تجمع خاص لطالبات الشرق الاوسط الامريكيه ( aum - acm )

[سوسو *.*]

قووه بنات شلوونكم شخباركم

انا ما اشووف تجمع حق كليتنا الا قليل فحبيت اسوي هل تجمع حقناا :gathering:

عشان نتكلم عن الجامعه والكليه ونعطي حق بعض اراءنا حول الكلية والجامعه
وعشان انفيد البنااات بأي شي يبونه حق اللي يبي يعرف عن جامعتنا وكليتنا اي عندنا ويشووووف ويعرف كل شي عنها

انا حبيت اعرفكم على نفسي
معاكم سوسو طالبه سنه اولى ( تمهيدي ... { EPP } ) بكلية الشرق الاوسط الامريكيه ( ACM )

حياكم في تجمعنا الخاص وطبعا هل تجمع مفتوح حق الكل :wqedqw:​

 

[سوسو *.*]

رد : تجمع خاص لطالبات الشرق الاوسط الامريكيه ( aum - acm )

شدعوووه ولا مشاركه
يعني افهم من هل شي ان بهل منتدى ماكو طالبات الشرق الاوسط الامريكيه :s​

 

[داريني]

انا معاج هم تمهيدي acm

 

[سوسو *.*]

صج وين اي ليفل ؟؟؟؟؟ ​

 

[اسيل الصمت]

مبرووووووووووك التجمع حيااااتي

واب لعيوووونكم

 

[نور الدنيااااا]

مبرووك التجمع

انتي وزعي على رفيجاتج رابط المنتدى وحطي توقيع لبنات جامعتكم

مووفقين

 

[توتة البسكووتة]

بنات انا توني متخرجة من الثانوية ومادري وين ادش شنو تنصحوني اب acm ? اي تخصص ؟؟

 

[om fares]

بنات انا بنتي توها متخرجه ومحتارين معاها وين نسجلها بجامعة الكويت او الامريكيه ومجموعها 87 هي حسبت حق نفسها بعد القدرات يطلع 79شرايكم ادخلها جامعة الكويت علوم اداريه او الامريكيه الله يوفقكم يا بناتي للعلم هي بالقسم العلمي

 

[vogue grl]

سو سو
شلون الجامعه؟؟؟زينه كدراسه ماوجهتي صعوبات؟شلون الي يدرسون زينين ولا تحسين يعمدون يسقطون؟؟
انا شاطره بل انجليزي بس خوفي من مدرسين الي يتعمدون يسقطون
او
انه تمر علي ماده اسقط فيها ياسمح الله
انتي بعثه داخليه؟؟؟؟
بعثه تشمل شنو كل رسوم الجامعه؟؟
انزين مواد بلجامعه اسعارها تتراوح بين جم وجم؟؟
اتمنى تفيديني

 

[سوسو *.*]

مشكورين كلكم على مروركم وسوري على التأخير
وحبيت افيد om fares & vogue grl والكل ومبروك حق اللي انقبلو في جامعتنا وكليتنا واللي ما انقبلواهاردلك و انشاءالله الله يوفقهم بأماكن ثانيه
انا بجاوب على اسألت vogue grl
الجامعه اول شي تدرسين ( E.P.P ) <<< التمهيدي كورسين يعني سنه كامله واذا ما تبينه تقدرين اتقدمين على التوفل او الايلتس وعلى طول اتدخلين على التخصص
التمهيدي حق اللي يعرف انجليزي وايد سهل والله التمهيدي حيل سهل ما فيه شي صعب بس ليفل 1 سهل وما يتعب ليفل 2 سهل بس تعب كله لازم تكتبين مواضيع وعادي يطلبون منج 1000 كلمه واكثر بعد يعني يبيله شغل
انا للحين ما دخلت التخصص بس اكيد بيكون اصعب بس احنا جامعتنا من اسهل الجامعات الخاصه يقولون وانا شفت التمهيدي شلون فأنشاءالله بالتخصص يكووون سهل
والدكاتره والله في الزين وفي الشين في دكاتره يشددون بكل شي وفي عادي فرندي كل مكان جذي
وماكو احد يتعمد يسقط الطلبه بلعكس على اللي تسوينه وبمجهودج بتنجحين انشاءالله
وطبعا جامعتنا لازم تحرصين على الغياب والغياب اللي عندنا شوي يعني لازم اتداومين والغياب عليه نسبه بعد
واذا سقطي بماده لا سمح الله الله لا يقول انشاءالله اتعيدين الكورس كله
وانا بعثه داخليه وكل شي على حساب الحكومه بس الكتب عليي وبعدين قالو عقب سنه يردونها لج
ممم الاسعار تتراوح على حسب الماده
بس التمهيدي اتوقع 1800 حق الكورس والماده مادري ما اتوقع بس جنه يا 500 او 600 على حسب الماده كل ماده وسعرها
واسعار الكتب 120-130 << كتب التمهيدي واذا ضاع كتاب وبتشترين الكتب على 10
وجامعتنا والله حلوه وسهله وكل فتره في عندنا event والله وناسه ^_^
وعندنا clubs تختارين اللي تبينه وتقضين في وقت فراغج اتنضمين حق الحفلات اللي عندنا بلجامعه اذا تبين على حسب النادي
واذا تبين اي شي انا موجوده
ولا اتحاتين وولا شي ترا الجامعه حيل سهله بالنسبه لي بس مادري بعد عند الكل غير بس وايد يقولون انها سهله ويمدحونها
وسوري على الاطاله

