تجمع خلاصة التجارب في المحاولة على الانجاب

[ثنايا الورد]

الله يرزقكم يارب ويرزقنـا معاكم

مشكووره حبيبتي مجهود يشكر عليه ماقصرتي وانشالله تبشرينا ​

تسلمين يقلبي وياربي تبشرينا عنج قريب
وكل الخوات يارب اللي بالقسم
ودي يفرحون وترتاح قلوبهم


طبعا انا مازلت وخايفه اشوي وادعي ربي يثبتهم لي
موعدي الاول للسونار انشالله يوم الثلاثاء وراح اخبركم شنو بيقول الدكتور بعد مرور شهر للحمل

مع العلم اني مااتحرك كثير يعني اسوي شغلات بسيطه حليب ولا سلطه ارتب اغراضي بهدوء
دايما ولله الحمد اقرأ القرآن والادعية

اشرب سوائل وايد واكلي اكثر شي فاكهه وخضار ولحوم
ومواصله على تحاميل سايلوجكست للتثبيت
مع الفوليك اسيد وحبوب الجوبيزون حق تجلط الدم
مع ابر انوهيب برضو حق السيوله
طبعا يابنات الابر وايد تبقع بالجلد لو ماقالي الدكتور انها طبيعي تسوي جذي جان مررة خفت منها

وهم من تجربتي اقول لكم ان الدم البني يضل ينزل بين فترة وفتره وماصار يخوفني لانه مرررة قليل
وطبيعي عشان تعشيش الجنين والتصاقه خصوصا بالاسبوع الثالث والرابع واشوي بالخامس

يعني لاتخافون والله كريم :yaaaaaarb:

 

[شنوووفه]

الله يتمم عليج يااارب ويكونون توام حلوين مثل امهم :>
والفال حق باجي البنات انشاءالله

 

[ثنايا الورد]

الله يتمم عليج يااارب ويكونون توام حلوين مثل امهم :>
والفال حق باجي البنات انشاءالله

تسلمين شنوووووووووووفه يقلبي كلج ذووووق وذرابة
وربي يسمع منج وكل البنات يحملون ومشاكلهم تنتهي
وانت بعد ربي يسعدج دوووووووووووووووووووووووم
وتكون الابتسامه دايم على ويهج:eh_s(17):

 

[جورية السعودية]

الله يرزقك وتقر عينك بشوفة جنينك يارب

 

[ABEER FLOWER]

ربي يثبّت أجنتك يااااااااااارب

: )​

 

[سوزي الشرقية]

اني علاجي للان يتعبروه بسيطــ..
طبعابعدمرور سنتين وشهرين ولافي حمل نقلت اوراقي الى مستشفى اسطون في الخبر المستشفى ديكوره قديم مومهم
دخلت على الاخصائية عطتني كلوميدحبة كل 12ساعه وحبوب دبروجين عشان الحليب مرتفع شوياتـ.....بعدهايوم 10من دورتي رحت اليها لقت بويضة حجمهازين وعطتني ابره تفجير وقالت الي روحي جيبيها من اي صيدلية لانهاموموجودة في صيدلية المسشتفى طلعت الصيدلية الي مقابلهم مافيـ رجعت القطيف درت صيدلية صيدلية الي يقول الوصفة مومفهومة وش كاتبه فيها والي يقول اسم الابره غريب اول مره نسمع بها..حتى لدرجة عطينا الوصفة الى مندوب في شركة ادوية قال نفس الكلام الكلام مومفهوم اصلا.....
اضطريت اني اروح اليهايوم الأحدقلت اليها موموجودة لابالصيدليات ولا المستشفيات اصلا حتى صيدليتهم قالت الحرمه مومفهومه الكلام
كتبت الي ابره ثانية تفجير
واليوم الي موعدمن جديدعشان تشوف البويضة نزلت من المبيض لولا؟طيب سؤالي ااذا البويضة مانزلت شنو تسوي الي؟

 

[ثنايا الورد]

هلا حبيبتي سوزي حياج واشكرج انج متواصله وحاطه تجربتج

شوفي اذا مانزلت البويضه باابرة التفجير الثانيه اتوقع انها راح تقولج بعد ابرة نوع ثاني او حبوب انا جذي الدكتور سوا لي

عشان يضمن جودة البويضات

المهم طمنينا عنج وانا متابعه وياج

 

[سوزي الشرقية]

