تجمع خاص لمشتركات حملة نيولوك انثى... مناقشة اليوميات

[ابيك روح]

اهلين بنات ابغى احسن انبولات للشعر للتساقط وللتكثيرالشعر
مشكورات

اهلين يا الغلا .. امبولات اكرينال تجنن للتساقط و انا بشتريها بس اخلص زيوتي وتطول بعد .. و امبولات الجنسينج هاذي تكثف و تنبت و تخلي الشعر صحي .. و في امبولات بيولاج سمعت عنها كثيييير هنا بالمنتدى .. و تقدرين تبحثين عنهم بقوقل و شوفي التجارب .. و الله يوفقك

 

[« لُوشَـــا ~]

كسسسسرتوني صح

إن شآآء الله بهتم من هنا لرمضآن
واذا ماتعدل كرتزووون ولآحد يمسكني عنه

عشرينيه

عندي زيت السمسم اللي عليه صوره جمل
اشتريته كنت ناويه اتمضمض فيه لآن يقوولون علآج وكذا
بس الوقت الحين مايسمح لي عشآن الأمتحآنآت
لآن هو يبغى له فتره طويله وانتي تتمضمضين فيه

بحآول من هنا لآخر الأمتحآنآت ادور لي على خلطآت تسنعه هالجسم :eh_s(2):

 

[طفلة كبيرة]

عشرينية انا استخدم رتن اي و الدوكين بس ويهي الحين قاااب احمر بعدين يتسنع بس اذا بشرتج حساسة ما انصحج الخلطة قوية شوي

لوشا شنو الفايدة من خلطة تصفي الجسم فترة بعدين اذا هديتيها ينعفس اكثر من قبل صح ولا لا

جربت المقشرات بس قم وجهي حماار وحكة
بس لما تقشر النتيجة رووعة

اللحين ابي شي ماله اثار جانبية خخخخ

 

[ماف راسها]

:edbf4317b9:​

 

[طفلة كبيرة]

موووفقة لوووشا
انتي وباجي البنااات

 

[ماف راسها]

مساء الفل والنظافة والإنتعاش على كل العسولات

أخباركم؟​

 

[ابيك روح]

عبير
دوم يا رب و انا بخير الله يسلمج و ليش متابعه ؟ شاركي معانا :*


بناااااااااات
ودي استخدم الحلبه مع الحليب
لا تقولون ريحه اللي جربوها و يقولون فيها ريحه لانهم يستخدمون الحلبه اليمنيه
بس الحلبه القصيميه ما فيها ريحه
بس ما ادري محتاره !

شلووووونك حبيبتي ؟؟
عندي لك مفاجأه .. :nbvppw:اول تحبيني و الا ما تحبيني ؟؟ :bbbiu:
اكيييييييد تحبيني عشان كذا بقولك :tomato2:



علاج لريحه الحلبه .. هاذي الطريقه بكتاب حق العلاجات المجربه

الاولى: عصير اللفت (شلقم):

ضعي ثمار اللفت في الخلاط وشغليه وخلي لين يصير عصير،واذا سبحتي وخلصتي حطي على اباطش منه و

ستختفي الرائحة الكريهة لفترة طويلة.

الوصفة الثانية: خل التفاح:

امسحي الابطين بقليل من خل التفاح وستزول الرائحة الكريهة ،ستشعرين بعد استعماله بحرقان بسيط في الجلد

لكنه سيزول سريعاً

و المفاجأه و السرررررر اللي يا ويلك تقولين لأحد عليه :O_SHH_:
مشروب الحلبه بالتمر طعمه لذيذ و مفيييييييييييد و يطلع لك خدووووود و يبيض و يصفي بشرتك يخليها زي المرايه رووووووعه

تغلين الحليب على النار وتضيفين 5 حبات هيل حلبه وتخليه يغلي الين يصير لون الحليب مايل للبيج بعدين تصفيه وتحطيه في الخلاط وتضيفي عليه التمر اي نووع ماتفرق بس انا للامانه حطيت معاه عجووه وتخليه في الخلاط الين تتطلع الرغوووه ويصير مثل الكابتشينوو
طعمه لذيذ مرره والحلبه ابد مو باينه ولا طلع لي ريحه ولا شي ممكن عشان الهيل ضيع ريحة الحلبه

