تجمع صيف ماليزيا 2012

[كوكا كولا]

حبي نانو

اي انا احاتي وايد اخاف اخليهم بالفندق
بشوف الوضع ومشتوى الحماية بالفندق وبسألهم عن الأمان والحماية لأغراضنا بالغرفة علشان اتطمن اكثر

 

[كوكا كولا]

حبي نانو

اي انا شكلي بسوي جذي بالاندر ويرات ماخذه وايد وكنت ناوية اقط لأن شاريه لي اندرويرات جدد حلوين وخليتهم بالبيت لي رديت من السفر الا جاهزين ما اروح السوق مره ثانية

 

[حلاي غيــر]

كوالا ديري بالج تاخذين فلوسج كلها هناك حيل يحذرووون من السرقه وخصوصا الجناااط

اذا رايحه السوق اخذي مبلغ

امس بنت عمتي تعلمني تقول رفيقتها رايحه تايلند وكانت تسحب فلوس ولما خلصت الايمرون ويسحبون جنطتها منها

وتقول والله علي طولنا رحنا نلغي البطاقه الا مسحبوب منها الف و400 ديناااار غير اربع عمليات فاشله

تخيلي هي للحين منهبله شلون شاف رقمها السري وعرفه لانها تقول ماكان عندي احد يوووم اسحب

شلووون عاد وانتي بتشلين فلوسج وياج

انا ناويه اخذ جنطه اللي علي الجنب وحيل صغيره

وبعدين ليش كل هالفايده ماخذينها عليكم بالصرف انا سمعت صرف اللي داخل الديره زين اللي بالمباركية

 

[كوكا كولا]

❞ Cleoραtrα ❝

وانتي من اهل الخير

اي حطيلي نصايح علشان احافظ وما اعفس الدنيا لي سافرت

 

[حبي نانو]

حبايبي تصبحون ع خير

 

[كوكا كولا]

حلاي غيــر

مادري زوجي هو الي صرف
بالنت سعر الصرف 1000 رنجت = 87 دينار وبالصراف ال 1000 رنجت ب 90 دينار

تايلند معروف حرامية من صجج..... عسى الله يحفظنا من السراقين يارب وبشوف الوضع شلون اخذ مبلغ بسيط وشلون على حماية الفندق بسألهم

 

[كوكا كولا]

حبي نانو

وانتي من اهل الخير حياتي
بس ما طولتي معانا وايد
انا اليوم كله لازقة بالنت لووووووووووووول ما خليته إلا لما رحت اسوي جنطة ريلي
ما اقدر على فرقاكم ابي اتواصل معاكم وايد قبل سفرتي

 

[حلاي غيــر]

تصدقين كوالا انا اشتركت عند رجيم سنتر وقاعده امشي علي نظااام لي كم يوم وهو واعدني خلال شهر انزل

انا زايده تقريبا عن الوزن المثالي 8 كيلووو ودي اقطهم قبل ماسافر علي الاقل يكون هناك تغير حتي الثقه بالنفس تزيد

ابي اسالج ماشريتي مايوووو لان احنا حاجزين فيلا فيها مسبح ودي بشي حلووووو وذرب

 

[حلاي غيــر]

بس تكفين علي اذا كنتي هناك ادخلي وقولي الوضع بشكل عااام وشنو تنصحين خصوصا السوق اذا رحتي له لان اذا رديتي بتكونين لاهيه مع اهلك وعيالك لان انا روحتي بعد جيتج بيومين

 

[نـازك الملائكة]

صباحكم جُنه
كيفكم صبايااا

بسألكم أنا الحين ماودي اصرف فلوسي إلا بماليزيا اسحب من الصراف راح ياخذون علي كثير ولا كيف

 

[كوكا كولا]

حلاي غيــر

لا والله ما شريت لأن ما حجزت فيلا فيها حمام سباحة برايفت
بس شوفي التاجرات الي يبيعون قمصان النوم ترا عندهم مايوهات

وان شاء الله تنزلين الوزن وتستانسين
واكيييييييييد راح اتواصل معاكم من هناك واقول لكم كل شي وبأمانه يعني من غير مبالغه سواء للأحسن او للأسوء
وحتى السوق الصيني ناويه اروح له ان شاء الله لانه حيل قريب من فندقنا وفندقنا يودينا له ببلاش شنو احلى من جذي

 

[الله يخليهم لي]

ياهلا بالحلوين اشلونكم حبيت اسلم عليكم

 

[كوكا كولا]

نـازك الملائكة

لا دايما اصرفي في ديرتج قبل لا تروحين للديره الثانية لأن هناك يكسرون قيمه عملة ديرتج انتبهي ومو سهل تحصلين صرف في ناس توهقوا حيل

 

[كوكا كولا]

الله يخليهم لي

يا هلا وغلا توه ما نور التجمع

 

[عبيرالحب]

ان شاء الله تروحون وتردون سالمين غانمين ومستانسين
اللهم امين يارب العالمين

 

[نـازك الملائكة]

انا مشكلتي يمكن ما حتاج الفلوس الا بكوالا عشان السوق لانو بينانج ولا لنكاوي ماراح نروح سوق ما نبي نضيع رحلتنا بسوق
بسلانجور يمكن نروح الماينز يمكن ما تسوق منه لانو ما فيه ماركات على حد علمي عشان كذا ودي اسحب من صرافات كوالا

 

[عبيرالحب]

بالنسبة للسوق الصيني ترى عادي مايخوف ابد الا اذا كاسرتية ومشيتي ما شريتي الشي اللي كاسرتية يعصب
ويقول كلام مومفهوم بالصيني طبعاً
انا نسيت جوالي في محل بالسوق الصيني وولما فقدتة قلت لزوجي روح دورة قالي مالك امل اكيد اخذة وماراح يردونة
المهم راح للمحل اللي شكيت اني نسيتة فية ويساله عنة قال لزوجي اذا عندك رقمة دق علية ودق زوجي على رقمي والا يطلعة من الدرج قاله في وحدة حاسبت ونستة عالطاولة وقام يعتذر لزوجي يقول انا اسف خليتك تدق بس لازم اتاكد انة لكم

 

[كوكا كولا]

عبيرالحب

آميييييييييين ياااااااارب تسلمين عالدعوة الحلوة

 

[كوكا كولا]

نـازك الملائكة

صح كلامج بس عموماً وانتي ماخذه سياحة وآخر الليل تتمشون بالمجمعات وتتعشون لابد تتسوقين شوي
والتسوق بس بكوالالمبور معروفه انا بلنكاوي ماراح اشتري شي إلا لي شفت شي مميز ويستاهل

 

[كوكا كولا]

عبيرالحب

اي صح كلامج ما اشوف شي يخوف بالسوق الصيني
بس إذا كاسرتي لازم تشترين مو تكاسرين وتمشين هذا الي قالوه لي
وعموما الي يكاسر لازم يشتري عيب يكاسر ويمشي عقب ما ينشف ريج البايع ههههههههههه
وصح كل واحد وضميره والحرص واجب