تجمع بنات كلية البنات الجامعيةcfw

[Never Be Lost With Doda]

الباي فورس معروف بتطلعين مبجر تعالي مبجر يعني لو تقدرين تين من ال6 تعالي ..

انا العام رحت الساعه 8ونص او 9 ما طلعت الا 2 ولا بعد طلعت وما يا دوري :\

فا روحي مبجر حده ..

بس ترى للحين ما حددو الايام بالنسبه لعدد الوحدات .. مادري متى ؟؟؟؟

يعني مثلا الي عدد وحداتهم 40 او 50 او اي عدد لهم ايام محدده

 

[*دلوعة حبيبها*]

هاي بنااات
شلوونكم

واااااي دودا مادري على شنو ميتة ع الكلية !!!! :s
وترى حبطتوني زيااادة .. انا بروحي كارهة الكلية وكارهة عمري ليش انا فيها :"(
وااااااي ليش يربي جذي - واللي قاهرني زيادة ان محد مصدقني ان دراستنا موهينة وتكسر الظهر
خو اهلي ليلحين مومقتنعين انها تابعة للجامعة :"(

وبعدين شنو هذا ملف الانجازات !!!!!!!! الكل لازم ياخذه ؟؟؟؟ يعني إلزامي؟؟؟؟؟

واااااي شكلي بصير من الآثار بهالكلية - بعمر فيها 16 سنة <<< الله لايقول ان شاءالله

 

[Never Be Lost With Doda]

لووووووووووول بدعتي دلوعه حبيبهاا ..

انا مو ميته على قولتج عل كليه .. كل الموضوع اني مقتنه فيها وداخلتها باقتنااع الحمدلله .. ويمكن هذا الفرق بيني وبينج ..

انزين جان حولتي مدام مو عاجبتج ترى التحويل سهالات ..

وملف الانجازات هذا اخر ماده تاخذينها بالكليه سمعت انه تنقين فيه عشرين ماده من الي درستيهم بالكليه وتيبين كل اوراقهم وكوزاتهم وجنه يناقشونج عنهم مادري بالضبط شسالفه ..لانه مطوله على التخرج ..

انتي اي دفعه يمكن اعرفج... مثل رفيجاتي ماكو شي عاجبهم لووووول ....

 

[لطيفة]

ثانكس Doda

خلاص إن شاء الله من فجر الله وأنا مصبحتهم هههههههههه

 

[*دلوعة حبيبها*]

لا ماعتقد تعرفيني انا كلش مو اجتماعية - يالله يالله اعرف بنات دفعتي <<توهي مستجدة :s
حتى انا بالبداية كنت حابة الكلية وكنت ميييته أبي أنقبل فيها
بس يوم دخلتها انصدمت بالواقع المريييير :"(
أمبييييه شنو هذا !! انزين ليش جذي ماكو دكاترة !!! والتخصصات نصها مسكرة !!!

واااااي الله يعين على مانتخرج ونفتك

وفكرت أحول بس دكتور الله يستر عليه قنعني أنثبر مكاني - يقول تخصص ال it مرغوب وله مستقبل مع انه اهو ماله شغل بهالتخصص !!

انتي تخصصج it عدل ؟؟
شلونه ؟؟ وشلون دكاترتكم ؟؟واااي حدي خايفة منه - انا أحب الكمبيوتر بس ماأحب أدرسه .. يعني أحب أكتشفه بروحي
شراايج انتي؟؟؟

 

[Never Be Lost With Doda]

اهااا مستجده لاعيل ما اعرفج :d

صلي على النبي اي واقع مرير لووول فلم مصري ..

سالفه التخصصات المسكره كلنا منصديمن فيها والعيب من الكليه اومن بنات القائمه ما قالو للي مقدمين انه في تخصصين مسكرين ..صارت لي هالسالفه اول ما دخلت الكليه كنت ابي شي وتخصصت شي بس الحمدلله على كل حال خيره ..

اما تخصصي الله يسلمج انا احب الكمبيوتر يمكن عشان جذي حابيته .. بس انصدمت صراحه من الصعوبه يعني اول ماده تخصص انصدمت فيها من قلب .. بس الحمدلله طلعت فيها بقريد حلو اما المواد الي بعدها اسهل وتنفهم اكثر لانه اول ماده كانت مو منظمه اصلا والاب شي والماده شي ثاني ..

والدكاتره الي للحين درسوني بس 2 من هالتخصص دكتور جهاد الدلال ودكتور بول مانول .. اثنينهم وايد زينين ووايد فير ويا الطالبه يعني يعطونج على كثر شغلج ومجهودج ..

