارد موادي.​

 

[اصعب لحظة]

مشكوره حبيبتي

معقوله جذي الله يعينكم

مع انه احنا قبل ١٢٦كان شعبتين صفاء ومريم بالصيفي

انشالله يفتحون لكم شعبه

 

[@ كويتيه @]

غريبــه عاد اللي اعرفـه ان الدكـتوره صفاء سالم من النـوع اللي تجرجرينهآ بكلآمج وين ماتبيـن


الله يعيييينــج اجيااااد

 

[اجياد]

السلام عليكم......

هذا اللي صار بنات:rgewrg:انا قلت معقوله انها ماتستلطف بنات الاتحاد مثلا ، او التوجه الخاص لطالبات الرياديه !! وعلى هذا الاساس كان ردها بهذا الشكل!!!! مادري ، بصراحه مو لاقيه تفسير للي صار، لان الزميله اللي من جماعة الرياديه كانت ورقة الاسماء بيدها وهي اللي كلمتها.

المفروض مسألة تحديد المواد وعدد القاعات يكون لها جهة مركزيه تقررها ماينترك الموضوع لمزاج استاذ الماده:rgewrg:

مادري شلون بنكمل على هذا المنوال في جامعة الكويت!!!​

 

[willa]

غريبة ليش جذي سوت

كم كان عددكم عشان ما ترضى تبطل شعبة ؟! شفيها هذي اختربت
أمس السستم كان مفتوح و سكر عالساعة 1 تقريبا

شوفي مفتوح الحين لحقي و سجلي موادج اللي سحبتيها

و إذا لج نية تاخذين صيفي اخذيها صيفي

وبما إنج بتتخصين it إن شاء الله

من الحين اقولج اخذي إحصاء لأنها مسبق حق مواد الماينر

أنا توهقت فأخذتها هالكورس

الله يعين

 

[جامعييه]

اب
اب
اب

 

[جامعييه]

اب
اب
اب
اب

 

[اجياد]

السلام عليكم willa

موادي راحت علي ، المادتين تسكروا !! وامس كلمت الطالبة اللي كلمت الدكتوره بخصوصنا ،على اساس انه بنات الرياديه يحاولون مع دكتوره صفاء تفتح سكشن ثاني ،قالت ان د.صفاء مالها نيه ابدا تفتح سكشن جديد ، ولا عندها استعداد تسمع !!

احنا حزتها كنا سبع بنات موجودات ومسجلات اسماءنا ، وهذا كان الصبح ، مادري يمكن بعد ييوا بنات اكثر !!

الاحصاء ما اقدر اخذه لان فيه مختبر ، وانا اصلا عندي مختبر اساسيات ، واذا تذكرين انا قلت لج اني مسويه حادث ،وكانت الرضربه بالراس ، ما اقدر على الجهد ،ا تعب بسرعه.

بصراحه willa .... انا ندمت اني تركت جامعة الشرق الاوسط الامريكيه (aum) هناك المواد تنزل على حسب عدد الطلبه ، يمكن ينفرض على الطالب الوقت ، وتصير عنده بريكات طويله ، لكن مافيه شي اسمه دكتور يتعنت ويرفض يسمع طالب ، فيه ادارة شئون طلبه ، يحلون مشاكل الطلاب ويتفاهمون مع الدكتور.​

 

[اصعب لحظة]

ماعليه اجياد انشالله بالصيفي تاخذين هالمواد

وسلامتج،،ترا حتى Aumاغلب مواد مصكره وبريك ماكو ٥دقايق

ويغيرون جدولج ع كيفهم بدون ما يعطون خبر

واذا ع دكتوره صفاء مستغربه منها كل مره تبطل شعب زياده

وبالتوفيق

 

[اجياد]

الله يسلمج اصعب لحظه،عدل بال aum فرضوا علينا وقت الكورس التمهيدي.
اجمالا انا اليوم رحت للدكتور مشاري الحربي اللي سحبت مادته عشان اسجل الانجليزي، وشرحتله وضعي،والله ماقصر وعلى طول رضى يضيفني،وسجلت مادة ثقافه اسلاميه بكيفان.

اما الانجليزي 126، ان شاء الله اذا نزل صيفي اخذه.

على فكره بنات اليوم فتحوا شعبه للعربي 103 عند دكتوره اسمها صفاء الدفتار،موعد محاضرتها الساعه 12 يوم الاحد والثلاثا والخميس. ​

 

[@ كويتيه @]

قرب الدوآم ..

