تجمع حوال الشهر التاسع

[ام ساره 4]

السلام عليكم ورحمة الله وبركاته

أنا معاكم دخلت شهري صارلي أربع أيام عسى الله يسهل علينا يارب

 

[*الغاليه*]

لااتشكووووون لي ابكيلكم

ودخلنا التاااسع وناطرين الفرج ياااارب

​

 

[بنوته كربونش]

سامحوني بنات سويت هل تجمع و لهيت شويه تدرون بعد سوالف تجهيز الولاده ماخذه كل الوقت

الله يسهل عليكم ان شاءالله يارب و يسهل عليناا

تقريبا كلكم نفس الاعراض الثقل و عوار و ضغط تحت

ليلحين ماجربت اني اخذ شي عشان تسرع ولادتي مخليتهاا على الله (( لان عندي عرس بعد ٣ ايام ))

وكل وحده تحس باعراض الولاده تقول والله يقومنا بالسلامه

​

 

[قُـمـر دنيــآي]

بنات ‏​أنـْْ♡ـْْا مشيت على كلام دكتوري يبيني اولد هالاسبوع وقالي خروع وكف مريم ودارسين ومشي

شربت خروع ٣ ايام وشربت دارسين يومين وكف مريم يوم ومشيت وماكو اعراض بس عوار واروح الحمام كل شوي ويروح يعني موعوار طلق

ورجليني تورمت يالله امشي ويالله اقوم واقعد تعبت تعبت تعبت

يارب سهلهااااا

 

[بنوته كربونش]

قمر دنياي ليش الدكتور يبي يولدج هل اسبوع ؟!

اي الريل لازم تورم انا توني احس فيهاا انه ريلي وارمه مادري شلون بلبس الكعب حق العرس

والله يسهل عليج قمر دنياي واي شي يصير معاج بلغيناا

​

 

[بنوته كربونش]

اليووم حسيت بعوار الدوره كان يروح و يرد

انزين سؤال شلون صاير عوار الطلق ادري يمكن يختلف بين وحده و الثانيه بس شلون صاير ؟!

​

 

[adore.life]

واي بنات أنا تعبانه حدي من الثقل
اتمني يجيني طلق
واولد. باذن الله
بس شكلي مطوله

 

[قُـمـر دنيــآي]

بنوته مايبي البيبي يكبر يقول كيلوين و٦٠٠ وحوضي صغير

ونصيحه اذا بتلبسين كعب البسي المتساوي لان المفصول موزين

وانشاءالله نولد ونرتاح من الثقل اهم شي المشي والدعاء وبعد شوي بشرب خروع انشاءالله وانشاءالله اولد بطلق طبيعي

 

[adore.life]

الله يسهل لج قمر دنياي وتولدين اسرع وقت

 

[قُـمـر دنيــآي]

تسلمين ادور انشاءالله كلنا نولد بالسلامه ولاده سهله يارب

 

[بنوته كربونش]

الله يسهل عليج ان شاءالله قمر دنياي وعلينا يارب

​

 

[يارب احفظ عيالي]

الله يسهل عليج وعليناقمر

 

[قُـمـر دنيــآي]

امييين فديتكم كلكم

 

[راعية الصيت]

السلام عليكم بنات
انا دشيت شهري من زمااان بتاريخ٦/٨
والحين انا باخر شهري بس حبيت اشارك معاكم
دكتورتي قالت لي مو مفتوحة وشربي خروع ودارسين
بس انا ماشربت خفت بصراحة
والحين انا ناطرة السهاله من رب العالمين وان شاءالله اولد لاني وايد مليت
طبعاً نسيت اقولكم هذا ثلني مولود لي ان شاءالله بس بعد ٩سنين من الانتظار
عشان جذي انا وايد خايفة وبنفس الوقت بعد مشتاقه اشوف البيبي واشيله

 

[بنوته كربونش]

راعية الصيت الله يسهل عليج يارب نطري السهاله من الله ان شاءالله و لا تحاتين

والله يقر عينج بشوفة البيبي

انا صج ما جربت هل سوالف الخروع بس جربيهم يمكن يفيدج لان وايد اسمع انه يفتح الرحم

وانا اليوم كان عندي موعد طبيب قالتلي وزنهاا كيلوين و ٧٠٠ تقوول عنونه صغيره احنا ننتفخ و البيبي نتفه يطلع

​

 

[راعية الصيت]

مشكورة اختي بنوتة كربونش وان شاء الله تتسهل ولادتننا كلنا ونفرح بشيلة عيالنا بصحة وعافية

 

[بنوته كربونش]

ها يا حلوين ليلحينكم صامدين مافي تجاديم شي ؟!

​

 

[راعية الصيت]

ماكو شي ���� ليلحين وااااي متى الفرج
يارب هونها علينا وارزقنا الولادة السهلة يارب

 

[بنوته كربونش]

وااي الله يعينج و ربي يسهل عليج و يفرح قلبج و يطمنج

كل شي بوقته انشاءالله

​

 

[بنوته كربونش]

امس ياني عوار و كنت متصروعه يروح و يرد بس قلت يمكن مو طلق ولاده بس ظهري كان وايد يعورني و قلت لا ماكو شي يمكن هذا شي عادي و نمت و قعدت اليوم مافيني شي بس خرعت ريلي و نمت ههههههه

​