تجمع صيف ماليزيا 2012

[الله يخليهم لي]

كراميلوا انا كنت حاجزة الشيراتون بلنغاوي الكوخ وماادري مامدحوه لي ورحت حجزت الوستن بس مااطلعولي الاكواخ غرف عادية بس زوجي يقول غرفهم اكيد كله اكواخ وانا خايفة اروح اهناك وانصدم انها غرفة مو كوخ

 

[الله يخليهم لي]

اليوم انشالله رحلتنا باليل متاخر دعوااااتكم

 

[الله يخليهم لي]

والفيري انا ناوية لي وصلت بينيينغ احجز ه ولا اشرايج ادري دوختج بالاسألة يلا تحمليني

 

[الله يخليهم لي]

وابي اسالج كراميلوا اشلون رحلة الفيري صج متعبة وزحمة لان معاي اعيالي اطفال واخاف انهم يتعبون انا جربت رحلة الفري بتركيا كانت روووووعة

 

[دمي كويتي 2]

كراميلوو انا عند الشاطئ اللحين ياليت اشوفك هناك زوجي نفس مواصفات زوجك ههههههه وانا متلثمه ولابسه شنطه بنيه ههههههههههههه اوكي انتظرك

 

[sadeem yam yam]

بنات الي عندها خبره في طيران الاماراتيه او الطيران عموما
اذا الوزن المسموح ٣٠
واحنا ٣ وزنا ٩٠ هل لازم كل جنطه ٣٠ كيلو او عادي جنطه ٣٥ وجنطه ٢٨ الخ مثلاً
ولا لازم كل جنطه حدها ٣٠؟؟
ياليت تفيدوني باسرع وقت بليز

 

[كوكا كولا]

أم ركووووووو

هلا وغلا
اي والله الحمدلله استاااااااانست واااااااااااااايد
انصحج تروحين جزيرة لنكاوي بصراحة روعه وفعلا تحسين انج قاعدة بجزيرة على عكس بينانق
وانا قعدت في منتجع بيلانقي بيتش وااااااايد حلو وكان الكوخ مالنا مقابل الشاطئ
وايد حبيت لنكاوي وحبيت المنتجع
وان شاء الله ربي يسهل أمورج وتروحين وتستانسين
ولأي استفسارات انا موجوده فديتج

 

[كوكا كولا]

قَلبڪْ صًخرْ

انا عن نفسي واااااااااايد حبيت لنكاوي جزيرة خياااااااال خياااااااال لأبعد الحدود
بينانق ما حبيتها كلش شفت وايد تقارير مصورة ما حبيتها ووايد مدحوا لنكاوي أكثر
ويكفي ان جزيرة لنكاوي متميزة في رحله المانغروف البحرية وهالرحلة بروحها خياااااااااااااال وايد حبيتها
واتوقع ماكو دايركت لي لنكاوي لازم تطبين مطار كوالالمبور اول شي
والي يعرفون ان شاء الله ما يقصرون

 

[كوكا كولا]

دمي كويتي 2

انا سكنت في فندق سويس جاردن هوتيل كان روووعه
والحلو انه يم شارع العرب حيل بس تعبرين الشارع الي مقابل الفندق وتمشين شوي بو دقيقتين وجدامج شارع العرب

المجمعات الي هناك هي
لوت 10
ستار هيل
(بي بي بلازا + سانقي وانق) مفتوحين على بعض من داخل كأنهم مجمع واحد بس من بره تشوفينه مكتوب PP Plaza
سيفورا مبنى بروحه يم ستار هيل
بافيليون
ورا مجمع لو 10 من ورا تلاقين مجمع برجايا تايم سكوير الي فيه 10 طوابق
مجمع سوغو قريب بس لازم تروحين له بالتاكسي 5 دقايق والحلو فيه كل دور شي
الدور الأرضي للشنط والأحذية
الدور الي وراه رجالي والي وراه نسائي والي وراه أطفال


ولأي استفسارات حياج فديتج
انا خورت واااااااايد بشارع العرب لوووووول وما شبعت من سوقهم يهبببببببببببببل بس فلوسي خلصت وضاق خلقي

 

[كوكا كولا]

أم ميثة

اذا انتي على طيران اير آسيا البوردنج شوي معقد بالبداية
تحطين الرقم بالماكينه وتحددين اسمج واسم الي معاج وتطبعين البوردنج
الفكرة حلوة وسريعه بس العيب انها تعطي ارقام مقاعد بشكل عشوائي مثل لندن بالضبط
يعني انا عاليسار صرت ويمي ريالين عمانيين وزوجي عاليمين ويمه امريكي وعربي
كلم العمانيين وما قصروا خلوني انا وريلي يم بعض لأن عيب نقعد جذي بس هذا العيب بالبوردنج مالهم ولا كل شي تمام
بس الأكل على اير اسيا بفلوس بس ماله داعي اصلا لأن المسافة من كوالالمبور لي لنكاوي قريبه ساعه الا شوي فما يحتاج اكل بس اللهم ماي

 

[كوكا كولا]

ثلج

انا توني رايحه على القطرية بصراحة ممتااااااااااازه وخدماتهم واااااااايد حلوة واكلهم لذيذ
الجناط لما تروحون ترانزيت اهم دايركت يشيلونهم ويودونهم للطياره الثانية الأير باص الكبيرة الي راح تطيرون فيها من الدوحة لي كوالالمبور

