تجمع خريجات كورس أول 2010-2011

[fri2010]

رد : تجمع خريجات كورس أول 2010-2011

اختي انجلش تيجر يعني الاشراف الاجتماعي بعمادة كلية الاداب

وسالتيهم عن متى نسوي اخلاء طرف؟

 

[English.Teacher]

رد : تجمع خريجات كورس أول 2010-2011

ايه قالت لي اوقع على اخلاء الطرف واخليها عندي

واعطيهم اياها وقت استلام الشهادة

 

[fri2010]

رد : تجمع خريجات كورس أول 2010-2011

اهاااا اوكيه

انتي عطوج ورقه اخلاء طرف والا نفس الشي اطبعها؟

وعرفتي وين نوقعها؟

 

[English.Teacher]

رد : تجمع خريجات كورس أول 2010-2011

ما عطوني اياها
بس حصلتها على ستاند عند الاستمارة في نفس القسم

وموجودة بعد في النت

توقعينها من الاشراف الاجتماعي ومكتبة الكلية وعميد الكلية وادارة الامن والسلامة

 

[fri2010]

رد : تجمع خريجات كورس أول 2010-2011

إعلان للطلبة المتوقع تخرجھم للفصل الدراسي الأول
2011/ للعام الجامعي 2010
2011 ضرورة استكمال متطلبات / على الطلبة المتوقع تخرجھم للفصل الدراسي الأول للعام الجامعي 2010
وتسلیمھا مع الأوراق www.reg.kuniv.edu.kw التخرج وذلك بطباعة استمارة التخرج وإخلاء الطرف من
المطلوبة لإدارة الخریجین في عمادة القبول والتسجیل خلال ساعات الدوام الرسمي، وذلك في موعد أقصاه
30/12/2010 يوم الخميس

قريتو هالخبر؟

 

[fri2010]

رد : تجمع خريجات كورس أول 2010-2011

انا مكتوب لي في ورقه اخلاء الطرف

رئيس القسم هل المقصود فيه العميد والا رئيس قسم التخصص؟

ومكتبه الكليه والا مكتبة جابر؟

ووين صاير مكتب الرعايه الاجتماعيه اصلا انا ولا مره تعاملت معاهم؟

انجليش تيجر انتي بكلية الاداب؟

 

[كاتو_كويتيه]

انا خريجه هالكورس ان شاءالله ودزولي مسج ..انا علوم اجتماعيه

واحااااااااتي اني ماانجح بمقرر خايفه منه .. كورس غثيث وكله محاااااااته

الله يسهل ويسر الامور

متى نودي الاوراق ؟

 

[English.Teacher]

رد : تجمع خريجات كورس أول 2010-2011

انا مكتوب لي في ورقه اخلاء الطرف

رئيس القسم هل المقصود فيه العميد والا رئيس قسم التخصص؟

ومكتبه الكليه والا مكتبة جابر؟

ووين صاير مكتب الرعايه الاجتماعيه اصلا انا ولا مره تعاملت معاهم؟

انجليش تيجر انتي بكلية الاداب؟

اتوقع العميد

بس يمكن عندكم بالاداب يكون رئيس قسم التخصص


اعتقد مكتبة الكلية ماتوقع مكتبة جابر

لا انا تربية بس مواد تخصصي كلها اداب

وقريت امس الخبر بموقع العمادة

والله يستر ويعدي هالكورس على خيري

عمري ماحاتيت مادة مثل هالكورس


الله ييسر لنا امورنا يااارب

 

[English.Teacher]

رد : رد: تجمع خريجات كورس أول 2010-2011

انا خريجه هالكورس ان شاءالله ودزولي مسج ..انا علوم اجتماعيه

واحااااااااتي اني ماانجح بمقرر خايفه منه .. كورس غثيث وكله محاااااااته

الله يسهل ويسر الامور

متى نودي الاوراق ؟

ان شالله تنجحين وانجح معاك

الاوراق وديها هالاسبوع

آخر يوم الخميس الجاي

لاتنسين صورة الجنسية وصورة الجواز والاستمارة اطبعيها من موقع العمادة

وعبي البيانات

وبنفس الوقت اطبعي استمارة اخلاء طرف ووقعيها من الحين وافتكي بس احتفظي فيها

سلميها لهم وقت التخرج اذا جيتي تستلمين الشهادة

 

[فجر Q8]

رد : تجمع خريجات كورس أول 2010-2011

السلام عليكم

قوه بنات شخباركم

انا معاكم خريجه ومن كليه الاداب ودزو لي مسج

و اللي سمعته نسوي استماره التخرج ولما تطلع كل الدرجات نسوي اخلاء طرف بس الحين بموقع الجامعه كاتبين لازم نسوي الاثنين اشلون؟

وصح انا سمعت التوقيع من رئيس قسم التخصص مو العميد! والتوقيع من مكتبة جابر!

