~*~ تجمع خاص - دورة المعلمين الجدد سنه 2011- 2012 ~*~

[غالية...]

بنــات الي خريجين من كليه العلوم والاداب اشلون قبلوكم وزارة التربيه هل سجلتو بالديوان بس او رحتو للوزاره وسجلتو فيها ؟؟؟​

 

[fri2010]

غاليه سجلنا بالديوان وعقبها نزلت اسامينا بالجريده بعدين رحنا الوزاره

 

[ablah_mariam]

آنآ تآبعه للفروآنية التعليمية
مكآن الدورة آول يومين المعلمين + المعلمآت بمدرسة الفروآنيه أ بنآت ( للآمور الآدآريه )
وبآقي الآيآم المعلمآت بمدرسة الفروآنية متوسطه بنآت ( للآمور الفنية )
من 5-9 آلى 13-9
من السآعه 8,30 الى 12,30

واللي مآ يحضر هالدورة يعتبر تعينه ملغي ويقوم باجرآءآت التعيين مرة ثآنية

آخر يوم من الدورة نستلم مبآشرة العمل وآي مدرسه و بتآريخ 14-9 نروح للمدرسه ونسلم مديرتهآ المبآشره


رآح آخذ معآي نوت وقلم عشآن آكتب اللي ينقآل .. لآزم نعرف اللي لنآ واللي علينآ
لآن آيآم الميدآني كآنوآ مستغلينآ .. وآكيد التعيين الجديد بيستغلونآ
ف أي شي ينقآل لنآ الآ آحنآ عندنآ رد عليه

 

[اخت اخوانها]

ابلة مريم :- انتي وشخصيتج اهما ماراح يستغلون الكل ساعديهم مومشكلة بس عاد اذا علقوا عليج كل شوي احتياط كلمي المدرسة الأولى وقوليلها انا توني تعيين جديد وبركز ع شغلي وصفوفي


الله يسخرهم لج ان شاء الله لا تحاتين قبل ماتشوفينهم

 

[بنات حواء2]

بارك الله فيج و عساج علقوه و زين سويتي عجلتي بالموضوع
اعرفج بنفسي
ام زنوب
خريجة تربيه اساسيه التخصص اقتصاد منزلي الي هو علوم اسره و مستهلك حاليا
منطقة مبارك الكبير
و خايفه يقطوني مدرسه مافيها بنطرون حزتها بتحبط و بطيحلي اكل لين امتن من القهر
خخخخخخخخخخخخخخ
بحط حرتي بلاكل
بطيحله عيوش و دهن عداني و بخربها خلاص
هذي نيتي
هههههههههههههههههههههههههه
و بطنش بنادي خلاص

لاني انا مجربه بالميداني المدرسه الي مافيها بنطرون الكل عبي سواد بسواد تحسين انج رايحه عزا
من السواد اي ليش جذي
وغير جذي السوق مافي تنانير و اذا في في الكلوش و الشيفونات و الشغلات الي ماتنفع كلش حق دوام يعني مو عملهي تطيرين من الفرحه اذا حصلتيلج تنوره انا اذا حصلتلي تنوره زينه حق الدوام اخمطلي منها الوان شسوي مافي كلش
تلقيني كل يوم فس الموديل بس الوان ثانيه
هههههههههههههههه
حدي تبهذلت

و اتمنى ماتبهذل بتعيين لانه هذي مو مسئله مؤقته هذي عمر
و انا بخاطري المرحله الثانويه مابي متوسط بس وين الي يحترم رغباتج و يفكر فيج ولا بنفسيتج


انا برايي كل شي بالواسطه يصير ما عندج واسطه استريحي ومشي على كلامهم
بنسبه للدوره انا بحالو اسويلكم اقتباس من ردود سابقه و بسدحها هني كنوع من التعاون وي موضوعج
و عشان نجمع الافكار و الردود المهمه كلها هني سواء الردود سلبيه و لا ايجابيه
بقتبسها و بحطها هني عشان كلنه نستفيد و اشكرج على هلمجهود الحلو
الحين انا و انتي و الملاك في منطقة مبارك الكبير بعد منو ويانه
و انشالله انتلاقى بدوره و نتعرف على بعض



ملاحظه مهمه : شكو انتي مختاره ثنوي ليش حاطينج ابتدائي اعترضي لانه من حقج لا ترضين بهشي لو انتي خاطرج ثانوي
معنه الكل يقول الابتدائي اريح

 