وحياج لأي استفسارات يا حلو القطرية حبيتها وايد

بس ركزوا راح يعطونكم من الكويت تذكرتين وحده داخل الجواز للرحلة من الكويت لي الدوحه
والثانية يحطونها بمغلف لونه اصفر هذي للترانزيت من الدوحه لي كوالالمبور حافظوا عليها عدل علشان الرحلة الثانية

 

[كوكا كولا]

ثلج

شوفي احنا خذينا جنطتين بس من الكويت
حطيت الكبيره ببطنها الجنطة السحب الوسط وجنطة ثانية بروحها سحب وسط
وسكنا 3 ليالي بكوالالمبور اول شي ولما صار وقت روحتنا للنكاوي خلينا الكبيرة بالفندق عند الأمانات
وخذينا بس الأغراض الضرورية الي تكفينا 3 ليالي بس علشان الوزن
لأن على اير آسيا مسموح لكل شخص 15 كيلو واذا زاد يحاسبونكم
جنطتي طلعت 11 كيلو وجنطة ريلي هم 11 كيلو وهناك ما انصحج تشترين شي علشان الوزن وعلشان سوق كوالالمبور وايد احلى ولنكاوي حق الراحة والاستجمام
واللاستمتاع بالطبيعة الخياااااااااال وانصحج روحي رحلة المانغروف لا تطوفج وااااااااايد تتميز في هالرحلة لنكاوي

 

[كوكا كولا]

دريم ويب

ايييييييييي لنكااااااااااااوي حبيتهااااااا حييييييييييييييييييييل دمعت عيني لما طرنا وشفتا من فوق وبين بعد المنتجع مالنا لأنه يم المطار حيل
بس استمتعي قد ما تقدرين انا حتى بكوالالمبور وايد استانست كنا نطلع من الصبح لي الليل كله مشي ووناسه وسوق وصياعه لوووووول
لا تطوفج جناط سيمبونيا وااااااااايد حبيتها وشريت منها جم وحده حبيتها اكثر من بونيا
على فكرة ترا سيمبونيا وبونيا كلهم شركة وحده وانا عجبني ستايل سيمبونيا اكثر وهم بالسعر احلى وارخص من بونيا بشوي بس روعه

 

[كراميلو]

دمي كويتي توني الحين شفت كلامك
لاني بردت من المطر ونمت توني صحيت خخخخ


الله يخليهم لي لاوالله الفيري عادي مش متعبه خخخ



ثلج بالنسبه للجناط ع حسب ماتشحنووها اجنا شحناها ع كوالا واستلمنها في كوالا

 

[كوكا كولا]

sadeem yam yam

عالإماراتية ما ادري والله
بس انا رحت عالقطرية وايد حلوة بس لكل شخص 40 كيلو
بالرده للكويت خليت كل جنطه فيها 20 كيلو لازم توزعين الوزن رحت ماليزيا بجنطتين ورديت للكويت ب 6 جناط لووووووول
لأن معاي 2 هاند باق كبار ما دخلوها الطياره داخل معانا لأنها ثقيله فدخلوها مع باقي الجناط وخذوا علينا وزن زايد 8 كيلو
لأن اغراضنا وايد طلع الوزن الزايد تقريباً 22 دينار يا بلاش وانا كنت احاتي الوزن الزايد خرعوني بالمنتديات يقولون واااااااايد ياخذون عالوزن وان وحده دفعت 500 دينار بس وزن شدعوه عليها؟؟؟؟ شهالأغراض
انا 8 كيلو طلع علي 22 دينار بس واغراضي 6 جناط
لما تسوون البوردنج بالكويت سألوهم احسن

 

[كوكا كولا]

كراميلو

صح النوم يا حلو
الحين الساعة9 ونص بالليل عندكم يالله روحوا استانسوا قبل لا تسكر المطاعم والمجمعات
عندج ماكدونالدز 24 ساعة في كوالالمبور ما يسكر

 

[كوكا كولا]

بناااااااااات جهزت الجزء الأول من تقريري المصور
الحين بنزله بقسم التقارير المصورة وبحط لكم الرابط هني وبتوقيعي بعد لووووووول
حدي متشوقه علشان اقول لكم عن كل شي وعن الأكشنات الي صارت لي وعن السايق الهندي الي نكد علينا وحرمنا من الفراشات المضيئه حقير

 

[كراميلو]

كوكولا
انا في بيانج ياحلو وماشآءالله المطاعم تقفل ١٢خخخ
والله ثلجت من الامطار لان كنا بالهضبه ومطر علينا واحنا هناك اصلا المطر من الصباح بعدين وقق شوي طلعتا الهضبه فرجع المطروثلجت ووورجعت البيت ٥ونص من البرد نمت ههههه

كان ودي اشوف دمي كويتي هههه لوقالا كم رفم غرفتها كان دقيت عليها خخههههاي

 

[كراميلو]

وباشر رايحه ع جنتق يومين

ثم ع كوالا ٥ايام
ثم العوده للوطن

كوكولا عجلي عشان استفيد لوكان الا في كوالا ههههههه

 

[كوكا كولا]

هذا رابط تقريري المصور
والتقرير نزلته وقيد التكمله اتمنى يعجبكم