مساء الورد والفل والياسمين على أحلى قلوب
اليوم سويت بديكير منزلي ورجولي صارت ياسلام ولا أنعم ( اسوي دعاية لووول )
المهم أول شي نقعت رجولي في ماي دافي + بيكربونات الصوديوم ..البيكربونات تنظف وتعقم لأنها تقتل البكتيريا وتقلل اي التهاب ممكن يصير ..طبعا غير انه تلين الجلد الناشف الميت علشان نشيله بسهولة
هذي صورة الماي مع البيكربونات قبل ما تذوب
نقعت رجولي حوالي 10 دقايق وبعدها سنفرتها بسكر وليمون وكم نقطة زيت الخزامى
بعدها ضفت على الماي زعتر ناقعته في ماي دافي
هذا الزعتر قبل ما انقعه في ماي دافي واضيفه
نشفت رجولي زين
بديت البديكير..استعملت جهاز كون اير ..زين وحبوب ..ولد حلال ..مشكلته الوحيدة انه مافيه فتحة تصريف للماي لازم اشيله كله واكب الماي عنه
وجهزت كل العدة
أول شي دهنت رجولي بكريم مزيل الشعر ..فظيع لشيل الجلد الميت أو السواد ..أحسن نوع نير ليمون لكن أنا يحرقني فاستعملت النوع هذا ( رقم 1 في الصورة )
حطيت رجولي في الجهاز الي عبيته ماي
استعملت كل الدرجات الي فيه سواء فايبريشون ولا تدفية الماي ..أكثر واحدة استانس عليها هي الفقاعات
يازينه وهو يبقبق..طبعا فيه في النص دائرة تركبين عليها الرؤوس المرافقة منها حجر وفرشاة وتدليك الخ الخ
مسكت الحجر ودعكت رجولي وبالفرشاة على الأظافر ( رقم 2 و 3)
استعملت البتاعة رقم 4 ماعرف اسمها ..وحكيت على باطن القدم والكعب ..تشيل كل الجلد الميت
قصيت أظافري وبالبتاعة حقت ال cuticle دفيت الجلد ناحية الظفر ( في الصالوانت يشيلونه مو زين ..يصير الظفر مافيه حماية من الفطريات والبكتيريا )
بردت الأظافر (6) ولمعت الظفر بالبف ( 7) ..التلميع بحنية علشان مايصير الظفر رقيق بعدين وضعيف
دهنت رجولي بكريم فيه نعناع ينعش القدم ( 8)
بعدها دهنته بكريم 21 وفوقه فازلين ولبست كيس وعليه شرابات
والرجل ولا أنعم من كذا ياسلام لوووول
الي رجولها فيها تشققات كثيرة تستعمل كريم الشمع الليلة الي قبلها والصباح تسوي بديكير
ولو بعد كل هالفلم لسه رجولك مو ناعمة :rgewrg:
هذي للجاكوزي
