تجمع طالبات الماجستير جامعة دلمون

[الولايف]

مرحبا بنات شرايكم نسوي تجمع لطالبات دلمون ماجستير ونساعد بعض ونفيد بعضنا
واللي عندها اي استفسار او سؤال تتفضل.
:gathering:
احنا بغربة ومالنا الا بعض​

 

[Mallooka-25]

فكرة واااااااايد حلوة
احنا بغربه ونحتاج لبعضنا
الله يوفقنا

 

[ام مهودي]

اي والله الله يوفقنا قصدي يوفقكم :")

شلون طريقة التسجيل وبجم وشلون الدراسه فييدوونا اكثر خوو :")

 

[ام مهودي]

وينكم محد رد شدعوه محد هناك يدرس

 

[Mallooka-25]

شدعوة-مافى احد يدرس بالبحرين؟

 

[برق سرى]

والله خوش فكره

البحرين فل بس بالجامعه الخليجيه ..لكن دلمون توها فاتحه نظام ايام بالشهر فالكويتين شويه فيها وبيني وبينكم احسن
لان الخليجيه يقولون زحمه حيل حتى من كثر الزحمه حسب اقوالهم مافي كراسي


شنو التخصصات الي تبونها؟؟

ومنو يعرف احد يدرس فيها؟؟



وموفقين

وينج غلا تعالي استفيدي لابارك الله بالتجاري ...وبسنينه ---->خوش دعوه لج

 

[برق سرى]

وين بنات التجمع؟؟



اقول بنات من فيكم يدرس اهناك؟؟

وشلون طريقه الدراسه؟؟

 

[tqytya]

الدراسة في جامعة دلمون (الماستر) جديدة وانا توني مسجل فيها ماجستير والدراسة راح تبدا بعد رمضان والتكاليف الاجمالية للدراسة فقط 5 الاف بحريني تقريبا تاخذين فيهم 11 مادة كل كورس 3 مواد وفي صيفي يعني تخلصين بسنة ونص وبعدين امتحان شامل والله انا سالت ويقولون ما في صعوبات علشان جذي انا سجلت عندهم (على فكرة انا واحد مو وحدة بس لان الموضوع يهمني وبعد علشان اشارك وأرد عليج علشان جذي شاركت)

مع تحياتي


:cxxxp:

 

[أم مقداد 24]

انا توني اسجل في الجامعه وتم قبولي بالجامعه بس باقي التسجيل في الكويت بس ما ادري وين اروح واشلون اكمل التسجيل
وانا اشتغل في القطاع الخاص

 

[قطوفة]

انا ابي اسجل ماستر ادارة تربوية منو في هالتخصص تساعدني وتعطيني معلومات عن التخصص وعن الدراسة وهل فيها صعوبة ارجو الرد

 

[nazek_q8]

في لهم موقع ابي اسجل شلون؟؟ ومتى باب التسجيل يبطلونه

وشلون الدراسه بالعربي او الانجليزي

والدوام جم مره بالسنه لازم اداوم