|| تجمع جـــــآمعه الشيـــخ جــــــابر الأحمد ||

[بيضه كندر]

عزيزتي معلومتج مو صحيحة،
التجاري مو ضمن جامعة جابر الاحمد،
جامعة جابر الاحمد تضم ٤ كليات
التربية الاساسية خلصت وكا دوامنا فيها ،وفي بعد العلوم والحقوق والهندسة ماسووهم ليلحين،
هذا الحجي رسمي وبالجرايد قريته
اما التجاري مبناكم منفصل مو معانا وبتداومون فيه الكورس الثاني،
جامعة جابر تضم شهادات البكالريوس بس، واما التجاري موكل تخصصاته بكالريوس من جذي مو معانا
والله يوفق الجميع

جامعه جابر تضم 5 كليات التربيه والحقوق والهندسه والعلوم الصحيه والعلوم الأداريه

بالأساس جامعه جابر كانت تضم التجاري كلها تصير باكلريوس بعدين تغير القرار وصارت لخريجين التجاري والتكنلوجيا الي ماخذين من 3 نقاط فوق يكملون باكالريوس يعني طلاب اهما اساسا طلاب التجاري والتكنلوجيا

وامييين الله يوفق الجميع

 

[مطيريه305]

هوووبااااا

بناات التربيه الاسلاميه الخاصه شلووون التخصص معاكم وسهل او صعب ؟؟؟؟؟

 

[^^طالبه^^]

مطيريه انا تربيه خاصه تفوق عقلي
متخصص لموهوبين ومتفوقين فقط
وطبعا هالمدارس مافيه راح نتوظف حالنا حال المدرسات العاديات علي مساندنا ان كان عربي او اسلاميه او علوم
وبالوازاره اذا فيه نقص بتربيه الخاصه يخيرونج بين المدارس العاديه ومدارس التربيه الخاصه ( بطئين التعلم ) الي بحولي ومشرف مالت البنات و فرق بمعاش عند المدارسه العاديه كبداية تعين 40 دينار بعدين تمشي الزياده
التخصص سهل وحلو ومواد التفوق مو صعبه حييل

والاسهل بدراسه بعد التخلف العقلي يقولون سهل بس ما انصح فيه
و راح تلتزمين بمدارس التربيه الخاصه فقط وماتقدرين تروحين لمدارس العامه
لان مواد التخلف واجد وتشمل جميع الاعاقات ومواد المساند ان كان عربي او اسلاميه قليله يمكن 8 مواد


مثلا انا اسلاميه تفوق عقلي
مواد الاسلاميه عندي 15 ماده اكثر من الاسلاميه العادي بماده وحده
مواد التفوق عندي 8 مواد فقط

اما التخلف العقلي
مواد المساند 8 مواد الي اهو الاسلاميه
ومواد التخلف العقلي بين 12 الي 15 ماده

فانصحج اذا ناويه تدخلينه دشي تفوق عقلي حالج حال المدرسات العاديات وبنفس الراتب وماكو فرق ويمكن تاخذين فصول اقل

 

[MiSs^^3OoBa]

الله يهنيكم بجامعة جااابر وتكسررونها بالعافيه لوووووووووووول
ويرززقنا :"(((

 

[مطيريه305]

ماااااقصرررتي طالبه

انزين اهوه تخصص نااادر التربيه الخاصه ؟

 

[^^طالبه^^]

لا التربيه الخاصه مو تخصص نادر
ومايفتح الا كل 4 سنين مره
تسكر 2004 وفتحوه 2008
و وتسكر 2009 وفتحوه 2012 و2013
وحاليا العلوم و الاسلاميه مسكر بتربيه الخاصه
بس موجود عربي و رياضيات
واضن بس يجون النسبه المطلوبه من الطلبه بيسكرونهم حسب ظني والله اعلم

 

[مطيريه305]

طيب شنوو مواد العربي ودي اشوف مواد التخصص شلوووون صااايره ؟

 

[^^طالبه^^]

مجرشيت تربيه خاصه لغه عربيه مساند تفوق عقلي ( كليه التربيه الاساسيه ) ,

* أولاً : المواد التخصصية الإجبارية :

- علم العروض والقافية 3 وحدات
- الأدب الجاهلي 3 وحدات
- النحو العربي(1) 3 وحدات
- النحو العربي(2) 3 وحدات
- قواعد الكتابة العربية 3 وحدات
- الأدب الإسلامي والأموي 3 وحدات
- البلاغة العربية 3 وحدات
- علم الدلالة 3 وحدات
- النقد الأدبي 3 وحدات
- الأدب العباسي 3 وحدات
- الصرف العربي 3 وحدات
- علم اللغة العام 3 وحدات
- الأدب الحديث 3 وحدات

* ثانياً : المواد التخصصية الاختيارية(6وحدات) :

- المكتبة العربية 3 وحدات
- أدب الطفل 3 وحدات
- الأنواع الأدبية 3 وحدات
- قضايا نحوية 3 وحدات

* ثالثاً :المواد المساندة الإجبارية :

- طرق تدريس المتفوقين عقلياً والمبتكرين 3 وحدات
- مقدمة في التربية الخاصة 3 وحدات
- الموهبة والتفوق العقلي 3 وحدات
- صعوبات التعلم لدى المتفوقين عقلياً 3 وحدات
- القياس النفسي والتربوي للتفوق العقلي 3 وحدات
- إرشاد المتفوقين عقلياً وأسرهم 3 وحدات
- أساليب تربية التفوق العقلي والابتكارية 3 وحدات
- قضايا وتطبيقات في التفوق العقلي 3 وحدات

* رابعاً : مواد التخصص المساند الاختيارية (6وحدات) :

- برامج تنمية التفكير الابتكاري 3 وحدات
- التفكير واللغة 3 وحدات
- تجارب عربية وعالمية في تربية المتفوقين 3 وحدات
- دور اللعب في تنمية التفكير الابتكاري 3 وحدات
- موضوع خاص في التفوق العقلي والابتكارية 3 وحدات​

هذول بس المواد التخصصيه عربي تفوق عقلي
في مواد عامه بس ماحصلتها وياهم

 

[مطيريه305]

ماااااتقصرييييين طالبه والله يجزاج خير

عفيه دزيلي الموقع اللي تاخذين منه بلييييز

 

[طالبه مصدومه]

السلام عليكم
بنات متي تنزل مكافاه التخصص النادر؟؟؟

 

[الأميرة جوري]

بنات في نقص بتربية الخاصه تخلف عقلي اوﻻا أخاف يقطوني بالمدارس العاديه!!