تجمع صيف ماليزيا 2012

[كوكا كولا]

تروحين وتردين بالسلامة متابعينج اول بأول

 

[*الهنوف*]

هذا عطري خفيف وناعم
******
الحين ببوظبي
وبانكل وجبه خفيفه


كوكا

القطريه كانت غاليه الاتحاد ارخص منها
الحين س 8:20 ببوظبي وبنطير 1:45
بنقزرها نت

 

[*الهنوف*]

بنات اذا الصور كبار وثقال علموني
عشان قاعده انزل من الايفون

عشان مانزل صور وااجلهم
معني ودي. اول باول انزل عشان لاتتكود عندي الصور
يعني اللي انزله امسحه

 

[*الهنوف*]

شفت الجو بماليزيا مطر لمدة اسبوع لاااا الله يستر

مازلت بمطار بوظبي لحد الحين عادي مامليت
مادري شفيه نتهم مايشغل الواتس حسافه ..يشتغل دقيقه ويعلق ابي اكلم خواتي

 

[كوكا كولا]

*الهنوف*

الله يعينج عاد تحسين الوقت يمر ببطء حيل
أكيد الحين طرتوا إلى ماليزيا بإذن الله

وناسه جهازج أيفون احسن شي خل اعلمج طريقة تنزلين الصور من الأيفون للمنتدى عن طريق برنامج حلو حيل

لحظه خل اصوره من أيفوني واشرح لج الخطوات عاد وايد سهله حيل والصور ما تطلع بالمنتدى وايد كبيرة احلى شي

جيكي على أيميلج دزيت لج أيميل

 

[كوكا كولا]

هذا البرنامج انصحكم تنزلونه للي جهازها ايفون
وايد حلو تنزلين الصور من ايفونج للمنتدى على طول

 

[um meshoooo]

um meshoooo

حياج الله ياحياتي بهالتجمع
بتروحين جزيرة بوكت بتايلاند؟؟؟؟ ولا تقصدين جزيره بينانق؟؟؟
بتسافرين عقبي بأسبوع بس حسافه محد مثل تاريخ سفرتي
حياج شاركينا بكل شي

هلا حبيبتي قصدي جزيره بوكيت بتايلند لاني رايحتلها من قبل ووايد عيالي استانسوا فيها وبعدين قارنتها بجزر ماليزيا بننج ولانكاوي حسيتها اونس لهم فتوكلت علي الله وحجزنا 4 ايام بوكيت وتالي نرجع ماليزيا

 

[كوكا كولا]

um meshoooo

اي انا شكيت لووووول قلت أكيد تايلند بس زيادة تأكيد هههههههه

 

[منوشة قلبي]

حبايب قلبي اختي مسافره ماليزيا على شهر سبعه
بغيت اعرف شنو الشغلات الحلوه واللي موموجوده عندنا

ويعطيكم العافيه بليز لاتبخلون علي

 

[كوكا كولا]

منوشة قلبي

انا ما رحت ولا مره وهذي سفرتي الأولى
بس من خلال تصفحي الدائم الي اعرفه ان ماركات الشنط الماليزية والأحذية روعه هناك
وفي بعد مستحضرات التجميل الكورية والماليزية هم ممتازة وفي بعد شغلات وايد
انا سفرتي قبل سفره أختج.... سفرتي بعد 9 أيام أن شاء الله ولي رديت راح اوافيكم بكل شي شريته وكل شي حلو هناك

 

[حبي نانو]

هنوف تردين بالسلامه ناطره تقريرج عشان استفيد من الاماكن أنا بروح بشهر ٧ ان شاء الله تستأنسين وحتى انتي كوكا بعد ناطرتج عشان أشوف شنو الاماكن الحلوه الحمد لله كلكم تردون قبل روحتي بنات كتبوا حتى السلبيات أمانه

 

[كوكا كولا]

حبي نانو

ان شاء الله وراح اتكلم عن كل شي وبدون مبالغه سواء بالزين او بالشين اعتمدييييييي

 

[ثلج]

مرحباا

خووش تجمع كويتيات

عندي سؤال مدري الرنقت جم يعادل بالكويت يعني واحد رينقت هل يعادل دينار واحد ؟؟


وسؤالي الثاني اذا ان شاء الله سافرت فهل يصير اخذ جناطي معاي بكل منطقة اروح

لها وعلا الطيران الداخلي والا الافضل اخليها بفندق وارد اخذها ؟؟

نورونا الله ينور عليكم وييسر سفرتنا كلنا



.