و لاتنسين تدعيلي بالتوفيق و خصوصا بأختباراتي :eh_s(16):

 

[طفلة كبيرة]

ومساء الووورد

ماف

انتي من الخبر ناوية على اسواقكم خخخخخخ
اكثر مناطق احبها في المملكة الخبر الرياض حاايل

يالبييييييييييييه
<اخذت اللهجة خخخخ

 

[ماف راسها]

عندي زيت السمسم اللي عليه صوره جمل
اشتريته كنت ناويه اتمضمض فيه لآن يقوولون علآج وكذا
بس الوقت الحين مايسمح لي عشآن الأمتحآنآت
لآن هو يبغى له فتره طويله وانتي تتمضمضين فيه

بحآول من هنا لآخر الأمتحآنآت ادور لي على خلطآت تسنعه هالجسم :eh_s(2):

سويت سيرج وبحث مطول في جوجل وعياله عن المضمضة بالزيت لأني قعدت فترة اسويها وماشوف نتيجة

لحد مالقيت بحث الدكتور الهندي الي مطلعها

في وصفته لازم يكون زيت السمسم معصور على البارد !

بالعادة يكون مكتوب على الزيت إلا cold compressed أو لا

هويدعي انه الزيوت الي في المعصور على البارد هي المفيدة
وكان محذر انه أول مانستعمل الزيت لازم يتغطى بغطاه على طول لأنه الزيوت تتفاعل مع الجو وتروح فايدتها

زيت سمسم الجمل والي عند العطار بالكيلو الي نشتري منه مو معصور على البارد

حبيت بس اقولك تجربتي يالغلا​

 

[ماف راسها]

شوشو تنورين الخبر والمملكة كلها​

 

[ماف راسها]

صباح القشطه لاحلى الحلوين مبروك التجمع
بنات ابي اسال هل الانبولات اللي يتفخون الويه صحيح منهم فايده يعني مفعولهم اوكي او حجي عالفاضي وهل في احد جرب نوعيه وافادته ؟
انا لقيت نوعين مؤقت ودائم بس محتاره ؟
انا ويهي مليان بس مو نفس اول ايام الدلع والعزوبيه كان يهبل مدور
الحين صاير مدور بس نحيف شوي :rgewrg:ههههه
لاني ناويه بعد طلاقي بسفرتي هذي ابي ارد بنيو لوك

ابي الكل ينصدم :d
لما كنت متزوجه كنت ضعيفه وسمًرت من المشاكل:eh_s(2): مع اني قبل الزواج كنت بيضااااااا وايد
وشعري بدا يطيح مع انه كان طووووويل ماشاء الله
الحين قصيته وبديت عنايه
وخلال مشواري بالمحاكم زاد وزني 10 كيلوووو:lkmnkl:
بس ماشاء الله بالحمله السابقه مع جوري نزلت الوزن :rerrerek:
والحين بيرفكت بس يبيلي 2 او 3 كيلو انزل
وها شنو بعد تنصحوني :rerrerek:


​

كيكة وحشتيني ياحلوة


الله يعوضك خير ويرزقك الزوج الصالح المصلح والذرية الصالحة الي تقر فيها عينك

وإن شاء الله تطلعين بأحلى لوك​

 

[طفلة كبيرة]

منوورة باهلهاااا

 

[ماف راسها]

وردة .. دام انج قاعده .. بغيت اسالج
شنو سالفة ماي الورد و النشا و دم الغزال اللي ينحط بالثلاجة ؟؟

قريت ان شيخة الغيد قلدتج واستانست وايد .... !!

