تجمع خاص للمسافرات علاج بالخارج لندن

[روح عاشقها]

وينكم بنات من زمان لاحس ولا خبر؟؟

 

[سيدره]

اسال الله العظيم رب العرش العظيم انه يشافيكم جميعا
تردون سالمين غانمين يارب
ذكرتونى بلندن الله ايام لندن صج مرات غلقه بس ونااااااسه اذا تعرفتى على بنات يتغير الوضع
ترا انا متابعه تجمعكم من زمان <<<<< تحب لندن
بس بغيت اسالكم شلونكم مع انفلونزا الخنازير يعنى بلندن في اهتمام من الدوله
في تحذيرات ولا بس جذي واسفه على الاطاله

 

[كنوز78]

السلام عليكم ...شلونكم بنات؟؟؟...انا بنتي تو مكتشفين عندها السكر..عمرها تسع سنين و انا و ابوها ودنا نوديها لندن نتأكد يمكن تحاليلهم هني غلط...ونبي نعرضها على استشاري سكر الاطفال يمكن يلقى لها بديل عن ابر الانسولين.... انا راضيه بأمر الله و قدره و الحمدلله الذي لا يحمد على مكروه سواه....بغيت مساعدتكم باسم احسن استشاري و بأي مستشفى والله يشافي مرضانا و مرضى جميع المسلمين​

 

[caramela 85]

عفيه بنات اللي موجودين الحين بلندن بعرف اشلوون الجوو برد وايد ولا شنوو انا الاسبوع الياي بروح
يعني شنوو اييب ملابس وياي صيفي وفوقه جاكيت ولا هدوم شتويه ؟؟

 

[روح عاشقها]

لا ياحبيبتي شتوي
الجو بااااااارد مايغشمر

 

[ملاك-77]

الجو بااااااااااارد لازم شتوي

 

[نجمة فجر]

انا رجعت البلاد من يومين الفال لكم
سفرة العلاج وايد متعبه

الجو يبرد يوم عن يوم بس ايجنن

 

[كنوز78]

شدعوه بنات ماكو رد علي....:0bee2e8d89:​

 

[ويلاه ضاق الصدر]

شوفي حبيبتي كنوز والله ماعرف مستشفى خاص للسكري بس اللي اعرفه ان مستشفى جريت اورمنت ستريت احسن مستشفى اطفال بلندن مستشفى متطور وافضل من المستشفيات الثانيه اللي بلندن وتقدرين تسوين بحث عن المستشفى بالنت وتشوفين تخصصاتهم اذا يعالجون السكر او لا
اتمنى اكون فدتج والله يشفي بنيتج يارب

 

[عمر السنين]

قوه بنات
بغيت أسال ولدي دخول مباشر للمستشفى هل يسمح لي أقعد معاه عمره 8 شهور ؟
وشرايكم بمستشفى رويال فري ، زين حق الجهاز الهضمي؟
بغيت شقق قريبه من هذي المستشفى ؟
وكم لازم إخذ معاي فلوس أحتياط ؟
هل لازم أخذ معاي ماجله و لا ماله داعي ؟
كم يعطينى المكتب الصحي للمرافق حق أسبوع ؟ وكم للشخص الواحد؟
أدري مسختها بس أنتم ما تقصرون.:eh_s(6):​

السلام عليكم

يمكن اكون متاخرة بالرد انا حاليا بلندن علاج
و توني شفت سؤالج و حبيت افيدج

بالنسبة لولدج اتوقع يصير تقعدين معه بس تاكدي من المستشفى اذا ياخذون من المرافق فلوس
والمستشفى والله ماعرفه ولا اعرف شقق قريبة منه للاسف لاني ماعرف اهوا باي منطقه
وبالنسبة للماجله احنا والله جبنا معنا و نفعتنا واااااااااااجد بصراحه لان الاكل غاااااالي و ماكو طعم استغفر الله
والمستحقات اذا على وزارة الصحه 75باوند لليوم