 

[كوكا كولا]

ثلج

حياج الله بتجمعنا شوفي انا عن نفسي باخذ جنطة صغيره وماراح اكثر اغراض
علشان هناك اشتري جنطة اكبر واحط فيها اغراضي والتنقلات تصير بالجنطة الصغيره
والكبيرة بنخليها في امانات الفندق بس طبعاً ياخذون رسوم على اليوم الواحد شوفي عاد كم
بس أريح لكم إذا بترجعون لنفس الفندق نفس حالتي تعمدت أحجز بنفس الفندق مرتين
3 ليالي بفندق سويس جاردن
3 ليالي بمنتجع بيلانقي بيتش لنكاوي
6 ليالي بفندق سويس جاردن.............. لاحظي رديت له علشان اغراضنا ولأن الفندق ممتاز


شوفي الرنجت على حسب سعر الصرف
الدينار = 11 رنجت تقريبا من غير الكسور الخرده
ال 10 دنانير = 113 رنجت
ال 100 دينار = 1136 رنجت

ولأي استفسارات لا تترددين فديتج

 

[كراميلو]

ماشاء الله ع الهنوف من بدايتها
الله يعطيهااالعافيه
ومتظرين طلتها

 

[** آية من الجمال **]

مشكورين بنات على هالتجمع الطيب أنا حتى الآن لم أحجز أي شئ بس إن شاءالله الله يسهل الأمور وناوية بإذن الله​

12 ليلة وتقسم كالآتي:​

2 سيلانجور >>> الإقامة في منتجع صنواي لاجون
3 لنكاوي >>> الإقامة في فندق ويستن لنكاوي أو شرآيك نسكن في بلينج بيتش؟ أو برجايا؟ :eh_s(10): محتارة فيدوني بنات؟
3 بياننج >>> الإقامة في فندق البارك رويال شرآيكم؟
4 كوالا >>> الإقامة في فندق جراند ميلينيوم ومن كوالا يوم نروح يوم جنتنج ويوم العودة ​

استفساراتي :-​

1-هل برآيكم الخطة الموضوعه أوكى؟ أم أضع سيلانجور 3 ليالي وبيانج أو لنكاوي 2 ليلة لأن أفكر يوم الوصول بنكون تعبانين ومن بكرة نذهب للمجمع والألعاب فأخاف غير كافي أبدا يوم واحد؟ أرجو النصيحة.......؟​

2- ما هي وسائل النقل الأفضل والمتاحة لهذه الأماكن المختارة من وإلى؟ ​

3- هل ترتيبهم مناسب؟ من حيث البعد الجغرافي عن بعض؟​

4- ما هي أفضل وأنسب طريقة لحجز التنقلات الداخلية من وإلى؟ ​

5- ما هي أفضل وأضمن طريقة لحجز الفنادق؟ ​

مشكوووووووورين بنات مقدما على الإفادة وما وضعت استفساراتي إلا واثقة بإنكم ماراح تردوني وسامحوني إذا ثقلت عليكم!

 

[** آية من الجمال **]

مرتفعات ( freser hill ) ... عندما تكون ( الصورة ) أجمل من البرواز ... بحرف وافي !!!

قمة الأعجاز ... أن تكون ( الصورة ) أجمل من البرواز ...

وقمة ( الإبداع ) أن تنتصر الصورة ... وتهزم البرواز وتكسر غروره ...

في ( الفريرز هيل ) فقط ... تنقلب ( الموازين ) ... وتتغير القوانين ...

حيث ( العروس ) فائقة الحسن والجمال .... تنام بأحضان الطبيعة والخيال ...

في ( الفريزر هيل ) يشعر الحرف ... بالضعف ... ويلتزم الصمت ...

في ( الفريرز هيل ) تشعر الكاميرا ... بالحيرة ... فلاتدري أين تستقر أضوائها ...

فلنترك الحديث ( للصور ) ... فرب صورة ... تغني عن منطق !!!



نبذة عن ( فريزر هيل )






هي ( منطقة ريفية ) تقع في مرتفعات ( باهانج ) الولاية الأكثر جمالا في ماليزيا ...

أكتشفها ( الرحالة الأنجليزي لويس فريزر ) عام 1900 وجعلها ( مستوطنا ) له ...

تتميز ( فريزر هيل ) بأجوائها الرااائعة وطبيعتها الخلابة ... وأمطارها الدائمة ...

تبعد عن ( كوالا ) 100 كيلو فقط ... وهي بين ( جنتنغ والكاميرون ) ... في المنتصف بالضبط

تستحق الزيارة لمدة ( يوم فقط ) ... أو زيارة من ( 9 ص إلى 6 مساء ) ... لأنها منطقة صغيرة جدآ

تنفع ( الفريزر هيل ) لمحبي الطبيعة والجمال والهدوء ... الباحثين عن الرااااااحة والروقان

حيث الهدوء الكبير الذي ( يلف ) المنطقة ... فلاصخب ولاإزعاج ولاأسواق

تتميز المنطقة أيضآ بوجود ( محمية نادرة ) للطيور من أكثر من ( 250 فصيلة ونوع ) ...

حيث ترى الطيور بأشكالها الساحرة ... وألوانها الباهرة ... فسبحان الخالق تبارك وتعالى ...

