السلااام عليكم يا خواتي انا بنضم معاكم طالبة ماجستير في كلية الهموم اقصد العلوم تخصص احصاء وبحوث عمليات صار لس سنه وباقيلي سنه ونص ادعو لي
طبعا دراسه الماجستير في دوله الكويت الحبيبه اسمحوا لي فاشل واللي تقدر برا لا اطوف الفرصة لان اسهل واسرع بسنه تخلصين ما شاءالله ،،وكليتنا الفاضله كل سنه يعقدون المساله ويصعبون الشروط وياحلو اللي يشتغلون من موظفات النفس شينه ويقطونج من مكتب لا مكتب اذا عندج سؤال وطبعا ما قصروا مرة سحبوا مني ماده بدون لا يبلغوني وانا اداومها واتعب لين شفتها صدفه بالتسجيل انها ملغية طبعا ليش لغوها؟؟لاني بروحي بالماده ما في احد كلش وهذا حالي من اول ما داومت كل موادي بروحي والايكون 3 او 4،،طبعا اذا بروح صراحه وايد احسن كل شي على كيفج والامتحان يكون تيك هوم وانتي تتحكمين على كيفج،،طبعا انصدمت من ينات الماستر
غير متعاونات كل وكل من يبي القريد حقه لان شنو اللي يدرسون اهم صفوة الجامعه والغالبية معدلاتهم مرتفعه من 3 وفوق فشوفي التنافس وللاسف شوفي النحاسه طبعا انا بقولكم قصه حياتي انا دايما متفوقه من الابتدائي الى الثانوية وتخرجت بمعدل 90.6 علمي من الثانوية العامه وقلت اكيد بدخل هندسه وتفاجئت اني انقطيت بالعلوم وفرقت على شنو على معدل مكافئ تقريبا 2 من عشرة الهندسه كانوا يبون 84.6 وانا جبت 84.4 طبعا في ظلم اكبر من جذيه ما اعتقد والنصيب الاكبر بالكليات السنعه لخريجي المقررات،،المهم حمدت ربي وشكرته وكملت سنه بهالكلية العلوم وجبت 4 نقاط فيها وتفاجئت بعدها بسنه ان كلية الهندسه نزلت النسبه المكافئة الى 81.7 بالضبط الحمدلله هذا اللي ربي كاتبه وتخرجت بامتياز من العلوم،،قلت ما يبيله على طول ماجستير ودكتوراه باذن الله،،بس ما قدرت برا لان تزوجت وما رضى زوجي بديت السنه اللي طافت وللاسف اول كورس لي كان صدمه حياتي لان كان معدلي 2.8 وطبعا تحت 2.67 ينزلج انذار على طول وطبعا ما تتخرجين الا ب3 نقاط وفوق شفتوا الصدمه المهم شديت حيلي الكورس الثاني والحمدلله قدرت ارفع الى3.2 وطبعا لازم اكثر بس الله كريم،،طبعا في شي اسمه امتحان شامل للي يبون مشروع مو اطروحه واهوا المصيبه لان صعب وهم،،واللي يبون اطروحه بدون شامل لدفعه 2007 وفوق طبعا الطروحه نادر ما يسوونها لانها صعبه ومفتوحه وبحر يمكن تضيعين فيه واطول يعني من سنه ونص الى سنتين طبعا هذا بكليتنا المحترمه،،انا باخذ مشروع بس الله يسهل علي الامتحان الشامل،،ادعوا لي يا بنات وياليتني حولت لاي كلية كان اسهل علي بس الحمدلله هذا اللي مكتوب والله يسهل عليكم بس ترا الطموح حلو خصوصا الباكالريوس بيطيح بعد جم سنه اسفه اذا طولت عليكم بس من حرتي واي لاستفسار انا حاضرة
طبعا دراسه الماجستير في دوله الكويت الحبيبه اسمحوا لي فاشل واللي تقدر برا لا اطوف الفرصة لان اسهل واسرع بسنه تخلصين ما شاءالله ،،وكليتنا الفاضله كل سنه يعقدون المساله ويصعبون الشروط وياحلو اللي يشتغلون من موظفات النفس شينه ويقطونج من مكتب لا مكتب اذا عندج سؤال وطبعا ما قصروا مرة سحبوا مني ماده بدون لا يبلغوني وانا اداومها واتعب لين شفتها صدفه بالتسجيل انها ملغية طبعا ليش لغوها؟؟لاني بروحي بالماده ما في احد كلش وهذا حالي من اول ما داومت كل موادي بروحي والايكون 3 او 4،،طبعا اذا بروح صراحه وايد احسن كل شي على كيفج والامتحان يكون تيك هوم وانتي تتحكمين على كيفج،،طبعا انصدمت من ينات الماستر
غير متعاونات كل وكل من يبي القريد حقه لان شنو اللي يدرسون اهم صفوة الجامعه والغالبية معدلاتهم مرتفعه من 3 وفوق فشوفي التنافس وللاسف شوفي النحاسه طبعا انا بقولكم قصه حياتي انا دايما متفوقه من الابتدائي الى الثانوية وتخرجت بمعدل 90.6 علمي من الثانوية العامه وقلت اكيد بدخل هندسه وتفاجئت اني انقطيت بالعلوم وفرقت على شنو على معدل مكافئ تقريبا 2 من عشرة الهندسه كانوا يبون 84.6 وانا جبت 84.4 طبعا في ظلم اكبر من جذيه ما اعتقد والنصيب الاكبر بالكليات السنعه لخريجي المقررات،،المهم حمدت ربي وشكرته وكملت سنه بهالكلية العلوم وجبت 4 نقاط فيها وتفاجئت بعدها بسنه ان كلية الهندسه نزلت النسبه المكافئة الى 81.7 بالضبط الحمدلله هذا اللي ربي كاتبه وتخرجت بامتياز من العلوم،،قلت ما يبيله على طول ماجستير ودكتوراه باذن الله،،بس ما قدرت برا لان تزوجت وما رضى زوجي بديت السنه اللي طافت وللاسف اول كورس لي كان صدمه حياتي لان كان معدلي 2.8 وطبعا تحت 2.67 ينزلج انذار على طول وطبعا ما تتخرجين الا ب3 نقاط وفوق شفتوا الصدمه المهم شديت حيلي الكورس الثاني والحمدلله قدرت ارفع الى3.2 وطبعا لازم اكثر بس الله كريم،،طبعا في شي اسمه امتحان شامل للي يبون مشروع مو اطروحه واهوا المصيبه لان صعب وهم،،واللي يبون اطروحه بدون شامل لدفعه 2007 وفوق طبعا الطروحه نادر ما يسوونها لانها صعبه ومفتوحه وبحر يمكن تضيعين فيه واطول يعني من سنه ونص الى سنتين طبعا هذا بكليتنا المحترمه،،انا باخذ مشروع بس الله يسهل علي الامتحان الشامل،،ادعوا لي يا بنات وياليتني حولت لاي كلية كان اسهل علي بس الحمدلله هذا اللي مكتوب والله يسهل عليكم بس ترا الطموح حلو خصوصا الباكالريوس بيطيح بعد جم سنه اسفه اذا طولت عليكم بس من حرتي واي لاستفسار انا حاضرة