وبروحـي بالمحاضرآت الله يسستـر ويسهـل يارب .~

 

[willa]

أجياد زين الحمدلله ردوا لج مادة
وثقافة إسلامية حلوة تضمنين فيها قريد
عند مو اخذتيها ؟

الدكاترة مادري شفيهم من الكورس اللي فات متغيرين !! شدعوه عليهم صاروا أسوأ
الله يهديهم إن شاء الله

حسافة قرب الدوام =(

 

[اجياد]

قرب الدوآم ..

وبروحـي بالمحاضرآت الله يسستـر ويسهـل يارب .~

صباح الخير .....على قولتج الله يستر من الضغط النفسي مع دكاترتنا المزاجين، بس ليش بتكونين بروجج كويتيه!! احنا وين رحنا!! ان شاء الله نعين ونعاون.

​

 

[اجياد]

أجياد زين الحمدلله ردوا لج مادة
وثقافة إسلامية حلوة تضمنين فيها قريد
عند مو اخذتيها ؟

الدكاترة مادري شفيهم من الكورس اللي فات متغيرين !! شدعوه عليهم صاروا أسوأ
الله يهديهم إن شاء الله


حسافة قرب الدوام =(

صباح الخير willa

الحمدلله انه الدكتور تفهم الموضوع ورضى يسجلني من جديد، انا قلت له اللي صار فعلا،بس عاد موظفة التوجيه والارشاد ، مارضت تسجلها لي !! قلت لها انتي المفروض قبل ماتسحبين لي الماده تقولي لي انه الدكتوره ممكن ترفض تسجلني،انا طالبه مستجده ماعرف نظامكم، على الاقل كنت اروح اشوف رأي الدكتوره!!
بس الحمدلله الدكتور ماقصر​

مادة ثقافه اسلاميه خذيتها عند دكتور جديد،اسمه احمد المخيال،عسى يكون زين.​

والله مادري عنهم هالدكاتره!!امس وانا واقفه اكلم الطالبه (اللي في الرياديه) سألتها اني احاول اكلم دكتوره صفاء تضيفني ....قالت لي لاتحاولين ،احنا كذا بنت من الرياديه رحنا وكلمناها ،وبعد ودينا لها كتاب بعدد البنات المحتاجات الماده.
ولا فاد....قايله لهم انا ماعندي دكاتره حتى افتح شعبه جديده،،ومافي شي يجبرني اسجل بسكشني عدد طالبات فوق طاقتي ، ما اقدر اقعد اشرح حق كل هذول!!!!!​

شوي واحنا واقفين ...ولا ييون طالبتين ،شوي ويبجون !! محاولين بالدكتوره ولا راضيه تضيفهم !! قلت الحمدلله ماذليت نفسي ورحت لها.......الله يعوضنا​

 

[willa]

يلا الحمدلله

وعسى الدكتور المخيال يكون زين

زين ما رحتي لها وذليتي نفسج قبل لما كان دانييل رئيس القسم افتحوا شعبة حق 6 بنات و عادي

الحين لما صارت رئيسة قسم شافت نفسها بايقين من حلالها و أنا مادري

لعله خيرة إن شاء الله

 

[shwaqa-92]

انا سجلت العربي عند عبير البالول بكليتنا
احتمال اسحبها لانه راح يصير عندي بريك اقعد بالكليه ٣ ساعات عالفاضي

ودكتوره صفاء واااايد احبها احذت عندها a- بالصيفي 126

ومضايقه لاني ماسجلت بشعبتها حق 146

 

[shwaqa-92]

بنات هذا جدولي منو معاي ؟؟
احصاء سناء ابو حمرا
مدخل علم اللغه هديل
بشر وبيئتهم بدر العنزي
مدخل اضطرابات التواصل فوزيه

شرايكم بدكاتره احصاء وعلم اللغه؟؟ والمواد سهلين!!

نفس موادي الكورس اللي طاف ونفس الدكاتره

د.سناء وايد عسره يبيلها مجابل
بدر العنزي و هديل وفوزيه وايد زينين وبدر يسوي كيرف
هديل امتحاناتها سهله بس شرحها مو ذاك الزود مسكينه تعطي من قلبها تحاول توصل المعلومه
فوزيه بينيلها انج مهتمه بس الماده دسمه لكن الحلو انها تقسم الجابترات يعني كل امتحان 3 جابترات واللي امتحنتي فيه ما تمتحنينه مره ثانيه

احصاء خذيت دي
بيئه خذيت سي بلس مع الكيرف
لغه وتواصل خذيت بي فيهم