اي رحت اليوم وقالت الي البويضات نزلت

 

[ثنايا الورد]

الحمد لله نزلت عيل انشالله تبشرينا قريب

 

[شنوووفه]

الله يرزقكم كلكم ثنايا انا رحت الطبيب قبل امس وقتله عن حالتي وشاف تحاليلي كل شي سليم بس قالي لازم يسويلي اشعه الصبغه :<
الصرااحه خفت

 

[بنت الفودرى]

اللهم امين يثبت الأجنة لج

 

[ثنايا الورد]

الله يرزقكم كلكم ثنايا انا رحت الطبيب قبل امس وقتله عن حالتي وشاف تحاليلي كل شي سليم بس قالي لازم يسويلي اشعه الصبغه :<
الصرااحه خفت

هلا حبيبتي طبعا راح تسوينها تراها ماتخوف

بس للأطمئنان راح يعملوها لج ويارب كلشي تمام

وطمنينا عنج اول بأول

 

[اخت خالتهم]

انا باختصار الشهر اللي حملت فيه استخدمت وضعيتين السجود والعادية و كنت دايما احط تحتي مخده وماكنت استخدم أي غسول وبفضل الله حملت بس طاح البيبي واهو عمره اسبوعين

 

[شنوووفه]

اخت خالتهم ربي يرزقج انشاءالله :>
ثنايا اليووم سوييت اشعه الصبغه :< وبجييت بجي مع اني الحمدلله من النوع الي اتحمل بولادتي عله ولدي ماقلت اخ
بس هالاشعه تذبح ماتوقعتها جذي وليلحين فيني عوار وينزل علي شويه دم بس الحمدلله الدكتوور طمني مافيني الا العافيه رحمي سليم وثالي لاتيين الا بعد شهرين وطمني انه في تاس واايد احملو بعدها

 

[ثنايا الورد]

حياااااااااااااااااااااااااااااااااااتي شنوووووفه سلامتج يقلبي من العوار


والحين اشلونج عساج بخير


تصدقي عاد مااعرف شي عن اشعة الصبغه ولاشي


ياليت تخبرينا بتجربتج كامله فيها وليش سويتيها واشلون يسوونها وكيف العوار؟؟؟؟؟؟؟


وربي يكرمج وتحملين يارب بهالشهر وحرمته عند الله مايخيبج


اختي الغاليه اخت خالتهم يعني برايج نسوي الوضعيات اللي سويتينها تساعد وايد بالحمل؟؟؟؟؟؟ياليت تفيدونا يابنات بتجاربكم

 

[اخت خالتهم]

يقولون وضعية السجود تخلي السائل يدخل الرحم على طول

 

[أم سيف وسلطان]

الله يرزقنا اجمعين

 

[شنوووفه]

بعد عمري ثنايا الشر ماييج ياقلبي فدييتج :>

الدكتور طلب مني اسويها لانه كل التحاليل الي تمنع الحمل سوالي ياها ومافيني شي والحمدلله جيك عله بطانه الرحم وتابع تبويضي كل شي عندي اوكيه والحمدلله هم ريلي مافيه شي علشان جذي قالي ممكن معاج التصاقات بالانابيب مايخلي الحيوان المنوي يوصل للمبايض قالي هذا اخر شي اسويه لج وانا مدمغه عله طوول رضييت عبالي شي سهل وعادي وقالي لمن تخلصين من الدوره تعالي رحتله وانا 9 يوم الدوره بس ماادري قلت خالاسوي استخااره والحمدلله ارتحت وسمعت انه بناات وايد حملو عقبها وسويتها وهم طلع مافيني شي الحمدلله والشكر :>
وقالي خلالاص انا الي علي سويته وهالشهرين خلي الجمااع بايام التبويض وانشاءالله ياربي يصير حمل الدكتوور واايد زين وارتحتله وكاان حييل يطمني ويقولي لاتحاتين باذن الله راح تحملين

 

[ثنايا الورد]

الحمد لله مافيج شي وزوجج
مافيه شي
بس كلها خيرة من رب العالمين
ويارب مايطول انتظارج انتي وزوجج وتحملين قريب يقلبي وماعليج شر بس طمنينا دايم عليج
غالية وربي

 

[شنوووفه]

انشاءالله كل شي بيد رب العالمين :>

انتي طمنينه عنج خلصتي النفاس ولا بعد