 

[kholood86]

حبيبتي سوسو
أبي كتب إنجليزي تمهيدى لولدي
اذا ممكن ما عليك أمر ضروري
وهذا رقمي
99943763
خلود \ ام احمد

 

[فلانه93]

انا بغيت اسال عن الكليات acm - aum بوكسل قيست هالكليات بشكل عام

انا بختصار نسبتي 73 ادبي
مستواي الانجيلزي متوسط يعني مو فللته بس يعني يبيلي
تنصحوني ادش و اجرب و لا ما اخاطر و اشوف لي شي مسواه بالانجلزيز على قد حالي
انا مابي اخاطر و افشل بالاخير و يضيع من عمري

فبغيت اسال اي وحده على الوضع مناك
ف ياريت وحده تفيدني

تضيفني BBM
E-mail
fone

 

[مسس وايت]

الله يوفقج

 

[مدار البنفسج]

بنات ساعت لعمل الاداريين بالجامعه هذي من جم لي جم ؟ ردوي ضضروري

 

[smore!!]

السلام عليكم انا اب aum

 

[يآحبي آفهم]

شنو التخصصات الموجوده بالجامعه ؟؟ وجم سنه والجامعه ٤ سنوات ولا اكثر ؟؟ هل هي اسهل من العربيه المفتوحه ؟؟ بانتظارج

 

[يآحبي آفهم]

شنو التخصصات الموجوده بالجامعه ؟؟ وجم سنه والجامعه 4 سنوات ولا اكثر ؟؟ هل هي اسهل من العربيه المفتوحه ؟؟ بانتظارج

 

[سوسو *.*]

بنات حبيت ابلغكم بشغله ترا كتب التمهيدي من بداية الكورس الياي رااح تتغير
ليفل ٢ الكورس اللي طاف كان اخر دفعه يعني الحين تغير كل شي ويقولون وااايد اسهل شدو حيلكم

 

[سوسو *.*]

انا بغيت اسال عن الكليات acm - aum بوكسل قيست هالكليات بشكل عام

انا بختصار نسبتي 73 ادبي
مستواي الانجيلزي متوسط يعني مو فللته بس يعني يبيلي
تنصحوني ادش و اجرب و لا ما اخاطر و اشوف لي شي مسواه بالانجلزيز على قد حالي
انا مابي اخاطر و افشل بالاخير و يضيع من عمري

فبغيت اسال اي وحده على الوضع مناك
ف ياريت وحده تفيدني

تضيفني bbm
e-mail
fone

سوري ع التأخير
نسبتج اتدخلج بكل الكليات اللي بالكويت وماراح اقولج دشي وخاطري وولا راح اقولج لا اتدشين بالنهايه هذا مستقبلج انتي اللي اتعرفين وين تبين وقدراتج ومستقبلح وين بأي مكان
بس ترا وايد ما يكملون والسبه مايعرفون انقلش او ما يحضرون الجامعات الخاصه اهم شي عندهم الالتزام
واذا شديتي حيلج بتنجحين اكيد
و في شي رااح يفيدج وااايد التمهيدي ( لغه ) سنه كامله فهل شي راااح يفيدج
وغير هذا تقدرين تاخذين دوره انجليزي يعني سهالات انشالله
بس انتي فكري عدل وشوفي وين تبين والله يوفقج
*

 

[سوسو *.*]

بنات ساعت لعمل الاداريين بالجامعه هذي من جم لي جم ؟ ردوي ضضروري

مادري والله ماقدر افيد وولا اجاوبج لان ماعرف
بس انتي دقي عليهم احسن شي
22255100