السلام عليكم
بنات راح اكمل تجربتي مع باجي الدكاتره*
بسم الله :
د. عبدالله بداح العجمي*
خذيت عنده مقرر معاملات ماليه معاصره وحاليا مسجله عنده نقود ومصارف
*
الدكتور جدا ممتاز ...
الشرح:يششرح كل شي المطلوب واللي مو مطلوب ويحرص ان يوصل المعلومة للطالبات*
مايحب وحده تستأذن يحسب تاخير*
الكتاب: المعاملات الماليه المعاصره في الفقه الاسلامي ثلاث ارباعه مشطوب
*
المعامله : طيييييييب ححيل وحبوب ماكان مبين ان جذي وكنت اخاف احاجيه بس لما كلمته غييير صج محترررم والتعامل معاه مريح ...
الامتحان : امتحاناته بهالماده موضوعيه صح وخطا وتوصيل واكتبي المصطلح جدددا سسهله بس دقيقه شوي ويبيلها تركيز اممم وع فكره اللي تاخذ مؤجل يكون امتحانها مقالي
فاحرصوا ع الحضور واللي يدخل بالفصلي مايدخل بالفاينل ..
انصصصح فيه وبقوة ..
د. محمد المحمود*
خذيت عنده مقرر نظريات فقهيه الدكتور طيييييييييب حححيل ومتساهل>> وللاسف هذا اللي خلا البنات يهملون الماده ويسجلون حضور بس يثبتهم ومايطوفه شي >> خخح دربالكم.*
الشرح : امم ينوم نوعا ما بس اذا انتبهتي بتفهمين الماده شبه معقده يبيله فههم اكثر من حفظ بسس عندده سسسسهله حيل ويشرح من ضميرر ويحاول يوصل المعلومة ويحرص انج تفهمين معاه
الكتاب : مذكرتين وحده للفصلي ووحده للفاينل ششويه حيل تقريبا ٤٠ صفحه*
المعامله :طيييييييب حييييييل ومحتررم ومايحب يزعل او يفشل احدد ويحب يسااعد الكل ومايقصر اذا طلبتي منه شي ويقبل الاعذار*
الامتحان : منوعه وسسسسهله حييييييل ومباشررره وبالنهايه يرفع الشعبه كلها قريد
شرايكم وناسسه مو*
*
انصصح فيييه وبقوة وهم خسرانه اللي ماتاخذ عنده
.....*
د. ناصر الشمري*
خذيت عنده ماده ولاية خاصه*
صراحه مهما كتبت احسن وافضل الكلام بكون مقصره بحقه *وللاسف بيروح الحقوق وفعلاا خسسسسسسسسسسسسساره كبيره هالدكتور *فيس يبجي* *ياليت كل الدكاتره مثله صج احمدد ربي دايما اني خذيت عنده مثاااااالي لابعد الحدود ...
بس هو بينزل ماده وحده كل كورس بالشريعه فتره معينه حسب كلامة لان في نقص
اذا فتحتلكم ماده عنده لاتطوفونهاا وخسسسسسرانه اللي تتخرج وماخذت عنده
د. يوسف الصقر*
خذيت عنده مادة سياسه شرعيه*
الماده دسمه وتختلف عن مواد الشريعه تتكلم عن الدوله و الحكم والدستور...الخ*
*
الشرح : جيد يشرح الكلام اللي بالمذكره الماده بشكل عام تعتمد ع الحفظ ..
الكتاب :مذكره صغيره ١٣ورقه تتكلم عن السياسه الشرعيه وبعدين يطلب مذكرتين شويه كبار بس يحذف منها كميه لا بأس فيها **
المعامله : محتررم جدا ويراعي الظروف بس مو اي ظروف بس القاهره هههه*
الامتحان: سهله للي تدرس بس عباره عن ٦ اسئله مقاليه وكلها الزاميه شي حلو كونه عليه ٣٠ درجه بس اللي مو حلو الفاينل تدخل الكميه كلها وهم الامتحان ٦ اسئله يعطيج سؤال سابع اختياري وكل سؤال عليه ١٠ درجات وهالشي يضيع عليج الدرجه اذا مادرستي عدل وبس
لطالبات تخصص اصول فقه (ماده اختياريه) مانصحج بالماده بكبرها خخخ*
اما لطالبات تخصص فقه مقارن ( ماده الزاميه) فبراحتكم
^عنصريه خخخخ
د. دهام الفضلي*
خذيت عنده مقرر الجنايه على النفس ومادونها
الماده دسمه بس هو حييل مسهلها ومخففها علينا الله يجزاه كل خير ويسعده *
الشرح: شرحه مبسسسط حييل للماده
الكتاب: نظامه تكتبين معاه*
المعامله : طيييب حيل ومحترم مايحب الطالبات اللي يهملون الماده ويحفظ اسامي الشعبه كلها تبارك الرحمن ويثبتهم ويعرف اللي تتاخر واللي دايما تغيب >دربالكم ههههه*
*الامتحان: مقاليه وسسهله حيل واللي يدخل بالفصلي مايدخل بالفاينل يراعي حييل بالتصحيح ويرفع الطالبات ..
انصصصصح فيه طبعا
اساتذة التجويد ماتكلمت عنهم لان المقرر مايعتمد ع الدكتور كثر مايعتمد ع مجهودج ..*
ان شاءالله تستفيدون والله يوفقكم وينفع فيكم الامه الاسلاميه ...*
ولا تنسسوني بالدعاء
