تجمع صيف ماليزيا 2012

[*الهنوف*]

بنات
شخبار كوكاكولا
ردت ولا للحينها بماليزيا

 

[sadeem yam yam]

كراميلو انا وصلت الساعه ٢ لووول بعدج مباشره وساكنه في برجايا عجييييب الاكواخ والبحر تحتج شي خيالي حَتْىّ لو ماتطلعين من الشاليه ماتملين

واول ماوصلنا ريحنا وعالساعه ٤ ونص طلعنا افترينا شوي وقلنا نبي رحله للعذراء الحامل عاد اهي معاها بكج من ضمنها هالجزيره تروحون لها لان العذراء الحامل بَـسّ تشوفون شكلها من بعيد

وللاسف المانقروف حجزت ب ٣٥٠ كنت تعبااانه حدي ولقيته جدامي وحجزت عاد عقب ماستلمنا الجناط جان اشوف ورا مجموعه واسعارهم تتفاوت .. صراحه بروحي اراكض واحجز وريلي انجليزيته الله بالخير ومو فاهم ش͠ـيءّ لا بماليزيا ولا غيرها
فقلت يالله على هالسعر تعبت والله

عاد اليوم ان شاءالله بمر التلفريك بالقريه الشرقيه والمانقروف العصر باذن الله

 

[كراميلو]

نازك والله اول مارحنا نبي نحجز تبعا من المطار
قالت ب٣٥٠قلنا نووووو ب٢٥٠سكتت شوي الا هي تقول اوكيه واعطيناها البيانات واتفقنا انه ع الساعه١٠صباح يكون السواق واقف عندًالهوتيل ...

وفعلا اليوم جاءالسواق الساعه١٠ورحلنا لرحلة المنقروف وصراحه كانت رحله ممتعه وولابد من تجربتها روووووعه
وخلصت الرحله الساعه١ رجعنا الفندق ريحنا لين الساعه٣ونص وخرجنا قلنا بنروح جبل جنورايا بعدين هونا ورحنا جوله الي نصب النسر ووحديقة لاجيندا وومطعم شهر زاد تغدينا وووجلسنا ع البحر الين الحين ورجعنا الفتدق والحين اكلمكم من اللوبي

)ايه الجوله اخذنا ٤ساعات ب٨٠رنقت خخخ
يازين المكاسره هههه
وبكره ان شاءالله رايحين القريه الشرقية والتلفريك والشلالات وحديق الفواكه
وووتحياااتي للكل .....

 

[كارلوفي فاري]

بنات عندي استفسار عن المدينه الفرنسيه وين موجوده واي منطقه قريبه عندها. وشلون الوصول لها بتاكسي ولا بباص. صراحه حيل اعجبتني. تكفووون ردولي خبر.
واستفسار ثاني. او سمحتوا. اذا بروح لنكاوي من بينانج شلون طريقة القروبات اذا بذوح يوم وارجع لبينانج
وشكرا

 

[كوكا كولا]

*الهنوف*

كاااااااني كاااااااااني

انا رديت يوم الأحد الي طاف بصراحة وناسة ماكان ودي ارجع الكويت

وانتظروا تقريري المصور قريب بس اضبط الصور

 

[كوكا كولا]

كراميلو

شلالات الآبار السبعة صعدتها متعببببببببببببببببببه جداااااااااااااااااااااااا
شدت عضلات ريولي كلها من كثر الصعدة نصعد ونقعد عالكراسي نريح شوي ونرجع نصعد ونقعد نريح شوي
بس بالأخير توقعت شلال كبير يصب من الأعلى طلع آبار سبعه ينبع منها الماي وتنزل بالشلال بس ما عرفنا وين مكان الشلال الكبير
استانسنا بالشلال وغطينا ريولنا بالماي الباااااااااااارد وطبعا الأجانب يتسبحون فيه لووووول بس المنظر عجيب
وراح تشووفنه في تقريري المصور بإذن الله

بس مثل ما قلت لج صعدته متعبه جداً عباره عن درج طوييييييييييييييييييييييييييييييييييييييييل لحد ما توصلين لي الأعلى

تلفريك لنكاوي قمه في الروعه بس روحي مبجر لأن يصير زحمة ويسكرون باب قص التذاكر لأن صارت فينا مرتين وخليناها لليوم الي وراه

 

[كوكا كولا]

كارلوفي فاري

القرية الفرنسية وايد مدحوها بالنت بس لما رحت مافيها شي بس فنادق ومطاعم وتتمشين في الشوارع بس

الي عجبتني الحدائق اليابانية فعلاً جمال الطبيعة فيها روعه بس شوي صعدتها تعبتنا لأن التاكسي ما قدر يصعد لي فوق بس عجبتني اكثر من القرية الفرنسية والله حييييييييييييل فرق واهم يم بعض القرية الفرنسية والحدائق اليابانية

 

[كراميلو]