[بنات حواء2]

اخت خوانها اشلونج حبيبتي
لاتتضايقين بالعكس شي حلو انج عرفتي مرحلتج و عرفتي المدارس الحين ابدي سألي عن هلمدارس و اختاري الي تريحج
بالعكس انتي الحين عندج معلومات تقدرين تتصرفين على اساسهم
و مبرووك حبيبتي انج خلصتي و افتكيتي و انشالله يقطونج بمدرسه تفرحج و تريحج يارب

 

[بنات حواء2]

هذي بعض الاقتباسات اتمنى انها تفيدكم

حدي استغربت من هرد لانه الي اعرفه ان هدوره اجباري وفيها خصم اذا غبتي مو كل شي ينقال صح ديرو بالكم من هشغله
هذا اقتباس من الاخت SRM

حبيبتي بووومه هذي الدورة بس يعلمونج شسوين بالفصل وضبط الطلابة يعني كلام التربية العملية ينعاد وينزاد ومو اجبارية ورفيجاتي لما تعينو ما حضروها ماضرتهم بشي عاادي اصلاً يعطونج عليها مكافئة 100 دينار بالنسبة لي ماابي المية بسافر وستانس وسوي مثلي لو كانت مهمه أنا ماطوفها بس كلام مامنه فايدة ما اجبر نفسي عليه وترك سفرتي وما اقولج وحدة ماحضرتها لا 3 بنات
وباالتوفيق حبيبتي

هذا رد الاخت nero
وفعلن كلامها صح لانه رفيجاتي الي تعينوا الكورس الثاني ماخذوها

لا ما عليها مكافأة

والي ما خذتها عادي

الي يتعينون اول السنه ياخذونها والي نص السنه ما ياخذونها

وعادي انا ما خذيتها

هذا رد الاخت reem0o0o0o0

مادري والله ياقلبي هذا الكلام من رفيجاتي اللي تعينوا قبلي شنو راح يكون فيها الدورة مافيها اي شي مهم نفس طقة مقرر مناهج تقريبا عن الاهداف و جذي شغلات بس

هذا رد الاخت يا ليل مطولك

السلاام عليكم ..
















شخبااركم ؟؟ ...

وعليكم السلام هلا حبيبتي الحمدلله بخير ..


1- متى تبدأ دورة المعلمين الجدد .. وهل تكون بنفس المدرسة ؟؟

العام بدت آخر 8 انتي روحي المنطقه التعليميه وسأليهم بالموعد احسن :icon30: لا احنا مبارك كانت بمركز التطوير والتدريب بمبارك والاحمدي رفيجتي بثانويه لطيفه الفارس والباقي ما ادري :080402ask_prv:

2-هل فيها امتحانات ؟؟


لاااااااا بس اهم شئ الحضور والغياااااااب لانهم ترا ياخذوووون يوميا وهي مدتها اسبوع تقريبا

3- تدرّس على حسب التخصصات ولا كله نفس الشي ؟؟!



اول يووووومين كل التخصصات مع بعض لان يتكلمون عن شغلات اداريه

باقي الايام لا كل تخصص بروح يعني العلوم بروح والرياضيات بروح و الانجليزي بروح وهكذااااااا

 

[بنات حواء2]

شوفوا هذا الرابط مال جريدةالانباء في جدول مواعيد الدوره بس هذا مال السنه الي طافت اقروه مكن تلقون فيه معلومات مفيده انا بعدي ماقريت عدل بس بحطه لكم تالي اقراها وياكم
http://www.alanba.com.kw/AbsoluteNMNEW/templates/local2010.aspx?articleid=116322&zoneid=243

وهذي مجموعة اقتباسات ثاني
هذا الرد للاخت MISS BAD00RAH

يعطيكم العافية,,,, اي انا اليوم استلمت الورقة مالت الدورة للمعلمين الجدد وتبدا من 13-9 الى 21-9-2010 من ساعة 8 صبح الى 12 الظهر واستراحة نص ساعة

واول يومين يتكلمون عن الموضوعات الادارية وباقي الايام عن الموضوعات الفنية وحضور الدورة الزامي وعلا الكلام اللي مكتوب بالورقة ان اللي

ما يحضر يلغى تعيينة من قبل الوزارة وسوف يضطر لاعادة الاجراءات الخاصة بالتعيين ,,, وموفقييييييييييييين اجمعين ,,

واتوقع الدورة هاذي حييييل مفيدة واي حتى وقعوني علا تعهد اني اداوم واحضر هدورة

واخر يوم لدورة يتسلم المعلمين الجدد مباشرات عمل ويسلمها المعلم لمدير المدرسة اللي تم تحديدها في مباشرة العمل ... وشكرا

 

[بنات حواء2]

وهذا رد و تجربت اختنا منال القلب يعطيها العافيه

من بعد اذن اختي وحدة من الناس..... وعلى حسب ما شفت وسمعت:



1- الدورة هذي مدتها أسبوع إلى أسبوعين وتكون قبل بداية دوام الطلبة.

