تجمع طالبات الاداب ~ colleGe oF ARTS ~ حياكم =)

[jen2n]

رد : تجمع طالبات الاداب ~ colleGe oF ARTS ~ حياكم =)

اجمل احساس شنو شعورج وانتي خريجه بالتفصيل مثل ما قالت صب القفشه

 

[Ajmal E7sas]

والله يا جنان انا احس بألف احساس بسبة التخرج لول
قبل كنت اقول يالله متى اتخرج والسنه اللي طافت اقول يالله متى اتخرج ,,
بس الحين لما بس بقالي كورس ,, قاعده اقول مابي هالعطله تخلص لأنه راح يبلش اخر كورس لي بالجامعه

تعرفين قبل لما نكون بالثنويه نقول يالله نبي نسبه عشان ندش الجامعه ,, وكل مرحله دراسيه ننطرها تخلص عشان نروح اللي عقبها
بس عقب الجامعه خلاص احس راح تصير الحياه روتين ,,
دوام و زواج و عيال ,, لاا احس اني عيوز الله يسامحج ذكرتيني لوول

مستانسه لأني راح اخذ الشهاده الجامعيه و راح اكون مستقله بنفسي و اشتغل ,,
و مو مستانسه لأني راح افقد الكليه والبنات وايد ,, الدوام وايد حلو بالجامعه ,, الحياه الجامعيه تينن و تونّس و لها جوها
لوية الانتخابات و الدراسه و البرزنتيشنات و الامتحانات ,, و صداقاتي بالجامعه ,, وهبات الجامعه و اللبس و السوق كل بدايه كورس اتزهب حق الكورس اليديد نيو لوك لول و الروحه والرده مع رفيجاتي مطاعم و كوفي شوب و لما نتيمع ندرس

واي صج راح اشتاق لها ,, لما اتخرج راح اكون زعلانه و مستانسه بنفس الوقت ,,
قاعده اقول حق ابوي مادري شسوي اخذ بماده Fواقعد كورس زياده ولا شلون لوول

احلـى ايام والله ,, احس كل شي سويته و عشت مرحلة الجامعه بحلوها و مرها ,, احلى ايامي و ذكرياتي فيها

امم بس خلاص لا ابجي لوول p:

 

[y'3aRo0N]

Ajmal E7sas

إيه بسس آلمشكله آول جم يوم تحسين آنج ضآيعه لووول ،
جني بأولى آبتدآئي

آيه آهو آلمشكله بدآيتهآ مآ تدلين بسس آحفظ آلكليه مآكوو بريك آتركه بدون لآ آوآعد رفيجآتي ;$
لآني حدي رآح آشتآقلهم خآصه آللي بـ آلتربيه آلآسآسيه ،

إيه آنششآلله آلله يسسمع منج

 

[y'3aRo0N]

والله يا جنان انا احس بألف احساس بسبة التخرج لول
قبل كنت اقول يالله متى اتخرج والسنه اللي طافت اقول يالله متى اتخرج ,,
بس الحين لما بس بقالي كورس ,, قاعده اقول مابي هالعطله تخلص لأنه راح يبلش اخر كورس لي بالجامعه

تعرفين قبل لما نكون بالثنويه نقول يالله نبي نسبه عشان ندش الجامعه ,, وكل مرحله دراسيه ننطرها تخلص عشان نروح اللي عقبها
بس عقب الجامعه خلاص احس راح تصير الحياه روتين ,,
دوام و زواج و عيال ,, لاا احس اني عيوز الله يسامحج ذكرتيني لوول

مستانسه لأني راح اخذ الشهاده الجامعيه و راح اكون مستقله بنفسي و اشتغل ,,
و مو مستانسه لأني راح افقد الكليه والبنات وايد ,, الدوام وايد حلو بالجامعه ,, الحياه الجامعيه تينن و تونّس و لها جوها
لوية الانتخابات و الدراسه و البرزنتيشنات و الامتحانات ,, و صداقاتي بالجامعه ,, وهبات الجامعه و اللبس و السوق كل بدايه كورس اتزهب حق الكورس اليديد نيو لوك لول و الروحه والرده مع رفيجاتي مطاعم و كوفي شوب و لما نتيمع ندرس

