تجمع صيف ماليزيا 2012

[حبي نانو]

مساء الخير صبايا شرايكم بفندق دوريست ريجنسي:bbbiu:

 

[سمرq8]

بنات الله يعطيكم العافيه ماقصرتو
بس رديت من المكتب وماحجزت شي ماادري احس اني متلخبطه
بقولكم اماكني وايامي وفنادقي وانتو قولو لي اذا اوكي اول لا
االايام 15 يوم ب 16 ليله
سلانجور فندق بريمد
لنكاوي بيلانقي بيتش
بينانج بارك رويل
كولامبور هذي اللي ماعرفت اي فندق اسكن فيه ابي في مسبح وسوالف اللعب وبشارع العرب

 

[احساس نادر]

سمر في كوالا احسن شي كراون بلازا ويطل على البرجين وبوسط المدينة أما بيننغ انصحج في فندق فلامينغو حيييييل روووووعة وله شاطئ خاص ومنظر على البحر مو طبيعي اختي راحتله وعجبني حجزت فيه 4 ليالي وانتي برااااحتج:eh_s(7):

 

[احساس نادر]

نسيت اكتبلج فندق كراون بلازا في كوالا 5 نجوم
فندق فلامينغو في بيننغ 4 نجوم مع اطلاله عل البحر

 

[my world]

ي الغلا
انتي بتسكني في جنتق والا لا؟؟؟
قولي جدولك كم يوم وراح اعطيك رائيي
بانتظارك:eh_s(17):

هلا والله لا اراح اقعد بالجنتينق و سغرتي عشر ايام بدون جهال انا واخواني

 

[my world]

my world

لو تابعتي مشاركاتي من بداية التجمع راح تشوفيني حاطه خرايط من جوجل ايرث فيها بعض الأماكن القريبه من بعض
بس ابشري بقول لج ما طلبتي شي فديتج


جنتنق يقولون قريبه منها القرية الفرنسية 20 دقيقه بالسيارة
مرتفعات فريزر تبعد عن كوالالمبور ساعتين ويبيلها يوم بروحه لي قبل المغرب علشان تستمتعين بالأجواء هناك
وتغدوا هناك مره وحده أحلى
الأفاموسا يبيلها يوم كامل لأنها بملكا وفيه هناك مجمع ميجا مول وايد حلو لما تخلصون من افاموسا
اخذوا لكم تسوق هناك بالمره علشان ما ترجعون لملكا مره ثانية
الأفاموسا تغني عن حديقة الحيوان لانها حديقة حيوان مفتوحه وحلوه
(حديقة الطيور والفراشات والزهور) هذول كلهم يم بعض حيل بكوالالمبور مره وحده زوريهم وخلصي منهم

الشلالات بكتب لج أساميهم وأماكنهم لأنهم حلوين شفت صورتم عجيبه

(شلالات جزيرة لنكاوي)
شلال دوريان (قريب جداً من قرية أير هنكت)
شلالات الآبار السبعة (قريبه جداً من قرية أورينت فيليج الي فيها تلفريك لنكاوي)


(شلالات كوالالمبور)
في سيلانجور (شلال تمبلر بارك روعه)
في سيلانجور (شلالات غاباي) + (شلالات كانشيك) + (شلالات بيرديك)

وعندج أسفل جنتنق لما تخلصون فيه مشتل الفراولة الزهور ومحلات الشكولاته والشاي إذا ماني غلطانه لوووووول

ججججزاج الله خخير الله يسهل امورج بس بعيت اسالج حديقة الطيور الخ تنفر بسرعه ابي اذا خلصت منها اروح مكان ثاني شنو الاماكن الللي يمها

 

[كراميلو]

Maworid. جدول لعشره ايام. 2سلانجور. 3ايام لنكاوي ويومين بيانق و3ايام كوالا ومنها تروحي لجنتق •• حبي نانو فندق الدورسيت حلووو وانا برضه حجزت فيه وعاد انتي وراحتش خشي عمو قوقل وتفرجيله ....وفيه احسن منه ودب للجميع

 

[كراميلو]

ياجبيباتي بعطيكم نصيحه الحدائق المتكرره مثل الطيور والفواكه وغيرها زورو الافضل والاحسن عشان توفرون وقت ووومصاريف وان شاآءالله لادخلت من اللاب اخبركم ايش الافضل في كل منطقه .. لان انامن الايفون داخله

