تجمع طالبات كلية الدراسات العليا ماستر ودكتوراه

[تمنيته]

زين واللي معدلها ميح مالها أمل

 

[nfesha]

انزين بنات انا معادلي 2.50 اقدر اكمل ماستر بجامعه خاصه بالكويت على حسابي!!!؟بلييييييييييز جاوبوني

 

[ليلى رمضان]

نو تعرف تخصص علوم المكتبات وتكنولوجيا المعلومات بالعلوم الاجتماعية
ضرررررررررررررووووووووووووووي الرد لان هالتخصص شكلي بكمل فيه
وعندي جم سؤال عنه
1-هل القبول فيه صعب؟؟؟؟ لان معدلي العام فوق المطلوب بشوي مو وايد ومو طالبين تخصص
2-هل الدراسة انجلش بحت؟؟؟ لان الانجلش متوسط عندي >>>>اقدر اقويه بالدورات
3-الامتحان الشامل بالانجلش وصعب ولا عادي؟؟؟؟

المطلوب المعدل العام 2.67 نقطة ، ومعدل التخصص 3 نقاط ،
صعوبة القبول تكمن في اجتياز امتحان التوفل أو الآيلتس وطبعا انجليزيlistening/grammar/composition/ وبالنسبة لتخصص علوم المكتبات والمعلومات فلازم اتكون نتيجته 475 ومافوق . فأنصحج تشترين نماذج توفل أو تاخذين دورات توفل (بس غالي نوعا ما )
ويعتمد لغة التدريس باللغه الانجليزية ( أنصحج تقوين انجليزيتج )
والله يوفقج

 

[ليلى رمضان]

قوة بنات الله يوفقكم انشالله
بغيت اسأل عن رسايل التزكية اهمه طالبين 3 رسايل بس انا متخرجه من 3 سنين ودكاترتي اكيد ما يذكروني وفوق هذا صعبه احصلهم هالأيام فبغيت اعرف هل الرسايل هاذي ضرورية؟ يعني ما يصير قبول بدونها؟

طبعا لازم ثلاث رسائل تزكية من دكاترة درسوج ، وبهالحالة ودي شهادتج ( اللي فيها كشف الدرجات )
ويفضل انج تروحين حق أكثر الدكاترة اللي درسوج وخذيتي عندهم a or b
احتمال الدكتور ماراح يتذكرج بس لما تورينه درجاتج راح يكتب عنج كل خير ويرشحج للبرنامج
وانشالله عمت الفايدة

 

[ليلى رمضان]

زين واللي معدلها ميح مالها أمل

بهالحالة روحي الفلبين وإلا الهند كملي :dddds: اتغشمر لا تفكرين بهالجامعات
حبيبتي روحي سألي بجامعات خاصة بالبحرين أو مصرأو عندج وايد دول حتى بالكويت بس مادري هل التخصص اللي تبينه موجود اهنيه ولا لأ
ولكن ديري بالج لازم تتأكيد انه هالجامعه موثوقه وماعندها سوالف التضبط لانها التعليم العالي راح يقولج بعد ماتتخرجين
"اخذي شهادتج ونقعيها بالماي وشربي مايتها ونامي بالبيت " واايد ناس صارلهم جذية وانصدمو لانه الجامعة اللي راحو لها كله سوالف تضبيط بتضبيط وهالشي ما يطوف عالتعليم العالي أو أي جهة عمل قوية

 

[ليلى رمضان]

انزين بنات انا معادلي 2.50 اقدر اكمل ماستر بجامعه خاصه بالكويت على حسابي!!!؟بلييييييييييز جاوبوني

طبعا يصير بس يعتمد على التخصص اللي تبينه اذا موجود وإلا له
وروحي تأكدي منهم عندنة أكثر من جامعه خاصه
والله يوفقج

 

[ليلى رمضان]

موفقين يا بنات هالكورس ان شاءالله بس تسديد الرسوم كان يفشل عيل دراسات عليا ننطر من الصبح لل1 عشان ندفع الرسوم واخر شي يقولون تعالوا باجر ولا نروح ثاني يوم من الصبح الساعه 8 والا الحلوات الموظفات ما داوموا للحين يتريقون برا ما شاءالله عليهم بنات صج ما احس لنا هيبه احنا طلبه الدراسات العليا والسبه موظفات الكلية يعاملونا معامله اعوذ بالله انا صج منقهرة منهم شرايكم بنات بسويه استبيان عنهم وبوديه لعميد الكليه وانتوا تكتبونه بنات الماستر طلبه وطالبات عن تعاملهم اذا موافقين مستعده اسويه وارفعه لعميد الكلية يمكن يتغيرون