وفيها أيضآ ( الشلالات ) الممتعة ... والجداول الصغيرة .. التي لاتعرف التوقف بسبب الأمطار الدائمة

بأختصار :

هي منطقة تستحق الزيارة والتجربة ... لراغبي الطبيعة ( البكر ) ... والهدوء والجمال ...

كيف تصل إلى ( الفريزر هيل )

* من كوالا ( المسافة ساعتين أو أقل ) ... والسعر بحدود ( 180 رنقت ) ...

* من بينانغ ( المسافة ساعتين ونصف ) ... والسعر بحدود ( 200 رنقت ) ...

* لابد من وجود التاكسي معك ... لأن التكاسي قليلة جدآ جدآ جدآ هناك

صور تكشف ( جمال ) وروعة ( الفريزر هيل ) ...

حيييييييييييييل شوقتيني عليها كولااا

والله تشكرين على هالمشاركات الفعالة بهالتجمع :eh_s(17):

ماقصرتي وباقي البنات كلهم بعد :eh_s(17)::eh_s(17):

 

[كراميلو]

مشكورين بنات على هالتجمع الطيب أنا حتى الآن لم أحجز أي شئ بس إن شاءالله الله يسهل الأمور وناوية بإذن الله​

12 ليلة وتقسم كالآتي:​

2 سيلانجور >>> الإقامة في منتجع صنواي لاجون
3 لنكاوي >>> الإقامة في فندق ويستن لنكاوي أو شرآيك نسكن في بلينج بيتش؟ أو برجايا؟ :eh_s(10): محتارة فيدوني بنات؟
3 بياننج >>> الإقامة في فندق البارك رويال شرآيكم؟
4 كوالا >>> الإقامة في فندق جراند ميلينيوم ومن كوالا يوم نروح يوم جنتنج ويوم العودة ​

استفساراتي :-​

1-هل برآيكم الخطة الموضوعه أوكى؟ أم أضع سيلانجور 3 ليالي وبيانج أو لنكاوي 2 ليلة لأن أفكر يوم الوصول بنكون تعبانين ومن بكرة نذهب للمجمع والألعاب فأخاف غير كافي أبدا يوم واحد؟ أرجو النصيحة.......؟​

تقسيمك حلووووايد
ولاتغيري فيه ولاشي لان 3ايام ف سلانجور وايد كثيره فيومين احسن وافضل
ومن راايي تخليه مثل ماهو
سلانجور لنكاوي بينق كوالا..

2- ما هي وسائل النقل الأفضل والمتاحة لهذه الأماكن المختارة من وإلى؟ ​

من سلانجور الى لنكاوي طيران
من لنكاوي الى بينق عبر الفيري او طيران
من بينق الى كوالا باص ووراح تستمتعي بالطبيعه وووالمناظر في الطريق
ووتطلعي من كوالاالى جنتق من الساعه 9الى الساعه 6 وترجعي كوالا

3- هل ترتيبهم مناسب؟ من حيث البعد الجغرافي عن بعض؟​

ايه وااااايد مناسب وحلللووو
4- ما هي أفضل وأنسب طريقة لحجز التنقلات الداخلية من وإلى؟ ​

عندط طيران اير اسيا اوو الطيران الماليزي

5- ما هي أفضل وأضمن طريقة لحجز الفنادق؟ ​

عندك اكثر من موقع موقع البوكينق وموقع اقواد
مشكوووووووورين بنات مقدما على الإفادة وما وضعت استفساراتي إلا واثقة بإنكم ماراح تردوني وسامحوني إذا ثقلت عليكم!

حياك يالغلا واحنا هنا نستفيد ونفيد من بعض
وانصحك بدخول موقع العرب المسافرون وراااح تستفيدي اكثر ...
تحياااااتي لك وبااادري بالحجز لان كل ماتاخرتي راح يزيد السعر ويغلى
:eh_s(17)::eh_s(17)::eh_s(17)::eh_s(17)::eh_s(17):

 

[كوكا كولا]

ترتيباتج ممتازه بس الحجز للفنادق الافضل بنفس مكتب السفريات
الي راح تقصون منه التذاكر مره وحده قصوا حق الطيران الداخلي والفنادق
بس غلطانه للحين ما حجزتي ولا سويتي شي لان الاسعار الحين نار وارتفعت وايد

 

[** آية من الجمال **]

مشكورة كولاااا واااااااايد على ردك الكريم

يعنى أكيد ما أحتاج أخلي سيلانجور 3 ليالي لأن يوم الوصول بيكون رايح يبقى بس يوم لمدينة الألعاب والمجمع والحوسة تهقين أكيد كافي؟ ماخلي الآتي:

3 سيلانجور
3 لينكاوي
2 بيانج
4 كوالا

مشكورة كوكا كولااا آمواااه