بس وين صار مكتب الرعايه الاجتماعيه؟؟؟؟

 

[فجر Q8]

رد : تجمع خريجات كورس أول 2010-2011

بنات بسالكم الديوان كل متى يفتح؟

 

[English.Teacher]

رد : تجمع خريجات كورس أول 2010-2011

الديوان يفتح اظن اظن 4 مرات في السنة

و احيانا تخصصات يفتحون لها استثنائي

اتوقع بالنسبة لنا بيفتح شهر مارس




اخلاء الطرف توقعينها من الحين بس ماياخذونها منك الحين

انا امس جايتهم وقالت لي نفس الكلاك اسلمها وقت استلام الشهادة

وبسأل لكم بخصوص المكتبة صراحة مالي خلق مشوار للشويخ

 

[English.Teacher]

رد : تجمع خريجات كورس أول 2010-2011

طيب انا تربية انجليزي من يوقع لي العميد ولا رئيس القسم

ومن رئيس القسم؟؟؟

التربية مافيها اقسام ع التخصصات؟؟؟!!

اقسامها مناهج وعلم نفس واصول وادارة؟؟

ياليل شكل هال اخلاء طرف بيطلع عيوننا

 

[قلب أبيض]

السلام عليكم حبايبي:eh_s(7):
أنا بإذن الله خريجة معاكم بس من كلية الشريعة والحمدلله وقعت كل أوراقي
العميد ومكتبة جابر مالهم شغل
كل وحدة تروح حق رئيس قسم تخصصها يعني إلي انجليزي بآداب تروح لرئيس قسم الانجليزي هناك
أما بنات التربية فسألوا التوجيه والإرشاد عندكم
ومكتب الرعاية الاجتماعية بكل كلية يختلف عن الثانية
يعني أنا بالشريعة وحصلته داخل مبنى كليتي
ووبالنسبة للمكتبة تروحين لهم عشان تسلمين بطاقة الاستعارة الصفرا إلي عندج
والأمن والسلامة يأخذون هويتج منج
وبس :wqedqw:
عسى الله يوفقنا يااارب ونتخرج على خير:eh_s(7):​

 

[fri2010]

رد : تجمع خريجات كورس أول 2010-2011

انا اللي اعرفه احنا بكليه الاداب رئيس قسم التخصص اهوا اللي يوقع ورقه اخلاء طرف

وكرت الاستعاره لازم مكتبة جابر لانها الرئيسيه

اما مكتبه الرعايه الاجتماعيه مو عارفه وين

ومكتب الامن والسلامه الرئيسي بالخالديه بنات

وبعدين لو سوينا اخلاء طرف الحين راح ياخذون من الاي دي الا اذا دفعتي دينار ممكن يخلونها عندج وكذلك المكتبه اذا وقعتي الحين راح ياخذون منج كرت الاستعاره

فالافضل نسويها بعد ما تطلع الدرجات

 

[English.Teacher]

رد : تجمع خريجات كورس أول 2010-2011

بنات يقولون مكتبة الكلية مو مكتبة جابر

هالكلام تو تأكدت منه

والامن والسلامة اللي بالخالدية

صديقتي خريجة صيفي اكدت لي ولما قريت ورقة اخلاء الطرف

طلع فعلا مكتوب مكتبة الكلية

Fri2010
يمكن تحصلين الاشراف الاجتماعي عند التوجيه والارشاد

اذا ماحصلتيه الدور الارضي يمكن بالدور الاول

اسألي هناك

اكيد بمبنى الادارة اللي عند بوابة ٢

 

[fri2010]

رد : تجمع خريجات كورس أول 2010-2011

اوكيه اذا مكتبة الكليه مقدور عليه

انا شفت وحده تخرجت العام الكورس الثاني قالت لي مكتبة جابر والاشراف الاجتماعي يم قاعه 101 بس ماكو اهناك شي!!!

انتي سويتي اوراقج انجليش تيجر؟

 

[الغدق]

امبيه بنااااات مستووعبين راح انتخرج
ماأبي ماشبعت من الكلية
احس بسرررعة مرت الايام
لما قريت اهداء خاتم تذكاري اخنقتني العبرة

 

[English.Teacher]

رد : تجمع خريجات كورس أول 2010-2011

لا والله ماسويت اوراق اخلاء الطرف

بس وديت الاستمارة مع صور الجواز والجنسية

ببدا هالاسبوع باجراءات اخلاء الطرف

 

[الجفووول]

قوه بنات

انا بعد خريجه وماسويت ولاااااااشي ولا دزولي مسج غريبه

لو ماقريت منكم الخبر جان مادريت


باجر باخذ الاوراق