قريت موضوعج وحيل انقهرت ، على فكرة خليني أقولج شغلة ترا أغلب الموظفات في جامعه الكويت انفوسهم خاايسة وما يتحجون عدل ويه الطلبة ويبيله أحد يسنعهم .
انا لما رحت حق رئيسة قسم القبول في الدراسات العليا علشان أستفسر عن تخصص أبي أسجل فيه غير تخصصي الأصلي (انا أدري انه يصير أسجل فيه ولكن بكتاب من رئيس برنامج الماجستير )
وشقولج اتشوفينها غبية وتتفلسف وتقولي مايصير / ولما واجهتها وفهمت المدمغة انه يصير جان تقولي هاا؟؟ اليوم آخر يوم تسجيل / قلتلها لا باقي 10 أيام ، قالتلي :"ها؟ اذا بتييبن كتاب من الدكتورة علشان تدشين هالبرنامج ماراح نقبله إلا تيين السنة الياية " --->> شوفي شوفي شسوي فيها هذي اشوي وبغيت أفرك ويهها بالقاع ، اتحسين جني بدرس على نفقتها الخاصه ولاحظي تقولي السنه الياية شفتي اشلون تعامل البعض جدا واطي يعني باختصار مستقبل الكثير من الطلبة الطموحين يضييييع علشان انسان سفيه وساذج لا ويتفلسف ويضيع طموح وإراده الطلبة
تدرين اشصار أيست من كلامها ورحت سجلت ببرنامج مو طمحانة فيه ذاك الزود وللحين أقول حسبي الله عليها وعلى الأشكال اللي مثلها بجامعه الكويت --->> خو فيه منها دبل بالجامعة

 

[ليلى رمضان]

بنات الماجستير او الدكتوراه
وين تنصحون آخذ دورات انجليزي حق التوفل (اميديست / انفو / جامعة الكويت أو ...أو .؟
وين تنصحون أمتحن التوفل ( اميدست / جامعة الكويت أو.... أو ....؟
قبولي متوقف على الإمتحان فقط
تكفووون اللي عندها نماذج امتحان التوفل وقريب من الإمتحان اصوره وأرجعه بذمتي
وايد قاعدة أحاتي الإمتحان وانا بانتظار ردودكم خواتي

 

[0(مـــســـ(مطير)ــــــك)0]

بنات الماجستير او الدكتوراه
وين تنصحون آخذ دورات انجليزي حق التوفل (اميديست / انفو / جامعة الكويت أو ...أو .؟
وين تنصحون أمتحن التوفل ( اميدست / جامعة الكويت أو.... أو ....؟
قبولي متوقف على الإمتحان فقط
تكفووون اللي عندها نماذج امتحان التوفل وقريب من الإمتحان اصوره وأرجعه بذمتي
وايد قاعدة أحاتي الإمتحان وانا بانتظار ردودكم خواتي

والله مادري بس سمعت بنات شكثر يمدحون اميدست للتوفل ويقولون امتحاناته سهله

 

[contessa]

بهالحالة روحي الفلبين وإلا الهند كملي :dddds: اتغشمر لا تفكرين بهالجامعات
حبيبتي روحي سألي بجامعات خاصة بالبحرين أو مصرأو عندج وايد دول حتى بالكويت بس مادري هل التخصص اللي تبينه موجود اهنيه ولا لأ
ولكن ديري بالج لازم تتأكيد انه هالجامعه موثوقه وماعندها سوالف التضبط لانها التعليم العالي راح يقولج بعد ماتتخرجين
"اخذي شهادتج ونقعيها بالماي وشربي مايتها ونامي بالبيت " واايد ناس صارلهم جذية وانصدمو لانه الجامعة اللي راحو لها كله سوالف تضبيط بتضبيط وهالشي ما يطوف عالتعليم العالي أو أي جهة عمل قوية

enzen ana mo3adli 67 bas ana 9aydla o wedi akml edarat a3maal ?
e9eeer ??
wela may9er
o etha e9eer shno el jm3t eli feha entesaab b ay mokan bl 3alam
o shakra lech mosa3adtech :tek:

 

[ليلى رمضان]

شوفي حبيبتي بالنسبة لكلية الدراسات العليا صعبة جدا لانه الصيدلة وين واداره الاعمال وين فاشلون اتكملين ماجستير على تخصص ماعندج أساسياته ، على الأقل لو كنتو تاخذون تخصص مساند اداره اعمال هذا شي ثاني فيها فرصه أكبر

بالنسبة لاعلان قريته تابع لجامعه الكويت اداره العلاقات الثقافية ( بالنسبة لشغل وظائف معيدي بعثات في المستقبل يعني تصيرين عضوة هيئة تدريس بالجامعه ، عندهم تخصص صيدلة ( الصيدلانيات / الكيمياء الصيدلة )
بمعدل عام اذا ماني غلطانة 2.67 نقطة وتخصص 3 نقاط ، سألي عنهم 24985882
وهذا موقعهم http:// kucultural.kuniv.edu.kw
,بالنسبه للعالم فتلقينها سهالات أكثر من الكويت بس طبعا جامعات خاصة ماعندي فكرة لهالشي

 

[ليلى رمضان]

بنات علامكم خقيتو

الحين ريلي وده يسافر على حساب الوزاره بس قالوله لازم تييب موافقة من الجامعه اللي بتدرس منها
بس عاد اشلون اييبها وخاصه لو كانت هالجامعه بأمريكا ؟؟؟

