~*~ تجمع خاص - دورة المعلمين الجدد سنه 2011- 2012 ~*~

[( المـلاك )]

صباح الخير
انا توني قاعده من النوم
طبعا عدلت نومتي من يومين للمرة المليون اعدلها
بس اتوقع خلاص ضبطت لانه باجر مدارس ما بقى شي ،،

اليوم سادس يوم بالدورة

يلا هانت ،،

باجر اخر يوم

احس بس مليت يلا ابي اروح المدرسه
و لحد يقولي عباراته الشهيره
شتسوين غبار وبلعه وقرقه ووووو
احنا غير
احنا تعيين يديد
فوضعنا مو مثل اي معلمة قديمة متعوده عالمدرسه والوضع الزميلات والاداره والمكتب وووو
احنا ورانا شغل وافكار و ترتيب وتعديل واختيار واسأله ووووو
وصراحه ملينا من الدورة
احس يلا بس بروح المدرسه ورانا اشياء ثانيه مانعرفها ليلحين

المهم ،
بعد ساعه ونص بطلع من البيت وبروح الدورة
ولما ارد اكتبلكم شصار ماصار ،،


بس اسألكم بنات ،
ما قالولكم باجر متى نروح المدرسه ؟
اذا احنا كل يوم نخلص ساعه 12 او 12 وربع
يعني تتوقعون بس نقعد المحاضره الاولى بس
عقبها البريك وبس نطلع ماكو تكملة بالمحاضره الثانيه
ولا شلون
احد سمع اي معلومة عن هالشي او توجيهكم قالكم هالشي ؟

 

[fri2010]

توجيه التاريخ مو شي بس حرام يشرحون نقطه نقطه بس ما يفهمون وما يعطونا ورشه نطبق
اما توجيه الجغرافيا يشرحون علي السريع بس يفهمون عددددل
احنا قالو لنا الاربعا مداوم مدارسنا. بس امبجر

 

[fri2010]

صباح الخير

اليوم المحاضره احسن من امس عن إدارة الفصل
بس مع الاسف ما يعطونا مواقف تصير بالصف واشلون نتصرف فيها
يعني مجرد حجي وكلام سرد
بس اسلوب الموجهه اللي اشرحت حلو*

 

[( المـلاك )]

توني راده البيت ،،


اليوم محاضرتنا تنووووووووووووووووووووووووووووووووووووووووم
كلنا نطالع بعض و نحش بالموجهه بالنظرات
ياوييييلييييي
اول شي باين عليها مو محضره للمحاضره ماتدري شتقول
تقرا و تسرد لنا الحجي
و لا بعد العرض التقديمي كان بالداتا شو
عباره عن خط صغير وسرد وكان بالوورد !
و اهي ماقالت ولا شي مفهوم
كلنا بالبريك نسأل بعض
فهمتي شي ؟ فهمتي شي ؟
وكلنا نقول لا
ما صدعنا لانه صوتها ينوم
فنمنا نوعا ما
و الحجي اصلا اللي قالته مو مهم
لانه اليوم محاضرتنا عن التقويم
وبانسبه لتخصصنا التقويم اي شي ينحط وخلاص
ونعرف نكتب اسأله ماله داعي محاضره شلون نسوي اسأله
اهي الموجهه باين عليها مالها خلق
اللي عقب البريك ما كملت وايد ولا تكلمت وايد شكلها اهي ملت بعد
و حتى لابتوبها طفى خلصت بطاريته !
و خلصت ساعه 11 وربع جنه
بس قعدتنا بالقاعه
وقاعدين نقرق احنا نسولف عن المدارس والميداني وجذي
بروحنا مع بعض احنا المعلمات الجدد بهالتخصص
لين ساعه 12 هده طلعنا
لانه ممنوع تطلعنا قبل الـ 12 مسؤوليه عليها
شكلنا جنه حصه احتياط هههه
اهي قاعده بالمكتب
واحنا قرقه مع بعض
بس بنات حواء 2 مجابلتها سوالف وياها وتحلطم وتحلطم
يا كثر ما تتحطلم وعليا هههههه بس انا فاهمتها وحاسه فيها بعد عمري