2- في هذي الدورة يعلمونكم على نظام الغياب والاجازات والمرضيات يعني تقدرين تقولين الي لج والي عليج بالتدريس..

3- يعلمونكم عن كيفية التعامل مع الطالبة أو الطالب

4- نصائح عامة حول التربية والوظيفة

5- الي يلقي المحاضرات مدرسين أوائل أو موجهين وموجهات فنية..

6- نسبة بسيطة من الي راحوا للدورات هذي استفادوا منها

7- أكثر الي راحولها رجعوا يتحلطمون منها وانها حجي وسوالف وملل

8- تكون طريقة الدورة كراسي داخل مسرح، يعني نفس نظام محاضرة علشان جذي البعض يتملل من القعدة على الكرسي 3 ساعات متواصلة..

9- بعد انتهاء الدورة على طول يعطونج الورقة الي ترسلج على المدرسة الي راح تدرسين فيها، هذا أغلب الي شفته من كذا بنت صادف وياها هالشي.. يعني يحولونج على المنطقة التعليمية الي انتي تابعة لها وعلى طول يعطونج ورقة مباشرة العمل وعلى مدرستج..


10- انا توظفت سنة 2010 شهر 4 يعني من الكورس الثاني فعلشان جذي الدورة هذي ما حاشتني كوني اني توظفت نص السنة مو من أول السنة نفس حالتكم..

11- هالسنة 2011 سوو نظام يديد لدورة المعلمين الجدد بحيث الي بتتوظف أول السنة أو نص السنة راح تحوشها الدورة
يعني الي بتتوظف على الكورس الاول شهر 9 أو الكورس الثاني شهر 2 راح تحوشها الدورة

12- وايد يقولون هل اذا كشتنا بالدورة وما رحنا هل راح يخصمون من معاشي شي؟ للأسف اي ويقولون يخصمون يوم واحد من معاشج.. بس احسه أقرب الى التهديد وخاصة ان فيه اسامي حضور وغياب يعني ان ما حضرتي راح يعرفون لان اسمج ما يكون موقع يمه. بس انا متأكدة ان ما يخصمون على معاشج امبي وين قاعدين!! فعلشان جذي انتي روحي ميخالف واستفيدي وكلها أسبوعين مو أكثر فكي نفسج علشان لا تسمعين قيل وقال..


13- الحسنة الوحيدة ف هالدورة انها نفس نظام الجامعة يعني يالجامعيات تمتعوا فيها لأنها راح تذكركم بالجامعة وبعدها عاد خلاص بتصيرين موظفة راعية معاش...

14- شي مهم جدًا: ما يعطونج مباشرة العمل الا لما تنتهين من الدورة من خلال حضورج وتوقيعج يم اسمج. يعني مثل ما تقولون حضورج شرط اساسي علشان تاخذين ورقة مباشرة العمل.. >> قمة الملاقة بس شتسوين شي احسن من شي


وبس.. موفقات ان شالله

 

[بنات حواء2]

و هذا رد اختنه ابله غزاله يزاها الله الف خير

الله يعطيكم العافيه وموفقين انشالله
والله يعينكم على الدوره لان في ايام فيها ممله حدها
المهم انا سبق و سالتكم عن موعد دورتكم بس كنتوا للحين ما عندكم خبر اكيد عن موعدها
فبغيت اسألكم دورتكم بالضبط باي تاريخ تنتهي
بصراحه احاتي النقص عندي بالقسم و التوجيه بلغني ان راح يوزوع لمدرستنا تعيين يديد
كل سنه يداومون التعيين اليديد قبل اولى ابتدائي بيوم فهل السنه نفس الشي ولا العيد بيغير المواعيد
موفقين مره ثانيه

وهذا رد الاخت Q8Buying
بخصوص استفسار عن الكتاب الخاص بالدوره من احد العضوات

اعتقد بلى يوجد كتاب خاص للمعلمة .. فيه تفاصيل أكثر.. وحل أسئلة التقويم

لأن أتذكر أبلتنا الرياضيات كان عندها كتاب جذيه .. وأتوقع نفس الشي باجي المواد ..