و اتمنى اكون افدتج باللي اعرفه والسموحه عالتاخير والله يشافي وليدج

 

[عمر السنين]

بنااات الله يشافي مرضاكم يااارب عاجلا غير اجلا يارب

انا عندي استفسار خالتي بتروح لندن علاج وبغيت اعرف يصير الخادمه تسافر معاها والا لا لان سمعت لندن ما يدخلون الخدم الحين ..؟؟

اتمنى تفيدوني ضروري

عادي مافيها شي بس مانصح بهالشي لانهم ينحاشون هنيه واااااااجد سمعت بهالشي صراحه

 

[عمر السنين]

شدعوه بنات ماكو رد علي....:0bee2e8d89:​

ياليت اقدر افيدج بس للاسف والله ماعرف مستشفى للاطفال لاني مع خالتي علاج

اتمنى البنات يفيدونج

وبالشفا ان شالله

 

[عمر السنين]

عفيه بنات اللي موجودين الحين بلندن بعرف اشلوون الجوو برد وايد ولا شنوو انا الاسبوع الياي بروح
يعني شنوو اييب ملابس وياي صيفي وفوقه جاكيت ولا هدوم شتويه ؟؟

الجو بارد جيبي معاج شتوي لانه كل ماله يبرد بزود

والله يعينج احنا نسينا الصيفي من زمان

و بالتوفيق

 

[ملاك-77]

شلونكم بنات لندن ان شاءالله بخير

اليوم بدأ التوقيت الشتوي بلندن

صار بيننا وبين الكويت 3 ساعات

مومثل اول ساعتين

 

[قلب اسكتلندي]

اللهم يا سامع الصوت ويا سابق الفوت انك تشفي مرضانا ومرضاكم يا حي يا قيوم

الله يهون عليكم الغربة

 

[ملاك-77]

شلونكم بنات شخباركم

بشرونا عنكم

 

[toto2006]

بالنسبه اللي اسألت عن مستشفى الاطفال .. احسن 2 great ormond street hospital و portland st...انا وديت ولدي شهر 8 GOSH كان فيه التهاب بالمخ وايد زينه و تبرد القلب...
و بالنسبه حق اللي تسأل عن السفر و المصاريف. يعطون يوميا 75 باوند تقريبا 35 دينار و اذا كنتوا دخول مشتشفى يخصمون بعد لان وفرولكم مبيت بالمستشفى يخصمون على المريض بس و بصراحه ما تكفي الفلوس كلش انا قعدت شهر هناك مع ولدي و ابوي و كنا ساكنين بآخر اجور رود ويست اندكي وايد نظيف و غالي شوي .. و التكاسي و المواصلات غاليه عشان جذي كنت ماخذة قرض 10000 دينار و صرفت تقريبا منهم 5000 دينار غير اللي يعطونا اياه .. لان في اشياء ما رضوا يدفعونها مثل العلاج الطبيعي الجلسه كانت 100 باوند و دكتور الجهاز الهضمي مارضوا . قالوا ماله علاقه بحالته فدفعته انا .تقريبا 500 دينار ..يعني لازم تعملين حسابج تاخذين شي معاج..

 

[مستقبل]

بنات الله يفرج عليكم رفيجتي بتودي ولدها علاج لندن و متوهقه تبي شقه يم المستشفى تعرفون احد يضبط لها الموضوع؟؟ بليز اذا مافيها كلافه دزولي عالخاص اخاف ما اعرف ارجع للموضوع مره ثانية مرات المواضيع مادري وين تروح

 

[مستقبل]

نسيت اقولكم انه ولدها بيتعالج بمستشفى moorfields eye hospital اذا عندكم شقه قريبه أو احد يدبر لها شقه الله يخليكم ساعدوها

 

[كثر خيري]

بنات ابي مستشفى العيون اللي بلندن على حساب الحكومه شسمه