تجمع طالبات كلية الدراسات التجارية ( الكورس الاول 2013-2014 )

[بنتmbc1]

بنات دخلوا شوفو مواعيدكم

الهيئة العامة للتعليم التطبيقي و التدريب > بوابة

 

[gala q8]

^^ إي ييت أبشركم غن حطوا المواعيد ,, ~

 

[S.A.F]

محاسبة 2 الكل مدحلي بدور الصقعبي بس مشكلة ان محاضراتها 12 وشي
وراح اغير جدوولي كلله عشانها اهيا ودكتور احمد بهبهاني

 

[بنتmbc1]

انا كنت ماخذه محاسبة ١ عند بدور الصقعبي وخذيت عندها F اول كورس لي بالكلية
مادري احس امتحاناتها صعب وماكنت فاهمه معاها المحاسبة
وعدتها وخذتيها عند نادر الجيران وحيييل استوعبت الماده وفهمتها عدل مدل

 

[S.A.F]

انا كنت ماخذه محاسبة ١ عند بدور الصقعبي وخذيت عندها f اول كورس لي بالكلية
مادري احس امتحاناتها صعب وماكنت فاهمه معاها المحاسبة
وعدتها وخذتيها عند نادر الجيران وحيييل استوعبت الماده وفهمتها عدل مدل

انا كنت ماخذه عند نوت الحجرف وااايد زينه ونظاميه وتعطيج حققج كامل اخذت عندهاa
بس بجرب بدور واذا مافهمت منها شي بسحب واخذ عند نووت

 

[saodali]

السلام عليكم خواتي اولا اتمنى النجاح والتوفيق لكم جميعا وثانيا هل لدى اي احد فيكم فكرة عن انتقال الدراسه الى العارضيه مع بداية الكورس القادم ارجو الافادة ولكم الشكر

 

[gala q8]

السلام عليكم خواتي اولا اتمنى النجاح والتوفيق لكم جميعا وثانيا هل لدى اي احد فيكم فكرة عن انتقال الدراسه الى العارضيه مع بداية الكورس القادم ارجو الافادة ولكم الشكر

وعليكم السلام ورحمه الله وبركاته ,,

أمين أجمعين يأرب :eh_s(17):

من ناحيه العارضيه .. أنا اللي سمعته إن التربيه الأساسيه خلاااص راح ينتقلون و الظاهر عطوهم العلم بس ما ادري .. يعني سمعته من وحده إختها بالتربيه ..

اما التجاري سمعت شيين .. الاول إما إنهم راح ينقلونا و خلاص ..

والشي الثاني إما خلاااص ما راح ينقلونا كلششش .. لان العارضيه التجاري بيخلونها باكلريوس و حق الخريجات من الثانويه .. وخريجات التجاري دبلوم عشان يكملون باكلريوس حق اللي تبي ..


واحنا على حطت إيدنا .. ناطرين أي قرار يقولون داوموا هناك .. :bbbiu:

 

[gala q8]

سويت لنا تواقيع و كل وحده على تخصصهااا ..



1) إداره موارد

2) إداره

3) بنوك

4) تأمين

5) قانون

6) محاسبه

يا الله .. بالتوفيق ~ ْ ~

 

[gala q8]

صبباااح الخير .. بنات صج التربيه انتقلوا العارضيه ؟

و حنا شصار علينا :\ ؟!

 

[S.A.F]

صباح النور
احنا ان شاءالله الكورس الثاني طبعا الكلام مو من عندي من اكاونت التطبيقي بتويتر

 

[سآرون -_-]

^

التربية انقلوهم العارضيه ويداومون شهر 9 فيهم ..
واحنا ان شاءالله كورس ثاني .. لان وقعو ع نقلنا للكورس الثاني ..
الله يعين نتحمل لي شهر 2 شنسوي بعد ..

ويعطيج العافيةة غلا الكويت ع هالتواقيع الحلوهه :**

 

[سآرون -_-]

