تجمع صيف ماليزيا 2012

[أم ميثة]

أخيرا قدرت اشارك معاكم كنت ناسية الباسوورد

 

[الشيرازية]

حياج الله ام ميثه رايحه ماليزيا من قبل ولا نفسي تخططين

 

[بينك وورد]

السلام حبوبات

غريبه ليش مرتفعه الاسعار ؟؟؟.
يمكن لانه الحين موسم سفر

موخوش خبر

 

[حظ من عنده انا]

مرحبا ياحلووات


انا الحين بجزيرة ببيننغ

ششنو الاماكن الحلوووه فيها

السايق بيجي الساعه 10 الي 4 العصر

مابي يروح وقتنا واحنا مااستفدنا

 

[احساس نادر]

حظ من عنده انا هذي اماكن في بيننغ من تجميعي الي استفدتها من البنات بمنتدانا الحلوووو ومن منتدا العرب المسافرون اتمنا تفيدج :

1⃣هضبة بيننغ penang hill قبل ١١ نص + حديقة الفراشات + حديقة الفواكهه + حديقة الطيور (( واذا امكن حديقة بيراك للحيوانات ))

2⃣ شلالات + ساحل باتو فرينجي + الجبل الاحمر *

3⃣جورج تاون برج كومتار + السمج fish spa + السوق الليلي

4⃣جبل ميرا bukit merah العاب مائية وتلفريك + جزيرة الغوريلا + حديقة القرود

 

[غلاي انا]

هااااي



انا توووني جايه منهاااا قبل اسبوووع


امبيه بنااات بيووم وليله طارت الاسعاااار حيل دبل دبل السعر وخاصه الفنااادق لان موسمهم يبدا 1 سته

والتكاااسي اذا شاافوو عرب يطيرررون اسعارهم


انا قعدت فيهاا 20 يوووم

وكاانت ونااااسه و الجووو حلووو وكان يومياا مطر


كنت ساكنه بغراند مينيوووم << حيل حيل راقي ونظيف هالفندق بنص شارع العرب وكل شي يمنااا قريب

مارحت الا جزيره وحده اللي هي بينيغ وااااي تهبل تهبل وكنت ساكنه بالهوليدي ان اللي على البحر

بس وع وع سوووق الليل خيسه ولوعه وهمن سوق التايلندي وهمن سووق بازار وع وع


اما مجمعاات بينيغ <<

احلا شي فيها << مجمع القرني بلازا << هالمجمع من كبره يبيلج 3 ايام فراره فيه واسعااره حلوه لانه اكثر من 6 ادواار


وهمن << مجمع كونسبي << حيل راقي واسعااره حلوووه تقريبااا كبر الافينوووز << وعلى فكره اهووو افخم مجمع فبينغ


ورحت جيتينغ حلووووه وبااارده بس حقي ماتصلح لان ودي العب استااانس بس لاني حاامل ضليت امشي واكل ههههههههههه


امااااا سوووق العاااصمه كوالا حلووووو


البي بي بلازا <<< حق فلاتات ونفانيف وفي تحت لبس حق الصغار حلوو واسعاااره ماي رخيص

مجمع سوقو << هذا كله تنزيلات كل شي فيه بس اكثره مكياج ونعال وشناااط

وهمن في سووق نسيت اسمه قبال مجمع سوقو << اللي تبي خاام بالامتااار عندهم يعني نفس طقت البلووكات سوق الخام

مجمع ميغاا موول << اكبر مجمع بآسياا صراحة انا عجبني حيل وخااصه حق الصغار واسعااره حلوه وكل كل شي فيه يعني يبيله اكثر من مره تروحيله انا حيل حيل عجبني


مجمع تاايمز سكوير<< حلووو بس عندج من الدور الثالث وفووق اسعاره حيل رخيصه وكل شي فيه اما اللي تحت غالي ورخيص

واللي تحت تحت كله تنزيلات نعال وشنااط يعني اللي تبي صووغات تاخذ منه <<

اما السوق الصيني والهندي مايسوى العنوووه <<


اما المجمعااات اللي بشاارع العرب مافيها شي غريب ولاجديد لان كل ماركاات ومحلات عندنا بس طبعا شوي اسعارهم ارخص من الكويت


اهم مشهوورين بشناط ونعال مااركة سمبونيا وبونيا وكارولين وطبعا كلهم نفس الشركه بس الاسم غير <<< وعلى فكره اللي تبي تشتري منهم لازم تشووف كذا فرع لان كل محل وكل مجمع بضااعته غير ....