ويوم طلعنا يتلنا الموظفه
قالت باجر محاضره وحده بس اللي اهي الفترة الاولى
عقبها بريك
بعدين تعالوا كلكم المسرح
اعطيكم مباشرات العمل
وتروحون مدارسكم
وبس

صراحه تعبنا من الدورة
وملينا
يلا خل نغير من هالروتين الممل
ونروح المدرسه ونشوف وضعنا

وبس

بانتظار غدا على احر من الجمر هههههههه

 

[fri2010]

المحاضره الاولى اليوم كانت حلوه

بس الفتره الثانيه تلوع الجبد عن خصائص النمو

المشكله ان بس سرد كلام في كلام ما احب جذي

احب مثلا تذكر موقف وتسألنا اشلون نتصرف فيه

المصيبه يقولون ما نحب اسلوب السرد ويطبقونه علينا

وغير جذي للحين شايفين فينا ان طلبه مو معلمات!!!

المهم كانت وحده معانا تخصصها فلسفه عاد قالت لها الموجه شنو اسمج؟

قالت فلانه جان تقول لها اي شفت اسمج انتي يا اما بمدرسه هذي او هذي بس ما اتذكر

البنيه وعليا ضاق خلقها المدرستين تقول ان سامعه عنهم مو شي

والطامه الكبرى انها مو حاطتهم من ضمن الرغبات

يعني سالفه الرغبات كلام فاضي :i

ووحده يديده يت تقول المراقب قال لها يا اما نحطكم بالرغبه الاولى او الثانيه

ووحده ثانيه تقول لا اكثر مدرستين فيهم نقص مدارس الرميثيه

على قولت الملاك باجر يوم السبرايز والعجايب العالمي

بس قالو لنا ان المشرف بالفتره الثانيه ايينا عشان نتيمع بالمسرح ويسلمنا مباشرة العمل

وراح نداوم الاربعا مو نفس اليوم

وان شاء الله خير

 

[بنات حواء2]

بنات ابي اغير منطقتي اشلون ؟؟؟

 

[بنات حواء2]

بنات جنوب السره تابعه لاي منطقه ؟؟؟
حولي صح
بليز ردو علي من البجي الشاشه ماشوفها

 

[بنات حواء2]

اذا ما نقلوني منطقه ثاني بسحب اوراقي من الديوان بس مابي الوزاره هذي بكبرها مابيها

 

[fri2010]

بنت حوا جنوب السره حولي

وترا ما عندنا مدرسات اسره ومستهلك مرحله الثانوي

يعني اذا انتقلتي يبونج لان في نقص

بس المشكله النقل شهر 1 الحين ما تقدرين تسوين شي

اما تسحبين اوراقج ما انصحج خاصه انج تبين تكملين ماستر

ترا اهميه التدريس تثبيت معلوماتج والماستر بحاجه لتثبيت هالمعلومات

لا تقولين ميداني ولا اقرا كتب لان هذي كانت نصيحه الدكاتره لي

قالو لي تبين تكملين ماستر لازم تدرسين على الاقل سنه

بس شنو اللي ضيق خلقج اكثر؟

 

[بنات حواء2]

الظلم

 

[نفول]

بنات حوا حبيبتي ليش ضايق خلقج
ماشالله عليج انتي كنتي متحمسه حيييل ومتوقعتج بتتحملين كل شي من التدريس
عسى ان تكرهوا شيئ وهو خير لكم وصدقيني الخيره فيما اختاره الله
انتي اي منطقه وتبين تروحين اي منطقه؟

 

[fri2010]

الظلم بكل مكان

مع الصدمات والملل اللي صار قبل يومين

الا اني متمسكه بهالمكان

والحمدالله الحماس يزيد

والله كريم

 

[نفول]

بنات عندي سؤال
اذا انشالله داومنا نقدر نختار المقرر الي ندرسه ولا اهم يفرضون علينا؟
انا سالت مدرس اول قالي راح يعطونج الصف العاشر وبصراحه انا مابيه اليوم شفت الكتاب وفيه تاريخ وجغرافيا وانا مااعرف تاريخ وايد ولا اشرحه
فاخاف اظلم الطلبه معاي افضل يعطوني جغرافيه الصف ١١ انشالله لو ٤ صفووف عادي عندي
واذا قلت حق المدرسه الاولي مابي هالمنهج ما تاخذ عني فكره اني بس بدرس تخصصي
بس والله هالشي انا مقتنعه فيه وخصوصا انا اول سنه وليلحين مومتدربه عدل 

