تجمع خاص لمشتركات حملة نيولوك انثى... مناقشة اليوميات

[ماف راسها]

بناااااااااات بسألكم

لما أقشر شفايفي بالسكر و زيت الزيتون

أغسلهم بالماي لوووووول ؟؟؟
و شنو أحط بعده ؟؟؟

بعد الغسيل رطبي ياقمر

مو تقولين فيه زيت مايحتاج ترطيب

حطي لابيلو ولا فازلين​

 

[طفلة كبيرة]

يابعد عمري يااااماااف ماقصرتي فديتج

شوفي هذا نوع الموس الي خذيته الموس ماله راس يعني اركبه
الي داخله بس 2 مغطيين

 

[ReRez]

لا انا بروح بيان مو مشرف

<<< يعني وايد فرق ؟؟؟ :tomato2:

المهم بروح يللا كل وحده تقولي طلباتها خل اسجلها

 

[ماف راسها]

بنات شرايكم بشقارها يهببببل و الله فيني شقار بس غااااامج سمعت عن منتج كاموميلا انتيا بالبابونج يفتح الشعر بس امي مو راضيه شسوي

تهبل اسم الله عليها ماشاء الله






شوشو ايه هذا هو ..بعدين تشترين التعبئة فقط في المستقبل مايحتاج العصا...بتظل هذي عندك​

 

[كتكوته و اموره]

واي ريريز جان زين

 

[ماف راسها]

ولكل البنااااااات

ابي خلطه للايد بليييييييييييز :**

الي فاد في يدي

صرت حبوبة واغسل يدي بصاوبين خفيفة أو استعملي الخلطة الصابونية حلوة لليد

كاس ماء ورد+3م بودره اطفال +3م كريم جليسوليد+3م فازلين+فنجان زيت لوز مر +فنجان زيت جلسرين +صابونه دوف مبشوره تخلط في الخلاط ثم نضع عليها كيس ملح الحليب +كاس سكر بني وتخلط جيدا وتوضع في علبه وتوضع على المغسله

دايما دايما ارطب يدي ..أحسن كريم في نظري جونسون ..بتلاقين منه حجم صغير خليه دايما في شنطتك أو جنب المغسلة

السكر والليمون وزيت الزيتون وتقشير اسويهم أكثر من مرة في الاسبوع

ادهن زيت لوز مر

. اي ماسك لوجهي احط شوي على يديني

كريم حماية ضد الشمس ..بعد ما تحطين على وجهك ادهني المتبقي بيدك

الكريم الشمعي لما اسوي لرجولي احط على يديني بعد

لو عندك جهاز شمع البارفين يصير أحسن شي في الدنيا ..تسوينه مرة كل اسبوعين ..او سويه في الصالون

​

 

[طفلة كبيرة]

ماف

الوحدة حق جم استخدام ؟
شلون شكل التعبئة
انا لقيت نفس الماركة بس بكرتون صغير حتى مو واضح شنو فيه داخل
فكرت يمكن تكون التعبئة

ريرز

بالعافية ياقلبي مقدما
نصيحة اخذي كل الي بخاطرج خخخ

 

[ماف راسها]

مرحبااااااا يا بنات

اشلونكم اليووووووووم؟؟؟


ووردة سلفر

امس سويت خلطة الشمعه بس ما سويت نفس المكونات لان ماكانت عندي كلها ..... حطيت الشمع والفازلين والجولسييييييد

لازم احرف الخلطه لا بس بجد لقيت خلطه الشمعه في منتدى ثاني بهذا الشكل .... وشريت بن العميد هههههههههه وبحده الاسبوع الجاي على شعري

بنت الاحلام


حمدالله على سلااااااااامتج .... ومبروك عليج الكاب ... ومن وين اخذتيه وعلى جم؟؟؟ واشرايج فيه بعد التجربه؟؟

عشريييييينيه

هههههههههههههههههههه مكررررررررررر


ماف ... ترانيم ... كتكوته ... حبيت اسلم علييييييكم


طبعا خليت الصفحه تطلع عندي 40 رد هههههههه عشان اشوف الكل


وقوللوا لي نعيما اليوم رحت قصييييييت شعري مدرج وطلع كانه كثيف خدعه وقصها روعه اللي قصته لي

نعيما ..تتهني بشعرك إن شاء الله

وانتي حطيتي أحسن المكونات في الخلطة الشمعية جلسوليد وفازلين والشمع :rerrerek:​

 

[كتكوته و اموره]

انا قررت باجر قصبن علي و ريلي فوق راسي اروح الحواي و الجمعية اشتري اغراض ارام و جم شغلة ناقصيني

 

[ماف راسها]

شوشو فينوس تطول عندي حوالي خمس مرات استعملت نفس الحبة وكان الراس للحين يحلق زين من غير اي مشاكل

بعدها حولت ل جيليت لاني مو بسهولة احصل فينوس ..دايما مخلصة

جيليت استعمل حبتين في كل مرة

التعبئة كرتون صغير مربع عليه صورة الموس ..اعتقد الي شفتيه​

 

[طفلة كبيرة]

يعطييييييييج الف عافية ماف تعبتج وياااي ( :

 

[وردة سلفر]