حتى أنا عجبتني وبطبقها إن شاء الله

اصلا صايرة احط في كل شي دم الغزال لووول

خوفي في النهاية يسمر


المهم من طريقة وردة انك تاخذين ماي ورد مع نشا ودم الغزال وتخلططينهم وتحطينهم على النار لحد ما تصير مثل المهلبية

تدهن فيه كل جسمها وتخليه الظاهر 10 دقايق وتغسله​

 

[سعودية تموت بأهل الكويت]

أمبيييييييييييييييه

من جيت الكل طلع

المهم ياحلوات ش خباركم؟

 

[ماف راسها]

ورده يالغلا الحلبة ماتجلس ريحتها بالجسم؟

خاطري اسويها وخايفة من الريحه

حبوبة أنا استعمل حلبة في ماسكات الوجه وخلطات الجسم

لاتخافين ماتطلع ريحة أبدا لأنك خالطة معها اشياء ثانية موبروحها

الحلبة تبيض وتصفي من الآثار والحبوب فظيعة

توكلي على الله​

 

[طفلة كبيرة]

حتى أنا عجبتني وبطبقها إن شاء الله

اصلا صايرة احط في كل شي دم الغزال لووول

خوفي في النهاية يسمر


المهم من طريقة وردة انك تاخذين ماي ورد مع نشا ودم الغزال وتخلططينهم وتحطينهم على النار لحد ما تصير مثل المهلبية

تدهن فيه كل جسمها وتخليه الظاهر 10 دقايق وتغسله​

فيه طريقة تكثرين من العكر الفاسي وتسمر الجسم
والله اعلم
.
.
.

 

[كتكوته و اموره]

باك باك

 

[ماف راسها]

ابي آرآئكم عن خلطة دآهيه اللي جربوهآ ؟ :d
لآني بآخذ صيفي وآخآف تنقلب النتيجه مع الآجوآء اللي تهبل :eh_s(2):

نصيحة لوجه الله لا تخربطين بالكريمات على وجهك

نصيحة سمعي مني بتندمين بعدين

في البداية بتطلع النتجية فتاكة ويمكن تستمر معاك سنة , سنتين أو حتى ثلاث

لكن بعدين بتخرب بشرتك , يطلع لك كلف وأنواع التبقعات على بشرتك , البشرة السطحية من كثير الزئبق والكورتيزون الي في هذي الكريمات تصير رقيقة جدا وتظهر الشعيرات الدموية تحتها

غيرالمضار على الكلى وغيرها

والله مايسوى عليك البياض أو توحد اللون الي بتحصلينه


لون بشرتك الأصلي ارضي فيه ياقلبي وبالنسبة للتوحد عندك خطوات مهمة :

أول شي صفي الكبد ونظفيه كل كم شهر..أكثر تصبغات الجسم بسبب كثرة السموم الي تجمعت على الكبد ..عندك أكثر من طريقة

ملعقة زيت زيتون مع عصرة ليمون وكاس ماي دافي على الريق استمري عليها شهر

أو سوي ديتكوس لجسمك بانك تاكلين تفاح وماي 3 أيام

نظفي المعدة بشرب السنامكي مرة كل شهرين أو ثلاثة ..كلن يومين فقط اشربيه والسنا مذكور في حديث مشهور وصحيح للرسول صلى الله عليه وسلم ..ماذكره بالضبط لكن خلاصته انه علاج كلك شي هو والحبة السودا ماعدا الموت

بعدين ادهري عمرك بالحمام المغربي والخلطات ..عندك خلطات الدنيا كلها طبيعية ..استمري عليها بالشهور وبتشوفين لون موحد​

 

[كتكوته و اموره]

يالله بنات انا بروح احط ماسكات ويهي و بجهز الحمام حق خلطاتي و بشغل الماي الحار عشان البخار

برب طوييييييييييييييييييييييييييييل

 

[وردة سلفر]

ورده يالغلا الحلبة ماتجلس ريحتها بالجسم؟

خاطري اسويها وخايفة من الريحه

لا لا لا كللللش ماكو ريحه توكلي على الله الخلطه هذي انا مسويتها بعلبة فيها كل هالاشياء من كل شي قفشتين وارجها قبل لا اخذ منها .. وبعدين انا اخذ منها قفشة وحده مع الروب ومطحون الخزامى والبابونج ريحتهم عجيبه . وشوفي المقادير بالضبط في برنامجي .