هلا كوكولا
اليوم صحينا شويه متاخر الساعه٩ونص
وًتجهزن بسرعه بسرعه عشا نلحق نفطر اهم شي فطرنا وخرجنا من الفندق الساعه ١١ وكان الصباح عندنا مطر يعني قمت من النوم وقت المطر ورجعت نمت ههه
الموهم طلعتا الساعه١١ع تلفريك وكان ونااااااسه وواجوآءخياليه وواجواء عن جد ترد الروح كان ضباب والجو بارد ومن كثر ماعجبني ماقدر وش اوصف
بع التلفريك رحنا الشلالات وكان مرة متهب الدرج والسواق قال لنا الابار السبعه المياه فيه قليله ورحنا شلالات ماني مذكرة اسمها بس تعبت ف نص الطريق لان ي في سلانجور طلعت ختي فوق الشلالات فمره الش متعب قلت كفايه علينا الاطلعناه ف. سلانقور خخخخ اهم شي ناصفنا الطريق ورجعنا بعدها رحنا حديقة الفواكه وكان مره حلو بس الفواكه موكلها موجوده قال لنا الا يشرح انها موش موسمها اكلنا من فاكة الاتشبه الريش وكان طعمها حلو ووبعدينا شفنا السجره الخجوله سبحان الله وسبحان من ابدع بعدها اكلنا من الفواكه الا موجوده. ومره حلوو
بعدها اشترينا فواكه وبعد الحديقه رحنا مطعم ليالي الشام ورجعنالفندق
ريحنا نمنا الين الساعه٨وقمنا رحنا تعشينا كنتاكي وجنبنا مطعم السلطان عشان زوجي يحب المعسل خخخ
والحين اكلمكم من اللوبي
وباكر رحلتنا الي بيانق طبعا عبر البحر

تحياتي للكل

 

[شيخة الحلوة]

اهلين وسهلين حبايبي شخباركم
كراميلو حياااااتي عليج بالعافية ياقلبي
شرايج بلنقاااوي عجييبه صح
ما شاالله الله يتمم عليكم وناستكم حبيبتي ويوفقكم وييسر اموركم

 

[كارلوفي فاري]

يعطيج العافيه كوكا كولا بس هم ماوضحتي لي وين موجوده بكولا ولا بجنتنج ولا شلون اروح لها

 

[كوكا كولا]

كراميلو

اي هذي اهي شلالات الآبار السبعه الي تشوفينها من تلفريك لنكاوي
وايد حلوة بس الصعود لها جدا جدا جدا جدا متعبببببببب قلت لج
بس بالنهاية استمتعت انا بتغطيس رجلي بالماي البارد والتصوير

 

[كوكا كولا]

كارلوفي فاري

تروحين لها من كوالالمبور
انا كنت ساكنه في كوالالمبور وكل يوم نطلع جولات سياحية
وحديقة الحيوانات نيجارا الي اسمها افاموسا مارحت لها شلتها من القائمة لأن وايد قالولي بعيده وما تسوى العنوه كلش
فباقي الأيام استمتعنا فيها بالتمشي والتسوق

 

[كوكا كولا]

بس انا رحت لها بطريق العودة من جنتنق هايلاند مريناها مره وحده القرية الفرنسية والحدائق اليابانية

 

[sadeem yam yam]

كوكا شلونج حبيبتي
بسالج رحتي فريزر هيل

 

[كراميلو]

شيخه الحلوين يعطيك العافيه ويسلمووو
اليوم صحينا ع زخات المطر والحين يمطررًروعه
وافطرنا وجالسين ف اللوبي

 

[دريم ويب]

مرحبااا
الان متواجده بلنكاوي مده رحلتنا 3 ليال
وتو وصلنا
الاماااكن السياااحيه الحلوه دلووني عليهاا

اي نسيت ساكنه بالشيراتوون نظام الكوخ
مررره حلووووه ومرتبه

بعد 4 ليال كوالا فندق الماريوت ابغى اماكن الشنط مارك جيكوب وبلنسياااقا اسما مولاتهم

وين تنصحوني اشتري هدايا الاهل ؟؟*

 

[كوكا كولا]

sadeem yam yam

لا مارحت لها سألت مكتب السياحة قال ما تسوى بعيدة ومافيها شي قرية صغيره
فقلت نوفر فلوس التاكسي حق السوق لووووول
اصلا زوجي ماكان متعاون وايد بخصوص الجولات السياحية فما طلعنا وايد اماكن هذا الي ضيق خلقي

 

[كوكا كولا]

دريم ويب

لا تنسين تصورين لنا الفندق الي في لنكاوي بشوف نظامه

الأماكن السياحية الحلوة قرية اورينت الي فيها التلفريك روحي له لا يطوفج متعه التلفريك
وفي عندج شلالات الآبار السبعه حلوة بس الصعدة لها جداً متعبه عبارة عن درج طويييييييييييييييييييييل وبوصلج للنهاية للشلال
وبعد رحنا لنصب النسر ويمد حديقة لاجندا بس صورنا بالممر العجيب مالهم وطلعنا
وتسوقنا بالمجمع الي فيه ماكدونالدز ما اذكر اسمه لووووول بس صورته بالكاميرا
ويعتبر هالمجمع من افخم مجمعات لنكاوي
بس انصحج التسوق خليه في كوالالمبور لأن يجمع كل شي هناك ماله داعي تتسوقين بالجزيرة علشان الوزن الزايد

 

[كوكا كولا]

كراميلو

الللللللللله أمطار لنكاوي صادفتنا قبل لا نرجع كوالالمبور بيوم مطرت شوي ووقف المطر وكان وقت الفطور
وكانت سيارات الفندق الصغيرة تمر وتآخذ الناس لبوفيه الفطور علشان المطر ما يقدرون يمشون مسافه بين الأكواخ

 

[جمونه حبي]

السلام عليكم اليوم انا لي خمس ايام بماليزيا وحاليا بنينج صراحه اكثر من رائعه وكانت بدايتي في جينتنج الاكثر من رائعه من امطار وجو خطير جدا من بروده وامطار وسحب فوق الخيال قعد فيه ثلاث ايام وما ودي اطلع منها