بما ان التسجيل الاسبوع الياي بقولكم الدكاتره اللي خذيت عندهم :-

طباعه عربي
خذيتها عند احمد سيد عبدالرحيم .. مصري وعجيب والماده سهله بعد .. ويساعد حيل..
ومبادئ احصاء :-
خذيتها عند سميه الناصر .. حلو شرح الدكتوره ونظامها بالكويزات .. قبل الكويز تحل مسأله نفس مسأله الكويز بس الارقام غير .. يعني تفهمج وبعدين تمتحنج .. عجيبه الدكتوره .. بس انا كانت المحاضره الساعه 8 ف ماكنت احضر دايما وخذيت عندها f بس الكلاس كان كله A , B
اصول اداره :-
خذيتهآآ عند ياسمين النصار .. الدكتوره جديه حيل ونظامها ماتحب احد يدش بعدها دقيقه بشكل مو طبيعي يعني محاضره الساعه 9 .. 9:01 مادشين .. امتحاناتها حلوه وسهله ماتطلع من اللي تقوله ..
مبادئ محاسبة 1 ..
اول شي خذيتها عند محمد المليفي .. انحاشو منه موشي الكلاس كله f مع ان بالكلاس حبوب وتقولين بيساعد بس كلش يخفس بالقريد حيل ..
عدتها وخذيتها عند مجبل السعيدي .. نصيحه بنات اللي تلاقيه امبطل عندها تاخذ عنده .. عجيبببب الدكتور ويفهمم حييل .. ويعطي بونص وايد بالامتحانات .. مايرفعج طبعا يعطيج حقج .. بس البونص عنده يكفي .. ويفهم حيل يعني تحبين الماده منه ..
اجهزه مكتبيه :-
خذيتها عند طيبه العوضي .. خوش دكتوره وتفهم وتعطيج حقج ..
ثقافة اسلامية :
خذيتها عند عبدالرحمن الجيران .. امتحاناته صعبه مع ان يعطينا الاسئلة بس مع هذا صعبه دقيق حيل ع الاجابات .. يبي اجابات تفصيليه .. خذيت عنده دي
اداره صناعية :-
خذيتها عند بدر العقيلي .. مع ان البنات يسبونه وجذي بس مماشفت منه شي ..وبالعكس رفعني بالقريد ..
مقدمه في الحاسب الالي :-
خذيتها عند حنين عبدالرزاق اتينننن الدكتوره صج الكلاس ينوم وتاخذ الساعتين بالتمام بس امتحاناتها سهله وترفع بالدرجات للي تحضر وجذي ..
مبادئ اقتصاد :
خذيتها عند عبدالله العازمي الدكتور طبعا ماعليه كلام يرفع حيل والكلاس كله a عنده ..
مكيانيكا سيارات ..
خذيتها عند خالد مراد .. يعطي بونص ويقدر الظروف حيل ..
مدخل لدراسة القانون :
خذيتها عند حصه الرفاعي تقعد بالكلاس 10 دقايق وتطلع يعني اذا تاخرتي 10 دقايق تلاقين الكلاس فاضي لول ..وامتحاناتها حلوه وسهله اختياري ..
شركات واوراق تجارية :
خذيتها عند طلال السويط .. شرحه حلو الدكتور وامتحاناته حلوه طبعا مقاليه بس مايطلع من اللي يقوله ويحدد الاسئلةة ..
معالجة نصوص انجليزي :-
خذيتها عند احمد المعاني .. مصري وخوش دكتور يقدر الظروف ويرفع حيل ..
تنظيم محاسبي للشراء والتخزين :
خذيتها عند محمد العوضي .. حلو شرح الدكتور وسهله الماده وامتحاناته حلوه .. وللاسف اني كانت عندي غلطه بالجدول خذيتها عقب ماسقطت بالمحاسبة 1 .. وانسحب من جدولي بدون لا ادري .. وقعدت اداوم وامتحن واخرتها اسمي مو موجود بالكشف :/ لان لازم تنجحين ب محاسبة 1 عشان تاخذينها ..ورديت خذيتها عند زينب بهبهاني اتييننن الدكتوره وترفع حيل وتفهم ..
ادارة مخازن :-
خذيتها عند بشار العثمان .. عدت الماده عنده مرتين وناويه اخذها عند ناصر المطيري ..
استخدامات حاسب الي :
خذيتها عند لمياء العلي .. عجيبه وتعطيج حقج والماده سخيفه ..
انجليزي ..
خذيته عند احمد بهبهاني .. خذيت عنده 99 و 101 .. عجيب الدكتور ويساعد ويفهم ..
امن مخزني :
خذيتها عند فاطمة معرفي .. ماعليها الدكتور زينه بس تجيك ع الغياب ححييللل ..

^

وبس تعبت وانا اكتب ان شاءالله تستفيدون :$

 

[gala q8]

^ يععطيج العافيه ,, uP .. ~

 

[تدخلين القلب]

بنات انا باقيلي مادتين غير الميداني

بنات المواد لازم الظهر والميداني الصبح
شلون مو عارفه كله يطلعلي تعارض بالوقت

 

[تدخلين القلب]

بناات شرايكم بالدكتور مبارك الخضير // محاسبه ٢

 

[سآرون -_-]

^

اي ماراح يرضى يسجلج مواد الصبح لان بيصير تعارض مع الميداني ف المواد اللي بتفتح لج 1 وورى اتوقع ..
ومبارك الخضير ..
شرحه حلو الدكتور .. وايد بنات مدحوه لي

 

[تدخلين القلب]

انزين بدور الصقعبي احسن ولا غريب المطيري ؟

 

[MaKe-Up]

أنحاشئ عن غريب المطيري
يعطيج كلام يقول بساعدكم وارفعكم

وشوفي بالنهايه أف أما بدور الصقعبي مأخذه
عندها محاسبه 2 و سامعه عنها زينه بس مـآدري
إشوف هالكورس

 

[جنون الـq8]

غريب المريخي << احضري اول باول و اكتبي الواجبات و شاركي معاه تضمنين الـa
وشرحه خفيف ما يحب التاخير و يعطيج المسائل مبسطه

مبارك الخضير << الحضور اهم شي اذا دخلتي متاخره ما يسجلج حضور و الواجبات حليها دايم حتى لو غلط اهم شي يدري انج مهتمه
وشرحه حلوو بس يكتب يكتب يكتب << طبعا اذا اخذتي عنده محاسبه شركات بتطيح ايدج .. اما محاسبه 2 عادي سهالان الحمدلله
ويعطي حرمانات .

بس بصراحه اثنينهم اخذت عندهم و اثنينهم تماااام

 

[جنون الـq8]

بعد شوي بسجل ماده حسابات حكوميه اي استاذ احسن ..؟