هاااااااااااي بنااات شلونكم حبيبااتي ؟؟

شلونج ماف ياقلبي ؟ عشرينية شالاخبار فديتج ؟؟

بنات وين العنونه اليوم؟ :/ فاقدينها والله اسم الله عليها

والله وايد بنات وحشوني .. شيوخ ودبه مو قاعده اصادفهم

الله يوفق شيوخه يارب بامتحاناتها بنات عاد قاعده تكتب يومياتها ؟؟ جني ماشفتها اليووم ؟ :/

 

[ماف راسها]

بعد عمري فديتج والله الحمد لله حيل زينه
وي امس بغيت اموت والله

كنت كل شوي اقول شكلي بروح المسشتفي وان رحت اخاف هناك يعرفوني درب واغلب المرات اتنوم
وانا ماحب الطبيب
واتصبر وابلع 3 حبوب حق معده وع وقت المغرب طخيت الحمد لله والفضل لله

وي انا فيني عقده نفسيني من مرض المعده حتي لو احد معدته تعوره مابي يقول قدامي اخاف


الله لا يجيبها لكم يارب ولا احد وشفي كل مرضي المسلمين

بنات ماكو خلطات جدد

خاطري اخبص

تدرون بنات والله العظيم
ماشاء الله
ان طلع لي بيبي هير شكثرررررر بشعري كلا من السدر وزيت الخروع يعني ماسك السدر الي مع بصل وثوم هالماسك عجيب



مو طبيعي


بس مشكلته ما يصير تتركينه يطيح الشعر عقبه
بس روعه حيل حيل حيل باجر باذن الله بحطه

ودي احطه اليوم
بس ما اضن يمديني الحين

سلامتك ياقلبي ماتشوفين شر

شسالفة المعدة عندك ؟

وبالنسبة للخلطات انتي بس قولي تبين حق وجه ولاجسم ولا وين بالضبط

مو مخلية خلطة مو مجربتها على نفسي فار تجارب لوووول

أحسن ماساكات للوجه وعن تجربة :

خميرة + خل تفاح طبيعي + زبادي ..مقادير متساوية

لو عندك مناسبة حطيه 3 ايام قبلها كل يوم

وجهك بينور ويصفى ويفتح .وحتى اليدين

لكن ريحتها خايـــــــــــــــــــسة

ولازم خل تفاح من عند العطار ..مانيفع حق السوبر ماركت


ثاني خلطة فظيعة وماستغني عنها :

قشطة + بيكربونات الصوديوم ...القشطة ضعف كمية البيكربونات

شووفي وجهك بعدها


تبين زيادة قولي :d​

 

[قمر دسمان]

ماف راسها
اي و الله تهبل شقارها محطمني
شوفي ماري كيت تينن ناااعمه و شعرها لونه عجيب لا اله الا الله

 

[طفلة كبيرة]

اهليييييييين وردة سلفر
بخير ياقلبي انتي شلوونج ؟

عنوونا امس دزت لي مسج كان معلق وياها المنتدى
توقعت تدخل اليوم اذا مادخلت بدز لها مسج واطمنكم عليييييها

وشيووخة
امتحانات الله يوفقهاا

 

[ماف راسها]

صحيح وفيه ماسك بعد ما استغنى عنه لو وراي عرس :

بودرة صندل بتلاقينها عند العطار ملعقة شاي صغيرونة

بياض بيضة لو بشرتك دهنية ..وصفار بيضة لو جافة

وكم نقطة زيت لوز مر

اخليه ثلث ساعة واغسله بصابون مبيض مثل الكركم ولو عندك صابونة الصندل أفضل

ورطبي وجهك ..بيصير مشدود وصاااافي

لكن ريحة الصندل خايسة ماحبها ..استعمله مرة في الاسبوع لما يكون وراي مناسبة قريبة ..مو زين اكثر من مرة في الاسبوع لانه الصندل ينشف البشرة

واحطه بعد مع الصابون المغربي لما اسوي الحمام لكل جسمي فظيــــــــــيع



شوشو يعافيك ياقمر لاتعب ولاشي ...أنا واحدة احب الهذرة


وردة قلبي الحمدلله أنا بخير دام انتي بخير


عنونة صحيح لها فقدة ..إن شاء الله تكون بصحة وسلامة


شيخة واحلى دبة اشوف لهم ردود في اليوميات مرات يكون الرد الي قبلي​

 

[كتكوته و اموره]

هالوووو وردة وينج اليوم ما شفتج

 

[وردة سلفر]

كتكووته انا هنيييه وشفتج هههههههه بس انتي كنتي رايحه الظاهر انا دخلت على ال 12وشي الظهر تقريبا . انتي شمسويه ؟ هاا مارحتي الجمعية ؟؟

 

[كتكوته و اموره]

اختي النحيسة ما رضت توديني و بيني و بينج انا ذبت من الحر ياربي شنو هالحر

 

[قمر دسمان]

يا بنات توني كلمت العنونه تقول لكم
تسألكم عنكم العافيه و اشتراكها مو مضبوط و تسلم عليكم كلكم :*
و تقول سلمي عليهم وايد :$
يله اشوفكم باجر ان شاء الله