وبالتوفيق يا رب وخلي عنج التشاؤو هالاحباط الي حايشج ولا ترى والله بتكرهين الدراسه بكبرها مو بس الكليه وبتضيعين مستقبلج عل فاضي ..ترى كلنا جذي اول سنه ضايعين وما ندري شسالفه بس بعدين بتحبين المكان ان شااء الله .. بس حاولي تتقبلين الوضع واذا ما ارتحتي حولي حبوبه حرام تضيعين جم سنعه على مكان او تخصص مو حابيته ..

 

[*دلوعة حبيبها*]

لا ان شاءالله - انا قاعدة احاول كثر ماأقدر أحب الكلية << لوووول
وان شاءالله سهالات يــــــارب

موفقة حبيبتي تسلمين

 

[Never Be Lost With Doda]

لوووووووووووول

اي حاولي حاولي ما اوصيييج

واجمعييييييييييين يا رب العالمين

 

[مس دندون]

مرحبأأأأأ بنات قولوا لي عن الكلية اكثر

وبالذات -قسم العلوم الاسرية -

يصير اتوظف بالتربيه مدرسة اقتصاد منزلي ؟
واشلون الدراسه فيها ؟
والله يجزاكم خير​

 

[Never Be Lost With Doda]

والله مادري ان شااء الله البنات يفيدونج ....

 

[مس دندون]

Never Be Lost With Doda

شاكره لج ياقلبي​

​

 

[تخفي غلآهآ]

قوااكم الله

 

[SupeR-GirL]

هااي بنات شلونكم
عندي جم سؤال اتمنى انكم تجاوبوني عليهم :gr4uu:
التخصص يكون الاولويه للي معدلهم عالي ولا عادي مافي فرق بينهم يقبلون الكل؟؟
وثاني شي في تخصص مساند؟؟ :bbbiu:
واخر سؤال لازم نخلص جم وحده عشان التخرج؟؟
وشكراااا :tek:

 

[Never Be Lost With Doda]

العفو حياتي مجرد وجودك وان شااء الله احد يفيدج ...

وحياج الله مسس نونا ...

وان شااء الله بجاوبج على اسالتج سوبر قيرل ..

عندي جم سؤال اتمنى انكم تجاوبوني عليهم
التخصص يكون الاولويه للي معدلهم عالي ولا عادي مافي فرق بينهم يقبلون الكل؟؟
وثاني شي في تخصص مساند؟؟
واخر سؤال لازم نخلص جم وحده عشان التخرج؟؟

اهوا اكيد يكون الاولويه للي معدلاتهم عاليه بس يقبلون الكل اذا ما كان معدل الطالبه عليه انذار ووايد نازل ..
والتخصصات الي عندنا مو كلهم لهم مساند الي له مساند بس تخصص علوم معلومات ..
والوحدات الي لازم تخلصينها للتخرج تتفاوت بين 126 و 130 وحده ..

ان شــــاء الـــلـــهــ فــــدتـــــج ..
وبــالــتــوفـــيــق يا ربــــ

 

[SupeR-GirL]

مشكووووووووووره واييد دودا افدتيني اكثر من التوجيه والارشاد

 

[Never Be Lost With Doda]

ولووو العفو تستاهلين واي استفسار عندج انا حاظره ..
وبالتوفيق يا رب للجميع..

 

[Boochy]

حياتي مجرد وجودك...
لااااا ما تصيرين مدرسه...!!!
ماله شغل بالاقتصاد المنزلي...
بس ما ادري بالضبط شنو يشتغلون بنات تخصص التغذيه..
ان شاء الله يفيدونج بنات التخصص.. >> وينج سارووووووووووووه

 

[Me SaRa]

وي وي وي شنو اقتصاااااااااااااااااااااد منزلي شكو .!!!!


احنا تغذية يعني اخصائيات تغذية بالمستشفيات والعيادات وااااااااي شنو هالاحباااااااط :-(


وتخصصاتنا كل دراستها بالـ English ومالنا شغل بالتدريس .. وتخصص التغذية والاغذية كله كيميا واحياء وعلم جراثيم وتشريح ولابات والخ


تخصص علم التغذية وعلم الاغذية تابعين للعلوم الاسرية بس مالنا شغل بالتدريس بس اسمهم جذي علوم اسرية


Booochy الحمدلله لحقت ارد عبالي انتي ودودا تعرفون عاد

 

[Never Be Lost With Doda]

لووووووووووووووول شوي شوي مي ساااااره يبا شفييج مو عارفين قدركم والله ...
اي اسم الله عليكم خوش تخصص ..
عاد هاااااااااااا اول زبونه عندج انا لوووووول
وانا ما قدرت اجاوبها بشي لانه ما ادري وين يشتغلون غير انه بالمستشفيات فا ما قدرت اجاوبها بمعلوماتي الزيرو على الشمال ..

 

[Me SaRa]

لا اشفيج لازم تنفعلين وتقولين لاااااااااااااااااااااااا مو مدرسة لووووووووووول


شفتي ماكو فايدة الكل عباله تربية يلا شنسوي نصيب