تجمع طالبات كلية الدراسات التجاريه 2013 / الكورس الثاني

[بنتmbc1]

بنات وينكم محد يسولف

 

[بنتmbc1]

بنات منو ماخذه عند احمد العوضي ؟؟؟

 

[gala q8]

^ مو ماخذه عنده والله

 

[oshi_q88]

الله يخليكم شنو آحسن تخصص بآلتجآري وسسهل

 

[MaKe-Up]

الزين بصراحه مادري
يخلونج تحولين ولا لا أحسن لج سالي
قسم التسجيل ..

بنت أم بي سي
أنا مأخذه عنده

شوشا عندج تخصص أداره و تخصص حلوو
تنقبلين بسرعه لأن أماكن كثيره

 

[خفوق آلروح]

بناات منو ماخذه عند نوره الابراهيم ..

 

[gala q8]

شلووووووونكم بناااااااااااات .. وشلووووووووون الدراسه وياكم .. جنه هالكورس صار تعب

منو مدرسسسسسسها طاااااااااااااااارق المنيس ؟!!

 

[ms mooka]

بناااات شلون الدكتور مزيد العدواني _ اتصالات اداريه
زين او لا
خذيت عنده الماده وامتحنت وزفت شكلي بشوف يساعد او لا شسوي

 

[ms mooka]

اضمن عنده a او لا خلاص
برفع معدلي معدلي حدا نازل

 

[بنتmbc1]

ms mooka

والله انا قريت عنه ومادحينه
انا ماخذتها عند فريال الصباح
وحتى انا زفت باول امتحان وبتعطينا الامتحان الثاني الاسبوع الياي
الله يستر

 

[StyliSh Q8]

مرحباا بنات .، ان شاءالله بالصيفي باخذ ادارة مكاتب .، تنصحوني اخذ عند منوو ؟؟!

 

[بنتmbc1]

اي بنات ع طاري الصيفي
سمعت ان في مواد معينه تنزل بالصيفي يعني مو كل شي ينزل
انا فبالي ان شاء الله اذا عديت محاسبه 1 اخذ محاسبه 2 بالصيفي بس مادري عند منو اخذها وبعد اذا عديت عمل مكتبي اخذ مكتب نموذجي بالصيفي لان سمعت انه مثل الاحصاء وانا اخوره بالاحصاء فاخذه صيفي وهمن لما اعدي انجليزي 99 اخذ انجليزي 1

اللي تعرف تقولنا

 

[ms mooka]

بنت mbc

اخذي محاسبة 2 عند عايشه العصفور اهيه زينه مافيها شي بس شرحها نايم بس كله تدبل الدرجات وامتحانها سهل وواضح
عجيبه بس بالشرح نايمه

 

[MaKe-Up]

خفووق الروح
سووري مـو مأخذه عندهاا

غلووي
الحمدلله انتي شلوونج ؟!
بـالنسبه لي إيه منغثه من هالكورس
وعسى ينتهي على خيـر .. وعلى الجميع يـآرب سوري مو مأخذه عنده

مس موكا
ما أعرف عنه شيء .. لكن انتي كلميه قوليله يرفعج يمكن يساعد

ستايلش
أنا كنت مأخذتها عند عدنان العلي أهو يحاسب عالغياب و الحضوور ويعطي حرمان وأمتحانه كوكتيل يعني اختياري وصح وخطا وكل شيء فيه ومحاظرته تطول ما يبي كتاب بس دفتر وبالامتحان تجي معاه سكرتاريته و تراقب معاه بالقاعه
هذا نظامه يعني بالنهاية انتي و مجهودج

بنت أم بي سي
كل المـواد موجوده بالصيفي بس مو كل المدرسين يدرسوون بالصيفي واغلبيه التسجيل يكون هت هت يعني ما تدرين منو انتي وحظج
أن شاء الله تعدين محاسبه 1 .
ومحاسبه 2 أنصحج بمشاري الفريح بس ؤخري عن فيصل الحربي و مكتب نموذجي أنصحج بأسماء النوري.
انجليزي 1 عندج مي العتيبي تعطيج نفس ورقه المراجعه الامتحان مع سؤال بونص يرفعج .

 

[engineera_2007]

بنااات عفيه قولولنا متى يبدي تسجيل الصيفي وشلون أعرف موعدي ؟؟

وأنا مستجده تتوقعون تنزلنا الإعانه هالشهر ؟؟ ناااطرييييين :ggdw::ggdw::ggdw:

 

[MaKe-Up]

إنيرجي
راح يحطون إعلان عن التسجيل في الكليه
أو بالموقع نفسه للتطبيقي
واكيد بتنزل هالشهر لكن على آخر الشهر
تنزل الأعانه و لا على قولتناا ( الإهانه ) ههههههه

 

[Sosota_20]

بنات منو ماخذه من قبل ميداني ؟

 

[اسيل الصمت]

للـــــــــــــــــررررررررررررررررررررفع

موفقــــــــــــــــــــــــــــاااااااااااااات

 

[ms mooka]

بنات رفيجتي تسال متى امتحان القدرات للتربيه الاساسيه

 

[بنتmbc1]

والله ما ادري بس احتمال اول 5

بنات ترى التسجيل الصيفي يبلش من 28-4 الى 2-5
دخلو السبت او الجمعه وشوفو متى مواعيدكم اللي تبي تسجل صيفي