وأيضاً يوجد مذكرات جمعية المعلمين .. وغيره من المؤسسات ..

تحل أسئلة الكتاب .. أنصح بإقتنائها

 

[بنات حواء2]

وهذي الورقه مصورتها و منزلتها في تجمعنه مع الاخت العزيزه الملاك
و برد احطها هني لتعم الفائده
و هلورقه خاصه لمنطقة مبارك الكبير

 

[ذكريات عشاق]

يعيكم العافية بنات
انا انشالله الاحد راح اعرف وين مكان الدورة

 

[fri2010]

الله يوفقنا جميعا يارب

 

[وحدة من الناس *]

ذكريات دوم الحماس إن شاء الله – الله لا يغير عليج بالتوفيق يارب

اخت اخوانها افا ليش الضيق ؟

منال القلب حياج الله ويعطيج العافيه

صدقني صعبه ما عليه يمكن فيها خيره لج ما تدرين- وبالنسبه للمدارس سوي موضوع بقسم طالبات المدارس

غاليه سجلنا بالديوان

ابله مريم قواج الله ويعطيج العافيه على المعلومات

بنات حواء حياج الله وتشرفنا بمعرفتج ولا تحاتين اللبس اهم شي الاداره والله = وان شاء الله يحطونا بمدارس زينه

و نتلاقى اهناك – وما ادري ليش سوو جذي بس يقولون في نقص بابلات العلوم وايد وفكرت فيها بعد عشان بناتي يكونون وياي على الاقل عاد بعدين انقل اسوي واسطه أي شي
و سمعت اللي ما يحضر الدوره ينخصم من المعاش باليوميه
والله يعطيج العافيه على المعلومات الهامه

 

[المؤرخة 2011]

مشكورة على التجمع صج ان بحاجة له

معاج المؤرخة تخصص اجتماعيات/ تاريخ

مرحله ثانوي

تابعه لمحافظة حولي التعليميه

ما حددو لي المدرسه للحين

يعطيج العافيه ​

 

[ablah_mariam]

ابلة مريم :- انتي وشخصيتج اهما ماراح يستغلون الكل ساعديهم مومشكلة بس عاد اذا علقوا عليج كل شوي احتياط كلمي المدرسة الأولى وقوليلها انا توني تعيين جديد وبركز ع شغلي وصفوفي


الله يسخرهم لج ان شاء الله لا تحاتين قبل ماتشوفينهم

آكيد حبيبتي بسآعدهم آذآ زينين بس آذآ طآح كل شي على رآسي آكيد بآحط النقط ع الحروف على قولتهم بالميدآني موجهتنآ كآنت تشوف وتتكلم معآنآ بس مو ملحقة مآبي هالشي يصير معآي مرة ثآنية

وآجمعين يآرب .. مشكورة

 

[نوني.]

مرحبا بنات موضوع حيل مفيد
أنا حطوني ب منطقة حولي بمشرف وحددوا لي مدرستي اسمها عبدالله عبداللطيف العمر ابتدائي بنين
بنات امانه تعرفون عنها شي والله بس أفكر وأبي أسمع رإيكم عنهاا

غريبه مافي احد حددوا له مدرسته مثلي؟! أنا لما رحت للمنطقة عطوني اوراق اعبي بياناتي و٥ خيارات اختارها من المدارس واخترت على عماي
ودخلوني بعدها على المسؤلة وحددت لي المدرسه اللي تعرف شي عن مدوستي تعلمني


موفقاات كلكم

 

[ذكريات عشاق]

اب اب اب اب

 

[وحدة من الناس *]

المؤرخه حياج الله حبيبتي تشرفنا وان شاء الله يحطونج بمدرسة زينه

نوني والله زين قالو لج عن مدرستج تهقين اذا رحت المنطقه التعليميه يعلموني؟

ذكريات يعطيج العافيه يا قلبي الله يرفع مقدارج

 

[fri2010]

بنات سؤال

الحين اول 5 ايام بتكون الدوره حق كافه المراحل بكافه التخصصات حلو؟

واخر 3 ايام بيكون كل تخصص بروح

فهل يخصصون لهم مكان معين والا مدرسه ثانيه

والا اشلون بتكون طريقتهم؟