 

[nfesha]

هاي بنات بغيت اسالكم
انا خرجية كلية تربيه اساسيه اذا بكمل ماستر لازم خبره 3 سنين ولا عادي اقدم من الحين؟

 

[ليلى رمضان]

عادي ماله علاقة بالخبرة

 

[contessa]

Layla goli 7g raylech edzlehom email o ya6lb el awrag o b3den eklm mandoob el ete7ad b amreka e5ale9la she8la aw edg 3lla maktb e5lsonla she8la o etha tben ana te3mlt m3a w7da etha tben ra8mhaa ana 7ather
enzen etha wedi akml b ta5asos '3r 9aydla master shlon?
moste7eeeeeeeeeel akml master 9aydla tethba7 ana bakelryos o shway o ante7r mn 9o3obteha hal noba master?

 

[q8tya 3asaal]

بناات شخبااركم

انا توني تخرجت من الجامعه و حابه اقدم عالماستر

وين جهات الابتعاث بالكويت انا سويت سيرج و شفت ان هيئه الاستثمار تعطي منح دراسيه بس مو حاطين ارقامهم احد جرب و قدم عندهم
و في مؤسسه محمد بن راشد همن تعطي منح

بالنسبه لجامعه الكويت انا معدلي 2.66 بس اتوقع معدل التخصص زين لان ممواد التخصص كله اي و بي
شلون اقدم و شلون احس عالتعليم العالي و جامعه الكويت اغسل ايدي لان عليهم ضغط و يبون معدل فابي اشوف الجهات الي تبعث
و شنو الاشياء الي يبونها قبل لا اقدم مثل توفل و يبون شهادات خبره ولا لا ؟

 

[ليلى رمضان]

layla goli 7g raylech edzlehom email o ya6lb el awrag o b3den eklm mandoob el ete7ad b amreka e5ale9la she8la aw edg 3lla maktb e5lsonla she8la o etha tben ana te3mlt m3a w7da etha tben ra8mhaa ana 7ather
enzen etha wedi akml b ta5asos '3r 9aydla master shlon?
Moste7eeeeeeeeeel akml master 9aydla tethba7 ana bakelryos o shway o ante7r mn 9o3obteha hal noba master?

هلا حبيبتي مشكوره على المعلومة الطيبة يمكن تكون الخطوة الأولى إني أساعده ، بس حتى لو دزينه الإيميل ماأعتقد يردون ولا فيه إهتمام . من جذية أفضل لو نتعامل مع شخص عنده خلفية وفكره عن الموضوع فأكون ممتنه لج اذا قردتي طبعا .


والله الحين قاعدة أدورج باعلانات طلب الإلتحاق ببرنامج الماجستير ، ومالقيتلج غير تخصص ماجستير صيدلة ، أما باجي البرامج ماتنطبق على تخصصج بس انشالله اذا مر علي اعلان يقبلج ماجستير (اداره أعمال أو أي تخصص غير الصيدلة ) راح أبلغج على طول باالخاص

 

[@استثمار@]

بنات الماجستير او الدكتوراه
وين تنصحون آخذ دورات انجليزي حق التوفل (اميديست / انفو / جامعة الكويت أو ...أو .؟
وين تنصحون أمتحن التوفل ( اميدست / جامعة الكويت أو.... أو ....؟
قبولي متوقف على الإمتحان فقط
تكفووون اللي عندها نماذج امتحان التوفل وقريب من الإمتحان اصوره وأرجعه بذمتي
وايد قاعدة أحاتي الإمتحان وانا بانتظار ردودكم خواتي

هلا حبيبتي ليلى ,,

بالنسبه للدورات من خلال خبرات صديقاتي يمدحون انفو>>انا ماجربت

الامتحان طبعا بالاميديست ولاتفكرين بالجامعه نهائيا

تبين احسن نموذج وافضل استفاده اشتري كتاب التوفل مال الشمري تاخذينه من مكتبة الطالب بالشويخ

وان شاء الله اكون افدتج:eh_s(7):

 

[@استثمار@]

بنات علامكم خقيتو

الحين ريلي وده يسافر على حساب الوزاره بس قالوله لازم تييب موافقة من الجامعه اللي بتدرس منها
بس عاد اشلون اييبها وخاصه لو كانت هالجامعه بأمريكا ؟؟؟

اول خطوه حبيبتي خل ايروح للتعليم العالي وياخذ لستة الجامعات المعترف فيها بأمريكا>>عشان مايضيع تعبكم

ثاني شي سيرج بالنت عن الجامعه اللي اختارها وتراسلونهم عن طريق الفاكس او الايميل او تدقون عليهم دايركت

 

[جلامور]

بنات لو سمحتو
انا مساندي علم نفس وابي اكمل ماستر اذا الله كتب
شلون طريقة التسجيل ومتى وشلون
وشنو الاوراق المطلوبه مني
الله يعافي اللي ترد علي ويعافييييكم كلكم