وهمن عندكم صن واي تهبل حق اللي معاها عيااالها تروح للمنتجع حيل حلوووو



وصج نسيت اقوولكم شي مهم اللي تبي تحجز فنادق نصيحه لا تحجزوون من السفريااات دبل دبل السعر

حنا حجزنا من طرف واحد مغربي بكوالا سعره حيل رخيص انصدمنا بالسعر لان عنده شركه سياحيه ويسوولهم خصم ...



والرنغت تقريبا نفس الريال السعوودي << وبث:d



وسوووري طولت عليكم بس اي سؤااال انا حاااضر ...​

 

[fdeet_shosho]

مرحبا بنات
انا رايحه للمطار بنروح لكوالا وطالعين من بيننج حلوة المناظر حييل بس الجو رطووبه
بصراحه العرب المسافرين حنا حجزنا منهم فنادقنا الله يعطيهم العافيه حجوزاتهم مضبوطه وبالنسبه للاماكن ماتحتاجون شي بس توصلون التكاسي معاهم جداول رحلات واماكن سياحيه تروحولها

كاراميلا الخيول الذهبيه بعيده عن بروميد حيل بالتاكسي ثلث او نص ساعه الخيول الذهبيه قريبه من الماينز

بصراحه اللي ماتروح بروميد راح تندم - البروميد ملاصق للصن واي لاقون المدينه المائيه وترا المدينه المائيه تبطل الساعه ١١ بس حلوة

الجنط بونيا وكورلارينو تلاقونهم بكل المجمعات كلهم والبضاعه تختلف من محل للثاني اذا عجبج شي اخذيه علا طول

اللي تبي تسال عن بيتنج الجزيره تسالني توني طالعه منها

الديره غاليه حيل وخاصه التكاسي احنا كلفتنا كمصرف للحين بدون ما اشتري ١٠٠٠ دينار بس انا معاي ثنين جهال يبون يلعبون ورحلات
بس للي مامعاهم صغار الف تكفيهم ويشترون بعد

احنا تذاكر الاماراتيه الف دينار والفنادق كلها بحدود ٩٠٠ دينار
ومخلين البكج للتمشي والشرا ٢٠٠٠
بس اتفقنا نشتري اخر يومين عقب مانشبع وناسه وللي يضل من فلوس بنتسوق فيهم

 

[No0ora_9]

قوووة بنااااات

ان شاء الله الأحد طيارتنا الساعة 10 بالليل وبعدها ترانزيت سيلان وبعدها كوالامبور
بس حسااافة راح نقعد فيها بس اسبوع لأن الوالد عنده شغل كثير وما قدر الا ياخذ اجازة اسبوع

بنااااات اكره المسافات الطويلة بالطيارة شلون اقضي وقتي يعني من الكويت لسيلان يمكن سبع ساعات او ست ساعات وترانزيت
سيلان ساعة ونص وبعدها من سيلان لماليزيا تسع ساعات يمكن :/
صج ماني عارفة شسوي بالطيارة 


انتم شنو تسوون شلوون تقضوون الوقت هذا كله ؟ طبعاً بدون النوم لأنه من سابع المستحيلات :/

 

[أم ميثة]

تسلمون حبايبي ان شاءالله بتاريخ 4/7 احنه رايحين بس انطر جيت اللي مسافرين من ماليزيا ويخبرونه اشلون الاوضاع

 

[شمرية مزيونة]