واي صج راح اشتاق لها ,, لما اتخرج راح اكون زعلانه و مستانسه بنفس الوقت ,,
قاعده اقول حق ابوي مادري شسوي اخذ بماده fواقعد كورس زياده ولا شلون لوول

احلـى ايام والله ,, احس كل شي سويته و عشت مرحلة الجامعه بحلوها و مرها ,, احلى ايامي و ذكرياتي فيها

امم بس خلاص لا ابجي لوول p:

آمبييه عوررتي قلبي وآلله
وآلله يوفقج يآآآرب بعد آلجآمعه وتتوظفين بمكآن يريحج ،

شنوو تخصصج ؟

 

[Ajmal E7sas]

تصدقين يغارون

اول يوم لي بالجامعه كان اسخف يوم !
لأنه بس كان عندي محاضره وحده من 12 لي 1
بس ييت حضرتها وطلعت لوول حده حده وصلت لها وطلعت بسرعه

ابوي يقول ها شسويتي شلون الجامعه ,, اقول له مادري ماصار شي لول

بس ما ضعت وايد بالكلاسات يمكن لأني كنت اعرف بنات هناك دلوني وجذي

وانا بعد رفيجتي بالتربيه الاساسيه كانت دايما تيي عندي ونطلع مع بعض ,, مو بعيده الشاميه عن كيفان عادي ,, خمس دقايق

وبما انج حاطه صورة عبدالله مال الله ,, اذكره ثاني يوم شفته بالجامعه نازل من فوق بإيده جدوله يدور محاضرته ضايع بروحه يحوس p: لول


الله يسلمج انا تخصصي انجليزي ..

 

[jen2n]

رد : تجمع طالبات الاداب ~ colleGe oF ARTS ~ حياكم =)

الله يوفقج يارب اجمل احساس

تصدقين قبل كنت اقول كانت احلى مرحله المتوسطه ايام الشطانه بس الحياة الجامعيه غير

ما تفكرين تكملين دراسات عليا؟

 

[y'3aRo0N]

Ajmal E7sas

لوووول وآلله حدج مريحه بسس محآضرهـ
آهآآ ، حتى آنآ دلووني بسس شكلي هم بضيع آنآ مو دليله كلشش ،
زييين حلوو 5 دقآيق ونستيني

حلآآآآته ;$
ونآآسه نشوفه بـ آلآدآب يعني ،

آهآآ حلو مجآل آلآنقلشش ، موفقه يآآآرب

 

[Ajmal E7sas]

جنــان ,,

بعد عمري اجمعين ان شاء الله تسلمين فديتج =)
والله انا مفكره اكمل بس يعتمد على الكورس الياي اذا معدل التخصص كان زين راح اقدم على الماستر ان شاء الله ,,
وانتي بتكملين ؟


يغارون ,,

لا تحاتين الكليه سهله حدها ,, عندج شي برا كيفان ولا بس بكيفان ؟
واذا تبين شي انا موجوده لو تبين ادليج من اول يوم حاضرين p: ما احسسج بالوحده لول
بنت خالتي و رفيجات بنت عمي مستجدات و موصيني عليهم ,, راح اكون ماما عوده مالتهم لول
فـ اذا تبين اي مساعده انا حاضره و بالشوفه ,, ماراح تضيعيني اذا بغيتيني ان شاء الله


ايي عبدالله موجود انا دايما اشوفه اكثر شي اول سنتين لي بالجامعه ,, بس تخصص اعلام فـ اغلب محاضراته بشويخ , بس ايي كيفان دايما
واخوه موجود بعد لول اصغر منه بسنتين جنه

 

[..بسمة..أمل..]