 

[كوكا كولا]

حبي نانو

ما عندي فكره عنه والله
دشي موقع بوكينج وشوفي شكل الفندق والناس جم معطينه تقدير ممتاز ولا جيد جدا ولا جيد

 

[كوكا كولا]

سمرq8

اي احسن زين سويتي
انطري لما تعتمدين الأيام والأماكن والفنادق عقب روحي واحجزي هذي احسن طريقة مثلنا
الفندق الي اخترتيه بلنكاوي مثل فندقي هذا منتجع 5 نجوم اسمه بيلانجي بيتش وايد حلو نظام أكواخ يم البحر حلوه ووايد يمدحونها

نصيحه.... كوالالمبور لا تسكنين بشارع العرب نفسه ترا مو شي وازعاج وناس وصخه بالليل خليج بعيده عنه
انا فندقي سويس جاردن 4 نجوم مكانه بين شارع العرب وبين البرجين موقعه ممتاز
وبعدين ماراح تقعدون طول الوقت بالفندق كله هياته وصياعه يدوب وقت الراحه شوي تاخذون قيلوله
او تاخذون شاور وتطلعون او تنامون لي اليوم الثاني علشان جذي ما فكرت اخذ فندق غالي وفخم حيل

 

[حلاي غيــر]

نصيحه لاتاخذين درويست رجينسي لان يقولون اثاثه حده قديم وله ريحه ماله مدح بالنت
شوفي شولان بارك انا حجزت 8 ليال 300 دينار مع الفطور والله الشكل روووعه حيل ويمدحووونه حيل وتوه جديده 2010 فاتحينه شوفيه بموقع بوكنق واحكمي انتي بنفسج واللي حاجزته كاكولا حول بعد

 

[حلاي غيــر]

بس بنااات ابيكم تنصحوني شنو الشي اللي مايتتطوف بماليزيا اشتريه مناك لاني مو عارفه والله انا حاطه ميزانيه للسوق 650 واحسها شووي شرايكم انتو

 

[حلاي غيــر]

سوري 750 وافكر ازيدها واخليها 900

 

[كوكا كولا]

my world

الي يمها حيل حديقة الطيور والفراشات والزهور بس
انا حطيتها اول جوله بعد الوصول علشان يومنا يكون خفيف واحنا نكون تعبانين من السفر واصلين الصبح
ومن باجر نبلش جولات ابعد شوي

شوفي هذي خريطة فيها الأماكن الي يم بعض بالأنجليزي

 

[كوكا كولا]

حلاي غيــر

شوفي انا جهزت لي اوراق يمكن باجر بطبعها بخدمة الطالب الي عندنا
اوراق كل شي في كوالالمبور حلو خططت اروح له مع تفاصيله (أماكن سياحية حلوة + أسواق+ مطاعم)

اذا تبين احط لج هني برد بروحه وانسخيه ولصقيه بالوورد واطبعيه

انا مثلج كانت ميزانيتي 800 دينار بس سحبت منها 20 لأني فلست لوووووول صارت ميزانيتي 780 دينار

 

[كوكا كولا]

ترا تكفي فيها بركه رفيجتي تقول 600 دينار حق اسبوعين كفتها مواصلات ومطاعم وتسوق ولعبت بناتها الصغار بعد
هذا السنه الي فاتت

 

[حلاي غيــر]

ايه تكفين اذا ماعليج امر وكلافه لا انا مخليه ميزانيه السوق بروح من غير السياااحه عرفتي والله يبارك لنا فيها

 

[كوكا كولا]

جم حاطه ميزانيه للسياحة وللسوق؟؟؟؟

احنا للسياحة ألف وللسوق حقي طبعا بروحي لووووول 780 دينار فيها بركة ان شاء الله
واهي اول سفره لي واكيد راح اخذ خبره وفكره عن الأسعار وكل شي

 

[كوكا كولا]

بنات بنزل لكم صور البرامج المهمه الي لازم تحطونها بالأيفون لي سافرتوا
دقايق بس على ما اصورهم من ايفوني واصغرهم واحطهم

 

[حلاي غيــر]

تقريبا نفسج للسياحه 900 من غير تسوقي