السلام شلونكم بنات شخباركم
واخيرا تم تأكيد رحلتنا لماليزيا انا وزوجي
واحنا حجزنا عن طريق مكتب الرحلة كاملة
ماينز
كاميرون هايلاند
بينغ
كوالامبور
انا اول مرة اروح ماليزيا انا وزوجي وكل مدينة راح ننام فيها
الفنادق ماينز وهوليدي ان واستانا واحد نسيت اسمه ابيكم تساعدوني كل مدينة شنو الاسواق اللي فيها والرحلات

 

[عبيرالحب]

بنت الاصايل غلط الوقت اللي قلتي عنة بالنسبة للمسافات
بين الكويت وسيلان خمس ساعات طيران وبين سيلان وماليزيا ساعتين ونص
اتمنى لك رحلة سعيدة وبصراحة ماتكفي ماليزيا اسبوع

 

[عبيرالحب]

شمرية لو تكنسلون الكاميرون لان مافيها الا المزارع وطريق وتعب وتزيدون ايام كوالالمبور احسن لان فيها حدايق
ومجمعاتها كبيرة الواحد يبيلة يومين على ماتخلصينة

 

[Winter Q8]

قوووة بنااااات

ان شاء الله الأحد طيارتنا الساعة 10 بالليل وبعدها ترانزيت سيلان وبعدها كوالامبور
بس حسااافة راح نقعد فيها بس اسبوع لأن الوالد عنده شغل كثير وما قدر الا ياخذ اجازة اسبوع

بنااااات اكره المسافات الطويلة بالطيارة شلون اقضي وقتي يعني من الكويت لسيلان يمكن سبع ساعات او ست ساعات وترانزيت
سيلان ساعة ونص وبعدها من سيلان لماليزيا تسع ساعات يمكن :/
صج ماني عارفة شسوي بالطيارة 


انتم شنو تسوون شلوون تقضوون الوقت هذا كله ؟ طبعاً بدون النوم لأنه من سابع المستحيلات :/

بنت الأصايل انا وياج بنفس الرحلة ..
و ناوية اقضي الرحلة بالنوم الصراحة ..

 

[❞ Cleoραtrα ❝]

بدأ العد العشري على سفرتنا .. لول

بنات ادري اني وايد مقصصره في حق التجمع بس امتحانات الفاينل

دعواتكم لي باجر امتحان رياضيات الله يعين ,,

حد عنده استفسار او شي ؟

 

[❞ Cleoραtrα ❝]

بـنـت الأصـاآيل

انا مستحيل ارقد بالطياره اكثر عن ساعه او ساعتين

كله افلآآم واذا مليت اسمع اغاني من ايبودي او من اللي مسيفينهم بالطياره ..

 

[*الهنوف*]

باااااااااااااااااااااااااااااااااااك

ياحلو الرجعه للبيت

انا بسجل خروجي من التجمع
وبديت سويت تقريري المصور
حياكم

 

[احساس نادر]

هلا والله الحمدلله ع سلامة الهنوف ناطرين تقريرج &#55357;&#56842;

 

[** آية من الجمال **]

أحلا همبه كويتية

أحبك في الله :33_1185028183:

 

[قلب بنتها]

خواتي ياليت اي وحده تعرف عن شقق فهرنهايت بكوالالمبور تفيدني لاني حاجزه فيها عقب العيد انا وعيالي من تاريخ22/8 الى
5/9عشان اذا مو نظيف اقدر اغير واذا ممكن تعرفوني علي افضل الشقق هناك من حيث النظافه

 

[** آية من الجمال **]

بدأ العد العشري على سفرتنا .. لول

بنات ادري اني وايد مقصصره في حق التجمع بس امتحانات الفاينل

دعواتكم لي باجر امتحان رياضيات الله يعين ,,

حد عنده استفسار او شي ؟

جودلك إن يور إكزامز :rerrerek:

أنا نفسك بدى العد التنازلي للسفرة :krkrkr:

سؤال صغنن بجنتنغ نحتاج نلبس جاكيته كل من يقول برد!!! بس مادري شنو درجته :eh_s(1):