 

[fri2010]

نفول انتي داومتي ويانا؟ الموجه قال اول سنه يعطونا صفين عاشر وصف 11
والسنه اللي بعدها صفين عاشر وصفين 11
السنه الثالثه عادي تدرسين كل المراحل 10 و11 و12
ومن الافضل عشان ما يمسكون عليج شي انج ترضين بكل شي يبونه
انا نفسج مو حابه ادرس شي مو بتخصصي
بس لاني ادور على التميز فلازم اسوي الشي اللي يبونه وطبعا ما ارضى بأقل من امتياز
انا عادي يطلبون مني كل شي بس بشرط ان يكون بالمدرسه مو برا وخاصه وقت الدوام
ما احب اطلع من مكاني بس عندي مراجعات شهر 10 وحده ضايق خلقي
ماابي ياخذون عني انطباع مو زين
والله كريم

 

[jen2n]

بنات اشلونكم شعلومكم ،،، بالنسبه لي التوجيه وايد زين ويفهمونا عدل ،، ووايد اشياء استفدت منها وما كنت عارفه اشياء وايدشي ،،،صج دورة مفيده،،، وباجر راح يوزعونا على مدارسنا ،،، انتو طمنونا شصار عليكم ،،، ووحده من الناس وينها مو امبينه،، وذكريات وفراي وام زنوب والمعلمات جميعا شمسوين مع الدوره؟

 

[بنات حواء2]

نفول حبيبتي الحماس موجود لاكن الظلم يخليج تنقهرين على هلحماس و التميز و الله فوقهم

جنون حالتي لا يرثا لها
راح اطلع من التدريس و انقع شهادتي
اما اكمل دراستي
او اعيد البكلريوس و اخذ حقوق
اكتشفت ان التربيه اكثر مكان ظلم
و رجاء بنات موضوعي لحد يرد عليه خلاص لانه بدال مايرشدني صار يحبطني اكثر للاسف
و عن اذنكم ماراح ادخل هلقسم بعد
و الله يوفقكم

 

[Q8Buying]

تعوذوا من ابليس! بنات حواء ..

ماكو الا كل خير إن شاء الله ..

 

[صدقني@صعبه]

اخخخخخخخخخخخخخخخخخخخخخخخخخ بس الظلم حايشنا كل اللي يستحقووون التقدير
بس الله يعافيج ام زنوب لا تتاثرين بكلام البنات الانه اغلبهم ما جربوا الظلم والحره اللي شفناها
والله البنات اغلبهم ضبطوا انفسهم ومدارس حلوه وزينه واحنا الا ما نحب شي اسمه واسطه مظلمومين
الله يكتب لنا الخير
وما تدرين يمكن خيره لج
مع انه اشوف ما شاء الله اجتهادج واضح والله يوفقج
وحسبي الله عليهم وعلى ظلمهم
وربي متنا من الحرررره
والله راااح شكلي انقهر باجر واشوف مدارس البنات السنعه وانا وبمدرسه تفشل
الله يصبرني بس
موفقين

 

[jen2n]

ام زنوووب حياتي مو زين اللي قاعده تسوينه ترا بينعكسج عليج سلبي لازم تتفائلين وتقطين كل شي ورا ظهرج اذا شايفه انج صج تبين تكملين وما تبين التدريس فأبواب جامعه الكويت مفتوحه بأي وقت اذا لا فحاولي تكملين برا

 

[بنات حواء2]

قولولي شسوي بلامتياز بشنو فادني
انا لو ادري ان السالفه جذي جان ماسويت الي سويته بهلاربع السنين
ذابحه نفسي بالدراسه كله على حساب صحتي و بيتي و بنهايه انا الاقل و غيري الافضل
شهادتي بحظني و ميته بجي
حرام الي يصير حرام