عبدالفتاح الحموز نحو 2 شلونه

ومنو أحسن دكاترة لتاريخ الكويت غير عبدالله الهاجري لا تقولون خالد الوسمي سمعت انه من الوهابية

هلا حبيبتي

دكاترة تاريخ الكويت الزينيين

نواف الحميدي المطيري

فيحان العتيبي

اما خالد الوسمي زين وكلاسه يمر بسررعه واهوا شاايب يعني وايد كبير

بالعكس

 

[..بسمة..أمل..]

بنات ترى راح يتبطل السستم من اليوم الساعه 4 العصر
لي يوم السبت الساعه 12 بالليل عشان تسحبون وتضيفون موااادكم

وراح تنزل اليوم شعب يديده

شدوا حيلكم وعسى الله يوفقكم

اجمل احساس

بعد قلبي والله ما قصرتي يا الغاليه

 

[Ajmal E7sas]

بسمة امل

شلونج شخبارج اشتقنالج p:
والله لج وحشه انتي وكل البنات ..
وناسه يوم الاحد بنداوم لول صج صج اشتقت حق كل البنات و اللويه

 

[صب القفشه]

رد : تجمع طالبات الاداب ~ colleGe oF ARTS ~ حياكم =)

بنات شنو الشعب اللي راح اتبطل ؟

 

[jen2n]

رد : تجمع طالبات الاداب ~ colleGe oF ARTS ~ حياكم =)

وانا بعد اجمل احساس يعتمد على هالكورس اشلون بيكون معدلي واحب اكمل اهني ما اقدر على برا لان بصراحه لما حطيت تخصصي المساند انجليزي قبل كانت درجات c اغلبها فمعناه مو شي بالانجليزي فعشان جذي ما ابي اكمل برا

بسمة امل شنو المواد اليديده اللي بتنزل؟

 

[fri2010]

رد : تجمع طالبات الاداب ~ colleGe oF ARTS ~ حياكم =)

بسمة امل يعني بتنزل الدولة العباسيه عند غير الشمروخ؟؟؟ او بتنزل شعب مواد العلوم بكيفان؟؟؟

والسستم للحين ما تبطل معاي منو صار معاه جذي؟

 

[الصيدلانيه]

رد: رد : تجمع طالبات الاداب ~ colleGe oF ARTS ~ حياكم =)

تصدقين نسيت شنو شروط المساند بس جنا ما كان عليه شروط!!!

اي ما اتوقع ان في شروط

جنان

انا خذيت منطق السنه اللي طافت جنه الكورس الاول ,,
و فلسفة الذهن السنه اللي طافت اللي توها مخلصه كورس ثاني ,,


الصيدلانية ,,

اذا تبين مساند انجليزي لج اختيارين ,, يا ترجمه او مواد ادبيه و لغويه اللي اهوه يسمونه مساند انجليزي
تقدرين تاخذين ورقة مواد المساند من قسم الانجليزي لما نبلش الدوام يوم الاحد الياي ان شاء الله و فيها كل المواد المطلوبه تمشين عليها

اذا تبين تعرفين الحين قوليلي انا عندي ورقتي بس فيها مواد وايد ,, عشان اعطيج جم ماده اذا بغيتي تسجلين حق الكورس الياي هالفتره قبل لا يخلص التسجيل



اممم بنات ما اتوقع في شروط حق المسـاند ,

حبووية شالفرق بين الاختيارين؟؟ الترجمة عرفتها بس المواد الادبية واللغوية شنو ؟؟ وبراايج منو احسن؟؟
لا تسلمين يا قلبي لان بعدي ما سجلت المساند بس قاع افكر

الصيدلانيه

هذي المواد الالزاميه حق تخصص مساند انجليزي

انواع الكتابه او الانشاء بالانجليزيه
مقدمة في الادب
مبادىء ترجمه
العرض الشفهي
مقدمة في علم اللغه

باجي المقررات لازم تعدين هذول المواد الخمس عشان تسجلينهم
كتبت لج ياهم احتياط سبحان الله ما اشبك باجر او عقبه ويسكر التسجيل و تكونين ناويه تسجلين ,,


موفقه عسـوله =)

