تجمع خاص للمسافرات الالمانيا مرافقين

[الكبر لله]

السلام عليكم ورحمه الله وبركاته ,,
شلونكم بنات شخباركم ,,
انا حبيت اسوي هذا التجمع حق الي رايحين مرافقين حق اهل انا عن نفسي رايحه مع امي الله يشفيها ويعطيها الصحه والعافية يارب العالمين ,,
حابه اعرف الاماكن العلاج والمناطق والاسوقه وكل شي ,,
واتمنى الي عندها خبر بهالسوالف او رايحه حق المانيا تقولنا لاني عليمية مااعرف اول مره اسافر علاج ولا اعرف شي :krkrkr::krkrkr::krkrkr:
عاد انا ادري انكم ماراح تقصرين معاي ,,
انا راح ابدي طبعا السفر راح يكون شهر 9 قبل العيد وراح يكون في منطقه هامبورغ انا مسميتها همبورغر اسهل مو !!!
والله كريم الله يسهل درب كل الي سافروا علاج ولا سياحه يارب العالمين ,,

 

[الكبر لله]

عاد ابي همتكم ياخواتي ,,

 

[ن و ر ه 2010]

مرحبا .. انا بعد مسافرة علاج لاول مرة .. بروح كولن ... لدكتور للجهاز الهضمي ... ياريت احد يفيدني بما يخص السكن ,,, السوق المترجمين .. وما غلى ذلك ..ونسيت اهم شي الجو هناك شلون ع شهر اكتوبر تقريبا ..
الله المعين ...

 

[الكبر لله]

الله يكون بالعون ويشفي كل مريض يارب ,,
وان شاء الله البنات يفدونج ,,
والجو يقولون حلو هالوقت هذا بس انتي اخذي ملابس زينه لا هي خفيفه ولا هي ثقيله
واخذي شالج احتياط او جاكيتج
وتروحين وتردين بالسلامة ,,

 

[&أمواج&]

انا انشاء الله ناوية اروح بس علاج
ادعوا لي

 

[حـلا و ذوق]

الله يشافي جميع مرضى المسلمين ياااارب

انا رحت ميونيخ سوقهم حلو عندكم المارين بلاتز وشارع ماكسميلين شتراسه كله ماركات ..

وبالتوفيق

 

[**دانات**]

انا رايحة بعد اسبوع علاج وحدي خايفة بروح انا وامي وزوجي بنات اشلون وضع اللي لابسين نقاب هناك

 

[al-sha5a]

حبيايبى .........انا رايحه انشاءالله علاج حق بنتى عظام ...وحدى احاتى وخايفه ...اول مرة اسافر لعلاج مو عارفه شى ..من عرفت انهم قرروا لها علاج بالخارج وانا يمكن طاح من وزنى 7كيلو منى التفكير والخوف ....فالى تعرف شى عن المانيا تقولنا ...الله يجزاها خير ...وشلون على الجو لانى اخاف على بنتى ....اخذ ملابس شتويه وياى.

 

[qween-81]

الله يشافي مرضانا ومرضى المسلمن ويلبسهم لباس العافية-أنا رحت لألمانيا بالصيف كان الجو حلو ومطر ومرات يقلب حر بس اللي أعرفه انه برد من 10 وورا-بالنسبه لهامبرج مريتها بالقطار مرور الكرام اما كولون سكنت فيها سياحه تقريبا 5أيام بس كانت منطقة راقية حيل وفيها أكبر كنيسه إسمها دم تخرع بالليل البابا الحالي كان فيها لين مات اللي قبلة وفيها نهر الراين عجيب لي ظلمت الدنيا يبطلون لمبات الجسر يطلع المنظر شي وفيها مصنع للشوكولا تقدرين تدشينه وسوقهم حلو مثل سوق ميونخ تقريبا ومايضيع لأنا كنا ساكنين ميريديان دوم قبال الكنيسة فنطلع من الفندق نكسر يسار وندش السوق واللي عجبني أكثر شي الآيس كريم عجيب عندهم وفيها متاحف ومعارض لفنانين بعد وهذا اللي يحظرني ألحين واتمنى اني فدتكم وماتشوفون شر

 

[&أمواج&]

الله يوفق الجميع يارب