تجمع بنات كلية البنات الجامعيةcfw (الثاني)

[@ كويتيه @]

صبري قوتي حيااااج الله


الدكتوره فوزيه انا ماجربتها بس ببدايه دخولي لكليتنا رحت اكلمها عن تخصصها كانت حيل حبوبه وحسيت اني احاجي وحده من اهلي مااااااادري حبيتها وان شاء الله اذا صارت عندي فرصه باخذ عندهاااا والباجي مادري عن هوآ دارهم بس صفاء سالم يقولون انها معتفسه هالكووورس الله يهديهآ ويوفقج .~

 

[@ كويتيه @]

كرستال رحت اليوم سألت لج بنات الاتحاد .. يقولون ان الدكتور جديد ومو مجربته انتي تفائلي بالخير وشدي حيلج والتزمي

والله يوفقج.~

 

[@ كويتيه @]

صباح الخير صبايا


ماشا الله كليتنا كل مالها وتصير إزعاج اكثر

مو ملاحظين ؟

 

[اصعب لحظة]

صالح العلي مادري بس يقولون احسن من عبد الرحمن
صبري قوتي معاي بمادتين
صفاءجربتها ١٢٦زينه وتساعد
لووول كويتيه حده ازعاج مسوين زحمه المستجدات
فرق عن قبل كنا هدوء
بالتوفيق 
*

 

[shwaqa-92]

المستجدات اول كورس عبالهم للحين بالثنوي يضحكون انا لما كنت مستجده مو جذي ههههههههه

ويغثوني لما يصرخون بالممرات حتى في دكاتره قاموا يعلقون عليهم !!

شنووو الحل لوول

 

[willa]

إذا قبل عندكم الكلية كانت هدوء

:| أول ما دخلتها كانت أهدى بعد


besoo.x3

منو يدرسج حسبان ؟

ما راح تحتاجين كتاب حسبان ما له داعي بس تابعي الدكتور وحلي معاه

أما أجهزة الحاسوب نسيت اسم الكتاب :| أشوف لج إياه إذا للحين عندي

 

[@ كويتيه @]

ههههههههههه


اي والله بس تصدقون احسن
عالاقل أكو اوادم 

 

[اجياد]

السلام عليكم بنات......

 

[@ كويتيه @]

وعليييكم السسلآم يـ هلآ وغلآ اجيـاد
شخبـارج ؟

 

[shwaqa-92]

وعليكم السلام ؛*

 

[اصعب لحظة]

اهلييين وعليكم السلام
يا هلا ببنات الكليه

 

[اجياد]

حبيباتي ..... عساكم طيبين

@كويتية@ انا بخير الحمدلله ، بدت الدراسه وانشغلنا عن بعض شوي

شنو انطباعاتكم بنات عن الاسبوع الدراسي الاول والدكاتره اللي ماخذين عندهم؟؟

بالنسبه لي ، دكاترتي هالكورس للحين ، مريحين، اللي ما ارتحت له وبسحب مادته هو دكتور ثقافه اسلاميه اسمه دكتور احمد المخيال ، مافيه شي محدد عن هالدكتور ، لكن حسيت انه مو بسيط بالتعامل ، وبأول يوم وهو يتكلم قال انه الطالبات يقولون عنه انه شديد ، وقعد يبرر ، وقال انه اللي تبي ترفع معدلها عندي لازم تحفظ جزب كامل من القران او تحفظ 20 حديث من احاديث النووي ( اظن جذي اسمه).

مادري حسيت انه الماده بتضغطني بالذات انه وقتها الساعه 6.30 بكيفان.​

 

[اصعب لحظة]

حمدالله وموفقه اجياد

اول اسبوع خفيف وحلو
ماده علم اللغه دكتوره هديل زينه حسيت الماده دسمه
اظطرابات تواصل دكتوره فوزيه تونس ودمها خفيف لوول
احصاء عند دكتوره سناء شرحها عادي مو ذاك الزود
بشر وبيئتهم دكتور كان معتذر اسبوع كامل

بنات منو عندها كتاب علم اللغه ما حصلته

 

[@ كويتيه @]

عسـى دوم مرتآحات يابنات كليتي العزيزات

وانا بالنسبـه لاول اسـبوع والله بدينآ هوم ووركآت وشغـل وللآسف كلآسي شاطر يعني داخله منافسه عالطول << داشـه حرب الاخت
واجيآد اتوقع زين ماسويتي وقتهآ مو حلـو

وموفقين يا عزيزاتي .~

 

[صبري قوتي]

نداااااااااااء
بنات منو عنده كتاب مدخل تواصل مااافي, او مابي اصوره ابي كتاب :eh_s(2):​

 

[willa]

مدخل التواصل ما كان فيه كتاب :|

أنا عن نفسي سحبت مادة اختياري مالت التخصص أولا ماحب دكتور باول لي تجربة سيئة معاه

ثانيا المادة لازم تكون عندج خلفيه بأشياء أنا للحين ما اخذتها

أما الإحصاء الله يعين عليه التتوريال ماله داعي 3 ساعات زهقة و الاستاذ شوي بايخ خخخخ

باقي المواد الحمدلله = )

أجياد زين تسوين ثقافة إسلامية حيييييل سهلة و تضمنين فيها الa هذا ليش معقدها

و وقتها خايس أخذيها مرة ثانية عند دكتور حسن السعيدي عجييب

 

[shwaqa-92]

مدخل علم اللغه حتى الكورس اللي طاف ماكان في كتاب كنا نصور الجابترات وندرس منهم

كتاب مدخل تواصل عندي اقدر اعطيج اياه بس اخذه عقب الكورس لانه مو مالي اذا تبين احطه عند فطوم مالت الكوبي سنتر

 

[willa]

أنا بعد عندي كتاب مدخل التواصل

اسمه Communication and communication disorder

حاليا أدور على كتاب إحصاء

 

[اصعب لحظة]

حمدالله لقيت كتاب اضطرابات تواصل وعلم اللغه

الي يبي اضطرابات وعلم اللغه في بالكوبي سنتر جابتر ١

كتاب احصاء شريته اول يوم

في بنات راحوا شويخ همن ماكو

 

[أم*سلمان]

آب

آب

لعيونكم و عسى الله يوفقكم