مشكوورة حبيبتي وهالمواد سهلة ؟؟ ولا مو مقررة عليكم؟؟

لا عيل اجمل احساس ما صادفتج بمواد الفلسفه ،،،،

اتوقع ما كو شروط للمساند بس تاخذ ورقه من التوجيه والارشاد ويوقع عليها رئيس قسم تخصص الرئيسي بعدين تروح توقعها من رئيس قسم المساند وتوديها شويخ بالعماده ويضيفون لها بالسستم جنا كان جذي

اووف عباالة


مشكوورين جميعا

 

[Ajmal E7sas]

جنان ,,

موفقه ان شاء الله حبيبتي :**


الصيدلانيه ,,

مثلا مساند الترجمه ,, تاخذين مواد ترجمه عربي انجليزي ,, و من انجليزي لي عربي ,, و مواد عن اساليب الترجمه و المصطلحات وجذي ,, اسمه مساند ترجمه ,, اهوه تابع حق قسم الانجليزي بكلية الاداب

ومساند الانجليزي ,, يعني تاخذين مواد نفس مواد تخصص الانجليزي الرئيسي بس اقل و اخف منهم ,,
يعني المواد اللي كتبتلج ياهم اجباري على مساند الانجليزي , بالاضافه حق اربع او ثلاث مجموعات تختارين من كل مجموعه ماده حسب رغبتج ( اتوقع 3 مواد بس غير اللي كتبتهم لأنه المساند بس 8 مواد )

كل المواد اللي كتبتلج ياهم انا ماخذتهم ,, اجباري على قسمنا ,, امم ما اقول لج سهل بس يبيله احد يحب يكتب و يفهم انجليزي بشكل مناسب
ممتعه وايد المواد ,, قصص و اشعار ,, في نقد و مقارنات بين قصص ,, تاريخ احيانا عن بعض الادباء ,, و في مواد خاصه باللغه جنها نحو عربي بس انجليزي ,,بس احلى من العربي

بالنسبة لي اذا تبين رايي ,, مساند انجليزي احلى من الترجمه
انا كنت مساند ترجمه و ماحبيته غيرته صرت فلسفه ,,

الترجمه ممل و التصحيح فيه دقيق بالنسبة حق دكاترتهم لأنه الترجمه وحده مافي مجال يساعد فيها
اما تخصص انجليزي مواد تعتمد على رايج واسلوبج بالكتابه اكثر شي ,, و خيالج و ذوقج الادبي بالمواضيع اللي تاخذينها

انا اشوفه حلو و دراسته حلوه ,, بس مثل ما قلت لج لازم يكون عندج تمكن من الانجليزي حتى لو كان بمستوى جيد او جيد جدا مو شرط امتياز ,,
يمكن تواجهين صعوبه بمواد المقدمات ,, مقدمه في الادب و مقدمه في اللغه ,, لأنه الماده دسمه ,,
مقدمه في اللغه تعطيج رؤوس اقلام عن المواد اللغويه الثانيه فـ تحسين مضمونها متنوع ,, نفس الشي بالنسبه لمقدمة الادب
بس المواد الثانيه تتفرعين شوي فـ تصير اسهل ,,

هم حسب الكتور يبسط الماده او يعقدها ,, وعموما دكاترة قسم الانجليزي عسل والله يهبلوون ,, يمكن اثنين بس اللي ما يعجبوني من اللي جربتهم


اي استفسار انا حاضره =) ,, موفقه ان شاء الله عسـوله

 

[صب القفشه]

رد : تجمع طالبات الاداب ~ colleGe oF ARTS ~ حياكم =)

بنات جم رقم مقدمه في الحاسوب اليديد ؟؟

 

[jen2n]

رد : تجمع طالبات الاداب ~ colleGe oF ARTS ~ حياكم =)

جنا 0490123

 

[*Toota*]

رد : تجمع طالبات الاداب ~ colleGe oF ARTS ~ حياكم =)

0418123

 

[صب القفشه]

رد : تجمع طالبات الاداب ~ colleGe oF ARTS ~ حياكم =)

مشكورين بنات